Goobne Chicken (天晉匯2)

營業中

休息中

最近見到Goobne有新野食，就約左朋友黎食。入到去已經見到好多人食UFO Fondue ，所以我都唔執輸。每個UFO Fondue可以揀兩種味，我就揀左火山烤雞同埋BBQ醬烤雞。第一次食一邊煮一邊食既芝士同烤雞，都幾新奇，而且都好好食。芝士味道好香，一邊煮到半融，用烤雞點落去食可以拉絲又香，不過如果再濃少少會更好。烤雞有兩款味，而且全部都係雞錘，肉質嫰滑又惹味。 之後又叫左個黃金脆烤雞，雞肉好結實而且嫰口，有種食緊走地雞既感覺，食得出雞肉好高質。而味道亦好好，首先雞肉用左咖哩味烤，食落又有咖哩味又有少少辣味，好惹味。而且仲有兩款唔同既醬汁，一款辣一款唔辣，岩哂唔同口味既人。 食雞食到口渴就叫左啤酒飲，Asahi就唔使介紹，相信好多人都飲過，配烤雞一流。最正係餐廳做緊promotion，draught beer有買二送一，好抵飲。

上網睇見goobne chicken開左係將軍澳，剛好又要去探朋友一舉兩得😂一入到餐廳枱頭張紙印住邪惡UFO烤雞，超吸睛 心心眼😍叫左三重芝士烤雞同火山烤雞，單是滿滿的芝士已令人很治癒，辣雞加埋ufo芝士好惹味，令外芝士雞甜甜地再加埋啲芝士同粉會令人食唔停，好彩叫咗一個辣一個唔辣中和返另外再叫多咗份蜜糖咖喱烤雞，圖片真係唔止供參考，真係同想中一樣咁多件👍🏻皮脆肉嫩，食到第四件我哋已經飽到食唔落，外賣拎返屋企做宵夜，真心想讚韓國嘅烤雞只係普通加返熱皮仍然係脆🤤好彩係烤雞，如果係炸雞一定熱氣到食唔得多除左烤雞亦叫左份炒粉絲，清清地中和烤雞嘅濃咪，同埋粉絲感覺唔會肥

平日看韓劇經常見到演員識食辣及飲啤酒，令自己也很想吃，但要食到正宗的韓國炸雞真的不多店舖有，今次同朋友來這間連鎖韓國炸雞店吃炸雞🍗。我們叫了兩款雞，一款是甜辣雞，但味道普通，甜多於辣。相反，柚子芥末炸雞味道較好吃

今日同仔仔去 TKO Goobne Chicken 食佢最鍾意的韓國烤雞。烤雞我自己本身都幾like因爲不經油炸所以不油不膩感覺健康又美味。我地見到新出左個 《UFO fondue》超吸引！個盤好似 UFO 咁，中間係芝士，圍著滿滿的雞腿。雞腿：六種口味中揀兩種：我地揀左《三重芝士烤雞》和 《果味醬油蒜香烤雞》《三重芝士烤雞 》外脆內嫩，十分惹味。每隻雞腿鋪上3種滿滿的芝士粉：車打芝士，忌廉芝士，藍紋芝士，滋味無窮。再沾上中間的芝士，拉芝士效果十足，可以說是 double cheesy!!《果味醬油蒜香烤雞》清新而香濃的蘋果檸檬醬汁配上陣陣蒜香，甘甜又醒胃。是多種烤雞口味中我最喜歡的！在點上中間的芝士醬味道更加豐富！口感十足！好正！另外我地還點了一個《烤雞午市套餐》，十分豐富，有魚糕湯，凱薩沙律，半隻烤雞（有骨或無骨）配薯角和白飯，飲品。先上的是魚糕湯和凱撒沙律。魚糕湯有兩篇厚厚的魚片。魚片煙煙 un un 很好食。凱撒沙律拌上蛋黃醬酸酸甜甜很開胃。烤雞味道我地揀左《火山烤雞》味道十分火辣，很能刺激味蕾！飲品揀咗 Coke Zero. 烤雞配汽水簡直一流！這餐飯大家都食得十分滿意，不久

