Go Dutch Cafe

營業中

休息中

本身book左9樓嘅cafe fabulous，前兩個鐘先收到通知話搬左10樓，點知原來係另一間餐廳。。。職員一開始已經態度非常惡劣，大聲呼喝我地話無去錯叫我地入餐廳坐低。。野食方便非常一般，價錢偏貴，野飲好似水咁。。如果嫌錢多同想俾員工西面的話可以一試，但不建議。貼錢買難受嘅一餐，未試過有咁差嘅體驗。

見openrice食評咁好，襯住今日boxing date所以上去一試。Lunch set價錢百幾蚊一位，唔算好貴，整體食物質素ok嘅，尤其個拿破崙意粉係煮得幾好味，個豬手比較濃味但係都好食，但係男侍應服務態度非常差劣，基本上係全冇服務可言，後來有個女侍應就態度好好多，但係個男侍應嘅態度完全已經令我哋好反感。以上樓cafe而言，雖然食物味道ok，但以人均消費$160嚟講，零服務實在令人覺得性價比低，回頭指數絕對係零。

抵食又坐得舒服既樓上Cafe - Go Dutch Cafe好耐冇去旺角拍拖行街，呢次行到登打士街，呢度出名多樓上Cafe，我地係樓下燈牌揀左一間空間感大，望落舒服既Cafe食下午茶。佢就係Go Dutch Cafe ! 餐廳裝潢設計簡約，座位寬闊舒適，而餐廳中間放置左好多款桌上遊戲同旅遊書俾食客借用，氣氛唔錯 ! 餐牌上既食物種類都好多，有炸物﹑意粉﹑串燒﹑漢堡等等，亦可選擇$398既二人餐，就可以食到兩份主菜、一份小食、兩杯飲品及兩款甜品，非常超值 ! 但因為女朋友怕食唔哂，所以我地最後都係決定單點餐牌上既食物簡單介紹下我地叫左咩野食啦 :海鮮沙律 $72，將新鮮甜美既蝦同唔同蔬菜整成，以檸檬及橄欖油稍腌再炒過，配上各種色彩繽紛既蔬果整出黎既賣相，清新怡人美式咖啡 $45，沖出嚟嘅味道感覺到咖啡同水嘅比例岩岩好，唔會太苦又容易入口既雲尼拿阿法奇朵$45，簡單既意大利甜點，就係只係將濃縮咖啡倒係雲尼拿雪糕上面，都要Cafe沖既咖啡夠味先帶到呢款甜品既精髓出黎最後想稱讚一下餐廳職員，雖然客人唔多，但服務態度真係好好，非常殷勤有禮，整個用餐體驗非常良好，坐得又舒適，食得開心，絕對會再回訪

食物質素差意粉份量少、太軟身豬手太重豬騷味，尤其係皮及較肥的位置。肉質太林，一啲都唔煙韌，仲林過我啊媽煲湯啲豬展肉🤢話係oreo但冇oreo 味嘅黑色餅碎茶餐廳質素，cafe 價錢😑食水極深

鬧市中嘅樓上cafe"Go Dutch Cafe"Dinner - Set for Two $398小食~~蜜糖雞翼(6 pcs)煙三文魚凱撒沙律主食~~特濃龍蝦汁帶子蟹肉意粉黑松露軟殼蟹忌廉意粉特色黑椒鹹豬手配薯角招牌原隻燒春雞配薯菜甜品~~Cream Brulee Cheese Cake飲品~~朱古力沙冰玫瑰花茶熱帶雜果水果茶檸檬蜂蜜整體而言，食物質素中規中矩，環境座位舒適，服務員態度親切有善，加上沒有用膳時間限制，係三五知己暢聚嘅好地方😚

呢一晚我同朋友搵梗一個坐得舒服，可以慢慢食嘢傾偈嘅地方。無意中發現咗呢間餐廳。餐廳無限用餐時間，而且營業到夜晚12點，非常適合我哋。而我哋係平日去嘅，入坐時間6:30。呢個時候人流比較少，可以坐到適合自己嘅位置，慢慢到8點人流先開始多。餐點方面揀咗二人套餐。包一個小食、兩個主菜、兩杯嘢飲同兩個甜品，有收加一服務費，平均每人都係二百幾蚊，相當抵食。👍🏻環境方面呢間餐廳係行溫馨家庭餐廳風格，無特別打卡位置，枱櫈簡單舒適為主，適合慢慢品嘗美食傾偈談心。職員非常有禮貌同細心，整體感覺溫馨有人情味，值得讚賞👍🏻

