影片
3/3 大約晚上10:30左右，我同朋友2人在厚福街食完糖品，之後見時間尚早，打算在附近酒吧，搵間有 D2 darts既酒吧掟幾鋪摽再走。上到去，只係見到有兩台客人，佢哋都馬上安排我哋坐係一張方形高枱。因為人流唔算多，當時仲覺得空氣清新。坐低不久，就叫了兩杯cocktail ，再把$100唱散5元硬幣，因為D2機只有一部，又有另外其他客人玩緊，我哋都等佢哋玩左四至五鋪，我哋先開始玩，坐低大約一個鐘左右，一位年約50歲的女服務員，就叫我地轉枱，佢嘅解釋係因為得兩個人，佢哋又多人（但眼見入座率其實都只係6成，另外仲有三四張枱未有人坐），希望我哋可以改坐窗邊近吧頭位置，之後我哋都配合佢嘅安排，將飲左大約2/3兩杯飲品放在那邊，我哋繼續掟摽。人流亦開始多，亦開始覺得有點煙霧離漫。直至大約12:40左右，因為感到好大煙味，掟完摽打算飲埋杯酒，就諗住埋單，去到發現兩杯酒已經冇咗，當時我哋即刻搵返叫我地轉枱嗰位女士，她第一反應就話你哋已經飲晒，跟住另外一位男同事，就在話已經收咗頭先仲放喺度，我就同佢講明明杯酒仲有，點解你哋收嘅時候，唔會問一問個客人呢？之後個男同事都有道歉，解釋係一場唔會,仲話會沖嗰另一杯俾我哋，我已經同佢講唔需要，但嗰位女士的說話真係不知所謂佢話我哋兩個飲兩杯酒，坐佢幾個鐘，杯酒剩返果少少唔係仲要啊？當時聽到之後，真係好嬲跟住我問佢，你哋入坐係咪有限時？點解我哋坐低嘅時候，你唔同我地講？仲要我哋野飲未飲晒就收咗，我話你地咁做都幾無禮貌！我朋友已經拎左錢準備埋單，但嗰位女同事即刻話，你哋其實都係唔想俾錢，而家唔收錢，你地而家走，跟住我朋友就出聲，同佢講我哋黎呢度只係想消費，唔係諗住攞着數，唔明點解你會講啲咁嘅說話，之後個位女同事聲稱自己是老細，我忍唔住同佢講你咁做生意，希望你快啲執笠，我哋放低左錢就離開。其實由調枱嗰刻,兩杯飲品我哋都未再飲過，一直都係度掟摽，之後又會話我地兩杯酒飲晒，根本就係見到未飲完都收，覺得兩個唔會飲得多。個位自稱老闆嘅女仕，如果你咁嫌棄2位顧客消費，你絕對可以係我哋入嚟鋪嘅時候講清楚，唔係做啲小動作，講啲難聽嘅說話，錢就預咗會俾，但係真係消費得好唔高興😡😡😡原本Happy Saturday ，俾呢一間酒吧搞到超級憤怒
繼續閱讀
今天和女朋友到這間餐廳消費，叫了兩杯cocktail，我們喝了一半便去掟飛鏢，大约玩了一小時左右，回到坐位，發現兩杯飲品被收掉，於是我們和餐廳的職員投訴，卻被當時的一個年紀較大的女職員出言侮辱，說我們叫了兩杯飲品便坐了幾個鐘，霸佔他們的位置（我們只坐了1小時左右），並說我們這樣過來投訴是為了可以免費不用俾錢。本人深感憤怒，我們是想來消費的，就算是掟飛鏢也有入錢的，絕對不是全心搞事，卻被這樣回覆對待，深感不甘！而且服務性行業怎可以說這些說話的，完全是沒有用腦袋去思考過。而且場內環境污煙漳氣，每台都是在吸煙，以後我們也不會來這間小店消費。
繼續閱讀
