Feast Oyster Bar and Restaurant (已結業)

一早係openrice book左位去試一試呢一間西餐。未入去係門口都覺得個裝修都係有用心，每個枱既距離都好足夠，因為book左位，佢哋留左大枱俾我哋。同埋waitress好細心咁confirm我地今日係紀念日，因為係openrice有marked低到。一來到就好清楚介紹我哋唔同款既生蠔，最後揀左推介既剛落飛機既法國「蠔王」！海水味重既，唔算好大隻，同員工介紹既一樣，十分滿意！之後揀左今日既set lunch，不過就無左牛扒，有d美中不足，無得試一試佢牛既質素。我哋揀左羊架同牛肋條！佢個set lunch係包自助沙律🥗。全部都新鮮，不過就款色少d，整體唔錯！是日餐湯，南瓜湯比預期既濃同好！羊架火喉都不錯，應該係medium rare，薯蓉都調味好岩我哋口味，唔會太咸。不過個汁就唔係咁好，有少少唔太夾，可能個人preference。一上菜，個擺盆presentation都好吸引，有個煲仔！不過呢個意粉就好失望，應該煮得太耐，口感好差，同埋應該無咩調味，唔落汁就無味。個牛肋條煮得幾入味，係ok既！之後order左個Apple crumble！係有anniversary字既！好好呀！佢會加個

係中環行完街，見依間出名食生蠔，環境又坐得幾舒服，所以就試下！有90分鐘嘅Oyster Buffet，$328再加一，除左有生蠔食之外，仲有好多野食，有焗蠔、炸野連炒飯同意粉都有！首先梗係試左生蠔先，今日食嘅係法國嘅生蠔，聞起黎帶海水味，入口除左海水味之外仲帶左少少甜味，口感柔滑，好正！另外都試左好多小食，有薯條、洋蔥圈、越南春卷、炸蝦同單骨雞翼。整體都幾好食，啲炸野好香，脆得黎又唔會乾。尤其係個雞翼仲好入味，食落似已經加左泰式辣醬咁。仲叫左叻沙青口意粉同叁巴肉碎炒飯，好鐘意個意粉酸酸甜甜好入味。個飯都炒得粒粒分明，少少辣夠哂味。加$68仲可以仼飲紅白酒、汽水、咖啡或茶，大滿足！

餐廳位置喺中環街市附近，交通方便，下午做緊生蠔放題，90分鐘$328任食生蠔及7款食物～～ 我同朋友坐低後表示想食生蠔放題，職員都詳細地講解MENU，第一ROUND 會上每人半打生蠔，同埋5款小食，包括：薯條、洋蔥圈、春卷、吉列炸蝦及單骨雞翼。而意粉及炒飯則可按需要落單，十分貼心。之後每ROUND會每人各上3隻生蠔🦪餐廳今天提供的是法國MONT BLANC生蠔，海水味唔會過重，生蠔肉質鮮甜而且飽滿，配埋白酒都好夾！ 各款小食都香脆而不油膩，特別推介招牌單骨雞翼，味道有啲似脆辣雞翼，不過佢再香口啲，而且佢係單骨感覺冇咁邪惡🍖 食咗咁多生蠔同炸物，都想食番啲澱粉質食物。我地叫咗叻沙青口意粉同叁巴肉碎炒飯，建議食咗炒飯先食意粉，因為意粉嘅叻沙味夠曬濃🍝另外加$68就可以任飲白酒、紅酒、汽水、咖啡或茶☕️白酒好易入口，朋友平日少飲白酒都飲咗一大杯🥂

通常都係去食自助餐先食生蠔，生蠔放題都係第一次！😂😂🦪🦪.「生蠔放題」$328+$68就可以任食生蠔、炸物及任飲紅白酒！！.一開始，就會上一打嘅生蠔，同埋每款炸物少量。🍽：法國Mont Blanc生蠔，海水味濃郁，但唔會太鹹，我個人鍾意落檸檬汁，生蠔新鮮鮮甜。.「蒜蓉牛油焗蠔」🍽：餐廳職員話要視乎當日有冇日本蠔供應，先能夠提供呢款焗蠔，因為避免用其他蠔嚟焗令蠔肉縮小。焗嘅時間掌握得好，所以肉質唔會完全熟透，仲好鮮嫩。