打算元宵佳節前一日去慶祝一下，就搵到呢間餐廳。想講非常好食以及有少少驚喜。叫左400蚊唔駛既二人餐，加埋兩杯飲品都只係428蚊埋單。咁講下二人餐叫左咩食物先！小食：蜜糖雞翼6只主菜：雞肉釀芝士長通粉 及 黑椒豬手配薯角野飲： 凍檸茶 及 朱古力沙冰甜品兩款：鬆餅 及 蘋果撻小食就預正常野；但主菜非常之出色，首先講下雞肉釀芝士長通粉，係香濃好出味，芝士又邪惡，係估唔到雞肉係炸既..入面仲釀左火腿同漢堡用既黃色芝士。咁另一款黑椒豬手就好嫩口唔乾身，仲切開一件件添！係細心既，但唯一豬手唔夠咸。咁配薯角就唔多講喇。咁野似就只講下朱古力沙冰，咁係好香濃唔太多冰（即係啱啱好冰量）！咁佢Cafe來講，野食係非常之唔錯！坐得耐唔趕客之餘，仲想佢老闆娘/女店員（？）非常次細心同埋好好服務！！呢個要讚下同欣賞既。好啦…咁驚喜有少少，就係知我地點二人餐為左慶祝元宵，咁餐廳就送上用朱古力細提字既「情人節快樂」配上甜品！係喇就咁先，Bye!

出餐超級慢的一間餐廳，接單，煮，收錢都系同一個人。另一個女的整飲品，整成十幾分鐘都出吾到飲品。當時只有3台客人。落單果個男人態度又吾耐煩。食品味道可以，但是服務奇差

環境舒服仲有boardgames 提供，好岩同朋友聚會既cafe~❤️經典芝心安格斯牛肉漢堡配薯條 牛肉漢堡好厚好juicy~ 半融芝士+沙津菜+烘到微微香脆既麵包，仲有薯條都好香脆，好味rrr🧡牛肝菌雜菌雞柳長通粉 菇菌味好濃郁，有少少似淡淡既藥材味，雞柳份量都好多💛CHOCK 超豐富既朱古力甜品，有朱古力心太軟+雪糕+榛子朱古力牛角包高夫，非常sweet sweet 既組合💚草莓鮮奶 香甜幼滑既士多啤利鮮奶，味道唔錯睇落又好pink pink 充滿少女心💙Cappucino 奶香味十足，香滑順口

🍽 Go Dutch Cafe~~~~~~~~~~~~~~~~~~~~~~~~~~~~~~ 今日約左個朋友食lunch黎左呢間樓上Cafe, 我地叫左個二人餐，包括左一款小食，兩款主食，兩款甜品同兩杯飲品 （$398）😁🟡 RS16 避風塘脆炸軟殼蟹 🦀👉 軟殼蟹切成一件件去炸👉 炸粉一啲都唔厚，而且炸得好香口 👉 面層鋪滿粒粒炸蒜，脆卜卜🧄👉 椒鹽味足夠🟡 RM9 特濃龍蝦汁帶子蟹肉意粉🍝👉 意粉硬度足夠，唔會過淋👉 龍蝦汁味道濃郁🦞👉 蟹肉多，帶子彈牙🦀👉 有埋Rosemary 幾夾🌱🟡 RM11 Go Dutch 特色黑椒鹹豬手配薯角🐖👉 豬手切得靚，豬手肉味濃郁好淋👉 多D鹽灑上面會更好👉 有蜜糖係面 有種香甜味 🍯👉 薯角香脆熱辣辣 🥔🟡 RD1 是日精選蛋糕 - 蘋果肉桂 🍎👉 甜度岩岩好 🍰👉 一啲都唔會太heavy 👉 Cream cheese 又有口感 🧀🟡 RD4 士多啤梨牛角包窩夫 🧇👉 口感特別新頴，佢唔似普通嘅窩夫，更鬆脆似牛角包👉 配上士多啤梨醬帶有少少酸，好味 🍓Cafe適合知己好友聚會，坐得舒服又有Board Game 玩，Customer servic