不想吃油淋淋的炸雞，要吃烤雞的話，一定會想起〈Goobne〉,口味多而且近近地系將軍澳就有一間，啱曬我哋呢啲東九龍人。港鐵將軍澳站A2出口行幾分鐘就到，地點旺中帶靜，方便得來又可以靜靜地用餐店內座位之間距離適中，唔會迫到密密麻麻，這點我是非常欣賞的。〈雞胸肉涼菜沙律〉吃烤雞外當然要吃大量的蔬菜，點了這個大大盤的雞胸肉涼菜沙律，爽快爽快。加上秘制嘅醬汁，酸酸地非常開胃。除了經低溫慢煮的嫩滑雞胸肉外，還有各種的鮮甜爽脆的沙律菜和蔬菜條，加上爽口嘅海蜇，夏天絕對要點這個。〈UFO奶酪〉期待已久嘅UFO奶酪終於登場，這個是新出品來的哦！！我們選了〈三重芝士〉和〈果味醬油蒜香〉這兩款口味的烤雞。〈三重芝士烤雞〉先來〈芝〉味無窮的三重芝士口味。雞肉肉質嫩滑加上伴隨滿滿嘅芝士粉，即使不點UFO奶酪也非常好吃。〈果味醬油蒜香烤雞〉果味醬油蒜香汁則沒有三重芝士般的重口味，有淡淡嘅果香滲出，味道相對清新，感覺亦沒這般的油膩。但當然最好吃的方法當是點UFO奶酪UFO奶酪真的超誇張，輕輕的就已經拉到這麼長和粗的芝士拉絲，正吖〈檸檬特飲〉吃過這麼多烤雞後來杯酸酸甜甜的冰凍檸檬特飲，解膩又爽快。

🍗🍖Goobne Chicken 🍖🍗✔️Goobne UFO Fondue$248UFO芝士火鍋用左三種唔同既芝士，周圍擺滿烤雞🤤🤤🤤不過只可惜只係六種口味烤雞選擇兩種口味😫本來想試火山烤雞同韓式bbq烤雞😯不過竟然賣哂🤢最後食左果味醬油蒜香烤雞同三重芝士烤雞😭😭😭➡️ 果味醬油蒜香烤雞食落甜甜地🥰啲肉唔夠滑，可惜唔夠熱🤢➡️三重芝士烤雞表面嘅芝士粉好好食，而且配搭埋芝士係唔錯嘅組合，可惜烤雞又係唔夠熱，不過食第二隻已經好膩，五想再食😫😫😫✔️意大利雞胸肉沙律$128本來睇圖二咪好細碟🤭點知你都大大碟沙律，啲菜係幾新鮮👍🏻不過雞胸肉就麻麻啦😫啲肉有啲啲霉五多嫩滑😦好味程度：😍😍（5😍為滿分）地址：Goobne Chicken (將軍澳)將軍澳唐賢街19號天晉匯II期1樓119

又為將軍澳居民帶來多一個選擇，位於天晉滙二期的Goobne韓國烤雞。地方寬敞和整潔，坐得好舒服。見到門口poster 有款UFO烤雞（芝士鍋），決定入去一試。淨食雞當然唔夠飽啦，所以我們叫多咗個S5部隊鍋$160。韓式年糕口感QQ的，好吃。除了年糕，鍋內還有洋蔥，腸仔，午餐肉，芝士（一塊），茄汁豆和麵。值得一讚是這個鍋的湯底，濃味而且味道好豐富。食雞點可以唔配可樂呢？🥤😆這款便是UFO Fondue烤雞喇，一共有16隻雞鎚。Menu內有6款口味供選擇 (在6款口味中選擇兩款）,今次我們選了火山烤雞和三重芝士烤雞。$248職員為我們攪拌芝士，這是由三款芝士混合而成的。分別有瑪蘇里拉芝士，車打芝士，Grana Padano 芝士。把芝士攪拌成芝士溶，就可以把雞鎚沾上芝士汁慢慢享用。火山烤雞是辣的，但是沾上芝士一起吃，我又唔係覺得太辣喔。三重芝士烤雞，外皮有點脆脆的，加上芝士粉，再沾芝士溶，簡直是雙重享受啊！

平時食韓式炸雞就食得多，今次朋友帶我去呢間係專食韓國烤雞嘅餐廳，估唔到都咁好味，而且都幾多款式。本身想叫呢個UFO Foudue ，可惜太好賣，已經售罄，見佢好似芝士火鍋咁，有幾款芝士做嘅沾醬再配上烤雞，可惜無口福食唔到。烤雞有好多款口味，樣樣都好想試！叫咗兩個set lunch ，附送有湯同凱撒沙律，味道唔錯，尤其沙律菜夠多款夠新鮮。另外仲叫咗個有慢煮雞胸肉嘅涼拌沙律，雞肉好軟滑，而且配上青瓜絲同海蜇，非常爽脆。而BBQ 醬烤豬肋骨，醬汁味道好濃郁，辣辣地好惹味。加上拉絲嘅芝士，配埋豬肋骨，令到味道更加有層次。不得不提呢個三重芝士烤雞，好香芝士味，但唔會太咸，而且雞肉好滑好多汁，啖啖肉，真係好滿足。至於果味蒜香烤雞就用上蘋果醬，加埋有蒜味醬油嘅雞肉，甜甜地，一啲都唔膩，撈埋飯就更加好味！最後仲叫多左杯芒果沙冰，好有果香，好清新，而且打得好滑，好飲！值得一讚嘅係侍應服務態度好好，好細心，食物份量好大，啱曬啲大胃王！

