Express Bar By Lassana (中信大廈) (已結業)

之前有個朋友介紹我去食榴槤芝士蛋糕，佢知我全屋（除我爸之外）都好鐘意食榴槤，就連狗狗都好喜歡食🤣所以其實真係引誘左我好耐😭最近心情又麻麻，就諗住好啦買個返去試下啦，順便又可以氹下媽媽開心🙈上網查一查營業時間..發現大部分都收六點，最近都要去到天后先會收六半..咁就諗住問下老闆預訂個蛋糕，放工準時走閃去拎啦～點知老闆又咁鬼好人@@話我可以去金鐘拎，佢會等我到六點半😭太感動了啦（不過我唔知係咁岩今次有哩個特例定點，大家係營業時間去會好啲，唔好好似我咁阻到人地😣）第一次六點準時係公司閃人，仲嚇親我啲同事添🤣趕到去金鐘站先發現無左E出口，即刻問職員，先改由A出口行出去，瞬間開住個GPS先，就算睇唔明地圖（我係路痴）都起碼可以知係邊個方向嘛🤦🏼‍♀️一直都好擔心會遲到阻住老闆咁耐..好彩趕到過去都仲未到六點半😅即刻係老闆手上拎走哩袋野～真係愈黎愈期待佢既味道啦❤️不過拎到個袋既時候又聞唔到啲啲榴槤味，當時心情係..開心：唔駛擔心好大陣味影響到其他人，始終我哩啲要搭長途巴先返到屋企既人🤦🏼‍♀️ 擔心：其實會唔會無咩榴槤味呢...返到屋企即刻將蛋糕放入雪櫃，再若無其事咁同屋企人食晚飯，當然啦，瞬間我胃口

因工作關係去左中信大廈, 臨走經過呢間店, 俾佢張 Poster 吸引左我嘅目光  作為榴槤控嘅我, 又點會錯過去試下用榴槤整嘅甜品丫, 呢個甜品結合榴槤芝士蛋糕 + 焦糖布甸嘅完素, 真係名副其實嘅 Creme Burlee Durian Cheesecake  Creme Burlee Durian Cheesecake 外帶嘅 Cheesecake 用個圓木紋盒裝住, 打開個盒蓋, 香濃嘅榴槤味即刻湧晒出黎, Cheesecake 面頭有層焦糖  先用刀仔切一小塊試試, 切嘅時候感覺到個焦糖面好脆好薄, 每一啖食落去, 除左可以食到脆卜卜嘅焦糖面, 仲食到好 Creamy 嘅 Cheesecake 入面夾雜左濃厚嘅榴槤味道 (入面可以食到好多一絲絲嘅榴槤肉)  Cheesecake 味道同榴槤味道異常地 Match, 彼此唔會蓋過大家嘅味道, 食好多都唔會覺得好膩, 不知不覺已經俾我一個人獨吞左大半個

榴槤唔係人人喜愛，但一旦喜歡就似中毒一般會掛住，食榴槤通常係六月尾開始到九月，因為嗰陣時嘅榴槤會熟啲，甘香啲，正所謂是時候嘛～聽日同老婆大人去探昊昊BB，由於昊昊嘅媽媽同其他朋友都鍾意榴槤，一班志同道合相衆，就等我買個榴槤芝士蛋糕去探佢地啦～打開有啲驚喜，因為買嗰時無為意係焦糖面，以為就咁一個芝士蛋糕加入榴槤,原來個面係焦糖布甸面，一吉落去係脆嘅，有少少苦，榴槤肉一絲絲融左響芝士蛋糕內， 芝士蛋糕質地有啲實，但好夠滑，慢慢融在口中，細味嘅時候質感又覺得有啲似食緊榴槤咁，味道唔太濃，唔食榴槤嘅朋友同唔洗彈開，食嘅朋成又在口中細味欣賞。見到佢原來都有其他蛋糕，就算依個款，都有原味，$78一磅， 雙重朱古力$138一磅，價錢合理，下次老友生日都訂個試吓先！

