FIVE GUYS

營業中

休息中

平日lunch time同老婆兩個去左食，我排隊排左35分鐘，點餐用左4分鐘，等取餐用左大約10分鐘。我哋見排隊排咁耐仲要等下位嘅話起碼個半鐘先有得食所以決定買外賣返公司食排隊時有免費花生提供，無甘悶！兩個人揀咗一個雙層芝士漢堡，跟住一個單層芝士漢堡，再加一個大薯條！總共二百零蚊！但味道10分好！尤其是炒洋蔥配料同埋個蘑菇配料！另外薯條亦都好好味，所以覺得排咗咁耐都係值得嘅。但食完之後真係會好飽，所以我覺得唔需要加杯大汽水，因要$30杯太貴了！Good!

聽聞新開張的Five Guys大有名堂，好多人排隊，今天三個人搭的士去食午餐，排隊落單排了約十分鐘，食得好趕😌芝士漢堡，雙層牛肉好好味，配料有好多。所有配料/醬汁是免費任㨂，如果想簡單啲就㨂「ALL THE WAY」包括8種配料/醬汁。熱狗個包就外脆內軟好味，熱狗的配料/醬汁亦是免費任㨂。薯條是粗身有薯皮，外面脆，入面似薯蓉，幾好。花生免費是任食，但味道一般。無論是外賣定堂食，都係用紙袋裝比你，堂食無托盤供應，食完張枱好混亂，不過唔使自執枱。刀叉茄汁紙巾係自助取用，兩個芝士漢堡共170元，一個芝士熱狗60元，中薯條45元，三人合計275元，不用加一。

美國大型連鎖快餐店Five Guys都黎埋香港，主打任食大大粒花生、15款配料任加、無限refill汽水、奶昔(遲啲開放)，睇下同Shakeshack一唔一樣，會唔會都係令我失望。環境講明薯條係用花生油，一桶桶Show哂出黎排左10分鐘左右係排隊處盡頭就有任拎免費花生，落完單比完錢就去拎個地下......好夜先去，佢收22:00，我地21點幾左右先到，依然要排隊，不過整個過程連拎野食15分鐘搞掂，一入到去，第一句就係：「咁污糟……」雖然話係快餐店姐，但係佢唔似係特登形造到咁掛？完全冇人掃地同執枱，成間舖地下都係花生殼同花生衣，唔知我以為返左內地……真係好唔夠人手，但係地方好大，另一半話污糟先夠貼地，因為係普通Burger店，但係我想講McDonald’s都講衛生啦依家……餐牌唔多選擇，望落burger有8款，其實姐係4款，因為係單層同雙層既分別。有Hamburger, Cheese Burger, Bacon Burger 同埋Bacon Cheese Burger，之後就呢4款有分加左Little(即係單層)係前面同埋就咁款就係雙層，另外仲有4款熱狗同埋3款三文治，唔少得薯條。野飲都

潮聖Five Guys 食Cheeseburger平時唔係特別鍾情食burgers嘅我今日竟然忍唔住去左排隊食Five Guys Lunch time 排左半個鐘度冇想像中咁耐排到咁上下就有個位可以攞花生食啦可能餓住咁排食咩都好食我覺得花生都好好食然後叫左cheeseburger要哂所有toppings 再叫個大薯條share 個burger 好Juicy 一路食啲汁keep 住流落隻手嚿肉又腍又厚係唯一個包腍左但係最大驚喜係薯條薯條好好味 薯條入面好似薯蓉個texture 感覺好似好足料嘅薯仔整成咁題外話 我唔多食Burger但係今日發現食漢堡包係一件好幸福嘅事當你望住一個人大啖咬個漢堡包嗰一剎那雖然個包已經遮左半塊面淨係望到佢滿足嘅眼神成件事幾浪漫幾幸福呀

同事口中得知呢間過江龍,原來係美國連鎖快餐店黎一人一個all the way 芝士牛肉burger。薯條有非常之多，唔會太多鹽，辣嘅薯條仲好好食!!!不過個主菜個burger就普普通通，可能主要唔夠熱啦。d料都繼足ge。個餐一d都唔貴，包左野飲。另外餐廳仲提供免費花生可以食，不過我地一致覺得花生都比較咸難得過江龍試下都唔錯，唔好抱太大期待

話說Five Guys開左無耐 就同同事去試下呢間美國快餐 我12點去到 條隊排到出去門口玻璃 雖然條隊有啲長 可能因為佢地有好多人整包 所以都唔算排左好耐 大約15-20分鐘 我地7個人都點左cheese burger 但係可以㨂唔同既配料 而且仲有免費花生 佢地出餐速度都好快 唔算好耐 但係我地7個人一齊去食 搵位方面就有啲難度花生係大大粒  應該係美國入口  薯條我認為辣味比較好食  汽水可以無限添加我揀左cheese  burger  如果無特別要求可以揀all  the  way  又或者因你個人要求揀唔同配料  個包最好味係啲牛肉 好入味  好juicy  夾埋芝士真係一流

