FIVE GUYS

營業中

休息中

Five guys 計埋今次第二次食，都係K11店食，通常呢間野都唔多人，可能真係比較貴同埋個風潮已經過左。最重要K11本身唔係好多人行...今日同個朋友黎食，我叫左Bacon burger 細薯條同奶昔我同大家講，薯條買個細架share就夠，因為實在太大份，係唔會食得哂，重點係食完個包已經飽左一大半薯條係好食，鹹香，重薯仔香味個包就老實講一般，煙肉脆嘅，好薄身兩塊牛肉有啲乾，肉汁欠奉個奶昔有水準，奶味濃汽水自己黎，朋友問係咪任飲，我話應該唔係其實以快餐黎講呢間係貴，所以一年食一次就夠朋友叫嘅芝士漢堡加洋蔥同蘑菇，冇問佢好唔好食，但佢食唔哂個包同埋佢猛話貴

試下依間出名美式餐廳既burger，不用排很耐隊就可以下單。依度可以免費加burger配料，令到個漢堡包更加豐富。Burger係即叫即整。係等既時候，可以拎花生邊食邊等，很有特色。花生大粒，但偏咸。所有食物用紙袋裝起，而漢堡包會用錫紙包住。我點了cheese burger，用錫紙包住的關係，一打開已經滿手油。漢堡包味道好好，牛肉很厚很juicy，加左配菜等中和了油膩感。另外還點了薯條。雖然係regular size，但份量很多（除了紙杯的份量，還有一半在紙袋內）。薯條係有皮薯條，亦很香脆，可惜整份薯條都很碎。

已經分享過好幾次 @fiveguyshongkong 嘅milkshake俾大家！！！真係嗰一種飲完隔一排又會突然間好掛住要即刻去飲嘅milkshake👅飲過你就知有幾正！！.definitely one of the best best best milkshakes in town!! really love how you can customise your own milkshake so you can turn your ordinary vanilla milkshake into something really extraordinary with the mix-ins! my personal recommendation is to add BACON bites - yes ADD 🥓 & thank me later 🤪.𝐅𝐢𝐯𝐞 𝐆𝐮𝐲𝐬 𝐒𝐡𝐚𝐤𝐞 $𝟓𝟓 😋😋😋今次有chocolate, peanut butter同埋一定一定要加嘅bacons～其實本身想加埋vanilla㗎，不過店員話咁樣太多味道，會冇咁正。另外仲建議我哋其實peanut butt

終於來到Five guys，講真也有點期待，因為初初來港之際係打著人氣過江龍這旗號，但因為一直人龍，所以未有打算去排隊。今日黎到K11店，完全唔使排隊，店面很大，疫情期間更見空曠。我地點了2個芝士漢堡，一個大薯條，奶昔和汔水。製作時間也很快，但原來係用一大個紙袋包晒所有野俾你，托盤都無。汔水自己任斟，可幸有檸茶。不過汔水一杯索價都成35蚊，所以其實好貴！打開紙袋，漢堡用錫紙包住，熱辣辣的。薯條就多到滿瀉。都算炸得香脆，係中粗型嗰種薯條，見到薯皮，不錯。好啦到主角包，其實好足料，但拎上手一刻已經成手油，我最頂唔順未食但成手都係油，印象分已減！牛肉好厚，藏芝士都夠多，牛肉肉味濃，亦唔會話好乾，加上番茄、酸瓜、蘑菇等，味道不錯，但未到驚為天人。如果要排隊食佢就一定唔會！至於奶昔朋友話好甜。薯條係中粗身，但不似其他幼身，算不錯。整體一般，食完成個感覺都好油好膩，食過一次便可，應不會再回頭。順帶一提這裏花生原來任食，但店員從來無同我地講！

經過尖沙咀路過K11 就見到有間Five guys 就試吓過江龍連鎖漢堡包店枱數都算好多 我今次去舖頭都幾多人食緊環境闊落 坐得幾舒服價錢算係正常普通食物質素都唔錯場內有免費花生任fill，唔係cheap野黎，係好香好脆既花生我哋今次就叫咗個little cheese burger唔好比little呃到，佢都幾大份牛肉厚度啱啱好 有好多肉汁 仲有叫左個辣既薯條，睇住佢用細杯裝落去會再額外比多兜你，所以一份細薯會好似大薯咁大份杯奶昔 唔會話好甜 味道啱啱好，價錢少貴，但叫咖啡味可以取代某大牌的*冰樂，不錯

