Four O Five Coffee & Eatery

營業中

休息中

週日午市大排長龍，幸運等一陣即入座！服務效率不錯～ **🍝 牛油果野菌意粉** 香草醬用足牛油果打製，掛滿每條意粉，野菌香氣超突出～ **🐟 吉列魚柳意大利包** 手掌大魚柳外脆內嫩，青芥末蜜糖醬甜辣過癮，附沙律夠清爽 🍰 特濃開心果麻糬疏乎厘** 開心果忌廉濃到黏唇！麻糬拉絲口感配上空氣感疏乎厘，堅果香爆炸💥 **🍵 海鹽Kiri芝士抹茶奶蓋** 鹹甜芝士奶蓋厚3cm，抹茶回甘鹹檸柚子沙冰・味覺解剖夏日降溫神器管戳到底會吸到鹹甜交織的果肉，驚喜！ 埋單！ enough for 3 person to eat 😅

🐷慢煮大醬和牛面肉配蒜蓉薯蓉 和牛面肉慢煮到入口即溶，🥰配埋蒜蓉薯蓉，薯蓉幼滑香濃，蒜香味令整體味道層次豐富。🐷芝士煙肉薯條 薯條份量超多，熱辣辣炸得超級香脆，鋪滿煙肉同芝士，芝士醬勁香口，食落停唔到口。🐷吉士焦糖疏乎厘班戟 班戟大大個，空氣感十足，口感超級鬆軟。吉士醬甜而不膩，焦糖帶微微焦香，配搭得好平衡。🐷玫瑰鮮奶咖啡 玫瑰香味配埋咖啡口味，特別得來又清新，飲落好夾又有特色，值得一試。Four O Five Coffee & Eatery 📍觀塘成業街19-21號成業工業大廈地下2號舖

Four o Five Coffee & Eatery cafe環境幾chill，坐得舒服，啲嘢食又有驚喜🥭粒粒芒果椰子忌廉梳乎厘一上枱已經好吸睛，個梳乎厘超鬆軟，入口即溶。超多芒果又新鮮又甜，配埋忌廉，成個感覺好清新唔膩，推介！🦀明太子軟殼蟹意大利粉意粉煮得好有咬口，明太子超香夠晒creamy，軟殼蟹炸得香脆又唔油，咬落去仲有啲爆汁感覺🤤，成碟食到停唔到口。🍗棒棒鷄鎚配蜜糖芥末汁雞鎚炸得外脆內嫩，唔會乾。蜜糖芥末汁甜甜地又帶啲微辣，幾開胃。雞肉好有肉汁。🍟黑松露薯條薯條炸到金黃色，外脆內軟，黑松露味道好突出，好好味，朋友話食完一條想再食多幾條。🤤☕️玫瑰鮮奶咖啡咖啡香濃，奶味順滑，玫瑰香氣淡淡地滲出嚟🥃海鹽Kiri芝士奶蓋桂花烏龍茶呢杯真係有驚喜，桂花烏龍茶底好清香，奶蓋超滑，Kiri芝士味道濃郁但唔會膩。加埋少少海鹽，成杯飲落有層次感。環境舒服，啲店員又有禮，下次會再嚟試下其他菜式。😋

觀塘咁多食肆，真係全部都想試哂😛 想搵一間坐得舒服同朋友一齊傾吓偈食吓嘢嘅，不妨過嚟呢間😊 佢主打意粉，同埋最出名嘅係佢嘅梳乎厘班戟🤩意式肉丸意粉 🍝幾鍾意呢個茄汁配肉丸意粉，好特別係佢用咗啲翠玉瓜粒做點綴🥒虎蝦帶子意粉 🍝另一個都係茄汁味嘅意粉係呢個虎蝦帶子意粉，有大大隻嘅虎蝦同埋帶子，呢個配搭當然好食啦😄香濃海鹽朱古力梳乎厘班戟 🥞 呢間cafe最出名既係佢啲梳乎厘班戟，因為真係好鬆軟🥰 有幾款口味揀，試咗朱古力口味 🍫 原來佢仲有好多曲奇粒添 🍪 食落好有層次🤗 仲要新鮮整嘅，一定要同朋友過嚟share😉輕啡奶蓋椰青 🥥 呢個係佢哋新出嘅飲品，椰子味配咖啡，成個感覺好清新😍 Oreo忌廉沙冰 🍧比較邪惡啲嘅可以揀沙冰😛 試咗最鍾意嘅Oreo味，飲完好滿足😊熱宇治抹茶 🍵想要熱飲嘅都有宇治抹茶同埋焙茶，都不妨試試👍