BF鍾意食雞，所以今次約咗朋友聚會，朋友就帶咗我哋來呢邊食韓式炸雞。喜歡芝士嘅我對呢個UFO即刻bling bling眼，可惜朋友話驚太“漏”，所以冇試到。於是我哋點咗個雙拼嘅炸雞，兩種口味，甜辣烤雞，對於嗜辣如毒嘅我來講其實一啲都唔辣，偏甜多啲；可能因為有果味醬油，平衡咗啲蒜味，驚食完口臭嘅朋友仔可以儘管食。雞蛋卷好大嚿，要小心翼翼夾上碟搽醬，有芥末醬、茄醬同沙拉醬，蛋唔會太甜，以平價嘢夾心，實情冇乜特別。我最滿意嘅應該係呢碟炒年糕，皆因都幾辣下，而且仲有咁多芝士，由於啲芝士喺最底層，所以要趁熱食，如果唔係就會同啲熱辣辣鐵板一齊被攤凍晒，然後食唔到。其實好想飲酒，佢哋有雞尾酒、米酒同燒酒等，基於男士們唔飲得，我哋都要忍口。但唔知係咪因為天氣太熱，我哋覺得間舖好似冇乜冷氣，所以叫咗個藍橙沙冰，好快飲晒啲汁就要等啲冰溶先再有得飲，當時覺得自己好鬼淒涼。但啲侍應係要叫先幫你fill 水，很欠主動。最後我哋走嘅時候見到隔離檯食緊個UFO，用個細火爐熱住啲芝士，爐邊放住啲炸雞，見到都覺得正，下次都係要試下！

今日同事叫我推介食乜好，咁我就話，不如食烤雞啦，前星期有朋友請我食過，服務唔錯，加上易搵位泊車，講到呢到，點知...俾同事笑，佢話泊露天係近攞車，但泊天晉匯2期入面，$100 就可以 2 句鐘 free parking 啦喎，我即刻紅都面埋。既然咁著數，就緊係黎多次返尋味啦⋯⋯上次既 UFO 火鍋，今次四個人，一人一隻角。啖啖既芝士，太回味啦⋯⋯我依然記掛著佢既果味醬烤雞，我本身鍾意食甜既，所以呢款味好啱我。上次我見有款鯊魚飲品，見隔離枱叫咗，於是乎叫黎試下啦，係...啱我個仔多啲既。今次試完，真係要停停了，因為太過食肉獸啦⋯⋯其實食雞唔單止好玩（爛 gag），仲係牛，豬以外，香港人最鍾意既主要肉類，能夠以雞創出名堂，相信除咗美國博士，以後還有呢間食店。加油呀⋯⋯以上的雞蛋卷味道偏淡，食完烤雞，味太濃，已經對呢樣食物提不起勁啦⋯⋯要衛生，可選擇戴手套

今日farewell 同事，我們一行6人午餐特別選擇左去試新野，韓式烤雞，唔洗成日去茶樓咁悶。我們點左兩個set lunch再加個UFO Fondue、蜜糖烤雞、韓式蛋捲及人蔘雞湯。首先來既係蛋捲，本來大家都以為係凍既，原來係熱辣辣既，食落好香蛋味，入面仲夾左紫菜同其他蔬菜，有3個不同醬汁，茄汁、介辣同好似千島醬既汁，作為頭盤剛剛好。另外，我們叫左2個set lunch, 包左2份細沙律同魚膏湯，沙律菜夠新鮮，魚膏湯都好味。跟住，全餐重點出場，就係烤雞，由於有好多種口味，所以我們盡量叫多幾款試下，2個午餐同埋其他烤雞，總共叫左5個味，包括原味、燒烤味、蜜糖味、三重芝士及果味醬油蒜香。個人覺得果味最好食，甜甜地好醒胃，同事就鍾意燒烤同蜜糖，佢地話夠晒野味。而最邪惡既大家都同意係UFO 既芝士，又可以點雞，又可以拉絲，又可以送飯，結果係成鍋芝士食晒😋😋超好味。差啲漏左個人蔘雞湯，個湯好甜，啲雞煮完湯都仲幾滑，熱辣辣好暖胃。由於烤雞濃味，所以我們叫左2杯啤酒，買二送一，有3杯😀，另外跟餐有2鑵汽水。雖然以午餐而言唔算平，但烤雞大大碟，夠晒食，呢個價錢都合理，而且味道😁👍🏼👍🏼，滿足的一餐fa

