Fish & Chick (新海旁街)

營業中

休息中

假日難得唔落雨，天陰陰都碌去西環海旁望下海，貪佢無乜人，順便又食下野，揀左呢間Fish & Chick嘆番一個下午。店舖坐位唔多，見到有張對正個海嘅枱，即刻坐低～開放式餐廳，開放式水吧，整體好有外國小酒吧feel。好貼題咁點左一魚一雞，要泥送下酒 (12點至7點happy hour，正呀～)邊飲邊望海境，真係好寫意，如果個天再藍啲再清啲就好了。本地鯛魚泥喇，又好似幾新鮮喎，不過連皮炸，有少少腥，個人覺得炸漿較油膩，加啲檸檬汁同鹽粒一齊食就剛好。粗薯條口感較實，有薯仔質感之餘又炸得好香脆，唔錯～全隻烤雞會送兩個side dish，揀左薯蓉同蘑菇，蘑菇要補10蚊差價。烤雞香氣十足，散發陣陣嘅香草味，一咬「好滑噃～」雞脾位皮薄肉嫩兼入味。連薯蓉一齊擺入口，又多一重幼滑嘅口感，嫌太濃味可以食番粒炒蘑菇清一清，然後再食過～～～總結呢間海邊小店，食物都幾好，係炸魚稍嫌遜色，服務ok，環境又唔錯，坐得舒服仲要望住個海，真係好。嘆。呀！

叫左SET SHARE來食， 有前菜, 主菜, 甜品, 飲品蟹肉波波+奄春蛋+ 羊奶CHEESE 紅菜頭SALAD (appetitizer):蟹肉波波應應該是蟹肉碎+薯粉炸成, 無醬一齊食好乾, 同埋無咩蟹肉鮮味。奄春蛋只是普通烚熟, 無特別。ＳＡＬＡＤ正常ＬＡ。fish and chips　(main course): 賣相好似咸煎餅, 個粉漿雖然唔厚, 但好油!!! 非常油!! 跟SET 的魚叫HOKI, 係多肉, 但完全無魚味。粗薯條是原個薯仔切出來炸, OK, 幾好味roaster chicken(main course):雞肉好嫩，煮得剛剛好，唔算好香口，焗得唔夠耐，配菜是薯茸，入面有Ｄ火腿粒，混埋一齊‵幾好食，薯茸好重牛油味，幾滑。lemon cake (dessert):cake入面有D lemon 皮碎, 酸酸甜甜的, 再加薑味糖漿, 唔會太甜, 幾好食WOR!

今日同男朋友捉小精靈，西環海傍一帶好多精靈同人。走到來我們常光顧的這裡，就等了一會就座。我不是fish & chips的fans，所以每次來一定點烤雞。烤雞皮香肉鮮嫩多汁，香港整雞，他算數一數二。配菜選了個蒜味蘑菇，十分惹味。我另外點了個粟米濃湯，湯是誠意之作，絕不是罐頭，粒粒分明的粟米，還有厚厚的湯身和忌廉。

西環一帶因為地鐵效應，開咗唔少餐廳，西環始終係舊區，午市比較冷清，今日就去咗一間食炸魚嘅餐廳食午餐，餐廳細細，連埋我地三枱客對住個海食，涼快午餐$88，有頭盤有主菜同飲品亦有單點餐牌我地叫咗一個午餐加一份炸魚些牙，我地午餐頭盤㨂咗炸蘑菇沙律炸蘑菇有香草調味，good主菜叫㨂咗加$20轉煎鯛魚伴燴雜菜魚皮又香又脆，細塊咗d另外叫咗炸紐西蘭鱈魚伴薯條魚肉滑，皮脆，同海鹽一齊食，好味檸檬茶唔太甜，茶味比較清，飲開港式檸檬茶會覺得唔夠濃，蘋果汁變晒色，唔係即榨埋單$306，侍應有笑容，落單上菜都快手，坐位有少少逼，環境就好好，對住青馬大橋海境

Fish & Chips | 炸魚薯條.hk找間好食的fish n chips其實都不容易🤔 這間質素都不錯呢😌先說環境 小店座落堅尼地城海旁 望海景的呢🌊 看著海浪拍岸 吹著海風 開放式的餐廳裝潢走藍調 完全是外國海邊小鎮的感覺 超寫意😍啤酒炸漿夠脆 但可再薄點 魚肉新鮮 鹽花有提味作用 粗薯條好脆 而且內裏粉糯 好食😋 lunch set還有沙津/湯 和餐飲 價錢與味道都不錯 而環境更是超喜歡👍🏼

