Goobne Chicken (天晉匯2)

營業中

休息中

💡最愛嘅韓式炸雞店之一要想起食炸雞，Goobne Chicken一定係我其中一間至愛，炸雞選擇口味眾多，而且仲好好味，最正係分店有好多，想食的時候就好方便。🍽蜜糖蒜香烤雞🍗烤雞外皮酥脆，雞肉香嫩多汁，表面肉汁滿滿，蜜糖和蒜香滲透其中。蜜糖蒜香味好香口，唔會太甜膩，醬汁真係非常出色，愈食愈想食😍😍🍽韓式韓式炒牛肉粉絲 🐂材料好豐富，有牛肉、冬茹、紅蘿蔔、洋蔥等等，薯粉炒得夠乾身，煙韌彈牙同軟嫩的牛肉好夾。而且牛肉份量頗多 🥩 ，加上韓式調料的微辣香氣，層次豐富，回味無窮。

呢間嘅韓國烤雞好出名，所以今次帶咗朋友嚟試吓，一來烤雞冇咁熱氣，二來仲有好多款口味可以揀。見到有套餐可以揀，所以就揀咗烤雞同pizza嘅套餐。辣椒脆烤雞🍗套餐有三款口味可以揀，而且仲可以揀有骨定冇骨，鍾意啖啖肉嘅我就梗係揀無骨啦，仲揀咗一款比較辣嘅口味，係以韓國特有既青陽辣椒烹調，味道好特別，食吓食吓都真係覺得幾辣，肉質好嫩滑，一啲都唔鞋！蜜糖BBQ 芝加哥薄餅🍕而Pizza就揀咗有香濃蜜糖同BBQ豬肉嘅芝加哥pizza，用蜜糖喺鹹味嘅Pizza帶出啲甜味，又估唔到係咁夾，海量嘅芝士傾盆而出，薄餅邊同平時嘅好唔同，厚厚地但又好脆口，超級推介！呢個套餐好抵食，兩個人嚟講確實有啲多，不過食得好滿足！

韓國No.1嘅烤雞店 Goobne chicken主打健康嘅韓式烤雞。烤雞款式都有十幾款，仲有分有骨同無骨，價錢都係二百幾蚊，價錢十分親民。除左烤雞之外，餐廳仲有沙律、薄餅、雞蛋卷、韓式煎餅、韓式年糕、韓式炒飯、韓式湯等等提供。今日兩個人，就叫左一份烤雞同一份年糕試一試。果味醬油蒜香烤雞( $218)烤雞外皮酥脆，咬落去肉嫩多汁而且有蒜香味，配上清新蘋果檸檬醬汁，食落甘甜而咸脆，令人越食越想食，一口接一口。辣炒年糕 ($145)辣炒年糕煙煙韌韌，勁有咬口， 濃郁嘅甜辣湯底入面仲有魚糕，係一份誠意十足嘅辣炒年糕。Sapporo ($38)食烤雞，點可以無啤酒！當然要叫返枝啤酒，啤一啤佢。

將軍澳既Goobne chicken主打韓式烤雞，比起炸雞更健康。今晚叫左個炸雞雙拼，揀左甜辣味同蜜糖蒜香味，烤雞外皮酥脆，咬落去肉質嫩滑多汁，甜辣味唔會好辣，唔食得辣嘅人都食到，而且又甜又辣，好過癮，而蜜糖蒜香味好香口，唔會太甜膩，令人胃口大開。雞肉可揀去骨，啖啖肉食得方便。另外點咗一個辣炒年糕，年糕煙煙韌韌，軟糯有嚼勁，醬汁辣度岩岩好，甜甜辣辣，好開胃，除咗年糕外仲有魚糕喺入面，索晒啲醬汁好正。

