GoodDay BadDay MamaDay (已結業)

今天跟朋友慶祝生日，book了一間氣氛和食物質素都很不錯的餐廳餐廳裝潢很繽紛，還有很多玩味十足的標句，最充滿玩味是餐牌的菜名，全部都很搞笑🤪🌟#冰鎭海鮮盤（連兩杯白酒）波士頓龍蝦有一隻前臂般大小😍餐廳很貼心，預身切開，基本上用刀叉就已經切到蝦肉出來了，非常方便😋龍蝦肉質鮮嫩，帶有豐富的甜味，很新鮮！翡翠螺和磯煮鮑魚都展現了海鮮的鮮甜風味，特別是磯煮鮑魚，清甜可口，口感又爽嫩，很不錯！搭配兩杯白酒，香甜容易入口，提升了海鮮的清甜🌟#蟹蟹蟹意大利扁麵裡面的蟹膏相當充足！每一口都能感受到蟹的鮮甜味道，另有蟹肉和蟹柳，很豐富扁麵本身煮得剛好，帶有彈牙的口感，而且沾滿蟹肉的鮮香，很惹味！🌟#單拼黑毛豬又燒蛋包飯賣相好像茶記的碟頭飯，但味道出色很多，叉燒肥瘦適中，黑毛豬肉質鮮嫩多汁，帶有豐富的肉香，另外煎蛋夠香甜嫩滑，配搭調味的日本米飯，味道超豐富🤩🌟#德國水蜜桃花茶水蜜桃的甜味與茶的清香完美融合，每一口都能感受到水蜜桃的豐富果味，而花茶則增添了茶的香氣，讓人回味無窮。

「Goodday Badday Mamaday」佢嘅名真係好攪笑，令我好想知道係咪真係好麻麻地。首先，話係餐廳嘅裝潢同氛圍，真係有一種獨特嘅風格。一踏入去，就被明亮嘅色調同大量嘅惡攪名人所吸引。餐廳有兩層，有大量二創嘅裝飾，整個空間都好舒服。佢哋每一張餐枱都唔同樣，係老闆用舊枱再修復嘅藝術品，好適合同朋友好輕鬆咁一齊去享受美食。佢嘅菜單就更加吸引啦！無厘頭嘅菜名結合咗Fusion菜嘅內涵，真係帶嚟好多驚喜。我特別推薦佢嘅🍕好邪惡嘅咸蛋牛油果蟹肉比薩咩叫滅肥🍕(正式菜名)咸蛋加芝士Pizza上面仲有牛油果同蟹肉，超級邪惡又超級Match。另外美國牛扒居然配蝦片同埋鰹魚冷烏冬，又幾好食。佢哋嘅飲品都幾好，無論咖啡或者沙冰我都推薦。我相信係度一定會有一個好開心嘅用餐體驗！

呢間店既評價真係可以有好大嘅分別，有人就評好好食，有人就評好差不過就姑且上黎試一次啦不過就真喺一次好，因為無必要再試多次，首先上到去門口無人做接待，要等員工傾完計施施然走過嚟，個女職員種眼神係呢好似阻住佢哋傾計咁，算當佢哋係傾重要事囉，不過睇緊餐牌途中呢就聽到佢哋大聲講大聲笑咁囉，然後呢坐緊張凳原來有一撻水個女職員望都無望就叫我哋坐，仲要我朋友係著短褲，都算啦叫佢哋比紙巾搞好就算，叫人又係無職員嘅，搞完一輸先落到單。終於落到單啦我地未落好張單就走咗連覆單都無㗎，再叫佢幫我地落埋未叫嘅野啦，點鬼知呢佢嗰眼神係啤住我哋㗎，吓？我本身未落完張單你自己走咗去，我要你企好耐等我地諗就話姐又唔係喎，大家睇路啦嗰女職員短頭髮黑色嘅。入番正題啦，意大利粉一百幾蚊完全唔合理除咗份量搭救就真係無特別，個乜都炸就真係咩都炸哂比你囉，完全唔吸引㗎最好笑係嗰安格斯牛無得俾你揀成熟話之你想食幾成，咁煮到老哂邊個食，完全唔明點樣唔可以比人揀，咁樣做怯連甜品都無興趣食就要即刻閃人啦

今日同事一行十人黎食lunch大家都第一次黎呢到環境幾得意明顯係佈置、餐具、菜名都有用心機打開menu發現原來lunch set係四送一太誇張了吧飲品特飲都係加$18其中叫左香蕉朱古力奶昔同牛油果沙冰香蕉朱古力奶昔比較淡20%朱古力味 40%蕉味 40%奶味同事話杯牛油果沙冰就好淡口比較奶，無乜牛油果香薯條無乜特別無特別脆食到中下部份嘅薯條無脆之餘仲直頭有啲un 我哋發現呢到嘅意粉都算唔錯啲汁較得幾好唔太濃又唔算太淡味道適中反而塊三文魚就一般呢個勁我地同枱叫左兩客兩客都係叫 medium 然後兩客都勁靭質感似食緊瘦叉燒咁失望去到牛油果螺絲粉始終都係粉類質素比較穩定汁做得okRisotto 都唔錯但無乜特別好驚喜叫做幾好總結：二刷率 40%