成日系mk, 尖沙咀食飯，人太多，所以走左黎堅離地城附近食飯,黎呢間fish &chick„地方系有點窄,坐得擠，但服務員系幾好。4個人叫二人套餐,因為唔系好肚餓，而且都系食煎炸野為主首先，呢度既燒雞好滑,而且外皮系脆，d肉系好嫩滑,重點系冇落太多味粉，所以食完唔覺得口乾，份量只有半隻,算系咁。個薯蓉食落去酸酸甜甜，幾開胃第二樣系fish n chip, 塊魚柳都幾抵食，而且啖啖魚肉,薯條都油而不膩，味道同平時出面食既差不多. 呢個重點系份量多~~同埋，我地叫多左海鮮盤，全部炸得好金黃色，而且冇膿到,最緊要連蝦殼都可以食埋~~另外,三文魚沙律同青紅椒配墨魚丸都一般,冇咩特別驚喜。不過呢度好既就系環境比較静，岩傾計

星期日無聊在家看電視，3個鐘頭裡面竟然有兩個節目介紹炸魚薯條，咁有乜可能唔勾起老公對佢既鍾愛，咁啱屋企附近有間好似好出名既食肆，我哋就當食一個豐富下午茶啦！煙三文魚沙律配刁草汁$65第一次聽刁草汁所以想試下，原來味道係酸中帶甜既，但絶對唔似沙律醋既酸度，配新鮮沙律菜一流，好開胃，再加上我喜愛既煙三文，兩個字形容＂好"炸鱸魚薯條$130有幾款魚揀但我哋又唔知邊款好味，求其叫咗一個廚師推介既鱸魚，大約等十分鐘左右，香脆可口既炸魚出嚟喇，其實第一眼見到我覺得份量比較細 (可能之前响英國食過超級大件啦)，但若果下午茶的話就啱啱好。唔講大家會唔會知道其實傳統英國食炸魚係點醋同監呢？咁樣先可以帶出魚既鮮味，而粗薯條就可以點他他醬/茄醬。先講炸魚，炸漿好薄又唔油膩，輕力一切己可切成細件，點上碟邊粗鹽同枱上既醋，魚鮮味即刻出晒，再加上魚肉嫩口，絶對值得推介！而伴菜炸薯條同樣出色，用上粗薯條唔放鹽，口感外脆內軟，試問點可以叫人唔清碟呢！祈望再有出色炸魚薯條出現！二人共消費: $215

晏就唔洗返工 一個人走到西環嘅fish n chick一個人享受一下外國風味 hea下時間叫左店裡人人都會叫嘅monk fish 即係紐西蘭無鬚鱈魚配薯條😌等左一陣 熱辣辣都送到枱上一切開 一陣白煙從魚塊中冒出 炸粉沾得好薄魚塊入口肉質嫩滑 加少少檸檬汁已經好好食粗粗嘅薯條炸得金黃香脆 中間藏滿薯蓉 好滿足👍🏼

二月之生日晚餐一向有水準的Fish & Chick 在觀塘開了Fish & Chick Plus，有很多新款特式菜，例如黑松露燒雞和白酒煮蜆也令人回味無窮。我很好想知道餐廳開了分店之後，總店未知能否保持水準，一直想回西環店試一試，二月有兩位朋友生日，一位朋友住西環，另外一位朋友十分喜歡吃Fish N' Chips，於是今次拉大隊13人一起去食。本來想包場，但原來包場最少需要25人，我們還差很遠呢，於是我們沒有包場。一班人吃飯點菜方面會比較困難，我請了餐廳職員幫手寫菜單，向他提供了一些要求：需要多一點菜和除了魚之外肉類需要多一點。我們book了八點鐘，八點一到，我們便有枱了，而且一坐低，職員便告訴我們食物已準備好，有得食啦😋我們先點了一些飲品，有啤酒，ciders，檸檬梳打，薑汁梳打，薄荷茶和一些紅茶。啤酒點Asashi, 夠冰凍， ciders 英國入口的，有不同的味道，有蘋果、梨、野莓和士多啤梨，容量不少。檸檬梳打和薑汁梳打可能份量比較少，但味道一流👍🏻原來紅茶等等用茶壺裝，可以添飲的，最超值！首先給我們上了兩份沙律：煙三文魚沙律 煙三文魚不太鹹，不錯！ 蘑菇沙