呢間觀塘工廈餐廳超高質，平日晚市都勁full勁多人！特濃開心果忌廉麻糬梳乎厘開心果控必叫！開心果忌廉勁多勁濃！上面仲配埋開心果碎～疏乎厘pancake 有兩大塊～蛋香味好重，超滿足！自選沙律（牛油果+煙三文魚)沙律菜好新鮮，牛油果同煙三文魚嘅份量都好足料！四川辣味蜆肉意粉四川麻辣蒜片意粉好惹味夠辛辣🥵撈埋忌廉好creamy掛汁，鍾意辣嘅朋友唔好錯過！蜆肉份量唔少，飽滿厚肉冇沙～ 📍Four O Five Coffee & Eatery（觀塘）觀塘成業街19-21號成業工業大廈地下2號舖

上個禮拜同班同事收工想搵地方Hea下，誤打誤撞闖入觀塘成業工業大廈地下嘅 Four O Five Coffee & Eatery。門口睇落平平無奇，入到去先發現格局幾chill，水泥牆掛住復古燈，播住輕爵士樂，座位闊落唔逼夾，啱晒一班人慢慢食、慢慢傾。川味雞軟骨 – 香辣惹味開胃一坐低就嗌咗碟 川味雞軟骨 。炸得金黃嘅軟骨粒咬落「索索聲」，面頭撒滿辣椒粉同孜然粉，辣得嚟帶少少麻香，越食越上癮，食到鼻尖冒汗都停唔到口，絕對係送酒一流！黑松露燴飯伴巴馬火腿 – 濃郁得嚟唔膩主菜試咗 黑松露燴飯伴巴馬火腿，飯粒煮得剛剛好，唔會太淋，每啖都黐滿濃郁松露醬，香氣撲鼻。巴馬火腿嘅鹹香同黑醋汁嘅酸甜平衡得啱啱好，食完成個飯都唔會覺得滯，連平時怕膩嘅朋友都清晒碟！酥炸海苔魷魚 – 脆口過癮小食小食嗌咗 酥炸海苔魷魚，外層紫菜碎包住彈牙魷魚圈，咬落「咔嚓」聲，脆過薯片！點埋旁邊嘅沙拉醬，帶少少清香，更加開胃，一碟唔多夠喉，要encore先得！吉士焦糖梳乎厘班戟 – 空氣感爆棚甜品試咗招牌 吉士焦糖梳乎厘班戟，即叫即焗，等咗陣但絕對值得！班戟超級鬆軟，搖吓個碟真係會duang duang震，焦糖醬甜度適中

同閨蜜搵到呢間工業風西餐廳真係大驚喜！ 主打空氣感爆棚嘅梳乎厘🥞仲有超美味意粉😋啱晒打卡📸 ＜粒粒芒果椰子忌廉梳乎厘🥭＞ 一上枱即刻聞到好香！梳乎厘搖吓搖吓仲duang duang聲🤣 芒果粒多到瀉仲要超甜😍 椰子忌廉打得好輕身，唔會好甜，椰香滿滿！ ＜明太子醬軟殼蟹意大利粉🦀＞ 軟殼蟹炸到金黃酥脆，好大隻，唔油膩😱 明太子醬creamy到掛住每條意粉💦 ＜黑松露薯條🍟＞ 松露香攻鼻到隔離枱都聞到🤤 粗薯條脆到似食緊薯片！份量超大好過癮！ ＜自選沙律🥗＞ 可以自己揀兩款，巴馬火腿鹹香得嚚唔會鹹，烤車厘茄爆汁超甜🍅 意大利油醋汁酸甜度適合，食完大滿足又唔會太heavy～ ＜山政小山園宇治抹茶🍵＞ 分層好靚💚 抹茶粉好香，加咗冰都唔會淡，抹茶控必嗌！

今日放工同朋友去咗觀塘工廈一間西餐廳，環境幾寬敞，坐得舒服，適合慢慢食飯傾計。 試咗幾道菜： - 燒西班牙黑毛豬配蜜糖叉燒汁：豬肉嫩滑，有淡淡油香，個汁甜度適中，幾開胃。 - 泡菜卡邦尼意粉加溫泉蛋：醬汁濃稠，泡菜嘅微辣同蛋汁幾夾，食落有層次。 - 明太子薯條：炸得脆身，明太子醬夠味，但唔會太鹹。 飲品叫咗檸檬蜂蜜梳打同抹茶，前者清爽，後者茶味夠濃，都幾解膩。 整體食物質素唔錯，價錢合理，係工廈入面算係幾好嘅選擇。如果經過附近可以一試，建議平日去會少人啲。