位於中信大廈裡面既 OL CAFE - Express Bar By Pati by Lassana (已結業)，抵讚，都抵鬧！是咁的，呢間餐廳係朋友介紹，由於小編弟弟甚熱愛榴蓮～我仲記得小學既時候係非常非常非常討厭榴蓮架～今日特登由新界游水過對面海買呢個蛋糕🍰～一黎到其實就已經覺得十分熟口面，番到屋企查一查先發現原來真係荔枝角工廈美食廣場入面個間。原名係【Pati by Lassana】係嘉名工廠大廈，無諗到結業之後竟然大量擴展！小編番Intern既時候就已經好鍾意呢間餐廳啦，算係好健康抵食係法式餐同意粉。攞走既話呢～包裝係用係用圓形竹盒裝住，十足十【日系】ChesseCake。芝士蛋糕面層是厚厚的焦糖，店員先係冷凍櫃攞出蛋糕，在即場製造焦糖餅面。蛋糕主要就是3個層次啦，就是焦糖-芝士-餅底。我最欣賞就係內陷部分，好多人拒食芝士蛋糕就係因為驚芝士味太過，顯得噁心。呢個蛋糕榴蓮味係出過芝士味道，係濃濃既榴蓮帶住淡淡既芝士香。質感好滑，好cream，加上濃濃的厚餅底，大大減低了會膩的感覺！但係，最後不得一提及，店員俾我既感覺不太好，請好好改善對待客人的態度，明白您都係打分工，可是，一間餐

我諗睇開我打食評既話都知我好少真係俾到5星但今次呢個榴槤cheesecake 真係好食到令人感動店舖Lassana其實有幾間分店，我今次就去左金鐘分店。開放式food court既格局，出面都有好多位坐既。唔駛等，一攞就食得！一打開其實又唔覺有好濃既榴槤香飄出但一潷落去⋯嘩！估唔到佢面層竟然係燒左既脆焦糖！仲要非常薄脆，做得好好～啫係creme brulee 面頭個層焦糖！潷起曬就見到係有個餅底。餅底唔係好實個種，稍鬆，同cheesecake既質感夾埋岩岩好。食落去，又係另一個驚喜：超 濃 香 榴 槤 味！而且蛋糕中混有榴槤肉絲，成個感覺係好真材實料中間蛋糕口感唔係一般成舊芝士咁嘅cheesecake, 反而係好creamy, 似榴槤芝士漿咁, 所以冇咁漏。兩個人係輕鬆ko左。 軟滑creamy加埋面頭既薄脆，再襯埋餅底既香⋯ 除左正，我都唔識點形容了我覺得佢最出色同特別既地方係加左層脆焦糖，成件事冇咁寡之餘，口感層次又豐富左，而且都係佢既特色出面冇見過～所以鍾意榴槤同甜品既你，真係可以試試佢～

試過好多不同味道既芝士蛋糕，好多都好好味。但總係覺得除咗原味之外，其他味道都係有點“流於表面”。例如藍莓芝士蛋糕就面頭放藍莓加藍莓醬。士多啤梨味都係相同做法。所以我多數都係選擇原味。但今次有點例外。《榴槤Crème Brûlée芝士蛋糕》。呢個名令我有點好奇，三樣毫無關係既食物放埋一齊，會係點呢？試過之後，不得不佩服廚師既創意。榴槤係完全融入芝士蛋糕裏面，啖啖都有榴槤味，但又唔會完全遮蓋芝士蛋糕本身味道。忌廉芝士、酸忌廉，味道依然。而且還多了一點點榴槤果肉既質感。蛋糕面層係同Crème Brûlée一樣既脆糖面。三樣食物完美融合。值得Encore! 

