GANTO GELATO

營業中

休息中

我第一次食依間gelato 係係舊店，今次係第二次再食，仲記得舊店要上樓，地方好細，仲要排好長龍，依家搬左新店，雖然冇舊店咁方便，但地方大好多，仲有位可以比客企係度食。今次因為知道出左唔同濃度既抹茶，就專程去觀塘試。去到店後先排隊買左要邊個size，跟住如果想先試下味就同店員講，我主要試味試左15%及20%抹茶，最後我同朋友一人叫左兩款唔同味道。我簡左抹茶3號濃度20%同日本焙茶，而我朋友就簡左玄米茶同豆腐紅糖。4款味道我最中意玄米茶，好清香，真係好似飲緊玄米茶既感覺。抹茶就真係超級濃，偏苦澀，相信抹茶控一定可以滿足到，至於日本焙茶就係預期既味道，都係唔錯既選擇，最後最特別莫過於係豆腐紅糖，真係好似食緊豆腐花咁，又唔會好甜。其實其他味都好想試，不過真係食唔到咁多，唯有等下次。

觀塘人氣隱世意式雪糕，主打香港製造意式Gelato，每月推出各款新口味。最近由工廈搬到海旁商場，裝修開揚闊落，炎炎夏日可以慢慢在店內享受雪糕。☀️🍨- Small Double HK$40🍨- 法式焦糖燉蛋 🍮脆脆口感!!燉蛋味道香甜軟滑，再加入脆身焦糖碎碎，每一啖都有細微脆脆口感，口感非常有趣味!- 西西里開心果 🟢開心果控必食!!超濃開心果醬香氣融入整個雪糕，再加入大量開心果碎，整杯都超香濃，令人愛不釋手!!

今日到觀塘逛街，知道這裏附近開了一間最近非常有人氣的意大利雪糕店，所以在炎炎夏日下也要過去試一試。這裏的雪糕口味每個月都會轉換一次，可以在他們社交平台上看到最新Menu這次叫了一個Double Size $58味道方面選擇了西西里開心果和芒果糯米飯味。這裡很體貼在店舖有放一些枱可供客人堂食。首先，西西里開心果開心果味沒有很突出，吃了幾口後開始變得有點膩。芒果糯米飯味道不錯，裏面有加入糯米粒增加口感。可能是選擇口味的問題，暫時並沒有覺得他們的雪糕很有驚喜。如果不用排隊的話可以一試。

無意之中喺社交平台發現咗呢一間雪糕店由第一次仲喺工廠大廈細細間嘅舖頭仔開始朝聖去到依家轉咗開陽地舖 偶爾都會支持呢間小店 依家有兩個雪櫃 可以應付更加多嘅排隊人士 仲有冷氣 排隊嗰陣時都會舒服啲舖頭每月都有唔同嘅menu 我食過兩次都係茶嘅主題 (中式茶同埋日式茶)本身我都好鍾意食茶味製品 所以我覺得雪糕出咁多款茶味真係好出色無論係中式茶定日式茶 食落去唔使話你知係咩都食到係咩茶味中式茶：茉莉龍井 都係食得出好清嘅感覺 仲好有茶香日式茶：玄米茶 真係好似平時飲開嘅茶 20%抹茶 味道偏苦但係我個人喜歡 唔使去日本都試到唔同度數嘅抹茶😘焙茶 都係比較濃另外都試過長駐味道 開心果 完全唔輸俾中環嗰間意大利雪糕 都係超濃郁 另外仲有紅糖豆腐花味 都幾驚喜所以每次一有新味都會抽時間去拜訪下價錢又抵食，每次都要嗌三球

Ganto gelato🍨 係一間本地gelato雪糕店。前身喺觀塘工廠大廈裡面，已經因為口味創新✨️價錢親民💰所以人氣爆棚。而我因為冇留意店舖時間表，所以都好幾次摸門釘🥲宜家搬咗地舖🏘營業時間延長咗⏳️地理位置方便咗🗺仲有冷氣可以比你慢慢享受🌬 體驗感即刻高分咗💯佢地每個月都會定期換口味✨️上個月7月7️⃣就係「茶」做主題🍵。而今個月8月8️⃣就係「哪裡有彩虹告訴我」🌈 以唔同水果做主題 。------------------------------🍑抹茶3號 濃度20%🍵抹茶濃度分為三款3️⃣有10%，15%，20% 🍵而今次我地試咗最濃嗰個20度。抹茶味的確好出，食落去係帶有回甘苦味🫢甜到比較少。建議食咗其他口味先食👐🏻因為抹茶味會喺個口裡面停留一段時間，會食唔出其他口味🍨🍑日本焙茶🪵🍵焙茶係經200度以上🌡烘焙過後製成，所以除咗食落去帶有回甘味之外，茶味亦都會更加香+濃厚✨️同樣因為味道比較重，建議試咗其他口味先👐🏻🍑英式伯爵茶🫖同我哋平時食到比較重奶味🍼甜味伯爵茶雪糕唔一樣👀佢伯爵茶同我係咖啡店飲到味道好相似，係大有少少泰式香料味道🙏🏻 我就麻麻🍑日本玄米茶 🍵🌱呢款好好食🥰比起抹茶同焙茶，食落

