Goobne Chicken (天晉匯2)

營業中

休息中

前兩日同呀妹行完街返屋企，見有d餓就諗住食埋野先返屋企啦，將軍澳依家都有goobne，我地又咁岩鐘意食韓野，就揀左佢啦！ 可能我地早黎，都唔洗等位就有得埋位。我地行到都幾餓，叫左一個原味烤雞同一個鐵板軟芝士黑椒烤雞，一人一雞咁先肉韓國丫麻。原味以為無咩驚喜啦，點知都唔係wo，反正食到雞嘅鮮味同肉汁，又唔會烤到乾哂，又唔會表面炸到油膩咁。另一個黑椒味呢，食落就有少少辣啦，一食落去無咩嘅，但個後勁有d強，唔食辣嘅就唔好亂叫啦，哈！我地仲叫左個香桃韓式米酒，真係好香好香桃味，飲落好似食左啖桃咁，同米酒陣味又好夾，食完雞飲埋佢真係好滿足呀！

呢間烤雞店，次次嚟食都要等位，今次當然都唔例外，不過好彩今日好好彩，等咗十幾分鐘就有得入座。嚟到烤雞店，梗係要食烤雞啦！今次試咗個金黃酥脆烤雞、泡菜煎餅，同埋藍莓沙冰。以前飲過西柚沙冰&香橙沙冰，覺得已經好好飲。今次都諗咗一陣，先決定試藍莓味，因為驚會似藥水味。一飲落去，好味喎，真係藍莓味喎，食炸嘢，飲沙冰，一流。泡菜煎餅: 裡面除咗泡菜之外，竟然仲有魷魚&魚肉，用料充足，有驚喜。配埋個醬汁，有多少少辣椒味，。金黃酥脆烤雞: 同其他烤雞比較，呢款烤雞比較似炸雞，並無大量醬汁喺面，亦無濃濃嘅調味。比較平實，但反而可以食到雞味，而唔會俾醬汁搶曬風頭，亦都無咁膩，可以食多幾件。另外仲見到新出咗蜜糖烤雞，唔食辣嘅朋友下次可以試一試。

每逢食晏時間，將軍澳區啲餐廳成日都爆唒棚於是同友人邊行邊睇，諗住見到間幾Ok就入去，終於就見到呢間Goobne Chicken呢間餐廳環境都唔錯，而且人比較少，可以同朋友慢慢傾(站喺顧客角度，個人當然希望唔好太多人大嘈吵）原本擔心會否中伏，畢竟冇乜將軍澳嘅餐廳會咁少人結果當然冇中伏啦，首先佢嘅價錢令人有啲驚訝平時佢嘅晩餐Menu起碼百幾至二百蚊，但午餐居然60零蚊都可以有交易，仲要冇加一我叫咗個韓式BBQ醬煙燻烤雞午餐拼盤，飯嘅分量好多，大食積都應該夠飽面頭仲有隻煎蛋，好有韓式feel主角BBQ醬煙燻烤雞超正，個皮脆卜卜，感覺似係生炒骨嗰種口感一流，熱辣辣食仲正加埋BBQ醬，惹味到爆食到停唔到口！

收工之後我同朋友都唔想返屋企自己煮飯食，所以決定去公司附近嘅韓國烤雞店試下佢。因為係收工時間人都係比較多，大概排左半個鐘頭隊先有位。有d waiter係韓國人，但係英文都講得ok流暢都幾nice。我們叫左份韓式BBQ醬煙燻烤雞+原味烤雞，韓式蛋包飯配香腸，韓式牛肉雜菜拌粉絲同最後一道菜係推薦的~半半烤雞可以同時品嚐到兩種唔同味道嘅烤雞，仲可以配埋三種醬。真係點食都好食~哈哈 其實我自己就比較鐘意食米飯當主食，所以係我堅持下點左一份蛋包飯，味道還可以蛋皮下的炒飯下火候剛好，還是熱熱的~ 食落去先覺得有野落肚~ 仲有最後韓式雜菜，之前睇韓劇嘅時候就見到韓國人特別鐘意食雜菜，今天試左下果然味道無得彈啦！各種新鮮嘅蔬菜絲拌埋彈牙粉絲，食左一啖真係停唔到口最後烤雞都係無食哂，我地係打包帶走嘅~下次有時間再黎就試下其他味嘅烤雞！

