GOGO Rock (已結業)

午餐嘅時候去到呢間餐廳，冇乜人，位置都幾舒服。 我鍾意佢午餐有ABCD餐，呢個套餐有埋湯和飲品，感覺比較化算個餐都係普通羅宋湯，但係幾多菜，麵包上搽咗啲香草醬，給配合到餐湯嘅味道我叫咗個雞扒飯，個雞扒望落去都幾大塊，可能係用網燒，有少少燒焦嘅味道，幾好食，雞肉食落去幾嫩，中間就會夾雜左一啲軟骨，配埋個白飯一流。整體來講，雖然餐廳嘅位置偏離左旺角市中心，但係味道都有水準，下次都去試吓佢其他嘅餐單，希望會有驚喜

好失望既一次用餐經歷! 朋友有次經過見到佢做promotion, 任食2小時蠔+小食+飲指定飲品/酒, 諗住咁耐無出去堂食同有得食蠔就試試。點知一去到, 明明唔full, 係要我地坐門口/ 近垃圾廚房位... settle左一輪開始食, 都知小食無咩款..得個6隻...黎到都覺得...算啦我地係黎食蠔....洋蔥圈雞翼同菇食1 2 round~ 點知d蠔勁細隻...又唔好食....仲要開爛曬....係無蠔味.... 我地仲要+$100 飲指定既飲品, 我想講朋友嗌d cocktail全部都中伏..................好難飲......勁失望!!! 賣單要成$450一個食埋d咁既垃圾! 唔至無下一次....係大家無咩其實都真係唔洗去試.... 仲要服務態度唔太好...呢個價錢....出面大把選擇...仲要食到一肚氣!!好嬲呀!!

咁都搵到食生蠔任食版蠔同Daily Special已經滿足唔到我雖然唔知產地分別,但知道想要既口味但最後全部都試晒貼心起埋帶子位,開得好靚由西班牙開始食起,甜creamy至咸既重海水味,真係有分別嫁最好食係聖馬田(入口甜,creamy,再湧海水味)同蘇格蘭(甜咸夾雜咁）雖然法國開頭海水味重但慢慢滲啲甜味出黎最重海水味係費沙,連朋友話唔識分都覺得好大分別 肉眼扒5成,仲有少少血水,都多筋,但唔沾配既醬汁都好夠味,薄薄的但好大塊,仲大過手掌,好淋唔鞋口跟既薯菜以為薯條,望到有啲失望,但食落幾好食,落左啲燒汁係面幾正 羊架7成,有啲遜色,好難咬開,早知唔叫朋友哎,本身係羊豬之間選擇,點知........辛苦左朋友咬到牙都軟 Teenager唔濃味版fruit punch,顏色好靚,唔錯 Chocolate Martini朱古力+Vodka+Baliey,入口有啲苦,之後朱古力奶味滲出黎,幾正 雖然餐廳好忙,坐滿,因為有提早book既任食生蠔小食set,店主都盡力做好service,唔錯,值得encore

同幾個朋友聚下，緊係要搵返間好食餐廳啦～呢間Go Go Rock係我搵左好耐，見佢都好評多，甘就試一試佢啦~我地三個人就叫左一個香燒羊架，一個香燒豬扒同野菌意大利飯。 羊架味道到我自己就幾鍾意，不過啲朋友就覺得有啲So，但多肉汁嘅，而且軟熟~豬扒呢佢就做到七成熟咁，食落去呢都係非常之有肉汁啦，容易入口啦同埋都好有肉味嘅至於意大利飯呢都煮得非常之creamy啦，雖然就冇肉但係都好好食~呢個飯每一粒米都好飽滿，唔會好乾好硬， 而且好入味~最後埋單每人大約200蚊到~