每次有朋友心情唔好都會帶佢去呢度貪佢色彩繽紛，牆上又玩味嘅裝飾加上餐牌食物嘅名住搞鬼🤣🤣真係可以令人放鬆一下緊張嘅心情食物屬於fusion 款式好多組合令人意想不到素食者沙律 - 凱撒沙律係新鮮嘅求其事但乜都炸啲啦炸皮唔會太厚，好香口大家搶住食今日咩心情關你咩事pizza 皮薄、芝士夠，係咸左少少另外2杯飲品- 黃金阿婆塊皮 - 青蘋果梳打- 豆腐豆腐豆腐咖啡 - 好滑，有豆腐花感覺總括環境令人開心，食物質素好推介

臨時上網搵咗呢間嚟食，鍵好似冇乜負評就去試吓，我哋得出嘅結論就係佢個名改得好貼切，Mamaday🙈🙈同埋當日可能比較滿座，所以都比較嘈，如果想傾偈嘅話就要大聲啲，多人嘅話會好啲。比較失望係個芝士火鍋，唔係好抵食，因為佢唔係太好食🙈個小食拼盤就正常發揮～個意粉就略嫌有啲過濃味，食唔曬～呢個真係成盤都麻麻地🙈🙈我啲蝦同西蘭花本身係烚熟咗，冇乜味，放入啲芝士度都係冇乜味。至於啲牛扒本身煮熟咗，再落去芝士火鍋其實有啲Overcooked所以覺得浪費咗🤔🤔🤔

呢間餐廳叫manaday，環境都十分搞怪，所以嚟試下-記住期望越大 失望越大雞翼 微辣原味 $69雞翼炸得幾脆，肉都幾滑，但係完成唔辣，可以試下-有蟹Go又有蟹肉的蟹蟹蟹意大利扁麵 $145蟹肉份量好點多，每一啖都有蟹肉，不過唔夠熱，上到枱擺咗一陣已經凍曬，味道正常冇特別-美利堅合眾國草飼牛排 $168上到枱覺得好大份，但係塊牛排質素還好，廚司冇overcook但肉質唔好，蝦片唔脆，同埋呢個等得最耐，唔係太建議-豆腐Oreo沙冰 $56呢杯幾好飲，唔係好甜，飲到豆腐味，同平時沙冰比較，一啲都唔漏-玫瑰山楂茶飲咗有助降血壓$56友人話呢杯soda都唔錯整體嚟講飲品幾好飲，環境一流，食物質素未達到預期想像般

早幾日一行5人專登訂位黎幫朋友慶生，有兩位朋友先到，諗住上去坐底先，但朋友係ws同我地未到嘅人表示，店員語氣十分強硬話book咗6點半就由6點半開始計時，唔理妳幾點入座都好，朋友就落返樓下等埋我地先，跟住我地就跑住甘去樓下一齊上返去。 上到去，我禮貌地問1問職員(個頭染到一躂躂短髮女人) : “唔好意思呀，想阻妳1陣，想問1問今晚多唔多booking呀！如果。。。。”我話都未講完，佢已經啤住我態度極無禮話：“今晚多唔多booking都系要90分鐘用餐架啦！”。。。。我果吓真系覺得打個突，我之前食過佢另1分店d服務態度都無甘差，對客講野系咪真系要咁 ”倔擂槌“，可以語氣態度好d得唔得？我問吓姐，可以禮貌回應，唔洗甘樣“得”落黎，尖沙咀大把野食，即使呢間野食再好都無用，食完成肚氣，我做咩要貼錢買難受。 最後轉左場，走嘅時候，短髮女人仲要同佢d同事講：“哦！好呀！無所謂丫。” 既然呢度d職員咁唔至在d客，我地以後亦都唔會再幫襯，妳地成功咗喇😊👍*食物1流，服務9流**茶餐廳，大排檔員工質素好過妳地*

當日walk in 入去，有8成坐晒，當時已經心諗上樓都咁多人去，應該唔差，試了又真係幾開心，又小小驚喜，如果杯朱古力可以再再再濃一點就好，整齊不差，唯獨炸蠔多油咗，沙律都好味道，上菜都快！

因為提早網上book左位再加上時間尚早，當日係唔使等位就已經可以即刻入座，呢種安排不錯。今次兩個人就叫左一份意粉，一個pizza，兩個野飲同兩個切餅，咁樣就已經人均300左右。仲要係冇叫扒既情況下，所以個人認為以普通西餐計，有點偏貴。上菜速度不過不失，墨汁意粉既味道都不錯，只係墨魚🦑冇咩味，真原材料味道。Pizza既蟹肉係有點偏少，但同牛油果既味道又幾夾，加上佢夠薄，個人認為牛油果係pizza入面味道最出色切餅叫左兩款唔同，培茶芝士蛋糕同紫薯蛋糕，都好食既