屋企只有我同媽咪會食榴槤,而我就只愛吃榴槤製品,雪糕,餅乾,糖,蛋糕我都唔會放過,100% Handmade既榴槤芝士蛋糕Cream Brûlée 非常吸引我!!!包裝簡潔,很適合送給家人,朋友。打開仿木紋既盒就傳出陣陣榴槤香氣~~~~返到屋企第一時間切一半留給媽咪分享,我把一半的再分一半,先做個飯前甜品,焦糖面很脆而且薄薄的,所以唔會甜到牙都痺埋!蛋糕很綿密~有驚喜地見到一絲絲的榴槤肉,整件都充滿榴槤味,給了一口唔食榴槤既男朋友,雖然佢唔中意食(因為有榴槤味)但佢話會食榴槤既人一定會中意食~仲話整得幾好,唔中意唔接受榴槤既佢都話好,我呢個榴槤粉絲系食完飯一個鐘後就食埋果一半了!!!

Lassana推出了榴槤芝士蛋糕，正正就頗啱我口味。本身也是榴槤迷，鐘情其creamy 的質感和濃烈的味道。芝士蛋糕重一磅，外型比手掌大少許，用一個竹製的小盒子盛載，賣相精緻。這款芝士蛋糕是主打外賣的，店員會同時把紙巾和外賣刀叉擺在紙袋內，頗適合午飯時買，下午茶時切少少來吃。櫃位外也有少量桌椅，也可以即買即吃。一打開盒子便傳來陣陣的榴槤味，好像有一個真的榴槤放在面前。舀一啖吃一口，榴槤的幼滑質感和芝士蛋糕完美地融合在一起，榴槤的味道流在口腔中久久不散。

其實今日唔係咩特別日子，但忽然好想食甜品，於是就買咗個蛋糕仔返屋企同屋企人分享落到樓下，見到呢間coffee Shop有榴槤味芝士蛋糕！仲要係新出品添，咁梗係要買來試吓啦！落左單之後，店員會即刻幫你燒番個cream brûlée 嘅面！真係即叫即燒㗎拎到返屋企，雖然個焦糖面已經唔熱，但仲係脆脆地𠺢而且一打開個蛋糕盒，已經聞到一陣好香嘅榴槤味個榴槤cheese cake食落好creamy，仲會食到少少榴槤肉，鍾意食榴槤嘅人真係唔可以錯過唯一美中不足係個餅底淋左少少，如果脆返少少就更加正～除咗榴槤蛋糕呢度仲有其他選擇，下次試吓其他款先

約左係金鐘返工既朋友食午飯，兩人苦惱左好耐究竟食咩好又唔想太hea但又唔想太貴，最後去左朋友工作既中信大廈睇下有咩好食，結果比我地食到呢間好岩上班族又想食得健康又怕貴既地方佢地主要有沙律同主菜，沙律有五款選擇，羅馬生菜，蕃茄水牛芝士粒，紫黃薯，螺絲粉，仲有什菜等等。至於意粉每日有一款，當日好似係白汁螺絲粉，我地比主食吸引左，所以揀左$68 set lunch，有得揀兩款salad 一款main dish!食物以外賣盒裝住，輕易攜帶，我地揀左係側邊既open area 到慢慢嘆無人趕想坐幾耐都得，朋友有兩個鐘lunch hour呢個煙三文魚牛⻆包真係好吸引煙三文魚捲成玫瑰花，有邊個女士會唔被吸引先牛角包有一隻手左右大，但放左兩朵煙三文魚花中間空位塡滿大沙律碎蛋，集齊哂中意既食材沙律揀左蕃茄芝士粒同螺絲粉，蕃茄芝士粒似乎幾受歡迎，我買到最後一份水牛芝士粒唔太濃味，清清地唔錯，而螺絲粉個哥哥比左勁多，塡滿哂個盒，細食啲既話食沙律都夠飽。朋友點既紫黃薯都有十件以上，好抵食！本身以為佢係烤，但食唔出有油所以應該冇，感覺好健康！個人覺得呢個配埋佢生菜最夾，爽爽脆脆的最令我驚喜竟然係佢個煎雞排...