週末同男朋友一齊出來睇戲行街，中午行下行下就發現一家韓式烤雞店。可能係因為lunch關係，人唔係好多，聞到店入面飄出來嘅烤雞香，我們就決定試下呢間Goobne烤雞啦。waiter非常有禮貌咁帶我地入座。男朋友同我作為資深嘅芝士控，一看到菜單上寫着三重芝士烤雞就直接點了！跟住，怕量唔夠我地仲叫左一份韓式烤雞午餐品牌。男朋友點左一杯鯊魚之淚我就點左一杯Somersby Apple Rita~大概等了30分鐘左右，烤雞就上來了。其實睇到擺上來的量個陣先恍然大悟原來兩個人點一份雞都有可能食唔哂架哈哈，量都幾多。芝士味真係非常香濃~烤雞又烤得個時間都係岩岩好肉質鮮嫩。韓式烤雞午餐品牌拎上來非常精緻，雞肉的味道也是岩岩好，搭配新鮮蔬菜一齊食都係超級好味！鯊魚之淚冰沙和Somersby Apple Rita兩杯野飲個造型都非常獨特，上面還倒插着左隻好可愛嘅鯊魚模型。覺得兩杯野飲都無分男仔女仔的口味，邊個飲都會鐘意。

上星期放假，又唔想出咁遠，好睇將軍奧都開左Goobne韓式烤雞可以醫肚啫！同呀媽黎叫左一個無骨bbq烤雞，無骨真係啖啖肉岩哂我呢d懶人，bbq醬烤得好入味，又唔會太濃搶款本身雞味，好食呀！仲有個好好食嘅雞蛋卷，厚蛋最鐘意厚蛋，入而仲要包住好豐富嘅粉絲，紅蘿蔔呀咁，真係口細d一啖都食唔哂架！仲有個醬點黎食，真係好夾！最後再叫埋個柚子蜜雞尾酒飲，又唔會太重酒精味飲唔到，柚子味好清新，岩哂食完肉解油膩呀！

將軍澳都開左Goobne啦所以呢放假就同屋企人落街食啦！之前食過其他分店都ok，應該都唔會差得去邊我地叫左兩款雞一黎到就好聞到好香啦！呢款係咖哩蜜糖烤雞，個樣好似炸雞咁好香脆但竟然都係用烤嘅夠哂健康，食落又唔會覺得油膩。仲有一個甜辣雞丁，辣度岩岩好唔會太辣嗆喉食唔到，但食多幾舊都係有d辣，所以要叫埋杯野飲鯊魚之淚，見佢menu有隻公仔插住，好過癮，哈哈真係睇得又飲得。下次諗唔到食咩都係落返黎食先。

今日同男朋友慶祝拍拖周年紀念，男朋友要求好高，所以我揀咗間好食嘅韓國烤雞。入到去環境好好，好乾淨，衛生好好，每張台旁都會有呢個鈴，要落單可按制，好快就會有服務員來協助。餐牌色彩繽紛，樣樣都好吸引，最後叫左必食的烤雞，雞嘅份量好多，有唔同口味揀，亦可以兩溝，一次過滿足兩個心願😂烤雞一送到就聞香噴噴，雞烤到外脆內嫩，好有肉汁，份量亦都夠兩個人食，大滿足。因為唔知雞咁大份，我地仲叫左個好邪惡的飯，鐵板芝士烤肉炒飯配牛肋骨要襯熱食呀，芝士好正呀，肋骨配埋個汁都好好味，諗起都覺得肚餓呀眼闊肚窄的我地仲叫左個韓式蛋捲配3款唔同的醬汁，唔點就咁食又得，係傳統的韓國紫菜包飯的料，但用左蛋捲去包👍🏻👍🏻蛋捲皮好薄，咬落有幾層，食完一舊又一舊。大滿足呀呢餐，咁邪惡，要做多幾日運動先可以再食多次