店名: GANTO GELATO 地址: 觀塘偉業街180號Two Harbour Square地下2號舖觀塘B3站出口，行11分鐘環境: 4/5價錢: 4/5味道: 4.5/5呢間gelato由開業至依家，一直排長龍，今次同朋友去朝聖，一如既往都係咁多人😂我哋當日都要排左20分鐘左右🧐Double❤️❤️❤️❤️❤️$58試左法式焦糖燉蛋+日式焙茶味，係order之前大家可以試下味先，法式焦糖燉蛋味出面比較少見，雪糕質感好順滑😆蛋味香濃，仲有燒過焦糖，混合一齊食層次更豐富☺️焙茶味茶味超濃郁😚茶香味出，唔太甜，兩者味食啱啱好‼️

本身呢間bookmark左好耐，但因為店收9點所以喺觀塘食完飯過黎未必夠時間。但今次選擇喺放工時間即刻過黎食，但一去到鋪頭已經剩低3個味，因為大杯最多揀三個味所以就決定揀哂。一場黎到一定要試多啲味，因為搬左去呢間新鋪，喺觀塘地鐵站行過黎都需要啲時間，同埋有啲遠，如果揸車黎買大盒裝更加合適。今次試左三款味道 $68豆腐紅糖平時好鍾意食豆腐花，本身以為係會好淡味，但一食落好似真係食緊一碗豆腐花，更特別既喺Gelato加左紅糖喺裡面，呢個配搭係絕配亦都好創新。西西里開心果本身對開心果唔係超級喜愛，但西西里既開心果喺意大利係一個特產亦都係主要食材，所以係好香既開心果味。皮埃蒙特榛子如果你鍾意食繽紛樂，我認為係必點既，因為好似食緊繽紛樂咁，仲會食到榛子顆粒，口感好豐富，而且皮埃蒙特出產既榛子係最高質素。呢間店採用既材料都係用最好產地既產品，而且係我鍾意既Gelato口感，真係真材實料，如果開喺其他更方便地區相信我會至少兩星期食一次，因為我係Gelato愛好者。希望下次可以試到其他味，因為真係好快賣哂，大家要早啲去丫。

We have been wanting to try out Ganto as it's all over app. We went there at around 7pm on a Saturday and we didn't need to queue. We tried their tofu and tiramisu flavours.Tofu: replicates tofu pudding really well with strong soy bean flavour and they added crunchy red sugar bits. but it's a bit too sweet for my taste. 7.5/10Tiramisu: just a decent standard tiramisu flavour. Better than average ones in HK but considering the price i wouldn't say i would get it again. 7/10We also tasted the sea

Cool interior with cute little games to play while you enjoy the gelatosWe went a bit too late the tea flavours were sold out so we got tiramisu and tofu flavours.Tofu one replicates tofu puddings really well with strong soy bean taste with crunchy red sugar bits in it. But overall it's a little bit too sweet for my taste. 7.5/10Tiramisu is decent but doesn't stand out to us. Would rate it 7/10We also tasted the sea salt lemon and pistachios which I think the pistachio one is the best we've trie

喺觀塘非常之火爆嘅一間雪糕舖，食完lunch去排隊都排咗10幾分鐘🤣成個鋪面唔係好大，可能只可以容納10幾個人左右，所以如果去嘅話會預計要喺出邊食😂😂😂但係真嘅好好食呀🥰，有好多種口味可以揀，仲有兩款random可以抽盲盒，上次去一款係芒果糯米飯兩款唔同口味嘅small只需要$43我覺得好抵呀🤩🤩🤩嗌咗開心果口味同埋抹茶嘅口味，開心果口味特別好食🥳仲識咗一個豆腐口味都幾有特色👍

miss左6月茶味主題一直都覺得好可惜，但就算只係沖住開心果味都值得一黎開心果味10分最濃起碼有8分，已經可以講定每個月黎試新味都會食一球😂抹茶三號叫之前有小小地試味，嗰陣覺得ok吖濃得恰到好處，點知食完頭三啖就發現佢個回甘真係幾strong，而且係會疊加嗰種😂比我再揀應該抹茶2號就夠，大家試味之後自行衡量提提想去嘅朋友唔好太遲去到，一來有啲味可能會賣曬，二來新門店位置近觀塘海濱，由地鐵站行過去都有一段距離的，大家預翻時間啦