晚飯時段，同朋友行行吓街，見到Goobne Chicken門口有張好大嘅廣告，寫住UFO，圖中所見係一大盤烤雞，中間有一鍋芝士，淨係睇都覺得好吸引，即刻拉埋朋友一齊入去食。呢間餐廳以烤雞聞名，有辣有唔辣，有好多種味可以選擇。我地叫咗UFO fondue烤雞，當中可以選2種唔同口味嘅烤雞，我地就揀咗"果味醬油蒜香烤雞"和"蜜糖香滑烤雞"。盤UFO烤雞一上枱，waitress就幫我地開爐，即場將中間盤芝士煮溶，見住D芝士慢慢煮溶，真係好治愈。2款烤雞亦都烤得啱啱好，肉嫰多汁，配埋可以拉絲嘅芝士，真係幾多都食得晒。除此之外，我地仲點咗個泡菜餅，kimchi香辣度啱啱好，好味。

如果話韓式雞，一般講起會諗到炸雞，又或者老一輩既會即時諗到人蔘雞。朋友約我去試下呢間韓式烤雞店，我就話，唔係呀化...炸雞咁熱氣，朋友立即澄清，唔係炸，問我隻耳仔係咪有事，我同佢講，有咩分別，咪又係熱氣。其實炸雞係熱氣好多，對唔住呀，小P。誤會咗你。小P 話，之前見人食過芝士火鍋，好似好正咁，所以搵埋我，多個人幫手，事實上，一個人，就算三個人都唔容易食晒。下次搵埋小H 先掂。啲雞塊就咁食都已經好好食，佢呢到啲芝士係噱頭，隔離枱睇到，我自觀覺得自己好型，咁就夠啦...其實我問果個靚女侍應姐姐，呢個鍋要炒幾耐架？佢話五分鐘，然後細火煮。我諗，成間店，個個都叫，真係會好忙架喎。呢啲真係服務啦⋯⋯其實我覺得呢到好方便，我自己揸車既，佢係天晉匯二期，我泊架車係一二期之間既爛地場，行上一樓食完返落去揸車走，兩句鐘，慢慢食唔洗趕住差幾分鐘又泊多粒鐘。

雖然韓流無前幾年咁旺盛，但韓食依然大有捧場客，繼前幾日食完旺角首爾石鍋燒，因為感覺太好，唔好俾俱停，於是今日再黎個韓食午餐。GOOBNE CHICKEN 係韓國烤雞表表者，一場黎到，當然要叫個烤雞，蜜糖香滑烤雞(無骨)香甜嫩滑烤雞，因為無骨，所以啖啖肉，表面塗上蜜糖和醬料，再烤成金黃香口，配埋清新充滿檸檬味的醬汁，又香又滑又惹味，必食！海鮮煎餅係韓國傳統食物，尼間潮店一樣處理得出色，裡面有蝦、魷魚等海鮮，和香蔥煎制而成，餠底雞蛋香味濃，質地柔軟松化，蔥段清新提升層次。火山烤雞午餐拼盤烤雞配以雞蛋，雜菜，飯及魚糕湯個魚糕湯就是韓國魚片放湯，鮮甜好味，我中意食那塊韓國魚蛋，配上太陽蛋，主角係烤肉，尼個烤雞同蜜糖香滑烤雞唔同，尼個原汁原味，雞味濃，非常適合中意食香口野的朋友。見到墻上廣告牌的部隊鍋相當吸引，下次要試試，好滿意的一個午餐，會再黎。

天晉匯開左好多特式餐廳 當中有我至愛既韓式烤雞😍 今晚晚餐決定試下呢間!呢度好多款烤雞 樣樣都好想試! 最後揀左蜜糖烤雞 有別於炸雞 烤雞健康得多 所以食多幾件都唔怕肥😆 配菜有酸蘿蔔 無咁漏😊另外點左海鮮薄餅 好多配料 唔太辣 幾特別😋今次都係點雞蛋卷 但試新口味 - 蟹籽沙律芝士雞蛋卷! 一黎到好驚喜! 因為有好多蟹籽 沙律醬同雞蛋好夾! 好味過平時既雞蛋卷😋😋 因為太多烤雞款式 今次試唔哂咁多 下次一定要試其他口味! 🤣🤣