去完尖沙咀睇恐龍 就係時候醫肚呢排想試下d新奇野 見到個menu玩味十足 就決定入去啦!*有蟹go又有蟹肉的蟹蟹蟹意大利扁意粉*碟意粉顏色好岩打卡入面有蟹肉、蟹籽、蟹膏同蟹鉗之前叫過蟹肉既意粉, 都會有d失望但呢個蟹肉既份量同pasta 味道令我有d改觀!*黑到爆炸魷魚圈墨魚滑墨汁燉飯*魷魚圈炸得好脆口!個汁調味都好好 夠濃 唔係淨係得個樣仲有幾粒墨魚滑 好重墨魚味*小小獨特氣泡dry啡*入面加左d檸檬汽水 fd話個咖啡真係無咁dry無論 GOOD DAY BAD DAY 都要對自己好D就算今日係Bad day話唔定聽日係Good Day呢GoodDay BadDay @ 尖沙咀

Restaurant name aglins with the quality of the food. The environment is full of figures and cartoon which makes us feel living in the stories. I love the environment very much. Cheese hot potThe portion is large but the beef is chewy.The fires meet standard cretiria.

今次我和朋友來到尖沙咀玩味濃的餐廳，佈置好有創意和趣味，「GoodDay BadDay MamaDay」享受美食的情趣，多款佳餚受顧客喜愛，於是過來品嚐一番。你有個大頭蝦飯桶朋友賣相吸引，綠色燴飯重菜味，上面有兩隻好大的大頭蝦，鮮嫩彈牙美味，滿載的味道清新。點解個個都叫軟殼蟹比薩架(仲要有菠蘿)薄批外層脆卜卜，軟殼蟹配千島醬，肉質Q彈，食出濃郁的芝士味夾薯蓉，仲有蟹柳同菠蘿，仍然保留了誘人的味道。蜜汁香茅豬頸肉整體好豐富，蜜糖味的豬頸肉，食落啖啖肉，沙律入面有藍莓、芒果和紅桑子，小兜是木魚絲同烏冬，讓人回味無窮。唔甜既紫薯蛋糕無添加紫薯粒十分煙韌，甜度剛好，細滑芳香，瞬息之間便食了，真心很好味。Goodday Badday Mamaday（尖沙咀）地址：尖沙咀加連威老道27-27A號嘉榮大廈地下及1樓

呢個店名相當有趣，它店內食物同設計都很有趣，睇得出店老闆很有自己的風格。這家店位於尖沙咀的鬧市中，既方便又舒適，充滿設計感，不論餐枱、裝修、擺設都與眾不同，相當有個人味道。-🔸Seafood Platter $298海鮮拼盤有龍蝦、青口、鮑魚、海螺、大蝦，每款都極新鮮，而且仲好爽口，海鮮拼盤仲會配兩杯白酒，啱晒同啲朋友chill 一chill。-🔸Strawberry milkshake 士多啤梨奶昔，充滿士多啤梨味，而且唔會太甜，飲完都會好想繼續飲。-🔸cheese cake店內有超過五款芝士蛋糕作選擇，當日我挑了兩款，芝士蛋糕不會太膩，又不會太甜，食完都不會太有邪惡感，我推薦荔枝芒果芝士蛋糕。-🔸Tofu Tofu Coffee你杯咖啡好特別，用豆腐作為主調，有豆腐雪糕、豆奶、同豆腐，有別於平時的咖啡，因為豆腐的清香，令咖啡味更加突出。

呢間餐廳一直都好出名，所以想試好耐，襯今次去尖沙咀就嚟試下，無失望！首先我哋食咗佢哋推介嘅「瑞士名物芝士火鍋」。芝士都幾濃郁，牛扒五成熟同芝士好夾，蝦有四隻，炸薯仔、麵包同西蘭花浸落去，好好食，同芝士都好配合。有啲地方做芝士火鍋會太膩，但佢哋呢個係啱啱好。呢個芝士火鍋嘅份量都幾多，差唔多有二人份量，去食嘅朋友可以就返個份量。再嚟「蜜汁香茅豬頸肉」，豬頸肉烤得外皮微焦，入口又香又嫩，蜜汁味好濃，真係好香，非常推介！沙律份量都好足，而且仲有一個細細嘅木魚絲烏冬，唔好睇menu以為淨係得豬頸肉，其實仲有好多配菜，唔駛驚食唔飽。「你有個大頭蝦飯桶朋友」嘅青醬義大利飯食落去口感綿滑，而且青醬嘅味道好濃，意大利飯嘅硬度適中，唔會太淋／太硬，蝦都幾大隻幾鮮甜，值得一試。飲品方面，「73.5%朱古力」有濃郁嘅朱古力香氣同味道。「豆腐oreo沙冰」就係想試下新嘢，估唔到又幾夾，oreo同豆腐組合出一種新鮮感，係夏天嘅消暑良品。總括嚟講，Goodday Badday Mamaday 咁出名唔係浪得虛名，價錢對得住食品質素，大家可以去試下！