辛苦工作了一星期, 終於到了快樂的星期五, 當然要找地方吃喝輕鬆一下, 都巿人的娛樂, 大概吃佔了很大的一部分吧, 至少我是這樣。與友人到了尖沙咀厚福街, 打算上H8 飲野, 誰知道在樓下見到一條長長人龍, 我已猜到是搭升降機上去的人龍, 等了20分鐘才搭到, 已經三部升降機同開, 實在有點誇張呢, H8的餐廳食肆太受歡迎了。來到了15樓 festa, 時間尚早, 還有好多位。平常間中都有跟朋友去喝喝cocktail, 這間晚上6-9pm happy hour時間有買一送一, 好抵呢!環境也不錯, 有空間感, 不會太迫。可以掟鏢, 又有一個新穎的乒乓波遊戲, 我未見過呢, 也不知怎玩, 只見有班人玩到好興奮, 大叫大嚷。到不同的酒吧, 最有興趣試他們的特色cocktail, 有新鮮感嘛。要讚一讚這個menu寫得好清楚, 飲品裡主要成份是什麼, 不是只有個名, 要逐杯問店員, 他不煩我都煩了。因為要趕happy hour, 未有吃晚餐, 空肚飲酒又不好, 於是叫幾個小食同吃, 這樣飲吓食吓又幾開心喎, 而且都飽呢。Perfect Art $98Strawberry, Coffee, Chocolate第一杯飲品, 已給我驚喜, 首先賣相已好靚, 兩個心心在飲品上, 有心思。草莓味非常討好, 好fresh的味道, 不是糖漿味, 更不是藥水味, 草莓中淡淡滲出輕柔咖啡味, 原來都幾夾, 杯面的心心的朱古力漿來的, 味道出奇的濃, 幾種味道加起來, 十分美味, 據說飲品加了vodka酒, 但酒味頗輕。杯內有些碎冰, 不是整杯沙冰狀, 個人喜歡。Blue Island $108Rum, Gin, Lychee, Blue這淺藍色好美呢, 味道方面比上一杯單純, 就是純粹的荔枝味, 杯內有些荔枝肉, 又有一大顆可以吃掉。荔枝味的調味剛好, 不會太濃或太淡, 因為用了兩隻酒, 酒味較重, 但亦屬易入口, 如想要少少暈輕飄飄之感, 選這杯不錯。炸薯條 $38新鮮炸起熱辣辣, 不會炸得燶, 是剛剛好, 薯味新鮮, 可沾茄汁吃, 厚切薯條特別有口感。炸墨魚丸 $48將墨魚丸炸得香口, 已均勻加上醬汁, 咬落彈牙, 有著墨丸香味, 不會太粉感。炸魚手指 $58小食當中最欣賞這個, 外皮炸得香脆, 內裡魚肉非常滑溜無骨, 亦有淡淡魚味, 配上沙律醬實在滋味。炸薯角 $48和薯條一樣同是薯類小食, 但這個較脆身, 但感覺也較熱氣, 薯角或薯條兩者我們各有所好。Illusion $88Lime, Melon, Vodka喝完了兩杯cocktail意猶未盡, 追加多兩杯, 這杯Illusion顏色和味道同樣清新, 雖說有青檸及蜜瓜味, 但青檸味實在太出, 被它搶去成主味, 蜜瓜要細味才品嚐到, 這杯酒味較Blue Island輕。Mocha Smooth $108本想叫chocolate smooth, 店員推介新產品mocha smooth便試試。這杯mocha朱古力和咖啡味取得了平衡, 酒味也蠻明顯的, 不知是否用了和mocha好夾的bailey酒, 整體味道很好, 加上邪惡的cream, 真令女生欲罷不能。這酒吧的員工都十分有禮貌, 小食都新鮮處理, 甚有誠意, 最欣賞是這裡的cocktail, 喝得出來是用心調製的, 味道都很好, 四杯中我較喜歡Perfect Art 和 Mocha Smooth, happy hour買一送一更抵飲, 小食價錢也相宜。香港人, 要放鬆一下, 就是這麼簡單。
繼續閱讀