美國過江龍嚟到香港開分店，所以都係灣仔做嘢嘅我，一定要去試吓。一早知道佢好多人排隊，所以去食嗰日已經特登兩點幾先去。不過都要等左45分鐘先入到去。入到去先發現原來排隊排咁耐係因為得兩個counter點餐，而點餐又有好多野要揀，所以排咁耐都係因為點餐，出餐其實出得好快。如果佢加多啲counter一定唔使咁耐。講返食物，我叫咗個芝士漢堡真係好好食啲肉好juicy,啲配料又可以揀我自己鍾意既。而最出名嘅薯條又真係好新鮮不過我自己鍾意個漢堡多過啲薯條。總括而言如果佢會加開多啲counter令到排隊時間可以縮短啲我先至會再幫襯。

呢間Burger係我食過最好食架啦🤤Bacon cheese burger💯👍🏻真係好出色好香煙肉味 好脆口好好味配料一啲都唔求其 好Fresh 好有口感💗🤤漢堡扒好Juicy呀👍🏻👍🏻👍🏻冇挑剔好出色薯條選用新鮮薯仔製作，並以純正、零膽固醇的 100% 花生油鮮炸，另有cajun味可選值得一試🤤

間Five Guys 啱啱19號開張全球有1500間分店香港係全亞洲第一間分店喺門口就有店員排定張餐單俾你中英對照,傳統美式快餐店都係咁上下啦價錢方面同英國美國差不多,唔會話貴好多排左隊15分鐘，就可以點餐。(薯條(小)$35，芝士熱狗$60，雙層煙肉芝士漢堡$95)買完嘢食,就係取餐處度等。環境上，都係傳統美食快餐店設計。擺枱唔算太逼，但搵位D困難。飲汽水要$30一杯,店員會比隻杯你,無限refill。呢間鋪頭，本來奶昔好出名，但因牌照問題，所以未有供應。Five Guys 係開放型廚房，係等嘢食嘅時候，可以睇住佢地嘅工作情況，人手都幾多，員工做野都有默契，唔會手忙腳亂。呢度既漢堡包，最大特色，可能係配料，醬汁都可以自由選擇，而且係免費。總共有15配料醬汁，要晒都係同一個價。如果有選擇困難症，可以揀all the way，姐係有基本八種，呢種食法，亦係呢度最signature。另外呢度設有花生任食，係等既期間，可以食住等。呢度既花生好大粒，又香花生味，幾好食。落單店員唔會問你係度食定拎走，劃一外賣包裝。如果堂食，就要自己打返開個紙袋先食得啦！細薯條，份量都好多下。味道方面有原味同辣味

20181130🌤️ Friday🌹自1986年開始，Five Guys 成了美國華盛頓城區最受歡迎的漢堡包店，現在11月19日在香港正式開幕, 美國人氣漢堡包連奧巴馬都讚，即管試下，已經經過幾次，條龍蛇餅仲要排到轉灣，所以等到Weekday下午時間唔需要排隊先嚟試😚，比佐貼士大家，唔好Weekend嚟食，Order(1)煙肉漢堡（2）單層芝士煙肉漢堡（3）薯條（4）汽水，首先講Burger, 碎牛肉厚度真係夠驚人😋好有質感👍芝士份量剛剛好🍔配料和醬料，如下蛋黃醬、生菜、酸瓜、蕃茄、煎炒洋蔥，煎炒磨菇，辣醬等，如果唔夠醬料，另外有個位置自助式🍟薯條Highly recommended👍採用佐新鮮薯仔和零膽固醇既花生油製作🥜好夠薯仔真實感味道🥔最後汽水🥤採用Coca-Cola Freestyle, 自由斟，免費🥜花生堂食，係唔係好吸引啦🤗🤗🤗

呢排有陣漢堡包熱潮 先係美國嚟嘅Shake Shack 今次嘅主角係 the Five Guys 雖然係星期日 本來預咗要排好耐先有得食 但實際大概排咗半個鐘 就到咗收銀處 收銀處隔離有堆花生免費自取 都幾好食 可惜地下成地花生殼 感覺有啲邋遢 漢堡包有分兩隻size 問番店員佢哋話分別就係約一塊扒同埋兩塊扒 我就點咗一個雙層煙肉芝士漢堡一份細薯條 同埋一杯汽水 至於漢堡包嘅配料係任揀嘅 不過自己有選擇困難症 就揀咗佢個preset all the way 即係乜都有啲咁解 落單後就攞住個汽水杯去裝汽水 好似7仔嘅自由斟 但呢度真係自由任你斟幾次都得 呢度個廚房係開放式 客人可以一邊飲住汽水睇住入面嘅店員好興奮咁整漢堡包 冇錯 入面有幾個外籍嘅員工真係跳住舞咁整漢堡包 大概等咗十分鐘嗰餐就整好 主角漢堡包係用錫紙包住 同某知名連鎖快餐店漢堡相比 呢度嘅漢堡包包得比較實淨 餡料無咁容易跌出嚟 第一啖咬落去感覺好正可以食曬所有餡料 漢堡扒有肉味 而芝士又唔會太膩 不過最正都係啲煙肉鹹鹹香香又夠脆口不過略嫌個包唔夠熱至於啲薯條係用杯裝住 最得意嘅係佢啲薯條係滿到瀉出嚟會跌曬個紙袋入面 其實