其實之前都黎過呢間餐廳一次印象都好似唔錯 今次再入黎食個lunch setLunch menu:我就揀左食Risotto ,男友就食牛脷餐係有餐湯既個湯夠熱好好味 係南瓜🎃湯塊包香脆得黎又好濕潤面頭綠色既應該係羅勒醬，係幾好味😋幾香軟殼蟹炸得鬆化好食risotto creamy ,幾濃同稠忌廉味，我幾中諗食，加埋呢個價錢，簡值超值呀！至於牛脷略嫌切得太碎同唔算多，我覺得一般凍檸茶係好靚既因為佢係成個玻璃樽既甜度隨你自己加糖漿，呢樣幾好仲有最重要係有自助salad呢一餐真係好豐富呀性價比高，值得推介！

朗豪坊附近原來開左間新蠔吧不過呢排腸胃麻麻所以吾試生蠔試番佢地的set dinner🔅煎黑毛豬扒配焗蠔先黎湯沙律同餐沙沙律有幾款 德國薯仔沙律、南瓜沙律、沙律菜同韓式芽菜味道調較得幾好餐湯係蔬菜清湯食完味濃的沙律再飲番清淡的蔬菜湯中和下就啱啱好焗蠔：蠔肉非常飽滿 蠔味好濃完全吾會有腥味 平時好怕餐廳用好多其他味去掩蓋蠔的吾新鮮呢間只係用少少芝士同煙肉同蠔一齊焗 吾會掩蓋蠔味黑毛豬扒表面煎得超香肉質好嫩又多汁肉汁鎖住係肉入面又係一間難得煎豬扒煎得咁好食下次黎就要試下生蠔😋😋

好耐無去飲返杯啦﹗同朋友去左地點方便的Go Go Rock晚餐。餐廳燈光暗淡，如果只點杯cocktail 加生蠔三層塔，其實都已經不錯。難得同朋友食飯，可以點多幾樣。我先來杯Chocolate martini ，甜甜朱古力中滲出bailey及vodka酒香。頭盤有海鮮拼盤 $338(翡翠螺、生蠔、海蝦、象拔蚌、青口、鮑魚、長腳蟹)，翡翠螺柔嫩鮮甜，法國生蠔幼嫩爽口，長腳蟹肉也很juicy。接著是濃郁雜菜湯，沙律菜拌日式醬汁及餐包。主菜有烤大蝦三文魚扒$268，三文魚扒煎得香口，充滿魚油，入口嫩滑美味，大蝦則爽彈，加上伴碟薯蓉、紫薯脆片、烤焗黃瓜及酥炸秋葵，有營健康。香燒原條鱸魚$128，魚身燒得香脆，沒甚麼調味料，就是鱸魚本身的味道，我喜歡加上幾滴檸檬汁或甜酸汁伴吃，更見美味。甜品呢，蠻有驚喜的!有養顏的桃膠北海道奶凍$45，非常吸眼球，顏色搭配，層次分明；入口先是甜甜的厚厚的桃膠與滑溜奶凍，接著是碟豆花果凍，如果減一點甜，味道更佳!心太軟$58本不是我杯茶，但這個真的不錯，有流心又不會太甜，份量大小適中，推介。 

朋友話旺角有間生蠔店好出名，就叫我帶埋太太一齊食。來到呢間店原來係一間西餐廳，先點了法國同愛爾蘭𧐢，爽口滑有海水味。普通一點的黑松露野菌意大利飯，我好少食意大利飯冇乜感覺，但係食落去又幾好食嘅，松露醬加上芝士味十足。我朋友去親香港仔都食魚，今日也不例外，今日點了是日鮮魚 ，應該係烤馬友都幾大條，我朋友吃得非常高興，有其他配菜可以俾你食，我覺得二百蚊左右都幾好。老婆不吃牛，但都點了牛小排三文魚，我冇諗過呢兩個配搭原來都幾好，牛小排幾香，食得過，普通正常西餐價有時可能去茶餐廳鋸扒都冇咁好食。太太吃的韓國燒猪腩扒就非常精彩，佢一個人竟然可以食到大部份嘅豬扒，完全冇諗過。甜品點了梳乎厘和，軟心巧克力蛋糕，平嘅甜品很出色，原來佢哋隔離開咗一間甜品店，唔夠喉，下多一城，叫多個特濃朱古力蛋糕，唔知呢個先係最好食。整體來講都算幾好食，價錢又平，cocktail 都幾多種。

