Go Dutch Cafe

營業中

休息中

因為朋友想食松露意大利飯，所以就臨時喺呢OpenRice搵咗呢間，見佢好似好多好評咁就試吓，點知就中咗伏！揀咗二人餐，$398/2pc 另加一揀咗酥炸魷魚圈，上到嚟見到魷魚圈好似返咗好多次咁，咬落去又唔脆又厚粉，都幾難食再嚟就係軟殼蟹松露忌廉意大利飯望落去都幾靚，點知一食就出事，啲飯係用煮熟咗嘅飯煮，食得出一粒粒飯好明顯嘅口感，好鹹冇乜松露味，軟殼蟹仲大鑊，超級厚粉，又係唔脆！最後食淨晒啲軟殼蟹Pizza由落單到上菜等咗一個鐘又係望落去，好似唔錯，份量都足夠，套餐要另外再加$10食落去真係好失望，啲配料全部都融合唔到一齊，茄汁味好重，望落好多芝士，但係冇芝士味，最重要嘅係焗得唔夠透，仲食到好重嘅粉！最後就係套餐嘅甜品Oreocheese cake係是日蛋糕精選，超級甜，似係預製蛋糕，法式焦糖燉蛋，冇蛋味，亦都冇奶香味最後食淨勁多，本身我係一個唔會食嘢嘅人，但係都真係食唔落，唔想嘥quota~

點了經典的白汁蘑菇雞肉意粉和凍朱古力，是我最愛的套餐，一如所料，很好吃。白汁跟雞肉和蘑菇是絕配。蘑菇不是白烚，而是炒得很香口，完全發揮蘑菇的香味，活用食材，香氣逼人。而雞肉亦煮得很好，熟度剛剛好，沒有overcook,所以吃起來不會硬或韌，煮得很好，因為絕大多情況下都會失控地煮到雞肉太熟，但這裡則不會，專業得很。意粉也煮得很精準，有咬口，不會過軟，不是茶餐廳的可以比擬。如圖所示，醬汁的量很充足，足夠吃光整碟意粉後都仍然有足夠醬汁，可以多點一些麵包拌著吃到清碟。吃到飽飽的，因為份量很足，性價比高，最後喝完凍朱古力，一流

朱古力風味很強, 質感很好。首先朱古力味很濃郁, 又醇厚，吃得出用的是是黑朱古力, 味道比用牛奶朱古力或白朱古力更為突出，完美平衡甜度和朱古力的酸味。質感方面, 雪糕部分軟滑﹑夠冰涼, 並入口即化, 不會吃到冰塊, 一點也不嚡, 而是質素很高﹑很順滑的雪糕, 吃起來很夠冰涼, 顆粒感不會太重, 十分高質。這杯甜品的層次和配料也做得很好。配料呈多樣性, 有crumble, 即餅乾碎, 還有朱古力mousse, 朱古力醬、朱古力脆脆和水果等，這些配料完全豐富了整個甜品的口感和風味, 令人一試難忘。喜歡它用水果來平衡甜度和增加清新的口感, 所以吃完整個甜品都不覺得膩或滯。增次的組合和堆疊很成功, 每種材料都發揮它的所長, 甜度適中, 不會太甜或太淡, 吃完就是大滿足, 視覺和味覺都同是享受。

今天同女朋友慶祝紀念日，係朋友推薦下黎左呢間cafe試下，一入座員工都好有禮貌好nice，我地叫左一個二人set，首先就係小食青口，非常好食啊，青口肉非常入味，跟著就叫左朋友推薦我地食既豬仔骨，簡直完美，肉質非常好，彈牙，然後再叫左明太子煙肉意粉，亦都非常好食啊，係我食過咁多間明太子意粉入面算係最好食既一間，最後我地加左錢將二人set 甜品轉左雪糕多士盒，雪糕加料加得好重，非常好食，入面仲有烤過既麵包粒粒，但係食晤曬，有小小好惜，下次都一定會再黎，而且book 台仲有85折，一次好好既體驗

呢間餐廳野食真係美味又唔貴，賣相精緻又吸引，已經係我第六次幫襯。每次嚟我都會嗌豬手，份量十足，肉質嫩滑，味道濃郁一流，性價比高，真係好抵食！另外，佢哋所有意大利飯都可以自由轉成意粉，選擇多樣化，啲汁料濃郁可口，味道非常好，令人回味無窮，絕對值得一試！

同男朋友放假唔知去邊好 上網睇到呢間氣氛好似唔錯 上到嚟更加有驚喜 服務簡直係冇得頂 梳化又夠闊落 氣氛又夠安靜 嘢食超乎意料地出色 唔單止同男朋友同一班朋友嚟更加好 下次一定會再嚟

