Go Dutch Cafe

營業中

休息中

星期日，懶洋洋既一日，係附近做完香噴噴既香薰按摩後，就黎登打士廣場搵野食當然，黎返充滿回憶既10樓cafe啦! 未入門口，已經見到棵聖誕樹，好有氣氛嗌咗個檸檬草茶， 檸檬草清香， 有排毒，修復肌膚同埋健脾健胃嘅作用， 而且可以增強自身免疫力， 最啱做完按摩飲。 順帶一提， 飲完可以refill㗎龍蝦汁鮮蝦意大利粉: 本身呢個配搭係配意大利飯， 但個人比較鍾意意大利粉， 而呢就可以自由配搭，感覺唔錯 龍蝦汁味道香甜， 鮮味十足! 蝦新鮮，香脆可口。意粉軟硬度適中， 整個配搭好好

上星期約咗個朋友食lunch ,我本身喺旺角返工，朋友過嚟約我所以喺返附近食飯，食完個飯就要拿拿臨去返工。成幢登打士街廣場都有好多Cafe ,但係太早所以唔係好多鋪頭開咗門，咁啱我哋見到有人係呢層出去，所以我哋都跟埋出去睇下有乜嘢好嘢食。入到你個環境好舒服，個裝修好靚，同埋個地方好大。呢度嘅lunch都唔係好貴，佢最低限度一杯野飲，但係因為我哋未食lunch所以我哋叫咗個lunch set再加多個小食拼盤，呢個長通粉吞拿魚大概60幾蚊，連埋杯飲品都係＄70左右，佢嘅份量都幾大，其實呢度大概都夠我哋兩個女仔食。之後嚟咗個小食拼盤，小食拼盤入邊有五種嘢食，分別係薯角、雞翼、春卷、咖喱角、薯皇，佢全部都係即叫即整，上枱時仲係熱辣辣好香好好味。到我哋走嗰陣時啲的位已經坐到7788，如果大家想嚟之前都可以打個電話上嚟book定先。

今日唔使返工，咁岩行開旺角經過登打士廣場，好耐都未上過去Cafe食嘢所以見今日咁得閑就上去睇下有乜嘢食。其實好多間嘅cafe嘢食都大同小異，但係我見到呢間cafe裝修好舒服，所以就入去試吓啦。基於啱啱開門，再加上係平日所以冇乜人， i叫杯野飲再買少少小食坐喺度真係好舒服，咁岩今日出邊又落雨，毛毛細雨，真係可以喺呢度Hea足一日。我叫左個焗肉醬意粉同埋薄荷朱古力，佢嘅薄荷朱古力薄荷味比較重，同埋佢嘅甜度適中，唔會話飲落口太甜，同埋飲完之後唔會話有浸甜味係口度，唔錯，值得推介。另外想讚賞下佢個焗肉醬意粉，佢啲麵身比較硬身，我個人比較鍾意食一啲硬既麵，所以我覺得幾好食，以佢嘅芝士同肉醬汁都幾多，每一啖面放入口嘅同時一樣有肉醬入口，正！整體上呢間Cafe嘅質素都唔錯，同埋好適合一大班人來玩，因為佢都比較多大枱，可以成班朋友黎一邊食一邊玩。

今日同朋友行街 ，仲要落雨勁失望， 所以我哋行咗一陣買咗嘢之後就想搵個地方坐， 就去到登打士街 ，搵咗一間cafe坐一坐 。去都見到裝修唔錯，都坐得幾舒服，燈光都幾好 。之後我哋因為會再食晚餐，所以就嗌咗一杯飲品再加一個小食。朋友飲嘅係焦糖咖啡而我飲栗子咖啡再加一個蜜糖雞翼，最後每人75蚊， 其實都幾失望。 而且坐到中間時間， 隔離枱仲有人喺度食煙添 。講番嘢飲方面 ，其實係最失望，首先 冇拉花同埋 睇嚟嗰啲都唔靚， 但係依個都唔係最重點 ，咖啡首先好凍， 只係放咗好耐嘅感覺 ，味道好淡而且冇焦糖或者係栗子味， 我朋友覺得麥當勞嘅咖啡仲好飲過佢，但係這裏的咖啡收45蚊就真係幾貴。 最後我哋兩個只係飲咗兩啖就放棄咗 。蜜糖雞翼係幾好食， 看得都幾脆同埋肉都幾嫩，因為仲有唔少蜜糖汁喺度所以甜甜地都唔錯 。但只會再嚟一次就唔會再嚟喇。