今日約咗朋友一聚，諗住吹下水食下飯，見好耐無去樓上cafe，於是揀左地方便利嘅旺角Go Dutch Cafe。可能係平日夜晚嘅關係，食客唔算好多。我地點左兩個2人餐，有2個小食，主菜包意粉或燒雞或豬手，套餐仲有甜品同飲品。其實以每人唔駛200蚊黎講係旺角相當實惠，而且仲要無限時任你坐幾耐。個人覺得大家行開旺角都可以支持下呢類型嘅樓上cafe。

餐廳位置方便，油麻地地鐵站行幾分鐘就到，喺樓上Cafe，環境好舒服，啱晒同朋友假期去傾偈hea 下，最重要係食物質素好，全部食物都好好食金沙蝦鹹蛋意粉好有創意嘅味道，估唔到意粉配金沙蝦都好好食，金沙鹹蛋味超級濃，好多蝦，蝦好爽口👍🏼特色黑椒鹹豬手配薯菜果然係餐廳推介，好食，鹹豬手外皮烤得好脆，好香豬手味，外邊淋咗一層蜜塘，啖啖肉，好味😋金寶蘋果芝士蛋糕蛋糕超濃玉桂味，我最鍾意食肉桂，好香，芝士好停薪，好有口感，而且個餅底都做得好出色， 100分榛子鮮奶榛子味好濃，配埋鮮奶，一絕配搭

上完永生花堂，又行到攰攰地，就搵左間Cafe坐低，諗住可以靜靜地傾吓計休息下，再嘆番個咖啡醒神一下。自家製原隻燒春雞配沙律睇見食評個個都話正，所以想試吓。燒雞應該係即叫即做，要等一段時間，皮脆內有肉汁，而且份量大，配埋薯粒沙律，兩個人食多幾飽下，性價比高，推介，真係好食。芝士煙肉焗黑松露大蘑菇黑松露都放得幾多，個菇保留左菇香又多汁，仲有邪惡嘅芝士煙肉，加埋真係好好味。軟殼蟹牛油果漢堡配薯條個包充滿牛油嘅香味，烤得外脆，加上軟殼蟹，牛油果同醬汁，估唔到哩個配搭都幾夾。維也納咖啡&Mocha 咖啡有用心去裝飾，第一次飲維也納咖啡，口味幾獨特咁，Mocha味道再濃郁d就更加正。

餐廳環境優美舒適，提供大量board game，好適合朋友同情侶聚會聯誼。- -Set for two $398二人餐包左一款小食，兩款主食、甜品同飲品，選擇超多，menu 有A3紙咁大。- -小食：避風塘脆炸軟殼蟹軟殼蟹切件脆炸，蟹身大隻厚肉，食落肉質鮮甜，酥脆可口，配合微辣嘅炸蒜，色香味俱全。- -主食：特濃龍蝦汁帶子蟹肉意粉意粉落咗超多蟹肉，味道鮮甜，帶子彈牙，而龍蝦汁濃而不膩，食落唔咸之餘，每啖都充滿龍蝦味道，鐘意重口味嘅朋友必試。-招牌原隻燒春雞配薯菜燒香雞外皮微脆香口，入面肉厚香嫩，好多肉汁唔乾身，啖啖肉食落好滿足。伴碟有烤薯塊、小甘筍同沙律菜，飽肚健康。- -甜品：榛子朱古力牛角包窩夫、士多啤梨牛角包窩夫牛角包窩夫係最近新興嘅甜品，口感比起普通窩夫更酥脆，更香牛油味道。配朱古力醬味道比較甜，而士多啤梨醬則帶有一點酸味，兩款都各有特色。- -飲品：荔枝紅茶冬天女士養生可以點杯熱紅茶，茶底香濃，加入左味道特別嘅香草，再配上喜愛嘅水果，飲落微甜清新。-水蜜桃梳打梳打加入咗好水蜜桃粒同蜜桃糖醬，飲落清甜解渴。

本身預咗cafe 係一個想坐耐啲嘅地方 同朋友開開心心玩吓 傾吓偈咁都唔expect個食物質素 好好！食物質素 唔得！佢啲嘢食有一碟「自家製芝心雞柳」 係酸臭味 一聞 就即刻想嘔 其他有啲碟係啲龍蝦汁/鹹蛋粉係好奇怪 但都未至於落唔到肚杯檸檬蜜糖水 係好假嘅甜 我寧願你買道地樽裝 比我 都好過呢杯野飲！環境 一般！可能因為我地多人 所以比一間房比我地但坐耐咗 閂埋門 就有陣煙味 好臭！ 明明望出面冇人食煙！真係好過份 下次玩board game / 聚會都唔好再揀呢間