影片
終於等到內地超火嘅 Fufuland 登陸香港啦！今次專程過嚟朝聖～ 內地分店長期大排長龍，香港店暫時人流還好，而且做緊「買三送一」優惠，趁未爆紅快啲拉埋朋友一齊試！ 主打生乳舒芙蕾＋限時優惠Fufuland嘅舒芙蕾外層微脆，內裡鬆軟綿密，口感輕盈得嚟又帶微微空氣感，配上冰涼嘅生乳餡，真係一絕！🧀 紐約芝士（超級推薦！）芝士控必食！餡料超濃郁，Cream Cheese嘅鹹香同微酸平衡得好好，食完一整個都唔會膩，絕對係我今次嘅最愛！ 🍫 榛子朱古力一入口就諗起金莎！榛子醬香濃，朱古力味突出，加上脆脆嘅外皮，真係有種食緊高級版金莎嘅感覺～ 🐮 北海道牛乳經典口味穩陣之選，牛乳餡香甜滑溜，奶味濃郁，鍾意簡單純粹味道嘅朋友會鍾意！ 🌊 海鹽Oreo鹹甜交織，Oreo碎增加口感，海鹽中和咗甜度，食落幾有層次，不過個人覺得略甜，適合螞蟻人～ 💡 小總結＋優惠TipsFufuland嘅舒芙蕾水準的確高，尤其係 紐約芝士 同 榛子朱古力，絕對值得回購！而家做緊 「買三送一」，平均每件$25左右，抵食好多～ 建議約埋朋友Share，一次過試多幾款口味！
繼續閱讀