上次我還在使用上手手提電話，跟利用上手「開飯喇」戶口光顧位於灣仔，「莊士敦道」分店的美式漢堡包快餐店「Five Guys」，抱着觀望態度試食享用下午茶，所以有很多食品飲品還未正式享用過。「Five Guys」店內價目表裡面，有關漢堡包食品的一欄裡面，還未區分大小份量版本的話，已經有足足八款牛肉漢堡包。結果我當時只是享用了「Five Guys」「迷你」版本的單層漢堡包，所以食完感覺還未算很盡興。至於當時我光顧灣仔分店「Five Guys」的時候，灣仔分店「Five Guys」還未推出奶昔飲品，所以「Five Guys」廚房製造的奶昔飲品，代替任飲版本「汽水」成為我的晚餐飲品。結果我今次在西貢坐巴士，再次來到尖沙咀大型商場「K11 Musea」，光顧「Five Guys」位於尖沙咀裡面的分店，尖沙咀分店「Five Guys」裡面的食客實際數量，比灣仔分店少得很多。尖沙咀分店「Five Guys」不單止顧客人數比預期減少了，就連尖沙咀分店「Five Guys」裡面的實際檯櫈數目，都因為政府推出的「限聚令」而大幅減少。我見到有些檯櫈貼上禁止使用的交叉，結果想放食品在檯上也做不到。後來我在尖沙咀

比起Shake Shack , 較喜歡這cheese buger , 很多酸瓜，但milkshakes甜到漏，薯條有些over cooked ...those staffs can't hear 中文 even English 😅

在香港 , 要集齊滋味無窮的漢堡包、甘香鬆脆的薯條、奶味豐厚的 cherry 味奶昔、最重要就係有吃之不盡的花生的餐廳 .... 可能就只有 Five Guys ~Five Guys 究竟算係快餐店 , 還是餐廳 ? 我覺得真係好難定位 , 但我好肯定佢賣的不是 junk food ~Menu ~真開心，食花生 , 咇咇卜卜剝花生 .... Five Guys 無限量的提供花生 , 給顧客任意吃 ~ 不過記住要珍惜食物 , 不要像蝗蟲般搶吃喔 ~Cherry Milkshake with Whipped Cream : 邪惡但好味的奶昔，全是人手調製，基底是雲呢拿奶昔，再可以自由選擇不同的配料，我選擇車厘子，切粒車厘子味道不假而且沒有藥水味，最後選擇加淡忌廉上奶昔頂，肥爆卻是美味 ~Grilled Cheese Sandwich : 外表平凡 , 但一啖咬落去 , 就好味到停唔到口 , 用牛油烘過的兩片包 , 香口無比 , 真是既甘香又鬆軟 , 加上半溶的芝士餡 , 食材配搭雖然簡單 , 但味道絶不簡單 , 是平凡中的不平凡 ~Bacon Cheeseburger 經典美國煙肉芝士漢堡

這天相約了burger 迷朋友，吃了我們一直想吃的give guys😛我地每人都點左個包、milkshake 同埋一個大薯條share 食。我地食量都唔少架，吃哂之後好飽😂我地仲要叫左個bacon cheese burger, 都好高大下，要張口開到好大先咬到😂佢有雙層肉，口感厚實有肉香，配合埋脆脆bacon, 正！唯一要改善係佢塊包皮淋左唔脆，改善埋就perfect! 佢既Milkshake 係好thick 個種，叫左peanut butter, chocolate and banana Flavor, 但花生醬太濃，太搶鏡。不過鍾意甜同thick 既朋友實歡喜，因為夠creamy and smooth😛❣️💡提返因為佢thick 所以好飽肚，唔係咁大食既朋友但又想試可以share💡最驚喜既係佢既薯條🍟👍🏻薯仔連皮切條，粗幼適中，香脆、薯味香濃！好值得食！我地叫左大的兩人分已經好多！但所有食物都比我地清哂🤣😜😛😋 （另外佢有🥜比你免費任裝，但因為太飽都冇咩點食了）呢餐大滿足啊😍 是會再想來吃的👍🏻