Goobne Chicken 是一間以韓式炸雞為主打的餐廳。⭐️somersby apple ritaSomersby Apple Rita 將蘋果酒與冰沙完美結合,入口冰涼爽滑,蘋果香氣濃郁,酸甜適中,非常清爽解渴。這是一款非常適合炎熱夏日享用的飲品。⭐️甜辣烤雞甜辣烤雞非常出色 - 外皮酥脆,入口即化,帶有一絲甜辣的風味,非常開胃。⭐️凱撒沙律這份凱撒沙律色澤鮮艷,配料豐富,除了車厘茄和煙肉,還有酥脆的麵包丁,為整個沙律增添了不同的口感。沙律醬調製得當,鹹香酸甜。

📍將軍澳首選嘅韓國餐廳，最鍾意佢嘅雞係烤雞而唔係用油炸，健康連減肥都可以食，夜晚七點已經全場坐滿晒咁滯！最鍾意果味醬油蒜香烤雞($218)，味道會比原味烤雞同埋蜜糖烤雞更加濃味，又甜甜地帶少少蒜味。外皮烤得好香脆，就算連雞胸都好嫩滑，仲會配一碟酸蘿蔔可以解膩食。炸醬炒年糕($145）見到餐牌寫淨係有魚糕同埋年糕，點知一上到嚟仲炸醬麵！我哋拮爆隻太陽蛋再點年糕嚟食，味道甜甜鹹鹹好夠味，唔食得辣炒年糕嘅話推介試呢一款。

近近地唔去太遠又想食正宗韓式炸雞我會去Goobne chicken佢地嘅韓式炸雞好有水準醬汁緊緊地包裹整件炸雞🤤內裏保持雞肉嫩滑有肉汁就算外賣屋企翻熱仍然好味👍先用QR code落單有啲套餐選擇不過今日想食飯所以自選左鐵板芝士泡菜炒飯同半半烤雞 - 甜辣烤雞同果味醬油蒜香烤雞鐵板芝士泡菜炒飯圍邊有厚厚芝士拉絲😍將芝士同炒飯拌勻味更香泡菜酸辣惹味喺鐵板上保持住熱度熱辣新鮮👍半半烤雞我地揀無骨啖啖肉我最愛！甜辣烤雞第一啖食有少少似咕嚕肉不過佢個醬汁食到尾有少少辣好正！❤️果味醬油蒜香烤雞醬汁無咁厚可以食到更多雞肉鮮甜味每件我都喜歡夾⼀片蒜片⼀齊食

呢日黎到tko 呢間goobne chicken! 佢既烤雞真係好好好高質！我地一入到黎店員就安排咗個窗口位俾我哋，坐得好舒服，夠晒位擺嘢食，我哋叫咗一個套餐，分別就係有一份pizza同埋一份烤雞，呢個套餐$388 ，我哋揀咗香辣烤脆雞，同埋蜜糖BBQ芝加哥pizza，佢嘅份量真係好多，呢個餐其實夠三至四個人食，我哋兩個都食唔晒，最後要拎返去！佢個Pizza有八件，真係超多芝士，同埋好香嘅BBQ醬味，啲芝士食到人覺得勁邪惡，不過唔理啦，食咗先講，另外佢嘅香辣脆烤雞真係好好食，勁脆，份量勁多，咬到入邊仲好Juicy，我哋叫有骨，因為覺得食有骨嘅炸雞先至係食緊雞！所有嘢食都好高質，配埋啤酒真係一流！

朋友仔係超級韓迷，很喜歡吃韓式炸雞🍗，想食得健康就一定要去呢間韓國第一烤雞品牌。餐廳係韓國有過千分店，雞肉以香料醃製一日，烤雞不經油炸，烤焗過程把雞的油份迫出，從而比炸雞更低熱量及膽固醇，無油膩感，食得更美味更健康！🍗🍯蜜糖香滑烤雞 $228份量十足，兩個人share 絕對無問題上枱香噴噴熱辣辣烤雞沾滿醬汁極吸引烤雞外皮好香脆，肉質入口超香甜嫩滑蜜糖🍯醬汁甜度剛好，清新又有層次可揀有骨或無骨，個人更喜歡有骨朋友仔表示好喜歡烤雞，多吃也不會感邪惡😂部隊鍋香港夏天既潮濕又翳焗令胃口大減！部隊鍋以微辣不油膩作湯底，配合韓國直送香腸，午餐肉，焗豆和年糕等食材，重點係公仔麵，索晒d湯汁，入口酸酸帶微辣，為悶熱嘅夏天添上一絲刺激感!SAPPORO BEER食炸雞又點少得飲啤酒🍻來自北海道嘅樽裝啤酒，酒精濃度唔高好易入口，口感清爽解膩解渴，而家仲做緊買二送一啊！