🧭Four O Five Coffee & Eatery • 觀塘🍴觀塘成業街19-21號成業工業大廈地下2號舖觀塘出名cafe 要去朝聖一下 其實都已經食過2次 覺得好食 所以要再去🤣海鹽奶蓋烏龍茶⭐️⭐️⭐️⭐️好厚既奶蓋，而且好夠creamy, 連埋茶一齊食，就可以攞返個平衡 就岩岩好😬小山園焙茶⭐️⭐️⭐️果日比較失色，個茶有啲太過苦。所以有啲同個奶同茶有啲唔太夾。希望下次會好啲😅小食拼盤⭐️⭐️⭐️⭐️⭐️一黎到忍唔住「哇」，咁大盤既，真係超級豐富。佢包哂雞軟骨，芝士波波，薯條同炸雞。簡直包羅萬有 岩哂啲乜都想試下既。一上到就係熱辣辣 所以都好好👍🏻韓式泡菜卡邦尼意大利粉⭐️⭐️⭐️⭐️呢款係有驚喜既，佢係韓西fusion咁款，有小小微辣既味道。而且都好足料 好充足既泡菜。但個味一啲都唔油膩，食下食下就不知不覺咁食哂😛特濃開心果梳乎厘班戟⭐️⭐️⭐️⭐️⭐️呢度既招牌特色菜，黎到必食既甜品。佢有好多款都想試，但今次試左個最新招牌既梳乎厘！佢超級軟熟，食落又唔覺完全係空氣咁。重點！！！麻糬控注意！佢面頭有一大塊既麻糬 超煙靭，對於煙靭控簡直一流！必試！🤩📌温馨提示:佢平日夜晚都小小full full 地，所以最好都係建

☕️🍝🥞意粉比甜品出色✨qr code點餐，設加一✅韓式泡菜卡邦尼意大利粉配溫泉蛋 -$118意粉都幾大碟，上面有隻溫泉蛋，而且都有幾多嘅泡菜同埋翠玉瓜粒，泡菜味好香濃，但係又唔會好辣，成個意粉都幾creamy。✅四川辣味蜆肉意粉 -$138呢個意粉好似炒意粉，好乾身同埋香口，唔會有cream，隻麻辣味都幾勁，我覺得都幾辣，但係辣得好過癮，鍾意食辣嘅人應該會鍾意。蜆肉嘅份量都算多，另外仲有好多翠玉瓜粒同埋蒜頭。🆗海鹽Kiri芝士奶蓋桂花烏龍茶 （凍）-$20海鹽芝士奶蓋比較稀，好快就沉晒落去，但係個味道都OK，鹹鹹地，而個桂花烏龍茶幾香幾好飲。🆗伯爵茶珍珠梳乎厘班戟 -$118疏乎厘有兩層，雖然都好大份，而且兩層都好厚，但係就冇想像中咁吸引。嗰兩層好似海綿蛋糕咁完全唔流心，蛋糕有少少橙皮味，個伯爵茶忌廉個味就幾濃，不過啲珍珠係硬嘅，完全唔彈牙，最後全部撥走晒冇食到。

觀塘其實有好多美食餐廳，有啲係工廈嘅餐廳亦好好食，好多人氣，最近就去咗呢間係工業大廈地下嘅---🌟Four O Five Coffee & Eatery🌟食晚餐，果晚餐廳差唔幾乎Fullhouse，好彩仲有枱唔洗等位👍🏻._.🐂| 慢煮大醬和牛面肉蒜蓉薯蓉 |🐂牛面厚身大舊，有成兩舊，雖然大舊但因為慢煮過，肉質保持到牛面肉質嘅嫩口腍身，淋上大醬汁，配埋薯蓉一齊食，味道好食😋.🍄| 黑松露雜菌意大利粉 |🍄意粉熱辣辣上枱，每條意粉都掛滿曬黑松露雜菌汁，意粉結身偏甜味幾特別，仲有啲蒜香片，夾雜住黑松露香味。.🥞| 香濃海鹽朱古力梳乎厘班戟 |🍫班戟製作需時，所以點餐時點定後上。餐廳人氣係班戟，大大份上枱，視覺效果好吸引，班戟鬆軟，飯後作為甜品都可以接受，味道有幾款選擇，而我揀嘅嘅海鹽朱古力，有流心嘅朱古力醬，仲配埋蕉糖香蕉，味道好夾！._.