今日ot 到成8,9點先走得，走果陣同同事本身諗住去食過m記就算，跟住行經厚福街嘅時候，同事話不如係度喝杯野，食小小野就算。跟住一上到黎，發現呢度環境都幾大，氣氛又唔錯，令上黎嘅人都感覺放鬆啲。之後當然就唔小得，即刻叫野喝同埋野食。 Sea Breeze Sea Breeze選了果汁味重的Sea Breeze，主要由vodka, cranberry juice & grapefruit juice調製而成，略帶紅色的顏色感覺好鮮艷奪目，喝落口有小小酸甜，酒味唔會太濃，適合唔多喝酒嘅人。 愛爾蘭啤酒，深褐色的啤面入口順滑，唔會一般啤酒果一種苦澀味或者藥水味，之前已經聽講呢隻啤酒係外國好暢銷，果然名不虛傳。 香炸墨魚丸，餐廳所有嘅小食都係即整嘅，所以上枱果陣都係熱辣辣，墨魚丸都好彈牙，唔會好似平日食到咁軟淋淋。 西班牙辣肉腸，入口有小小辣，但係好惹味，幾岩用黎送啤酒。 脆炸雞翼，雞翼表面炸到好香脆，但內裡嘅肉依然嫩滑，而且味道唔會太咸，整得岩岩好。 煎餃子，餃子入面好足料，而且煎得岩岩好，唔會太焦，熱得黎塊餃子皮又唔會硬晒，所以非常之咁唔錯架。 不過呢度真係好適合一班人黎食下，傾下偈，下次搵成班frd一齊黎玩下先得。
繼續閱讀
放工後相約了朋友到尖沙咀飲杯野談談心事，所以想找個寧靜一點又有氣氛的地方，由於少到酒吧，還是叫朋友帶路就好了，友人得知位於H8高層有間開業不久的酒吧，估計人流較少，就直接上去看看不知是時間尚早還是沒有太多人知道新店已開，7點令的時間只有我們一枱客人，真有包場的感覺場內有3台飛鏢機及一張遊戲枱，由於少到酒吧，所以不太知道遊戲玩法，不概是雙方輪流把乒乓球掉進對方的杯內，掉中了就算贏吧...雖然沒有試玩，但當杯枱上的燈光亮起後，非常有氣氛呢餐牌上有大量的酒類，分為Cocktails、Shots、Brand、Mixer、Game、House Wine、Wisky、Brandy、Draught Brand，小食方面就不算太多，當晚只有12款供選擇Blue Hawaii $78由於以往試過自己亂點Cocktail，經常點錯了有陣陣藥水味的款式，這次就直接叫侍應介紹就好了。跟侍應說明了想要果味重一點，最重要我是不帶藥水味就好了。侍應就介紹了這杯海藍色的Blue Hawaii給我，果味濃郁，當中菠蘿味較重，易於入口，酒精濃度亦不算太高，沒有任何苦澀味，非常適合少喝酒的我Chocolate Smooth $78愛巧克力的友人二話不說就直接點了Chocolate Smooth，外觀上似是一杯凍朱古力多於多Cocktail，偷試了一口，朱古力味蠻濃的，帶少許酒香。酒精濃度估計比Blue Hawaii高一點，但同樣易於入口，Chocolate lover至愛海鮮白菜卷 $48食品以煎炸類為主，由於還未叮吃晚飯，所以點了4款小吃。海鮮白菜卷一客有6件，感覺是最飽肚的一碟。白菜卷熱辣辣即叫即炸，外皮夠鬆脆，入裡以白菜碎為主所以感覺不會太膩，沾上沙律醬後味道更佳炸多春魚 $58愛海鮮的我倆還要了一客多春魚，一客同樣有6條，多春魚炸得香脆，魚身肥美飽滿，細嚼時帶魚子香，但不會有濃烈的魚腥味，邊喝cocktail，邊吃點肉食，感覺舒服薯角 $48來到酒吧當然少不了著條/薯角這類香口小吃，薯角同樣新鮮炸起，每隻也相當肥美，外脆內軟加上啖啖薯肉我口感，非常不錯，若可增設芝士焗著條/角就更好了椒盬雞軟骨 $48另一款香口佐酒小吃就是椒盬雞軟骨，份量蠻多的，每粒也炸得圓滾滾，跟炸墨魚咀有點相似，軟骨外層鬆脆而內裡帶嚼感，咀嚼時發出咯咯的聲音，香脆可口的軟骨果然是用作送酒的最佳之選..Festa Restaurant & Bar (尖沙咀)尖沙咀厚福街8號H8 15樓∼∼∼∼∼∼∼∼∼∼∼∼∼∼∼總消費：$395味道：7/10環境：8.5/10服務：7.5/10衛生：8/10抵食：7.5/10
繼續閱讀