今晩放工即興約朋友聚舊吹下水，一於去Goobne歎番幾件雞，暢飲最愛既米酒😍Goobne 既韓式烤雞總是令人回味！ 每款口味都好有特色。除了招牌烤雞，餐牌亦有其他美食選擇，例如韓式煎餅、人蔘雞湯、雞蛋卷、韓式炒粉絲等，數之不盡，款款吸引-❤️Goobne原味烤雞 + 蜜糖香滑烤雞 $248鍾情Goobne 的其中一個原因，是這裡的招牌烤雞十分高質！ 即叫即焗，皮脆肉嫩，比炸雞更好吃，而且更健康！點了雙併烤雞🐔 原味烤雞更顯烤雞的功架，外層色澤金黃脆香，肉質鮮嫩，可沾蘸兩款醬汁一起吃。而蜜糖烤雞，外層香甜惹味，令人回味-❤️香桃韓式米酒 $150烤雞除了配啤酒，這裡的米酒亦不能錯過！ 香桃米酒順滑易入口，酸酸甜甜富蜜桃乳酪味，開胃解膩

呢個週末心血來潮想試下啲新口味，就同朋友去呢間韓國風味滿滿嘅地方。一入去，就感受到濃濃韓風，裝修得幾有味道，坐低都舒服。我地一行人點了幾樣招牌，有芝士焗烤雞、辣醬雞同芝士泡菜煎餅，份量睇落都幾豐富。個芝士烤雞，真係外脆內嫩，每一啖都能嗅到雞肉嘅香氣，辣醬雞就更加刺激，啖啖肉食落去辣味夠晒kick，夾埋啲香脆嘅皮，簡直係夢幻組合。至於泡菜煎餅嘛，那個芝士拉絲，喺嘴裏融化，配上泡菜嘅微酸，👌簡直一絕。除咗食物，佢哋嘅服務態度都唔錯，員工都好有耐性，見到我哋好多問題都細心回答，令整個用餐體驗加咗好多分。雖然話係選擇之一，但係今次嘅經歷絕對值得再來。唯一嘅小遺憾就係，如果芝士再多啲，恰到好處嘅辣，與烤雞嘅脆香完美融合，應該會更加上層樓。渾然忘我咁食完之後，覺得今次真係一次唔錯嘅選擇。大家想食韓式烤雞嘅話，呢度絕對係個好選擇，真心推介給大家試下。🥰

將軍澳海邊餐廳好多，但想避下人流之下，去左將軍澳市中心附近搵搵野食。我諗呢間餐廳大家都唔陌生，因為區區都有佢既分店，餐廳設計得體，而且好夠空間感，最重要係餐牌有好多食物既選擇。。UFO 芝士火鍋（無骨) (HK$288)可以係6款口味(果味醬油蒜香/三重芝士/甜辣/蜜糖/火山/蜜糖蒜香)既無骨炸雞裹面揀2款口味。再配埋馬蘇里拉芝士、車打芝士和巴馬臣芝混合成既芝士火鍋，芝士味勁香，而且炸雞沾落去，芝士完全掛住炸雞，更加有拉絲效果。炸雞叫左下面兩隻口味，雞肉大件，而且好嫩滑，真係外脆內軟蜜糖蒜香 - 好夠蒜香味，而且成件雞肉沾滿哂蜜糖，好甜好滋味三重芝士 - 係個完全沾滿芝士粉既炸雞，外皮酥脆，非常惹味。炸醬炒年糕 (HK$145)係餐自家製鹹甜適中既炸醬，而且裏面有唔少既軟年糕&彈牙魚糕，食炸醬點少得麵🙈麵既份量都好多，而且幾掛汁，同一味道韓國傳統炸醬麵類近Drinks。香桃韓式米酒 (HK$150)酒精濃度有0.7%，冇諗過韓式米酒都會有戰鬥碗咁樣飲🙈呢個係成Jar咁叫，可以同幾個人一齊share 米酒&香桃互相配合，飲起尼甜甜地，完全冇強烈既米酒味👍🏻回頭指數: ⭐️⭐️⭐️⭐️食物質素:

最愛韓式炸雞店之一，亦都係焗雞控gathering必去餐廳🍗🤣 熱辣辣嘅天氣，坐低第一件事嗌杯【蜜糖西柚紅茶】 同 【Highball】降降溫先🥵【甜辣 + 蜜糖蒜香烤雞🐔】HK$248比起食炸雞，烤雞健康得多，罪惡感無咁重😈 一上菜出晒煙，堅係即中即整👍🏻 雞肉好香口好嫩滑，咬落去肉汁湧出嚟💦 話就話係甜辣，其實唔辣㗎只係甜甜地🤭，調味啱啱好，食完更開胃🤤 蜜蜂蒜香都好食🧄，同樣都係外脆內軟而且充滿肉汁，仲有蒜香片可以增加口感！仲會提供手套好貼心，加分🧤【韓式香辣海鮮湯🦐🌶️】HK178韓式香辣湯加入青口、大蝦、魷魚等海鮮同蔬菜等食材，十分足料食極都仲有🤫 帶有少少辣味之餘又有海鮮鮮味，令你味蕾逐漸升溫！【地中海檸檬沙律🥗】HK$128用上新鮮蔬菜、西柚、橙、蝦、葡萄乾、杏仁等配搭檸檬醬，好refreshing🌱 而且食落相當解膩，同炸雞係完全嘅配搭！啱晒熱辣辣嘅天氣食🥵

商埸位置不就脚，午市人流不多。但這間韓式炸雞店無論味道和肉質真係無得輸，我隔一段時間就想再食一次。而且服務員勤快又有禮貌--烤雞午市套餐-- $128（ 加一）半隻烤雞(自選口味)凱撒沙律魚片湯酸蘿白薯角及白飯飲品沙律菜上滿布芝士粉代替沙律醬料來調味，再加脆脆粒左: 蜜糖蒜香烤雞(半隻)右: 原味烤雞(半隻)--蜜糖蒜香烤雞-- (冇骨)脆炸香蒜片放在雞面，外皮滿佈蜜糖甜香，肉嫩，冇骨啖啖肉--原味炸雞-- (有骨)外皮簿，口感焦脆，肉嫩口感juicy，炸得恰到好處

Goobne chicken是一家韓國烤雞店，早前推出了芝士火鍋，讓人大開眼界。這裡的烤雞非常出名，口感酥脆，味道鮮美，而芝士火鍋更是讓人驚艷。餐廳的環境非常舒適和寬敞，裝飾也非常有趣，處處充滿著韓國的元素。菜單上除了經典的烤雞之外，還有各種不同口味選擇，例如蜜汁、辣味、香辣等等。而芝士火鍋則是一個非常特別的選擇，鍋底裡面充滿了濃郁的芝士味道，讓人垂涎欲滴。我們點了一份烤雞和芝士火鍋，辣味烤雞非常辣但也非常好吃，口感酥脆，肉質鮮嫩。芝士火鍋的味道非常香濃，芝士的濃郁口感讓人一口接一口。此外，他們的服務也非常好，服務員總是能夠及時地為客人提供幫助和建議。他們的芝士火鍋絕對是一個非常特別的選擇。