Four O Five Coffee & Eatery 🌊@four0five_coffee觀塘工廈一向係搵食集中地，Cafe選擇多之餘，仲往往有驚喜🦭 通常大家會諗起係樓上cafe，但Four O Five反而係喺地舖🚪伯爵茶珍珠梳乎厘班戟🥞近年basque burnt cheesecake同麻糬係近期嘅大熱，疏乎厘班戟嘅熱潮似乎已過，想食都難左好多搵cafe🧐梳乎厘班戟真係巨得好誇張，雖然只係兩塊，但卻係大過手掌又高到成座山咁⛰️ 毫不偏差地疊得非常工整📏 微澀回甘伯爵茶醬稠身，每啖pancake都掛到醬，唔怕流晒落碟底咁浪費。鬆軟班戟，口感對比煙韌珍珠同脆身Oreo碎，一啖落去三重感覺🦦酥炸海苔魷魚 配青芥末沙律醬🦑炸得非常之熱辣辣，最好攤一陣先食⚠️ 咬落去超級彈牙🎈 配有嘅芥末醬雖然清新又平衡啲油膩感，但覺得炸魷魚本身已經夠好味。海苔直接混入炸漿一齊炸，連入面啲魷魚都滲到海苔鹹香。相比灑上海苔粉比較常見嘅做法，唔洗怕海苔粉會散開，而每一啖嘅味道都夠均勻。棒棒鷄鎚配蜜糖芥未汁🍗唔需要刀叉，又唔使處理骨頭嘅雞鎚，好方便食🤭 5隻圓碌碌又飽滿紮實，都炸到外脆內嫩，蜜糖芥末醬甜甜地又唔會

下班後想找個地方放鬆一下，心血來潮來到了一工廈餐廳位於不起眼的角落，入口處有幾個立牌，簡單卻吸引環境典雅而溫馨，灰白色調的牆面搭配木質傢俱服務員態度親切，藝術畫作和乾燥花營造出舒適的氛圍石燒澳洲牛頸脊加糖心鮑魚配露絲瑪莉汁在熱石上滋滋作響，草本香氣完美中和牛肉的油脂燒西班牙伊比利亞穀飼黑毛豬伴時令菜配蜜糖叉燒汁肉質軟嫩多汁，甜中帶鹹甜品香濃海鹽朱古力疏乎厘班戟厚實鬆軟，濃郁朱古力醬撒上碎果仁搭配香蕉片更添風味

很開心週末與女兒共度了一個溫馨的午餐時光，我們選擇了位於觀塘成業街的 Four O Five Coffee & Eatery，這家獨具特色的小餐館，真是再合適不過了。  菜單上的每一道菜都看似吸引，我自己點選了喇沙蜆肉意粉。這碟意粉帶有濃郁東南亞風味，蜆肉鮮美，喇沙湯底的香辛味恰到好處，讓我回味無窮。餐前的週打魚湯湯頭濃厚，散發出鮮魚的味道，非常暖胃。再配上鹹檸柚子沙冰，酸甜爽口的味道，既解膩又十分清新。 還有炸蕃薯條，外酥內軟，比較特別，帶點番薯的甜味，與一般薯條口味不同。 女兒則選擇了黑松露燴飯伴巴馬火腿配黑醋汁，黑松露無疑是這碟菜的亮點。黑松露的濃郁香氣與巴馬火腿的鹹鮮味完美結合，配上酸甜適中的黑醋汁，層次豐富，女兒非常喜歡。 配搭芒果菠蘿沙冰，熱帶水果的清香在口中綻放，清爽怡人。  最後是甜品環節，亦是這間餐廳的最吸引之處，絕對值得期待。我們點選了伯爵茶珍珠梳乎厘班戟。鬆軟的班戟搭配茶香濃郁的伯爵茶醬，還有彈牙的珍珠作點綴，美味極了！而且份量還非常大碟，根本足夠四人享用，我和女兒都吃到捧著肚子。  這裏用餐環境舒適，服務也親切周到。和女兒一起度過這樣愉快的一餐，不僅滿足了味蕾，

喺成業街工廈迷宮亂竄，竟然撞正呢間玩味十足嘅「Four O Five Coffee & Eatery」！工業風裝修配復古吊燈，坐低咗兩個鐘都唔覺侷促～.🍴慢煮大醬和牛面肉配蒜蓉薯蓉和牛面肉軟腍到呢～用叉輕輕一梳就散開！大醬鹹香帶甜好似幫塊肉做緊massage，底層薯蓉滑到似食緊雲，cafe嚟講呢個水準真心驚喜！.🍝韓式泡菜卡邦尼意大利粉泡菜辣汁同濃郁蛋漿撞出火花！每條意粉掛滿橙紅色醬汁，溫泉蛋一篤穿即刻上演流心瀑布，辣辣哋超醒胃，仲想encore～.☁️原味梳乎厘配楓糖漿上枱仲識得duang duang震！切落去似捅穿咗個空氣枕頭，入口即化得嚟蛋香超濃，淋埋楓糖漿甜度啱啱好，同枱個個手機食先狂拍「動L」慢鏡頭！.☕️咖啡控必試Flat White同玫瑰鮮奶咖啡🌹拉花靚到唔捨得飲！Flat White堅果味好出，玫瑰咖啡有幾片玫瑰乾花瓣點綴～