Gossip Pantry (已結業)

$200左右團購半自座餐，有生蠔，即開，夠新鮮，以為團購水準一般，但以西餐來說，的確有驚喜，賣相及味道均有水準，煙火腿夠嫩滑、甜品精緻、沙律新鮮、意粉重口味，不錯，生蠔更不在話下，即場開，新鮮甜美，就算排隊亦值得，環境尚可，枱之間空間感不足，但勝在餐廳面積不大，人沒有那麼多，全院滿座，取食物位置仍有空間。食物品種不多，但勝在每款食物，均感用心精製，聖誕節一個難忘的驚喜！若要批評，就是位置欠佳，地鐵歩行約十分鐘，比較難找。

Lunch食茶記食到厭厭地, 揀左呢間食對自己好D!揀左個Lunch Set Curry with 豬排飯, 雖然豬排有D硬, 擺明炸過頭, 但係Curry就甜甜地幾開胃加上地點放便, 會再黎幫襯

上星期坐車經過, 還以為是新開張的餐廳, 想不到原來這店已開業一年呢?! 外面看入去簡簡單單, 好像環境不錯的。 和蝦子餅12:45 到達 ... 訂了檯不用等(相信不訂檯也不用等)。 擺設蠻可愛的,但檯上的餐具又舊又花...要不是老闆購買二手餐具(其實用二手餐具也不是,問題)就是那些伙記沒有好好保養他們呢 ~ 檯與檯之間有點逼 。。。侍應行過我總會知! 看到 Menu 有點期望 ... 點了 SET LUNCH - 香草蜆肉炒意粉 & 泰式紅咖哩魚配飯先來個餐湯&多士 - (忌廉磨菇湯)餐湯賣相是可以的, 但"畢"時已失望 ... 太稀啦! 多士又"乾曾曾"的。 香草蜆肉炒意粉, 蝦子餅點的, 看到已不太想吃了, 賣相一點也不吸引(色、香欠奉), 蝦子餅吃了 comment 是清淡了些(蝦子餅說清淡,想我也不會欣賞) ... 味也沒有 so bad ~~~~~~我的泰式紅咖哩魚配飯 - 賣相激像茶餐廳! O ... 為甚麼只看到蕃茄同薯仔?我的魚呢? 哦 ... 翻了2下, 便看到被炸得乾乾的魚(干) , 咖哩無咖哩味, 伴汁稀稀的 全碟最可味的居然是南瓜? 搞乜呀

觀塘工業區最近多左好多比較貴既西餐廳, 要成80~100 蚊一份中午既依家真係條條街都係. 對於我地呢的打工仔黎講真係邊食得起先得架.. 因為月尾既關係, 就去左呢一間到食, 叫做一個食一餐貴的既中午都OK既..一入去.. 張張都話已經BOOK 左, 我心諗係唔係真係咁好生意呀.. 水又冇杯, 真係有冇攪錯..要左個豬扒餐.. 食落唔錯. $78 真係俾番$78 既貨你, 唔似其他西餐錢就收足不過就食唔飽既. 咖啡就比較淡身 (個人口味問題)係價錢貴左少少之前, 冇咩地方令我唔滿意, 至少收呢個價位, 佢真係俾番咁多嘢我食. 我食覺得OK 的.

之前路過見到有間裝修幾別緻既西餐廳是日趁落完雨幾好天就走過去試試是日餐湯只是較頹的白菌蘿蔔味道如開水似的蒜蓉包亦沒有香濃的蒜蓉味，或許似是怕有d 人受唔到?!出奇地主菜是好不錯的扁意粉煮得林身，而且入晒蕃茄味雞柳就偏少了，又細舊，食陣風似的好林既牛排，一食就知道是鬆肉粉的功勞不過也不能怪，此乃正常的薯蓉滑o都o都仲送甜品同餐飲是日甜品係芒果布丁哈! 一食就知係羅x 臣既朋友了~~最值得一讚就係咖啡原來係泡沫的!!Creamy~ 好味道~仲係好大杯tim!!

觀塘的午與夜變大得驚人，除了較普遍的凱撒沙律外，其餘沙律亦設計得清新悅目；澳洲蟹肉配自家製芒果醬可說是廚師的絕活，澳洲蟹肉牛油果香芒塔層層疊疊出四色，牛油果的香和甜滑鮮芒果醬配上蟹肉，甜而開胃，這組合十分討好；而配搭香芒醬的炸蟹餅，蟹肉十分豐富加上白汁調味，熱氣的東西淋上原熟甜美芒果醬，效果相得益彰。主菜也有四款，肉類佔去三位，都是以食材行先然後是火候控制的菜式，又看看廚師在這方面的發揮；做得最好是燒澳洲羊架，羊肉較其他紅肉嫩腍不用多介紹，其肉色亦直接反映味道，沒烤過火，微臊軟滑偏不了人， 大家執著骨反轉把三角狀的肉吃個精光。甜品也有趣味，朱古力心太軟不用我推介，反而芒果餡的金黃版帶出更大驚喜，大家笑說如下午茶時段加入原創的「芒太軟」，相信不難大賣。