🍔呢間Fiveguys連本身唔好burger既我都勁想試!!好吸引🤤排隊加等野食總共用咗45分鐘～-BaconCheeseBurger要讚既係煙肉真係好出色👍🏻好脆口唔係硬身個種 而且好香煙肉味令成個包大加分配料All the way一啲都唔求其 蕃茄生菜都係好新鮮🍅🥬減少漢堡油膩感👍🏻醬汁有蛋黃醬、芥末醬、茄汁，但唔會令人覺得好膩 ，反而係好夾重點當然係漢堡扒！唔算很厚，但咬開真的有肉汁！好juicy-LittleBaconCheeseBurger 我地都覺得其實單層漢堡係比較好的！主要係因為無咁濟同已經好足夠味道都係同雙層一模一樣食曬成個都唔覺得油膩整體黎講真係食得出Fiveguys既burger係落足心機同無乜挑剔地方 係好出色既🍔💯-Fries 當晚既薯條就唔夠脆 咬落去淋身 薯蓉質感同原味要點茄汁先夠味 所以可能辣粉個款會更好味！但好欣賞佢地係用新鮮薯仔連皮炸用花生油🥜👍🏻-花生任食🥜試咗幾粒不過略嫌太鹹 汽水$30任飲但兩個人飲一杯已經好夠！唔鍾意汽水仲有檸檬茶選擇🍋❤️整體黎講的確好味好出色 對得住呢個價錢 一分錢一分貨唔好用麥當勞作比較😝如果唔洗排隊一定會再回頭！如果你都

香港要嘗到美式快餐店漢堡，有麥當奴、Burger King⋯⋯可惜它們都漸漸走向香港大眾化路線，而 Burger King 更只剩下幾間分店⋯⋯2018 年，美國漢堡包快餐店龍頭之一 FIVE GUYS 終於落戶香港，為大家提供超優質漢堡包！今日到達店鋪後，非常多人排隊買餐！不過基於店裡有為數不少的員工，所以出餐速度迅速，從而令人排隊買餐的輪候時間維持大約 15 分鐘左右，效率令人滿意！餐牌指示清晰，可是只有英文，對英文不太靈光的人可能會有些壓力。建意購買食物前先做定功課！配料選項可自由配搭，種類豐富～亦有基本 all the way 選項，省卻大家選擇困難的煩惱。購買食物後，可到候餐桌等候，等候時有免費花生添食。這對香港來說比較新奇，值得一試！最後，需要留意的是於餐廳內用餐，需要自律地去收拾好才離去，讓下一位顧客可安心用膳。因為 FIVE GUYS 不似期他快餐店設有常註員工收拾地方，大家必須自律。另外，顧客亦需避免於候餐桌上用餐，以免阻礙他人候餐。

The cheeseburger all the way! While the toppings were yum, the patty itself lacked a bit of flavour and so the cheeseburger 🍔 left a bit to be desired. I got the Cajun style fries too and while the flavour was good, they were a bit too heavy handed with adding the seasoning.Not only at, but since it recently opened, the queues are super long.. it took me 45 minutes from starting to queue to receiving my burger so I was starving by the end.If you wanna try, wait till the hype dies down before you

Five Guys 風潮慢慢褪去﹐剛好晚上10時未吃晚餐眼見人流不多﹐二話不說就走進去排隊最大特色就是有免費花生吃﹐導致這個有趣問題產生大家都踏在花生殼上排隊大概10分鐘就排到Five Guys 其中一個缺點就是沒有套餐供應所以我叫了一個單層芝士漢堡和一個大 Five Guys 風味薯條汽水需要 $30﹐雖然可以無限 Refill ﹐不過吃一頓快餐相信不能喝超過兩杯﹐實在不划算漢堡包是用錫紙包裹﹐很專業的感覺把錫紙打開﹐一開始給外觀嚇倒可能是因為用錫紙包裹漢堡需要施更多力﹐令頂層麵包一個個凹洞﹐導致賣相不好但漢堡扒就很厚很吸引芝士拉絲令整體邪惡級數上升吃下去﹐牛肉味很濃郁﹐也夠 Juicy另外值得一提的是﹐煙肉剛好煎得焦脆﹐在燒焦邊緣令這漢堡添上了焦香和煙燻香可能是因為牛和煙肉味較重﹐就把芝士味淹沒了而麵包就沒太大特色整體是很好吃﹐但性價比稍低Five Guys 風味薯條帶著薯皮﹐外觀加分也增加了層次我和另一位朋友買回來的時候都被這個份量嚇倒 (紙袋中還有很多...)根本就是兩個人吃不完的量啊！薯條跟外面評價一樣﹐ 很 Creamy ！ 入面的根本不是薯仔﹐而是薯蓉 雖然外表不脆﹐但硬