放工約左人嚟到mk食夜晚，見冇乜特別想食就揾左間朋友食過覺得幾好嘅go dutch cafe坐下食下野啦⭐️ 首先同朋友嗌左個蒜蓉汁雞扒飯($88)🥘🥘 份量都幾多其實，雞扒煎得幾香胸，蒜蓉汁夠惹味，撈埋都配合得幾好☺️ 仲有小小豆苗個配菜，好fresh🥗飲品嗌左熱朱古力，都幾大杯🤗🤗 可可味濃，又唔太甜👍🏻👍🏻之後小食嗌左個靚靚摩天輪❤️❤️ 有好幾款小食，最出色係芝士釀雞翼💁🏻 一啖咬落去芝士咇哂出嚟好正，而且外皮燒得香噴噴，好惹味😍薯角同薯條蝦都炸得剛好，點茄醬好好食🔥

脫完毛就同朋友仔揾間樓上cafe hea hea. 所以嚟到最多cafe geh 登打士廣場，今次就嚟到10樓嘅Go dutch cafe🙆🏻‍♂️🙆🏻‍♂️ 入面唔會好逼，有幾個卡位，算幾好坐嘅cafe😄仲有d board game 比人玩添😽😽 同fd share 一個set因爲唔太餓，揀左自家製芝士釀雞肉pasta($92)❤️ 雞扒整得幾香脆，芝士好夠多，好邪惡好彩2個人share haha👅👅 pasta都落左幾多cream sauce,所以食完有d滯🤦🏻‍♀️ 另外跟餐加左8蚊要Spanish coffee😻好驚喜因爲咖啡底偏酸好正，溝左雪糕入口更順滑😉 好飲比想再encore 👀小食要左個芝士火腿西蘭花，都幾清新，芝士份量剛好唔會好膩🤤

<Go dutch cafe與別不同既荷蘭小食>🤓🇱🇺油麻地登打士廣場有好多樓上食店同cafe , 喺附近見完客 諗上求其揀間食個tea. 飲杯野休息下 揀左10 樓既go dutch環境唔錯 以木枱 白sofa為主 加上木板做成既假牆 別具風格 🤓 食物除左有一般既cafe食物 好似意粉 薯條 飲品外 仲有好多特色咖啡 小食 窩夫等甜品😋🍽傳統荷蘭小食拼盤 82 蚊有炸肉丸 🐷荷蘭熱狗腸🐖 芝士包 🧀🍞每樣有三粒 , 芝士包話係包其實係炸過既芝士 出面既茨粉炸得好香脆 入面既芝士好香濃而且落足料 食落好有層次感🧀😃 荷蘭熱狗腸 既肉密度好高 好有口感 咸道適中 味道幾濃 🐖 最後既肉丸最特別 出面香脆 入面係將肉打溶 食落去好林 好似薯蓉甘🐽但又帶點肉味🐖 點以通行稅茉醬更正！加8 蚊椰香咖啡☕咖啡細杯size都唔細 用精美既movenpick白杯放住 , 咖啡好香濃椰子味 甜度適中 . 😃可以慢慢加另上既奶🥛 一路增加唔同level既香滑口感 👍🏻😃🍽提拉米蘇 tiramisu 38 蚊 🍰以朱古力醬同白色cream做伴碟 tiramisu外表幾靚 上面落左d朱古

平時好少嚟樓上cafe，朋友介紹先知呢間。好多卡位，幾寛敞。中間有燈泡擺設，感覺好休閒。飲品好多款，有沙冰、花茶，諗唔到既都有，最後叫左玫瑰花茶，好多玫瑰花，好濃郁，再加蜜糖，幾舒服，陣陣花香。加$48有一個主食，白汁芝士蟹柳意粉，抵食。小食，叫左黑松露芝士焗大啡菇，剛焗好熱辣辣，睇到都正，好多黑松露，白汁芝士內仲有bacon, 好香，重係多重多味口感，推介！呢度野食唔錯，又坐得舒服，同friend 吹左成晚水。

有時去旺角唔知食咩，又想同朋友傾耐d計，都會搵d cafe坐下。今次揀左登打士廣場呢間，一入到店員問我地食唔食煙，然後帶左我地去非吸煙區。食物選擇都算多，但都係意粉同三文治為主。我地揀左2個set dinner，其中一個芝心煙肉雞柳長通粉。下面既長通粉係好普通既白汁，長面既雞柳反而有驚喜。鹹鹹地，又脆脆地，幾好食。但另一個白汁香草煙三文魚意粉就有d失望，白汁意粉同上面個碟一樣味，上面既煙三文魚雖然分量多，但鹹到唔想食。跟餐飲品就普通既果茶，但呢度既board game 選擇算少，大型少少既仲要比按金。而且某女店員態度好差，上菜又慢，食物咁普通黎講唔會再黎。