今晚大夥兒在Gossip Pantry敍餐，15大人3小朋友，因為早已book枱，所以不用等位。老闆細心地為我哋排好一個大四方形枱形，方便傾計敍舊。細心程度值得一讚！環境舒適，簡約風格令人很自在，牆上的大掛畫成為我哋影全家幅嘅背景，影相好靚！空調溫度適中，並無之前食評講嘅油煙味，明顯地老闆已作出相應改善。一大班人唔知點叫好，於是今晚菜單由老闆推介同安排，食物有豬脾仔，沙律，磨菇湯+蒜蓉包，生蠔，帶子，大蝦，牛扒，羊架，鴨，雞，意大利飯，意大利粉，甜品，紅酒，白酒同飮品，應有盡有，賣相亦十分吸引，令人食慾大增！我個人就特別喜歡磨菇湯+蒜蓉包同意大利飯，個湯好香，唔膩，個意大利飯用咗醋同黑松露煮，好香口醒胃，無一般意大利飯咁膩，軟硬亦剛剛好，我仲外賣多一個做聽日午餐添！ 我見個雪櫃有一杯杯細細個嘅甜品，原來係奶凍，我就要咗一杯，唔太甜奶味香濃，連唔食甜嘢嘅我都啱，呢個奶凍正！服務方面，唔駛叫就有人主動執碟換刀叉加水，服務十分好。我哋食晒所有食物，傾下講下，一望錶，嘩，原來已經坐咗四個幾鐘， 老闆不但無趕收工明示暗示我哋走，仲鬼咁好招呼，真係唔好意思⋯⋯總括嚟講，呢度各方面都令我哋好滿意，估

午餐一頓，感覺良好。時間稍晏，仍有供應。免費沙律，實惠超低；整體而言，味道不錯。豬肋骨配薯角** 成也咖啡，敗也是。 即磨咖啡，而且配上「暖奶」，一絕﹗我欣賞﹗但沒有質感，比較稀，水/咖啡/奶可以很「分明」

今日我又黎食午餐, 依度已經成為我既飯堂湯+包=>唔錯湯係野菌湯, 食到一粒粒野菌, 同時又好CREAMLY唔錯, 跟算蒜茸包, 個包仲熱,係脆既, 有蒜茸香味. 我都唔知幾耐無食過脆既跟湯包主菜紅咖哩牛腩飯其實咖哩牛腩飯唔係依度最好食既野, 我覺得, 牛排呀, 魚呀, 肉呀好似強D咁岩今日叫左依個不過依個都好好, 牛腩好淋, 咖哩味中食到有牛味佢D 咖哩唔係好稀果D食落食到D煮過未熔晒既材料除左咖哩牛腩外, 仲會另外跟一D配菜, 配菜好有心思咁4隻色的菜都有, 係烤過的, 依個都好好味餐飲叫左奶茶, 係某品牌茶包+奶, 好難唔好飲甜品係朱古力霧思, SIZE O岩O岩好, 好滑同夠味, 唔會太甜環境&服務十分舒服, 唔會咁迫, 好清淨最好既係...唔會有太多人, 所以服務好週到唔駛叫都會收野, 又唔會係唔岩既時候收晒D野我最鐘意個落地大GLASS, 望住出面人來人往, 自己係入面就咁RELAX

地方簡潔，背景音樂，燈光柔和，尤其喜歡那幅大掛畫；包場聚會可容納20-30人，仍感寬敞主人家提供兩餐單選擇〈i pick with chopstick〉蘋果鵝肝；配搭得宜，可嘗試下用藍梅醬......魚沙律黑松露野菌忌廉湯；湯令餐廳充斥住野菌味周打蜆忌廉湯海鮮意大利飯；飯偏甜味，那蠏柳令飯更遜色了羊架；味道適中，配菜新鮮，如果先把碟子興暖，會更見細心Beef香煎魚柳心太軟；蛋糕偏脆，朱古力漿可以木糠布甸；唔知係咪偷食所以份外好味

早排忙到死, 唯一可以舒緩到不斷開OT 的當心情, 唯有去食食食朋友介紹的GOSSIP PANTRY, 舖面唔算好大, 行簡約路線的裝修, 非常雅致湯要左黑松露野菌忌廉湯得一個感覺, 就係好想添飲..... 黑松露的味道好香, 唔太稀亦唔太杰, 好好主菜我要左珍寶帶子意大利飯真係好大隻帶子呀~~~ 不過我個人就覺得個飯可以多D汁, 依家有D 乾甜品要左心太軟好味呀~~~ 真係好流心呀~~~overall 我覺得好味, 坐到close 我地先走~~~食飽飽, 開心番晒~~~