goobne 嘅烤雞一向好食，無需懷疑！今次推出咗新口味蜜糖香滑烤雞，試吓先！所謂嘅蜜糖其實係honey mustard，味道係8 分甜1分酸1分辣！係正嘅！雖然冇講明，但我相信係即叫即烤，因為都要等15-20mins 先上菜，而且熱辣辣，皮又脆，係有誠意嘅！其實食咁多次都冇數過一盤究竟有幾多件雞，不過數過d 部分，應該係成隻雞！！另外叫左同樣係新口味嘅慢煮雞胸肉沙律，個樣勁似撈起🤣第一次食慢煮雞，超腍，口感似蟹柳。即使加左source，味道亦偏淡，可以balance 返雞嘅重口味！叫咗一 jar 香桃韓式米酒，0.7% alcohol但完全冇酒味，似桃味益力多沙冰！勁好飲！1 jar 可以斟8碗，夠2-4人飲！今餐超滿足呀❤️❤️

呢間唔係第一次食，不過搬左去呢度附近之後就一定要幫襯下咁近又好食既烤雞都有一排冇食～餐牌基本既都仲係度～呢樣應該係新既～不過我地今日想食番之前食過好食既，再試個芝士野今日唔飲酒～冇叫代表性既鯊魚，試下藍莓味既～非常大樽，兩個人肯定夠飲，三個都應該得鐵板芝士烤肉炒飯配豬肋骨～韓式菜既芝士又點少得拉絲真係拉到捲番幾個圈都得呀每啖豬肋骨本身有醬，加埋芝士好正炒飯底本身都有落肉炒，幾足料下之後就係呢間最出名既烤雞啦～我地要左韓式甜辣烤雞烤雞最正既地方就係冇炸雞咁熱氣，但係皮又脆～連雞既皮下脂肪都唔多，應該有處理過先烤～成隻雞兩個人分，加埋頭先碟飯同一大樽飲品，真係好飽下～可能因為呢間比較偏離地鐵站定係新開冇耐，雖然經商場行過黎都係5分鐘晚市時間都未洗等位，坐得又舒服，食飽番上去好正～下次再食下一隻味既雞

記得之前帶過家人吃goobne烤雞，家人常常說很想再吃，知道將軍澳popcorn 2都開了分店，今天心月來潮食，放工就和家人一起來到盡情吃烤雞吧！今期新推蜜糖烤雞，當然要試一試。烤雞可選有骨或無骨，加入了特制的醃料，甜甜的又帶點麻的感覺，因為是烤雞，雞皮沒有多餘的脂肪，吃起來亦較健康呢！每次都會點一份沙律，凱撒沙律份量很大，沙律菜及車厘茄都很新鮮，紫椰菜沒有苦澀味，麵包糠大大粒，沙律醬按個人喜好加入。邊吃烤雞邊吃沙律，中和了膩滯，又感覺較健康呢！韓式蛋卷，醬料分開上，蛋卷很香，內有芝士，令蛋卷更香滑， 喜歡加入帶點微辣的沙律醬，令整個蛋卷更惹味！

突然間星期五好想食炸雞，咁啱附近又有一間，8點鐘又唔駛排隊，就入去滿足我嘅炸雞癮啦！魚糕湯，好多料，料多過湯，有魚糕，白蘿蔔，洋蔥，丁點辣，但唔會好覺辣嗰種。整體不錯，如果湯可以再多少少就好喇。果味黑蒜炸雞，有種酸酸哋嘅果味，想再酸啲嘅話，可以落埋佢舊檸檬，黑蒜就唔太覺有。炸得啱啱好，份量有一隻雞咁多，2個人食真係食到好漏，每人要食半隻雞⋯⋯推介食韓國炸雞一定唔少得醃蘿蔔，酸酸哋，清一清嗰陣油膩感整體嚟講，炸雞幾好，魚糕湯冇我想像中咁好食。今晚餐飯食完返到屋企成晚要狂飲水，睇嚟都幾味精吓。但間唔時食下，過下口癮都不錯！

