Godiva Chocolatier (已結業)

上次食左個黑朱古力雪糕幾好食！今次見到有買一送一優惠就試下個黑朱古力飲品飲落唔甜，仲有d朱古力碎有咬口上面仲有cream同放左塊黑朱古力但就唔稱得上好好飲🙁 感覺Starbucks 個Choco flap仲好飲 正價真係唔會買

這是出名的朱古力店，平日這雪糕差不多要$50 ，近日推出了買一送一的朱古力雪糕優惠，我和朋友經過灣仔，看見不用排隊，便進去嘗試。軟雪糕一拿上手就十分吸引，首先是聞到了香濃的朱古力味，在雪糕上還放了朱古力醬，還有一個印有牌子的巧克力牌。咬一口，朱古力醬的香味直衝喉嚨，朱古力雪糕有濃郁的黑朱古力味道，不是太甜，再咬上一口脆脆的雪糕筒，簡直是一個完美的配搭。但雪糕很容易融化，建議在有空調的地方慢慢享用，要不然，便吃得很狼狽。

呢3日做緊買一送一黑朱古力軟雪糕🍦就去左食。軟雪糕好滑，口感好好，黑朱古力唔會甜，食到底都仲有雪糕，而個筒都ok脆脆地，50蚊2杯真係抵！不過都幾大杯，食完已經飽左黑朱古力recommended!之前食過幾他朱古力味會濟

早幾日上網見到黎緊Godiva dark chocolate soft serve黑巧克力味軟雪糕有買一送一優惠，所以今日專登走去買黎食。平時要$50一支，完全唔會捨得買黎食，人生只係食過一次甘大把，當時都係買一送一，但就剩返兩溝味，未食過齋黑巧克力味既，今次終於食到啦~拎上手，外表比較令身，食落去好濃巧克力味，好食，仲有一小塊巧克力插係軟雪糕到。雪糕筒邊邊有脆脆，多左重層次，但個筒一定要配雪糕食先得，唔係本身冇咩味。見到巧克力禮盒好貴，等發左達先買啦，哈。

手頭上仲有幾張Godiva voucher，好，等我試多幾間睇下邊間最灣仔呢間產品算好齊上次係太古店飲左72%dark chocolate，都預左呢杯會比較甜，但原來冇想像中甘甜，岩岩好朱古力碎同沙冰打得太過碎，碎到完全唔洗咬，仲好滑，冇左粒粒口感，反而冇甘正不過，整體都係好飲既下次如果大家想飲，就要麻煩店員落多d朱古力同唔好打太碎喇。岩岩Halloween先過左，店內已經亮滿聖誕氣氛🎄🎅🏻🎁

因為couple就到期，除夕日同老公飲完茶行過去會展廣場Godiva 分店 換 筒裝軟雪糕，因為時間尚早，加上地點唔太就腳，店內無乜人，所以好快就換到雪榚。godvia口碑一直不錯，今次軟雪糕亦唔例外，雪糕香滑而濃郁，入口即溶，齒夾留香，下端餅乾部分香脆鬆腍，真係名不虛傳。

近日喺網頁同報紙上不停見到名朱古力店「Godiva Chocolatier」於12月8、9、10日將以買一送一推廣三款軟雪糕甜筒o既廣告。尋日午餐過後，雖然落著滂沱大雨，XO仔結果都係把持唔住，捉咗會計小姐行去離公司最近o既「Godiva」買甜筒食 。嘩，真係估唔到咁大雨門外仍企出蛇餅，天氣濕涼都無減大家想食雪糕o既意欲。不過見到窗外貼出要等成三十分鐘o既便條，趕返工o既打工仔們好多都要提早離開 ，等下午茶時間人少啲先再返轉頭。原來人龍全部都係喺度等緊攞甜筒，因為節省時間，店子已安排客人預先落單揀好雪糕口味 。排咗十幾分鐘先有機會排到入店內，發現店員不斷要增添粉末及牛奶，雪糕機先可以慢慢運作。等咗九個字終於輪到我地啦 ！軟雪糕一到會計小姐手，睇黎已經開始溶化，唔知係咪雪糕機唔夠凍呢？！小肥手持o既「雙重巧克力軟雪糕」醇滑甜美 ，以朱古力脆脆綑邊o既甜筒香脆無比！$45有兩枝，連會計小姐都話抵食；嘻嘻，二人當然係準備好要把握今日最後機會食多一次啦 ！

Thanks to siuyeadragon for this bar of strawberry milk chocolate.It was really nice and every bite had crispy strawberry pieces in it.The strawberry pieces tasted natrual.

試咗法國品牌agnès b. DÉLICES同日本品牌Royce’兩款朱古力，都未喺好滿足，食友所贈比利時品牌嘅Godiva，又會否帶嚟一點點安慰呢？延續朱古力食評「公朱同好」系列第六篇，分享一下Godiva嘅排裝朱古力「鹽味杏仁牛奶巧克力磚」（Milk Chocolate Salted Almond）。從官網所見，排裝朱古力一共有11款口味，例如：海鹽黑巧克力磚、杏仁黑巧克力磚、榛果牛奶巧克力磚、香草白巧克力磚、草莓牛奶巧克力磚……等等，31-85%可可濃度，每排淨重100g，賣$95；另有一款喺有3排嘅巧克力磚禮盒，賣$295。近日天氣開始熱，要放入雪櫃，所以，食之前最好拎出嚟攤10分鐘，效果最理想 。牛奶朱古力入口挺柔滑，雖然標明只有31%可可，但朱古力味一啲唔差。先嚟一朕甜味，跟住慢慢有啲鹹味滲出，而且好多杏仁碎，平均鋪滿成塊朱古力，反一反轉就睇到杏仁碎有幾密！總括嚟講，可以話集甜鹹脆於一身，連老婆都話正 ！食友知小弟好鍾意焦糖味，雖然佢話本意想買鹽味焦糖牛奶巧克力磚，不過恰巧無貨，退而求其次就買咗鹽味杏仁牛奶巧克力磚。其實，咩味都無所謂啦，心意吖嘛 ，點可以「鹽三鹽四」