唔記得第幾次食團購餐，每次都叫自己不要有太大期望，今次o係Groupon 買左呢間餐廳一個二人餐...頭盤有2個，焗蠔以及豬仔脾，個豬仔脾幾香口，焗蠔都ok額外叫左礦泉水用黎消膩湯係黑松露野菌湯，的確好濃郁ge松露味有質感，值得一提仲有件蒜茸包，係食過無數蒜茸包中特別脆的主菜我同朋友都揀左肉眼扒，亦係三揀二中最貴ge一個，滿以為呢d做團購多數都將貨就價，但呢間餐廳又冇俾我咁ge印象wor，食落唔似平價扒，應該有top choice grade甜品係焦糖布甸，做到好滑，甜亦適中埋單時老闆行黎問我地滿唔滿意，我地話好味，佢話o係Groupon賣得唔多張，但人少少地用心做，目的都想跨區客認識到佢間餐廳同菜式呢次算係我暫時唯一滿意ge團購餐，感覺有誠意，故此我亦好樂意幫佢做下宣傳

SORRY,等到今日8號波可以留係屋企先補返晒d 食評上個月呢日朋友升咗,所以搵間餐廳食好d,慢慢食傾下計,佢推介呢間就即管試下,地方唔係好大.我地2 個都點咗呢個set.湯 ~ mushroom seafood taste good,有d泡泡係上面,好得意,好重味,唔似出面咁水頭盤 ~ Caesar Salad - 用嘅菜好新鮮,好脆,d 醬唔會太酸主菜 ~ 我要鱈魚,伴菜用露荀(正啱晒我),見到底部塊薯餅有少少飽朋友要牛 , 比咗少少魚佢試,佢話牛就普通d甜品 ~ 士多啤利拿破崙 同 心太軟,由於佢地新開張,老闆請我地食多2個小甜品分別係木糠布甸同tiramisu,試過之後有少少想厚面d問佢攞多杯,好好味,即刻提議佢地當小甜品咁賣出去!$298 一個人價錢ok 同埋我地坐到佢地收鋪!

看見報章介紹不錯，所以前去一試，結果得到的遭遇是令人無法可以接受，中午12.30叫了SET Lunch 炭燒肉眼扒$88，先上餐湯和麵包水準可以，跟着上主菜肉眼扒，賣相表面可以，切下去食第一,二件都冇問題，一心以為可以再食下去，但當食到第三件時問題就發生了，放進口發覺無法咬開，自然地把它吐出來，一看之下除表面略為煎過，內裏是完全不熟，再細看其他的位置都是完全不熟的，我馬上向服務員投訴，他看見後有禮貌地嘗試幫我轉換其他食物，但當他把不熟的肉眼扒退回厨房的時候，就馬上聽到一把非常凶神惡煞的聲音在破口大駡:轉咩....轉，又吾係臭，又已經食咗啦，煎番熟俾佢囉!!!後來服務員無奈地對我講因為以經食過了，所以不能轉換，只能夠替我煎番熟，我根本無法接受這麼服務態度，任由一個厨房師傅話事，是否把我口中吐出的食物也煎番熟再給我食!!!!!!!!!!!!! 簡直不可思議和對客人最大的恥辱。席間有位疑是老板的男收銀員，他亦了解整件事，但都不能制止這樣無理的事發生，簡直替他們可...悲，最後我唯有取消食物，叫服務員結賬，我只食過餐飽和餐湯，但竟然要付全數包括不熟的肉眼扒，我再也找不到形容詞給這間餐廳了。

同事升職請食lunch, 佢book左呢間餐廳, 個名Gossip Pantry 幾得意間餐廳無乜門面, 高檔少少既西餐飯堂feel, 裡面好墟, 好似置身響酒樓咁...但又一邊播緊《天使愛美麗》soundtrack...上菜速度超快, 未決定食咩餐已經上個湯同蒜茸包, 嚇親我地以為上錯野~野菌忌廉湯有野菌茸, 夠濃, 有趙口一行七人叫勻晒五個set, 上菜時女同事們都嘩一聲話好靚, 估唔到以商業區食肆黎講賣相係幾靚, 最好笑男同事要個意大利飯, 又同樣擺得好細緻的式, 同佢外型好唔襯 又不禁有d疑問佢夠唔夠飽~其他女同事要乾咖喱雞扒同匈牙利羊肉, 我就叫蒜片欖油扁意, 唔港式, 好香好味~坐近水吧有d熱, 應該係部咖啡機噴出黎既熱氣....服務員又係超快手, 收碟斟水上甜品just in time~唔客氣加錢飲凍banana mochaccino, 出奇地好飲, 但搵唔到有香蕉, 可能打溶左...