Gram Cafe & Pancakes

營業中

休息中

必食高質pancake！去尖沙咀逛街，有Ｄ餓但又未到晚飯階段，就去THE ONE睇下有咩食，上到4樓見呢間pancake店好多人食，好在排左陣就有位啦！😙入到去深深被佢既裝潢吸引，好有現代氣息！我地揀左係棵人工樹下面既檯度坐，打卡一流！😛呢度最出名既係三層梳乎厘，但因為我地太遲啦，所以一早已賣晒，不過其他pancake都好食既！😆首先叫左個焦糖香蕉pancake，成碟賣相好靚！😍香蕉上面烤咗一層厚厚嘅焦糖，香蕉熟度啱啱好，唔會好淋。😋pancake面頭有薄薄嘅糖霜，配上楓糖漿和鮮忌廉，口感軟滑，有種想食完一件再想一件嘅感覺，加左蜂蜜更甜美！🤩另一個就係雜果朱古力pancake，呢款都係另一款人氣pancake菜式，配有忌廉同新鮮既水果，酸酸甜甜好開胃，因為雜果嘅爽口解咗本身pancake、鮮忌廉、朱古力醬嘅甜膩，pancake又有牛油香，幾鬆軟！🤤😋

講起日本鬆餅的話，其中一間不可以不提的必定是gram pancake。未有疫情前，還可以去旅行的時候去了東京，試過gram pancake後一試難忘。見gram來香港開分店，等熱潮散去冇咁多人排隊的時候，即刻來找回旅行的回憶。我們特意選了晚上7:30左右，正正是大家正在食正餐的時候到達，即刻有得入。我們揀了入面有一棵樹的打卡位旁邊。因為聖誕節將至，所以上面都加了聖誕裝飾。下面有一列小火車。焦糖香蕉班戟 $98香蕉上面是一層燒焦了的焦糖，層次感滿滿。旁邊有楓糖漿，可以因應自己的口味加減落。值得一讚的是旁邊的cream唔會太甜和太膩。雜果朱古力班戟 $108水果的分量和種類都很多，配上朱古力醬和煉奶一流。

✨焦糖香蕉班戟 $98一上枱已經聞到好香焦糖味☺️香蕉上面有層薄脆焦糖🍯香甜得嚟又有口感，而Pancake本身就係屬於少少鹹嗰種綿密實淨type，唔係大食嘅女仔自己食完一份都會飽👌🏻，夾埋糖漿、鮮忌廉同合桃一齊食，味道同口感都岩岩好呀😋-✨雜果朱古力班戟 $108呢款個pancake底同香蕉pancake係一樣嘅，但就多咗好多水果，有士多啤梨、奇異果、橙同藍莓，色彩繽紛🌈賣相都幾吸引🤩，酸酸甜甜嘅水果加上朱古力醬同鮮忌廉食，唔會太甜比較fresh岩晒啲唔係太好甜嘅朋友仔😉

The one 4/F 有呢間日式pancake 環境唔錯 唔會太逼擇左呢2款好多人食的pancake每款都有3塊焦糖香蕉pancake賣相唔錯 香蕉有一層焦糖 唔會太甜仲有d walnut 同埋有honey 自己加加埋d cream 一齊食 味道唔錯雜果朱古力pancake有好幾款水果 士多啤梨，奇異果，橙  色彩好繽紛加埋朱古力醬 同cream岩哂朱古力fans小朋友見到應該好鐘意下次可以試埋其他款!

節日充滿浪漫氣氛， 晚餐之外甜品非常重要， 不同節日都尋找日式甜品蛋糕。 向來都很喜歡吃gram的 pancake， 款式多地方又舒服。 最近發現原來有外賣pancake， 在ig搜尋，款式賣相真的超精美。朱古力莓果pancake就像層層疊， 3層pancake兩層餡料， 頂層有士多啤梨和酒心車厘子， 朱古力碎和朱古力漿， 甜入心的感覺。 朱古力pancake味道香濃， 而且鬆軟濕潤， 第一層餡料是鮮忌廉， 第二層是忌廉吉士醬， 層次豐富忌廉又滑。鮮果原味pancake色彩鮮豔的鮮果集合在一起， 藍莓 、草莓、奇異果、香橙， 加埋粉紅色心型布丁， 加少許自家裝飾，已經在節日大派用場， 忌廉餡料充滿牛奶香味， 班戟鬆軟美味充滿牛油香。