去K11 Musea 行下順便醫下肚，知道有間過江龍食漢堡包好好評語，咁我哋決定去試吓，呢段期間餐廳有很好的限制人數令人非常安心！我們知道他有隱藏中文餐單，所以我們就直接問店員，他立刻在收銀處找來一張中文餐單（有單漢堡），我們就order 了單層漢堡、單層芝士漢堡、普通薯條、汽水（可以添飲）～仲有任食花生🥜我食單層漢堡已經好夠飽，而且啲牛肉好juicy 值得一試👍🏻薯條🍟炸得好香口～汽水任添👍🏻👍🏻好爽呀！

Five guys 武漢肺炎期間，大部份食肆已經少了很多人來光顧，但星期六晚上K11 musea 依舊多人，雖然沒有大排長龍，但好不容易才找到位。香港同類型burger 還有shake shack ，形式相似，難免做個比較。出名的有奶昔，不過始終覺得burger配汽水才是最好配搭。所以今次無點奶昔，點了汽水，而汽水是無限refill 。Burger 用錫紙包裹著，拿到上手，打開錫紙，倒汗水！弄得burger 濕濕的........ 肉是juicy的，但配上又濕又淋的包就覺得味道一般了。

📍 K11 musea 💰 人均130左右 來到這家過龍江的漢堡店🍔，餐廳完全是美式漢堡店的感覺，很多人喜歡拿它跟shake shack相提並論，我倒是覺得如果真的要選的話，five guys會更有美式風格一些～餐廳是用英文落單的，有免費食的花生，漢堡很好吃，可以選所有配料！如果不會選可以要All the ways，會更為簡單一些！漢堡有little可以選擇，很方便女生食，漢堡用錫紙包住，可以保持溫度～薯條是用薯仔🥔炸，不會是麥當勞那種麵粉，只是薯條很咸。soda飲料是自助機打，可以無限refill

#草莓奶昔奶昔可選多款味道合併，發揮創意飲落唔係好假既草莓味，順滑杰身，雖然價錢比較貴，但勝在好大杯，食包同食薯條食到口乾，一定要飲野，咁先完滿。#普通漢堡塊漢堡一啲都唔乾身，煎到有少少脆口，又有肉汁，可自選多種配料同醬汁，都係個句，價錢有少貴，但都飽肚，同值得試下。

終於有機會嚟試下K11 MUSEA嘅Five guys😋🥜 任食任攞花生等野食🍔 我哋幾個唔太肚餓就叫咗Little Hamburger，見到Regular Size，份量都幾大。最特別可以免費加減配料，自己配搭想要嘅味道😋可以免費加墨西哥辣椒、蘑菇同蕃茄，仲可以叫多醬，直接嗌all the way就有齊晒所有配料，🍟 Fries有得揀Little / Regular / Large，不過其實Little嘅份量已經好足夠。薯條仲熱辣辣脆卜卜😋🥤Five Guys Shake 可選擇加whipped cream，第一次見到有咁多mix-ins可以揀，我哋揀咗🍓+🍌+🍪，飲落去好夾，奶味好重。飲完覺得好有罪惡感😭要做番雙倍嘅運動補番數😤

Five Guys第一間分店開左之後勁多人排隊，食個burger都要大排長龍真係有啲卻步，不過佢係K11 Musea開嘅依間分店又唔算好多人喎，好快就揾到位有得叫野食🥳依度嘅花生係任食嫁，想食幾多都得😂所以其實淨係叫個burger唔洗叫薯條都夠🤭**********<雙層漢堡> $75<香蕉奶昔> $55個burger比起平時個啲都大幾多，所以如果食曬成個都膩下，女仔嘅話叫單層漢堡都夠食，無咁heavy之餘價錢仲平啲嫁🤑個burger好足料，可以叫all the way咁就全部配料都有，或者可以自己配搭想食嘅味道！但係有個缺點就係個burger會用錫紙包住，所以一打開個包會有好多水氣，未食已經濕曬😢個香蕉奶昔都幾重香蕉味，係我嘅最愛🤭不過成杯野太甜，食burger想解渴嘅話就唔建議揀奶昔啦，飲幾啖就會好口渴🙈