自從朋友介紹呢個地方畀我之後 我每一次去旺角 都係去呢一間度食。 座位舒適 無時限而家已經係 奢侈嘅要求。 食物有前菜 刀甜品 及飲品 都有一定水準， 我帶咗唔同嘅朋友嚟食佢哋都係高評價。已經係第3次到訪。應該會成為固定飯聚地點

第一次嚟呢間cafe我地6點到，係第一枱客。老闆娘好客氣招呼我哋，就算我哋冇訂位都叫我哋自己揀想坐邊張枱！門口位置張圓枱個裝飾好靚一睇就知道枱上盤植物有被悉心照顧！場地好闊落，枱與枱之間有足夠位置，令人好自在，坐得好舒服燈光亦都好柔和，配埋輕快嘅音樂同三五知己敘吓舊同吹吓水就啱晒老闆娘超nice員工亦都好有禮食物飲品有樣有質素我同朋友都覺得呢間Cafe性價比好高我哋坐咗四個鐘都冇俾人趕，太難得了大家都話下次要帶自己嘅朋友再幫襯

食物同嘢飲質素幾好 地點都好方便嘢飲比我想像中靚 適合打卡龍蝦汁海鮮意大利飯好濃郁烤雞份量好足 皮脆 薯角好好食個人更加鍾意個意粉🤣金沙蝦意粉味道濃郁 蝦比得好多 好重手卡邦尼意粉都好出色

其實本身係冇乜期望，只係想搵一間可以不限時的Cafe與朋友聚聚，估唔到所有食物都好好味，朋友都讚賞。侍應哥哥好有禮貌，招呼周到，會介紹朋友再來食過。另外，餐廳環境好Chill, 坐得好舒服👍

今日女朋友生日，係網上見到間cafe，所以book左位打算同女朋友係度慶祝生日，一到鋪頭老闆娘非常熱情且有禮貌，係香港好耐無見到咁有禮貌既waiter了🥹，一坐低就同我低介紹menu，佢同我低講最低消費每人係一杯飲品，跟著建議我低可以叫二人餐，非常抵食，跟著我地叫左一個大蘑菇，老闆娘仲送左一串串燒比我低，非常有人情味啊！，豬頸肉串非常好食，可惜得返最後一串，其次就係大蘑菇，黑松露比得好多，味道都啱啱好非常好食，跟著就係主食龍蝦汁意粉，龍蝦汁特別入味，意粉煮得啱啱好，我覺得比出面大部分既龍蝦汁意粉都好食，雞雖然等左好耐，但係結果都無令我地失望，雞焗得啱啱好，一剪開有煙出黎，仲有好多汁，一放入口汁既味道係口腔入面爆出黎，薯條都非常好食，跟著最後既甜品！，老闆娘話我女朋友生日所以免費update左，送多個心太軟比我地，太好人了🥹，仲要插埋生日牌，下次一定仲要再黎，而且book位仲有85折👈🏻🤓總之對我黎講係一次非常好既體驗😁

呢間旺角樓上cafe真係唔錯！首先餐廳環境舒適，員工態度良好，有唔同board game遊戲，最緊要係啲野食唔錯👍🏻而且坐幾耐都唔會趕你，好適合三五知己閒聊嘆下tea！我最喜歡係個德國鹹豬手，同埋甜品Chock（朱古力三重奏），味道真係一流！🤤🤤

店舖環境乾淨簡潔，嘢好食，而且唔會嘈雜。😉😉😉一班朋友坐埋一枱，傾吓計、飲嘢食嘢，大家都覺得好舒服。意大利燉飯味道唔錯，凍朱古力仲好襟飲添！飲住傾吓計就一晚嘞！

食完lunch後想繼續搵個地方坐下，同朋友傾下計，就嚟咗呢間cafe！坐位嚟講都幾寬敞，而且又有唔同board game玩下，都幾岩成班frd嚟！玫瑰花茶玫瑰花茶一開頭聞落有淡淡花香，令人覺得幾舒服同放鬆。但飲落玫瑰花味比較淡，唔知係咪要放耐啲先再飲。西班牙咖啡西班牙咖啡同一般美式咖啡比起嚟，味道會更加濃郁，同埋通常會加啲牛奶或奶泡，令口感更柔和同埋帶點甜味，呢杯咖啡飲落去幾香幾濃，有提神作用，特別適合朝早飲返杯😂

因要陪媽媽看醫生，所以在open rice 內看食評找到此家樓上餐廳。原本從未上過登打士廣場，但今次吃過午餐後，定會再來光顧。餐廳佈置簡約，但感覺溫暖，適合與親朋好友聊天Hea吓。最重要係食物很不錯，我點了大蝦明太子意粉和三文魚牛油果egg Benedict, 媽媽和我都覺得很好味。而且老闆娘人很好，她也陪我們聊了好一輪天，大家都差不多成朋友了。個人覺得可以的話，盡量多些光顧這些本地優質local cafe, 為好品質的小店加油。