風靡社交平台一時，工廠大廈起家，香港本土人手製造意大利雪糕Ganto Gelato，終於有機會試到！由工廠細舖打響名堂，進駐觀塘海濱地舖，終於唔使成日報住社交平台睇佢開放時間。開舖之後深受大家歡迎，日日都大排長龍。今日係觀塘食完飯，諗住碰下運氣，趕係9點前去舖頭睇下仲有冇雪糕賣。好在皇天不負有心人，8:45pm 去到未賣哂，不過就得番3/4隻味。好彩最後都試到7月主題味：濃度20% 抹茶3號 Gelato. Gelato 口感幼滑，抹茶味香濃，但係唔會苦澀，feel 到佢落足料。另外仲試左皮埃蒙特榛子，食得出真材實料，味道濃郁，唔會過甜。$58 Double size , 已經可以揀兩隻味，大大杯，性價比唔錯。食完一d 都唔會覺得漏，食多杯都仲得！準備下次早d 去encore , 希望可以試埋開心果味同埋其他味道😋

夏天食雪糕是常識吧。知道觀塘呢間人氣雪糕店 Ganto Gelato 剛剛搬入地舖 ，既然行開附近， 走去食杯兼解解暑。店內唔知係咪冷氣開唔夠， 感覺上有點熱 ° 巡視雪糕櫃一 round , 啱我口味嘅味道唔多。7月以＂茶＂作為主題，所以會有多種以茶為味道嘅雪糕。我要咗個Triple $68, 揀咗抹茶（濃度20 ％），Tiramisu ， 皮埃蒙特棒子。呢到嘅Gelato 做得都算綿滑， 但質素算一般。3種味道之中我最喜愛抹茶味 ，極濃嘅抹茶味融入雪糕入面，入口後雪糕溶掉帶出微苦澀回甘抹茶味， 令口腔帶來苦苦甘甘清香味道， 超喜歡。 相反其餘兩種味道，味道上較為普通，未見給我帶來味道上驚喜。

大家不用北上同去日本都可以食到好好味Gelato 雪糕🍦，呢間係觀塘人氣雪糕店 「Ganto HK」，主打新鮮本地製作Gelato雪糕🍦，重有超多款唔同口味道。每個月會轉換不同的主題，七月主題《茶》，如果是抹茶控必定超級心心👀，抹茶口味提供3種濃度，分別有10%、15%同20%，仲有日本焙茶、日本玄米茶同英式伯爵茶口味，同埋有西西里島開心果口味、豆腐紅糖、Tiramisu、法式焦糖燉蛋口味同皮埃蒙特榛子口味。Gelato雪糕🍦有四個size ，Small $30 (1 flavor)Small Double $43(1-2 flavors）、Double $58（1-2 flavors），Triple $68 （2-3 flavors) 同有BRING ME HOME 600g $180 （1-3 flavors）我最後買咗Double (1-2 flavours)可以店員試吓味道，試咗西西里島開心果口味同皮埃蒙特榛子口味，個人覺得略甜，我就揀咗抹茶🍵濃度20 % 同英式伯爵茶口味，真係好正，抹茶味道勁濃郁，超級好味，估唔到英式伯爵茶口味真係好吃伯爵茶香味，兩款Gelato雪糕都係質地

相信呢間近期人氣超高嘅觀塘gelato都唔使多介紹見佢12:00開門 我嗰日準時開門就到 完全唔使排隊 仲可以慢慢試味 試完開心果覺得有啲甜 所以就叫咗抹茶同伯爵茶兩款茶味都好香 唔會太甜 唔會比奶味蓋過茶味食落好香滑 奶味同茶味balance得好好 好難得喺香港搵到咁出色嘅gelato仲好食過部分外國嘅gelato舖不過如果要為咗食gelato而排幾個鐘我就覺得唔值啦如果真係想食就不如早啲趁開門就去食 又可以慢慢試味 舖頭又唔會太迫$58 兩球嚟講唔算平 但gelato不嬲都唔平 所以定價都算合理但overall係好出色嘅gelato！我會為咗佢特登入觀塘食😍抵食：🌟🌟🌟🌟回頭率：🌟🌟🌟🌟🌟環境: 🌟🌟🌟🌟🌟