呢間餐廳成日喺社交平台見到；今日中午同同事去試；佢有個半自助餐模式；有個沙律吧喺出面可以任食；跟住一個主菜；湯就係set包埋嘅；其他就要加錢：同埋有生蠔；佢主打係生蠔；今次同同事揀咗兩個主食；大家share試下；跟住再加碟沙律；雖然係任食；但係都好飽呀；食咗一碟；主食我哋叫咗一個pizza；同埋一個斧頭扒；味道都可以；見到有其他隔離枱叫龍蝦；個賣相都唔錯；總括嚟講呢間可以再encore；嗰個湯都好creamy；雖然佢侍應生唔多；但係佢用電子畀錢同落單；所以都好方便

️呢間主打食蠔既餐廳，假日晏晝去都有吾少食緊生蠔放題，但係個人麻麻地生蠔😂就散叫啲野食，因為上網見佢既意粉都吾錯，賣相幾吸引🥲.👁‍🗨溫泉蛋卡邦尼闊條麵配巴馬火腿乾(7.5/10)💲158.➰賣相好靚既一碟卡邦尼闊條麵，隻溫泉蛋好爆汁，足夠撈哂成碟麵，所以每條闊條麵都沾滿住蛋汁好有蛋香味🥲卡邦尼本身既醬汁吾係稠身果種，麵條比較腍身，巴馬火腿好有咸香味，但係成碟野既份量偏少，男仔食既話應該吾太夠🥹.👁‍🗨香煎大虎蝦拼紐西蘭牛柳(7.5/10) 💲248.➰紐西蘭牛柳叫左五成熟，切開呈粉嫩既粉紅色，岩岩好，吾會話鞋口硬身，食落都有牛味帶點juicy🥲虎蝦算係大隻，都彈牙既，配菜有比較爽口既薯仔粒，都香口.🔛 整體評分（7.5/10）

這間位於中環的西餐廳，最近推出90分鐘生蠔放題，每位只是$328，價錢相當吸引，身為蠔迷，當然要來試一試。90分鐘生蠔放題，除可以任食指定生蠔外，更有8款放題美食，包括：蒜蓉牛油焗蠔、美國啤酒薯條、酥香炸洋蔥圈、越南素春卷、日本吉烈炸蝦、招牌單骨鷄翼，還有非常照顧碘粉質朋友的叻沙青口意粉及叁巴肉碎炒飯，一定可以飽住回家。任食指定生蠔不算太細隻，海水味極重。所有炸物均即點即炸，上菜時熱辣辣非常燙口，小編個人推介焗蠔、單骨鷄翼及啤酒薯條，值得叫多來一回。叻沙青口意粉及叁巴肉碎炒飯絕對不算交行貨，意粉好掛汁有咬口，叁巴肉碎炒飯放了大量野菌炒，乾身不油膩。套餐同時可加$68 升級至無限任飲組合，任飲白酒、紅酒、汽水、咖啡或茶，注意任飲項目不包括清水，白開水需另按支收費，建議無特別需要就避免點水了。另外，任食小貼士分享，生蠔即叫即開，上菜時間需時，每次只能點半打，想爭取時間食多幾輪生蠔回本，記得一食完就要點啦！

約左朋友放工後到中環晚餐地段旺中帶靜店內環境舒服好適合傾偈員工好友善又helpful會介紹不同蠔畀我地蠔嘅選擇好多 花多眼亂最後揀左一打Mont Blanc白酒配蠔飲住酒傾 轉個頭就已經3個幾鐘蠔size對於女仔黎講一啖一隻岩岩好爽口唔膩充滿海水味新鮮而且清甜可以唔需要檸檬蠔汁直接享受凱撒沙律加配巴馬火腿巴馬火腿香脆配以沙律菜可以中和火腿鹹香味道更平衡啤酒脆炸軟殼蟹拼薯條軟殼蟹好juicy鬆脆薯條乾身而且量多 十分抵食黑松露野菌意大利飯黑松露好香質地creamy 飯粒有口感份量恰到好處