好像很久沒有約好友們吃晚飯了！擇日不如撞日就在這夜約他們出來聚一聚，談談近況兼大吃大喝一夜。選址在地點方便旺角區內的Go Go Rock，選擇這兒因為大家也喜歡吃海鮮，而這間更是主打生蠔的餐廳。甫進餐廳最奪目的必是閃閃發光的蠔吧！內裡放滿來自世界各地的時令生蠔，蠔迷來到必定能滿足而回。人未到齊先選杯Cocktail邊喝邊等待吧！我選了一杯Free Style＄78顧名思義即是由Bartender發板，而我得到的是這杯荔枝碟豆花Cocktail。用上手機的燈光來照射營造出另一番味道！帶上幽幽的荔枝香氣又不太甜挺合我口味呢！其餘好友則點選了特別的Chocolate Martini＄78、酒味不重的Sangria＄68、充滿香料味的Mai Tai78，賣醉也要美美賣相吸引也是當中的皇道耶！人齊了先以海鮮拼盤＄388揭開序幕，一個拼盤可滿足大家需求點得醒目啊！內裡包括有生蠔、鮑魚、長腳蟹、象拔蚌、青口、藍青口和大蝦等新鮮海產。而這夜我就投象拔蚌神聖的一票，肉質爽彈的象拔蚌吃下味道鮮甜很嫩口呢！吃過冰凍的海鮮拼盤後侍應為我們各人奉上餐湯、沙律及多士一客，我們享受到的是酸香足料的雜菜湯及新鮮的柚子

朋友話有間餐廳好抵，我個人覺得旺角西餐真係冇乜好出色，我淨係諗到好多年前嘅天機棧。點知佢推完兩次，仲問點解我唔試，佢話不如請我試吓，嚇親我，唔講以為佢呢間餐廳有股份。既然有人請，當然盛情難卻。當晚叫了，生蠔三層塔，我都冇特別留意係邊個區，不過有一隻來自法國嘅特別出色。黑松露野菌意大利飯做得好，我對意大利飯有少少要求，呢啲咁嘅小店算幾好。叫了條魚，相對較乾身，始終西餐煎魚唔係咁特別。牛小排三文魚配搭嶄新，牛小排燒得好香。朋友不吃牛，叫了韓國燒猪腩扒，我都真係未食過韓國嘅豬，原來幾好。梳乎里呢個甜品真心做得幾好。cocktail 都係。我承認質素可以，但如果要特登去或者搵特別日子就難少少，普通晚飯是可以的。

今天原本約了某同事去『十大碗』食雲吞麵的，誰知同事忙到連lunch都食唔到😩，我唯有獨自出行😢（其實我成日都自己一個去食😂）。『Go Go Rock』是我在朋友的收藏找到的，才早兩天的事，估唔到咁快就可以試😂......仲一試就愛上😍☺。『Go Go Rock』明明就在我公司附近，明明就在朗豪坊附近，但我一直沒察覺它的存在，就在『佳記』『茶聊』對面，而且是地鋪，現在lunch又多一間好去處。感覺就好似掘到一個寶藏咁😆。我2:30pm到的，可能是平日，雖然我是食午餐但下午茶時段，而『Go Go Rock』好似冇下午茶😀，所以人煙稀少。我叫左一個午餐 + $20 甜品，今日甜品是『菠蘿批』。午餐非常豐富，有沙律，有餐湯，有主食，有飲品，真係抵到爛，最重要係好好味☺。對我來說，食沙律最大嘅要求就是新鮮。這裏的非常新鮮，碟中間橙色的是燒南瓜。沙律是自助的，自己喜歡吃什麼就拿什麼。今日餐湯有點像羅宋湯，但又不是羅宋湯，我食到一啲海鮮，味道香濃，麵包上搽咗一啲好似花生醬但又唔係花生醬嘅嘢，我真係覺得幾特別，未試過。最重要都係嗰句，係好味嘅。凍檸茶主菜係吉列豬扒配咖喱汁，意粉彈牙，是一塊高質素的吉列