今日經過尖沙咀，終於可以試吓日本過江龍Pancakes 🎊 ❣️Caramelize Banana🍌 $98焦糖香脆 可以自行選擇糖漿 但個人覺得加完之後甜得劑 Pancake唔算特別鬆軟 個人覺得有點太乾身 ，麵粉比例較多~ 有少少失望。❣Mixed Friut & Chocolate 🍫 $108有士多啤梨、藍莓、奇異果、橙，水果類都好香甜 。配埋朱古力醬同忌廉食，味道不錯。但pancake都係偏乾身，要配忌廉一齊食嘢先balance番😊🔺🔺🔺🔺🔺🔺🔺🔺🔺🔺🔺🔺🔺❣️整體評分 👉🏻 6.5/10-📍Gram cafe & pancakes (尖沙咀)尖沙咀彌敦道100號The ONE 4樓L408舖🔺🔺🔺🔺🔺🔺🔺🔺🔺🔺🔺🔺🔺

今日去到The One見到呢間pancake出左外賣限定的甜品。平時堂食就食得多，估唔到pancake都可以外賣。佢有4款口味，雜果、石板街、烤蘋果配紅茶忌廉同意大利芝士蛋糕。店舖十分細心，外賣盒包裝設計得好好，可以好安全咁將pancake 帶番屋企，唔會容易整到個pancake變形。雜果Pancake雜果口味就係原味pancake，再鋪上雜果。佢有三層Pancake，每一層中間都有厚厚的Cream分隔。 呢間既Cream 一向好香牛奶味同好滑，不錯，Pancake本身都比較挺身石板街Pancake上面鋪左櫻桃、棉花糖、堅果同朱古力碎。中間的忌廉係與雜果口味一樣的，但Pancake就係朱古力味，都好好味。

🥞班戟之神🥞-放工同同事喺The One食完日本拉麵不過食完我只係半飽 於是提議去4樓食pancake想填滿啲個肚之餘 當然係想食甜嘢😋-🥞焦糖香蕉班㦸 $98之前幾次嚟 多數食疏乎厘班㦸 今次食個實質啲嘅焦糖香甜好味脆卜卜 迷你班戟有三塊塊塊柔軟同充滿蛋香 加埋成隻香蕉🍌 飽肚又滿足-🥞雜果朱古力班戟 $108同事比我貪心 揀呢款有多種水果口味嘅 🫒🫐🍓雜果粒又甜又酸 色彩繽紛 配埋濃郁朱古力醬同滑溜溜忌廉 味道非常豐富 無法抗拒😍-📍 Gram café & pancakes尖沙咀彌敦道100號The ONE 4樓L408舖#4feiporintsimshatsui

平日同朋友晚飯後,想搵個地方坐多陣傾下計,就黎咗grams café,貪佢地方就腳黎到都有一半入坐,我哋揀咗坐喺棵pancake樹下,本身諗住兩個人share一份甜品,但侍應話每人最少一個order,所以唯有揀兩款pancake試下焦糖香蕉班戟 Caramelize banana pancake $98水果的份量真係比較少,得一條香蕉,而pancake就有三塊,香蕉表面的焦糖做得好好,好香脆,同香蕉好夾. Pancake係薄pancake,唔夠鬆化,亦都唔夠牛奶香味,要讚下個cream,好light,又唔會太甜雜果朱古力班戟 Mixed fruits & chocolate pancake $108水果的份量都係好少,仲要係切到好細粒咁,朱古力味來自朱古力醬,唔算特別香濃總結,係個可以坐下傾下的地方,甜品質素就還可以啦

見呢間pancake 似乎有啲名氣，一於試試佢星期五晚上7點左右到，見間鋪有位，仲要等多陣可以食到一轉只出5份既招牌梳乎厘班戟，就決定食左甜品再食晚餐😝（想食到招牌嘅朋友可以先問店員）點左三樣野石板街班戟：一向喜歡朱古力既我當然歡喜！而且有好香既牛奶牛油香，最鐘意佢多重口感，合桃、焦糖、棉花糖、朱古力碎粉、車厘子同士多啤梨，整體都好好味。佢既班戟係比較實在有口感既，長輩都鐘意☺️香蕉班戟脆脆焦糖面既香蕉好吸引🍌🍌🍌香蕉、忌廉加 班戟一定唔會輸。可惜pancakes 係細細塊，似手掌心大小，唔抵食。招牌梳乎厘班戟三個人食，本來想一人一層，但係都係搭埋咁食會開心啲！疏乎厘口感鬆軟得黎都實在，唔會係似食風嗰種☺️👍🏻上面舊牛油都好香甜唔油膩，配上cream, 係好香鮮奶油味，係正既！總結：呢間pancakes 係好味道，奶油味好香但唔會太甜膩，可以食唔停口🤤 唯一既係價錢都唔平，不過都值得一試。