大年初四嘅午餐，想近近哋望吓海景，飲㗳啤酒relax 吓😚所以選擇咗fish and chick🐟🐔呢度午餐係食set，有頭盤湯或者沙律，我哋叫咗磨菇湯&粟米湯。磨菇湯非常濃郁嘅磨菇味，而且份量+湯料十足絕無欺塲👍而粟米湯同行友人話好重忌廉味👍主菜我哋就揀咗炸魚🐟同炸雞🐔。炸魚🐟薯條🍟可以話係我其中一個最愛，可惜嫁咗俾大人之後，大人唔係好好煎、炸、熱氣嘢，所以都好耐無食過lu😢今次嘅炸🐟薯條🍟再加上鋪頭本身嘅位置，絕對能令本人重拾返喺英國生活嘅感覺😆。炸魚🐟做得非常好，一啲都唔油膩、而且炸油可以肯定唔係千年油，絕對無油益味👍。不過，反而同行友人嘅炸雞，就炸得比較乾咗少少啦～總括嚟講，的確係唔錯嘅一餐，悠悠閒，望吓海，飲吓啤酒，傾吓計，咁就歡渡咗大年初四😁。

同朋友係西環行左好耐 因為佢又要食西餐又唔要pizza spaghetti burger 行到去海邊俾我見到呢間藍色小餐廳 可以望住個靚靚海景又有fish and chips 應該滿足到佢啦掛餐廳外面都有一兩張二人枱 係睇風景既最佳位置餐廳內左面係半開放式廚房 見到大大既烤雞爐 隻雞轉下轉下 好吸引 右面有七張二人枱可以拼埋變大枱 午餐係2-course 前菜 主菜同餐茶 主菜有雞同魚(配合返餐廳名)我叫左烤雞雞 朋友就fish and chipsSalad好快到 係smoked salmon同Caesar salad with vinegar 冇咩特別 不過不失啦雞雞係快過魚既! 原來half portion都幾多下 好juicy (心心眼)!! d肉又滑又香! 平時怕肥唔食雞皮既我見d皮又薄又脆都食晒!! 朋友聞到好香都食左食雞翼, 佢仲話: 如果骨頭食得既話, 應該連骨都冇放過! lol 佢既fish and chips係我食到2/3既時侯先到 飽飽地既我就冇食, 不過朋友話個魚好滑 我見個炸粉都好薄而且聽到切落去既聲都好脆咁 應該幾唔錯最後飲埋我既檸檬茶就非常滿足地離去laaa

我最愛吃雞，這間主打烤雞同魚， 所以一新開幕時經常幫襯，因為烤得很香口，香草味濃由於搬家了，相隔一年再來時，人多了，食物質素下降了 烤 雞 - 少了香草味，由於人客多，忙於招待，烤雞時間過了火侯，比較乾身，差了一點 炸魚手指 - 夠脆，香口，值得一試 Mocha 好飲，濃厚 整體都ok, 服務態度好，希望改進下烤雞就Perfect

搶眼藍色的簷篷, 望著海景, 昂船洲大橋, 往來的船隻, 聽著音樂, 享受忙裡偷閒的午餐◦ 沒想過平日的午市, 也有挺多人的, 不夠三十人的坐位, 很快就滿坐了◦ 平日午市最低消費是88元加一, 即97元, 以作大家參考◦炸鮮蘑菇沙律: 這個炸鮮蘑菇實在太鮮甜美味, 蘑菇新鮮, 一咬下去, 菇汁都咇出來, 如果再加兩顆就太好了◦ 而且炸醬也好味, 脆而不油◦烤雞半隻配薯蓉: 看著烤爐內滚動的雞, 實在急不及待想快些上菜◦ 首先, 雞挺大隻, 趁還冒煙的時候, 第一時間就拿起最美味的雞腿咬下去, 又滑又多汁, 滲著香草的味道◦另外, 這個薯蓉也好美味, 滿滿牛油的香味◦但炸魚的香味更是不可忽視, 下次有機會一定要試◦

與友人到上環聽講座,先去醫肚!我倆都係港英餘孽(hahahaha)食fish n chips 係常識吧!呢間已經黎第三次,我覺得係好好味既!友人係英國食過fish n chips ,佢話呢間係最接近英國風味的!今次醒目有訂位,去到就有位,唔駛等!今日食cod fish 銀雪魚,同埋燒雞半隻,炸蠔.炸蠔先到,炸得很好,好juicy!唔似出面有d炸到隻蠔乾巴巴的.....Cod fish 銀雪魚,係油份比較重的魚,,炸漿唔算厚,魚都好大件,yummy!炸薯條也非常好味!值得一讚既係佢既他他醬,同個炸魚非常之夾燒雞半隻(唔記得映相) 佢既燒雞做得好出色,皮薄肉又滑,如果肚皮有空間係必點之選!

星期天,到樓下的fish&chick.trytry.入到去都是full的 得番我地呢張枱.不要以為開了門泠氣必定要夠,其實冷氣都足夠,不會太熱.我們3位order了,1664blancchill住tea.還order了餐廳推介的monk fish.薯條大大條好吸引.夠哂外國feel.monk的肉質可以,但要襯熱食,否則會開始腥.monk再沾上沙津醬,更配。