鄰近中環街市，有家主打生蠔、美酒的西餐廳ꜰᴇᴀꜱᴛ ᴏʏꜱᴛᴇʀ ʙᴀʀ & ʀᴇꜱᴛᴀᴜʀᴀɴᴛ。裝修非常精緻有格調，地方闊落用餐舒適。一進餐廳是一個很大的酒吧和生蠔區，放了當天十多款來不同產地的時令生蠔供食客選擇。.今天到訪的主打是一嚐餐廳十分超值的新放題任食生蠔套餐。.先說一下放題供應的美食：.➰90 ᴍɪɴᴜᴛᴇꜱ ᴏʏꜱᴛᴇʀ ʙᴜꜰꜰᴇᴛ ➰💲328+ ➰ꜰʀᴇᴇ ꜰʟᴏᴡ ᴘᴀᴄᴋᴀɢᴇ ➰💲68.➿任食組合➿✿ 時令推廣生蠔✿ 自選焗蠔 - 蒜香牛油、忌廉菠菜、煙肉洋蔥、白汁芝士✿ 美國啤酒薯條✿ 酥香炸洋蔥圈✿ 越南脆素春卷✿ 日本吉列炸蝦✿ 招牌單骨雞翼✿ 叻沙青口意粉✿ 叁巴肉碎炒飯.➿任飲組合➿❀ 白葡萄酒❀ 紅葡萄酒❀ 汽水❀ 咖啡❀ 茶.點選套餐後，餐廳會先每人送上6隻生蠔及二人份的小食拼盤，之後可再任意追加心水款式。今天放題套餐所供應的時令生蠔，是來自法國ᴍᴏɴᴛ ʙʟᴀɴᴄ，肉質是輕薄、清新爽脆型。生蠔全部由師傅，於生蠔吧內即叫即開保證新鮮。雖說是放題，但餐廳很認真的每送上新一輪的生蠔時，也會送上新的紅酒醬汁、鮮檸檬件、新的碟和濕紙巾等，這點方便食客的小

今日約左舊同事中環食飯, 行經過見到呢間餐廳soft opening, lunch set再加自助沙律吧價錢百幾蚊一個set, 中環黎講都算正常價, 一於試下!自助沙律吧有多款唔同類型嘅新鮮沙律菜, 例如車厘茄、薯仔沙律、青瓜、羅馬生菜、粟米粒、油浸茄子等等! 另有六款醬汁選擇, 總有一款岩你口味😌Lunch set包左餐湯, 是日餐湯係粟米湯😋 主菜點左：紅酒燴牛肋條配日本珍珠米～$148牛肋條炆得好腍好入味, 一食就知道炆左一段時間, 紅酒汁質地好濃稠紅酒味非常香濃, 食落甜甜地👍🏻 伴碟嘅瓜菜亦好好味😋焗芝士白汁龍蝦配香煎三文魚扒～$188龍蝦蝦肉非常彈牙新鮮, 加埋芝士一齊焗非常惹味😊三文魚扒嘅魚皮煎到卜卜脆, 魚肉kepp到好嫩, 絕對係高水準之作! 如果青醬汁可以多少少就更perfect! 伴碟嘅瓜菜特別係薯仔煎到外皮焦脆, 連伴菜都咁好食, 抵讚👍🏻

好多人都中意食生蠔，但唔一定有好多生蠔知識，亦唔會太講究咩品種大細。如果你同我一樣，黎呢到就最啱，因為餐廳有套餐，配埋支白酒，一次過食到12隻一打生蠔，嘆完先慢慢叫主菜，我覺得對於我黎講太方便生蠔套餐仲要做緊優惠，真係抵食過超市買🤣仲有人serve 埋🤭🤭🤭味道很好，一入口有海水咸，慢慢滲出蠔身鮮甜，肉身爽口，唔會太大食到滯，一口一隻。主菜揀左羊膝，肉厚嫩滑，膠質好重但唔油膩👍👍仲有意大利飯墊底，索晒d羊汁勁好食個小食都非常出色：炸墨西哥辣椒釀芝士必食必食