放工後要到旺角做Treatment。做完後看到時間尚早，和大頭仔經過登打士廣場便看看有沒有什麼可吃。這間cafe食物樣子不錯喔！而且食物是出奇地好吃呢！點了個白汁吞拿魚長通粉餐 $72吞拿魚份量很多，上面還鋪了厚厚的芝士，烤過後是特別好吃的呢!吞拿魚配芝士的鹹香是最夾的！意粉可能會讓人覺得偏稔身，但我卻是十分喜歡的。而且份量亦算多，兩個人分來吃也足夠的。加$20要了一杯薄荷碎碎朱古力。大大的一杯！上面還加了些早餐吃的朱古力粒粒，的確是可以增加口感的。而朱古力和薄荷餅碎已經置底，喝的時候很有口感呢！Go Dutch Sandwich $58荷蘭特色三文治，有蛋、煙肉和芝士。這個多士也是出乎我我意料。多士不會太薄也不會太厚，上面有兩隻半熟的煎蛋，加了切成條狀的火腿煙肉，最後再鋪上芝士，蛋一切就流心，口感不會太乾。整個配搭都很好，我和大頭仔都很讚。如果經過絕對可以一試呢！

登打士廣場好多樓上cafe, 今次去左呢間go dutch cafe，坐位都寛敞，好多卡位，唔迫。價錢都幾經濟，飲品加$38，可有焗薯蓉，toppings 好多款，簡左芝士吞拿魚白汁薯蓉。以為$38係小食，但薯蓉份量係平時見到既double, 係可以當正餐，而且剛焗起，熱辣辣，又多芝士，好香。小食，蜜糖雞翼，$48，有6隻，都係剛炸起，上面加左蜜糖，脆脆地，甜甜地，幾正！蜜桃沙冰，5十幾，個杯已經高，佢仲加建高冰柱，抵飲，蜜桃味都強。整體係唔錯既晚餐gathering 之選，沒有限時，坐得唔迫，價錢合宜，唔駛同人喺商場迫。

明明卜左枱3位，但成晚幫我地轉枱，轉第一次都算喇，因為係6人枱，之後又將我地4人枱轉得2人枱，咩事呀！人地冇卜枱黎唔可以同佢講已經冇晒位架咩，點解要轉坐係度既客不斷轉細枱。2人枱點玩呀，如果我淨食飯唔洗黎cafe玩啦！blacklist左依間野..

其實一個月點都會黎幾次衣到，因為都係朋友帶上黎，不過今日開始唔會，今日有個女職員態度差到不得了我黎食野休息下，唔係比錢受你氣，本身呢到既食物質素其實已經唔係好好，叫左杯紅棗桂圓茶，無乜特別，唔係太過靚既茶俱，仲有點舊舊地，好似唔太清潔感覺，同長通粉味道一般，而且份量少，等左30分鐘先有得食，如果真係好餓，真係已經餓屎左，價錢仲偏貴，裝修超級之一般，只係成日黎開就黎呢間，經歴今日，員工無禮貌，真係唔會再有一下次！無下次88

1. 食物等候時間太久原來落單嗰陣，一行五人每人一個餐。但落完單嗰陣個侍應指跟set叫，五至六人餐有兩個主食三個小食，而主食份量大份，價格優惠但實際上，五人餐價格650，我哋五個人叫完都係550左右。惟侍應跟住補充，叫set會比較快啲到，叫散叫可能等得耐啲我哋8點15落單，到9點15都重未有一個嘢食到，跟住問侍應啲嘢食等幾耐，個侍應重要態度有啲串，指一早提醒咗叫散叫會耐啲2. 卡牌唔多嗰度嘅卡game好少，唔好有太過大期望

考試又到了，想搵一個地方溫書。2個人，Random揀左一間，夜晚9點出面又熱辣辣，咁岩有位就揀左呢間。Dinner set 野食普通，選擇大眾，無咩特別。叫左鴨胸長通粉，野食好淡唔好食，另跟餐加$20要左杯拖肥沙冰咖啡，幾ok. 男友叫左個黑椒炸蝦意粉，生粉汁真係唔太ok，另加$15要左杯星座特飲，好難飲，檸水咁味。地方好嘈，而且好open area，私隱度低，唔岩(偽)文青，還是適宜一大堆人黎嘻嘻哈哈玩遊戲。