講到話韓國烤雞始祖，一定係非goobne莫屬！岩岩一開始開到黎香港既時候已經幫襯過，個個鯊魚沙冰真係好有signature 架！環境坐得都幾舒服，好闊落🤭重點係成餐飯播住我最愛既韓文歌，真係食都食得開心啲👉🏿✨蜜糖香滑烤雞 Hkd 185 💸📌可以揀無骨同有骨，懶惰如豬既我梗係要冇骨啦！一上到黎啲蜜糖味已經飄出黎咁濟，唔單止烤雞既份量多！連醬汁都俾得好多，每一嚿雞都沾滿住蜜糖醬，真係好正🥰啲雞仲會有雞皮，最愛呀😊👉🏿✨鐵板芝士韓式烤肉炒飯配醬燒豬肋骨 Hkd 143 💸📌我想講呢個我真係俾足一百分！❤️佢啲烤肉炒飯唔會得飯冇肉，我覺得肉同飯既比例係5:5，加埋啲芝士同醬汁一齊食，個種口感真係冇得輸😭而且豬肋骨都好多肉，一定要繞住啲芝士一齊食！正到傻了，同埋好中意佢飯入而會有青椒粒，食落清爽冇咁油膩😆👉🏿✨柚子沙冰 Hkd 58💸📌中意酸味味既野就叫呢個實冇食！但佢呢個真係堅酸架🤭頂唔順酸味嘅朋友唔好叫啦～如果你同我一樣好鍾意酸野，包你一定中意🤪

#Goobnechicken （將軍澳店）將軍澳唐賢街19號天晉匯II期1樓119A號舖----朋友仔住康城 B仔就入左將軍澳搵佢食飯😄因為食飯時間 好多間都要排隊 我地就揀左無人排隊ge goodne chicken啦～我地叫左一個蜜糖烤雞 一個沙律 先講講個烤雞🍗其實味道not bad 但d雞肉除左雞腿位之外 其他真係一d都唔嫩滑 同B仔係韓國食到ge真正韓式烤雞簡直差天共地😫反而係個沙律🥗本來覺得百幾蚊一個沙律好鬼貴 點知結果個沙律黎到又真係好大兜 材料都好新鮮 不過點講都好🤷🏻‍♀️雖然沙律加返少少分 但烤雞店烤雞唔夠嫩真係大罪 無咩事我諗都no next time lu—B仔整體評價：5/10個👍🏻B仔抵食程度：5/10個👍🏻B仔環境評分：7/10個👍🏻B仔味道評分：6/10個👍🏻B仔回頭機會：5/10個👍🏻 --跟住我一齊吞食香港啦！

今日開party, 見到外送服務嘅delivery woo有呢間餐廳嘅選擇， 於是就叫嚟同朋友一齊試試。睇menu介紹，呢一份雞有16件， 包一客沙律同埋薯角。最終送貨時間比預期遲咗半個鐘， 啲雞同薯角就凍咗唔少， 特別係啲薯角， 直情係攤到淋哂， 仲要凍冰冰， 加上本身係冇乜味， 真係好難食。至於啲雞， 開頭以為有16件好似好犀利， 但其實係一隻細細嘅雞開咗十六件。呢一件細細粒唔知邊個部位都係其中一件。。。 至於味道， 我覺得還可以嘅， 燒雞本身都唔會差得去邊， 點埋個韓式辣醬， 個味道都算係幾好。 特別欣賞佢個辣醬， 因為夠味得嚟亦都夠辣。 不過始終份量太細， 同埋係完全唔熱， 下次外賣我絕對唔會再揀呢一間。