📍$298 生蠔（一打）送白酒一枝餐廳依家做緊大優惠，只需要$298就可以享用原價$696嘅生蠔我哋見到咁抵，梗係即刻叫黎試試生蠔嘅肉質幾飽滿，入口帶有淡淡嘅海水味道😜因為味道幾豐富，唔洗沾醬或者加檸檬汁都得.📍$98 法式蘑菇焗田螺廚師將田螺放係上層，而蘑菇放係下層，一啖咬落去蘑菇啲汁爆曬出嚟，同彈牙嘅田螺好夾💁‍♂️💁🏻‍♀️而周圍亦都鋪滿咗薯仔粒，入口係滿滿嘅牛油同埋蒜香香草味，非常美味😊.📍$188 招牌巴馬火腿手工薄餅本身以為菠蘿做pizza嘅最佳水果配料，但食完呢個pizza後，發現蜜桃原來都唔錯甜甜嘅蜜桃加上鹹鹹地嘅巴馬火腿同埋黑醋，令到pizza 有甜中有鹹嘅味道，食落層次豐富😚而值得一讚嘅係pizza 嘅餅底好脆，令到我地食得好滿足💕

▪️ Raw Oyster Platter (1 Dozen) + Free 1 White Wine（7.5/10）💲298之前見唔少人講呢間既生蠔放題，不過我唔會食到太多，反而比另一個幾抵食既優惠吸引左🤑當晚精選款式係Dooriel Creek，雖則唔係好巨，但大致新鮮，口感偏向爽脆，頗重海水同金屬味，加檸檬汁可以提鮮😛附送智利出產既Chardonnay 2022，入口清爽🥂▪️ 黑松露野菌意大利飯（7/10）💲178以忌廉味為主，配上淡淡既黑松露同埋野菌香🍄意大利飯質感唔錯，做到外軟內硬🥘▪️ 龍蝦汁大蝦扁意粉（7/10）💲178食物擺盤比較隨心🤣煎香既大蝦肉質彈牙，沾滿左龍蝦汁既扁意粉，味道不過不失，但麵質係軟身啲🍝同埋以呢個價錢黎講，份量比預期中少，如果多返啲會更好😳🔎 整體評分（7/10）

今日收工，好虛脫🫠攰到唔想同人講野，所以今晚對自己好d，食好d🤗平時放lunch time經過，見到有好多生蠔，成日好想入去食，終於有機會😚坐得舒服，員工服務都好好👍🏻完全冇失望🍴生蠔12隻🍴我地食最basic果隻，因為怕太大隻，食完會好漏，呢個size 剛剛好，最重要係新鮮🤩唔需要落其他汁都足夠帶出蠔嘅鮮味👍🏻而且比較爽口，一流👍🏻🍴風乾火腿pizza🍴唔似普通圓形size嘅Pizza，兩個人食份量剛剛好，而且用料十足，有火箭菜配上風乾火腿，正😌🍴南瓜雞胸risotto🍴當然係南瓜汁，但餐廳亦好貼心，飯上有南瓜粒，增加口感，雞胸亦唔會好「鞋」，應該係慢煮嘅😗🍴避風塘單骨雞翼🍴本身其實份量已經足夠，但我想送埋支酒，所以叫咗個小食，好香口又惹味，份量唔算多，送酒剛剛好🙂🍸白酒🍸易入口，比較甜，唔覺唔覺我一個人飲左一枝🫣下次會再去食大d size嘅蠔，試下會係咩口感，一定會再去😍同埋其實性價比好高😍

主打各款時令生蠔🦪和多國菜料理最近更有推廣$298就吃到一打生蠔還有得配白酒超划算耶 質素都很不錯餐廳佈置還充滿典雅氛圍 好適合約會慶祝⸝⸝⸝♡︎.▫生蠔🦪 一打送白葡萄酒🥂 $298 原價$696咁抵食就梗係要試下招牌生蠔🦪選用時令mont blanc生蠔 鮮甜滑溜配上檸檬汁&sauce 味道更鮮美豐富.ᐟ‪‪.ᐟOrder1打仲會送支白酒 配生蠔就岩晒酒香入口清甜甘澈 剛好平衡生蠔自來的鹹甜.▫香煎大虎蝦拼紐西蘭牛柳 $228見到隔離枱好似好食就跟嗌🤭牛柳充滿肉感無乜筋位 肉質軟嫩牛味濃厚有肉汁 配埋蒜粒味道更香濃～虎蝦啖啖肉彈牙香口 伴碟還有薯角.秋葵.蕃茄仔等.▫海鮮叻沙闊條麵 $178叻沙質地奶滑creamy味道濃郁‪⸜( ˶'ᵕ'˶)⸝用上手工闊條麵更煙韌卦汁 頗惹味的海鮮有大蝦.三文魚.魷魚喔 好豐富.ᐟ‪‪.ᐟ