影片
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
相關文章
朋友買咗杜拜朱古力開心果脆脆蛋糕，睇相呃到人，蛋糕沿邊黏滿開心果碎，以為開心果味好澎湃。希望越大，失望越大，切蛋糕時已預計唔係好得，蛋糕入面冇乜開心果元素。根據Italian Tomato(IT)的網站資料，呢款蛋糕有杜拜開心果朱古力夾心、朱古力海綿蛋糕、海綿蛋糕、開心果朱古力忌廉、開心果吉士忌廉、紅桑子醬、開心果碎、開心果朱古力片、新鮮士多啤梨同藍莓。首先，開心果碎唔脆；開心果吉士忌廉的開心果味非常單薄，冇果仁香，似食忌廉多啲。當食緊件蛋糕時，真係有少少想放棄，覺得浪費quota。最有印象係佢的朱古力海綿蛋糕同紅桑子醬，呢2種口味「突」咗出嚟，不過唔「突出」！朱古力海綿蛋糕佔咗呢個蛋糕好大部分，似坊間的忌廉蛋糕。紅桑子醬帶酸咪咪的味道，所以食得出、分得到，但同開心果配搭時就大纜都扯唔埋，味道唔夾。呢個蛋糕的尺寸係15cm，特價$268，以知名少少的連鎖餅店嚟講，索價唔高，但以呢個味道同質素，如果IT諗住食正開心果熱潮而推出，就好難殺出重圍，成為話題食品~就算係想平平哋試下開心果蛋糕，都唔推介，以免失望。
繼續閱讀
間中都會買件蛋糕獎勵自己，因為生活真係需要多一點甜。平時好少食這間餐店的蛋糕，但在朋友強烈推介下，忍于住買了這款撻試試。一睇這件焦糖香蕉朱古力批 Caramel Banana Tart ($38)就知有多邪惡，一層厚厚的忌廉在撻面，還唧上香甜的焦糖醬，中間用焦糖忌廉包着新鮮香蕉，而底層就係厚厚的朱古力曲奇撻底。忌廉好香滑，而焦糖忌廉就更加甜美；朱古力曲奇撻底味道濃郁，可惜實硬咗少少；香蕉較生，唔香甜。這個配搭都真係幾飽幾漏，我就一般，但朋友就非常喜歡。
繼續閱讀