好耐無食過gram 喇！ 見依家隊都唔洗排 即刻同朋友去左食🤣🤣 焦糖香蕉班戟 ($98)以為會係厚身d既pancake 原來係類似麥當勞既熱香餅 🤣🤣 有3件pancake 上面配左好多既custard cream同caramelised banana 呢個配料好正呀🥰🥰 custard cream 唔會好heavy 食落唔會好guilty! 🤣 輕鬆清哂d pancake -雜果朱古力班㦸 ($108)覺得呢個係焦糖香蕉咁正🤣 佢係有雜果配朱古力醬同custard醬～ 好似都係士多啤梨同香蕉呢d水果同pancake 夾d 🤣

《Gram cafe & pancakes》喺日本好出名既一間pancakes 店！之前去日本旅行時有幸食過佢個限量供應既3層pancakes!! 真係一試難忘！呢間過江龍嚟咗香港都一段時間，終於抽到時間試下！🍭雜果朱古力班戟($108)賣相幾靚，一共有三塊pancakes～ 不過唔係食開嗰啲fluffy 感pancake~ 係相對較薄，似早餐唔款hot pancake~ 但呢個就係凍既～ 上面倒咗好多雜果，色彩繽紛～ 🍭焦糖香蕉班戟($98)又係幾靚既一道甜品～ 香蕉切開咗一半上，上面有層薄薄的脆糖～ pancake 都係同雜果嗰款一樣～ 有樽楓糖倒上去～ 不過都係喺日本食既正啲！

想食甜點，又唔想太heavy…成日遇上兩難既局面～今次去左間食完都冇咩罪惡感既餐廳！日系簡約風格設計，在角落位更種了小樹苗，影相一流📸️.▪️焦糖香蕉pancake $98這款pancake 較為薄身，配合埋香脆可口的合桃和焦糖香蕉▫️雜果朱古力pancake $108較清新既口味～不同水果配襯加上朱古力&雲呢拿醬 Suggested to try the banana flavour! More preferred !

同朋友在THE ONE 吃完晚飯後，經過Gram Cafe & Pancakes，這是一間日本人氣的甜品店，來香港開分店有已幾年時間。見到相片好吸引，於是和朋友入去試吓。因為時間唔吻合，所以食唔到鎮店之寶-厚厚疊成三層軟綿綿嘅梳乎厘班戟。雖然如此，見到其他款式賣相都唔錯，朋友點了焦糖香蕉班戟，香蕉切開了一半，兩邊平面有一層香脆的焦糖，喜愛食甜的一定要叫他，班戟味道鹹鹹地，配上楓糖漿一起吃，味道幾特別；另外還有碎合桃伴碟中和了甜甜的焦糖及楓糖漿；而我就點了雜果朱古力班戟，配多款新鮮水果以及朱古力醬，七彩繽紛非常漂亮。兩款班戟都有大大嘅cream，軟綿綿，入口即溶。這裡環境舒適，坐得舒服，是與知己相聚的好地方。

Gram Cafe & Pancakes以前去日本，gram係必到嘅一個checkpoint，好在佢地香港有分店，掛住佢嘅時候唔洗飛都食到，而且仲有外賣，隨時隨地都可以回味佢地嘅pancake外賣嘅包裝做得好好，買到返屋企拆開嘅一刻就好似拆聖誕禮物咁🥳🌀朱古力石板街班戟蛋糕石板街班戟蛋糕上面鋪滿朱古力碎、棉花糖同合桃，仲加上朱古力醬，朱古力味更香濃🍫多種材料口感不一，食落更有層次呢🌀雜果朱古力七彩繽紛嘅雜果班㦸賣相討好，食甜品之餘加上水果，感覺健康晒😆每層班戟之間都有幼滑嘅忌廉，作為飯後甜品份量啱啱好❤️