呢次已經係第三次黎食，三次都唔同menu，唔同感覺講服務，入店一刻已經有人standby，唔會要你等佢行埋黎，而且店員真係勤力收碟沙律吧嘅沙律都係好唔引好味道，雖然唔多選擇加拎一次，但係認真有心機去做嘅沙律，今次有泰式鮮果木瓜沙律，薯仔沙律，涼拌茄子，加沙律菜同車厘茄，粟米粒，青瓜絲，Dressing都有三款$ 65 辣肉腸Pizza估唔到佢到接近正宗，芝士量足，辣腸每件都至少一片厚厚地切，加埋有火箭菜裝飾$ 60 牛油虎蝦忌廉意粉虎蝦爽彈，不過忌廉意粉就水準之下，太黏稠同調味不足，我地最後只係食左唔夠一半點解成日黎？當然係價錢合理，$60起跳，但係免加一，但係包湯，沙律，飲品，全餐呢個價真係唔洗諗，附近茶記都$5x份午餐，所以唔洗諗

第一次入去試呢間餐廳嘅時候，純粹係出於好奇心。因為喺openrice見到佢既食評全部都係正評，冇一個負評，所以基於好奇心之下， 姑且 入去一試，點知食完之後，就變咗自己嘅飯堂。而家每個星期總要出嚟食一次先安樂。先講呢間餐廳嘅環境， 入到去嘅環境係幾舒服， 加上佢哋播住一啲音樂，令人邊食邊有一種好輕鬆嘅感覺。另外 講下佢地嘅服務態度，呢間餐廳嘅員工服務態度非常良好，對顧客有善， 而且做事好細心， 上餐嘅速度都好快 。跟住講講重點，就係食物質素非常之有水準，而且食得出廚師好有誠意。佢地用既原材料係好新鮮 ，加埋廚師嘅煮法，出嚟效果非常好，賣相亦都一流。最後講埋呢間餐廳嘅甜品，亦都係非常出色，每次嚟食我都一定要加個甜品先至能夠畫上完美嘅句號 。一句講曬，呢間餐廳 每次食完之後都有一種好滿足和幸福嘅感覺

呢間餐廳係一間酒吧兼餐廳，神秘得嚟又帶點吸引！點解佢門口黑漆漆僅有彩虹色光管招牌發亮，入面都只燈光昏暗，却孜有一種令人舒服感覺。🥰午市套餐，每人一個主菜，另外有提供任食前菜。🍴先來一配餐湯配餐包是日餐湯是忌廉餐湯口感軟綿比較淡，配香草包剛好。🍴前菜選擇不多勝在新鮮，沙律菜爽脆清甜，粟米粒都係我最鍾意食物，南瓜香甜軟糯，醬油菇菌同茄子都屬可口冷盤。🍴我的主菜「意大利飯」$58賣相美觀，南瓜香糯配意大利飯的濕潤極之夾。🍴同事的主菜$68☕️最後仲有咖啡膠囊的壓縮咖啡，有點成本啊！味香濃一杯醒神。👍每位數拾圓有如此食物同服務質素超值。👍

經過見到裝修幾靚，就膽粗粗試下，因為位置唔算明顯，但裝修出奇地靚，就試試😂🥺唔知係未新開架啦？lunch同dinner都做緊優惠，食個扒連意炒飯都只係$68意粉唔係好多，只有幾啖，淡淡蒜香，不過連埋個扒食份量又岩岩好😜因為佢仲包埋個自助沙律吧，任食。起個餐未黎前試左好多款真係估唔到個薯仔沙律可以咁好味，另外仲有燒茄子，粟米等等友人就叫咗個意粉，不過不失～反而個多士比較有驚喜💋