老媽生日, 當然要送她一個生日蛋糕 .... 買一個生日蛋糕何其容易, 只不過老媽對蛋糕是十分挑剔的, 因為家母本來就對蛋糕素有研究, 求其在連鎖店的那一些蛋糕給她就是等於找自己麻煩一樣； 因此, 我選擇了這個口碑極佳, 既有心思也從不粗製濫造的牌子 Lassana 的蛋糕 ~ Choco Fall : 賣相精美, 惹人憐愛, 外層是亮晶晶的, 有如珍珠閃爍著珠光般的朱古力皮, 內裏是極濃郁的朱古力 mousse, 其質感軟滑細緻, 咬口感輕柔絲滑, 每一口都感受到朱古力濃郁的魔力及極致的口感, 吃完之後, 老媽都大讚 fantastic ~本篇完 ~

好友真的知我心意, 知道我是大愛與朱古力有關的所有食品, 早前與友人食飯, 便收到友人送給我Express Bar by Lassana 的雙重朱古力蛋糕. 返到屋企, 第一時間打開蛋糕睇一睇, 賣相相當精緻. 整個蛋糕也是被朱古力所包圍着. 當然要試一試. 外層是類似啫喱狀朱古力, 內裡全是朱古力慕絲. 我自己鍾意食慕絲的質感多於蛋糕質感. 朱古力慕絲夠香濃幼滑, 仲有濃濃的朱古力味道, 甜而不膩. 而外層的朱古加啫喱同樣香濃, 但口感與慕絲不同, 雙重口感. 鍾意食朱古力的朋友, 一定要試下, 完全令人食不停口. 看似簡單的一個朱古力慕絲蛋糕, 要整得好味其實不容易, 再飲番一杯咖啡, 絶對是最佳拍檔.

秋風起，又係時候去野餐。呢日選擇左去添馬公園野餐，去之前就去近近地既中信大廈買多少少野食作準備。一直都有打算買個蛋糕去野餐，但坊間連鎖店既蛋糕都頗大個，怕三個人食唔曬，而且價錢一般要$200以上，所以都唔太實惠。但咁岩，比我地經過Express Bar By Lassana，見到有個賣相好精緻既蛋糕，價錢亦合理，滿足到我地既願望！！伯爵茶慕絲蛋糕 ($98)蛋糕裝飾有兩朵粉色的小雛菊，外面一粒粒好似黑珍珠既係黑朱古力cream，外表簡單樸素而不失優雅，滿有少女風。咁岩係去野餐，小雛菊裝飾襯曬綠油油的草地，朋友們都係咁影相！蛋糕的外層係伯爵茶慕絲，伯爵茶呢個味道都幾特別，因為一般茶味蛋糕除左抺茶焙茶，平日好少見到有伯爵茶味。個慕絲打得夠挺身，唔會有好多空氣，而且帶有淡淡的伯爵茶味。而蛋糕內裏係海綿蛋糕夾住冰狀的吉士，清清地都ok，因為同外層既慕絲食就岩岩好夠甜。Iced Mocha ($42)臨走前聞到咖啡香，所以順便買多杯mocha。朱古力同咖啡既味道好平衡，兩種味道都好香，而且都幾滑。行到去添馬公園已經飲左幾啖！行到索哂氣，凍既飲品特別解渴。臨走前見到個櫃有好多款潛艇，個龍蝦包好似好

蛋糕不一定生日，結婚才食的，友人找到了好工，值得為她慶祝一下。大夥兒晚飯過後突然拿出一個蛋糕為她慶祝，她簡直無言感激一班好友突然其來的驚喜。整個蛋糕被栗子茸一層一層包著，有點似公主的舞裙。裡面間隔著蛋糕和栗子茸。栗子味道非常突出，啖啖綿滑，不過粟子茸的比例過多，軟熟的蛋糕有點失色了。栗子秋季最當造，這個時候品嚐最適合不過。

Iced latte $36Iced Mocha $40Lassana should not be new to you because it has been in Hong Kong for a long time and they have just opened a brand new express bar in Admiralty! Stopping by here for a quick coffee and chit chat with my friends, we have ordered some iced coffee drinks. They do have full fat and skimmed milk muji milk option for you. The latte looked absolutely amazing, while the iced mocha has a chocolate-y flavour complimenting with the quality milk. The coffee is not too sweet and