EXP

營業中

休息中

成日聽屋企人講, 間餐廳d食物好好味, 專登o黎幫襯.Dinner, 兩個人, 叫左:辣椒炒聖子,都ok o既. 西柚蝦冷麵, 不單止有西柚, 仲有芒果, d汁好特別.白酒蜆煮意粉, 冇乜特別.因為只有兩個人食, 想叫pizza又食唔晒, 於是....等下次啦.由於近冰場, 所以環境嘈雜

(2/12/06)其實又一城無乜經濟o野食,睇過EXP的食評好多笑,咪黎食下o羅。牛肉碎菌菠菜麵,算大碟,牛肉碎似豬肉碎,菠菜汁好有菠菜味,幼的偏意粉,軟硬適中,出色之作。(餐茶:熱檸茶)煙肉多士藍莓肉桂汁,賣相好靚,煙肉煎/炸得過火無味,多士煎得靚(只得三條),少少脆,配肉桂汁,好match。(餐茶:熱咖啡,被我調較得好好味)。服務ok,初時俾左杯唔熱既咖啡來,侍應都好快換過杯熱辣辣的來)

今日又同...同事話黎開會...就順便係又一城食飯! 今次岩岩一點入到去....叫野時個侍應唔肯俾埋杯免費飲品我地....我地見隔離仲叫緊...想叫另外一個侍應, 同一個侍應再過黎...佢話問下經理, 結果都可以! 如果另叫果汁就貴$23 - 26 ..., 唔抵既! 另外兩個同事叫左肥牛拉麵....上次食左玻璃麵...今次想試新野...叫左個雜菌炒豆腐麵條! 炒得唔錯...麵條幾煙"un", 不過...太大碟, 俾左同事食...整體唔錯!

星期六和簡生在又一城lunch, 因好多餐廳都試過,未去過EXP,就試吓囉..去到見有一條20多人龍,但只等了十八分就可入座了..座位很多,但看上去都好密...我們order 咗:1)鹽燒牛舌,好好味,而且重係厚切,好有口感,好甘香, 有三串,我個人覺得不放炸蒜粒在上面更好,因鹽燒單用鹽巳夠味了.2)椒鹽蝦,好香口,連殼食,又熱又脆.3)白酒煮蜆配扁意粉,是濕煮,意粉硬度適中,蜆非常鮮味,只是酒味不太夠.4)芥末牛肉Pizza, 要簿批,牛肉味濃,好多料,有少少辣,批底又夠脆.整體所有食物都好好,而且價錢好合理, 比好多類似的日式餐廳更好食和平. 至於服務就一般啦,不見特別好,因落單時那服務員心不在焉,我講完佢又問,重復幾次,我食物未到齊又收曬我Ｄ碟,又見左右枱的人都被漏單,不停地追.

每次親食,都見到好長好長人龍,不過都唔怪得,佢食品水平又真係幾好,值得一讚!上次同個FD食,嗌一杯由WAITER推介BANANA SMOOTH,好正,真係全由新鮮生果(話有芒果,香蕉&橙?),值得推介!($26)另外叫白酒蜆意粉,份量同味道好,酒味適中,好味!蟹肉PIZZA(THIN)-唔好俾MENU幅相呃,蟹肉完全唔係鋪滿成個PIZZA,但好好味,餅底夠脆!EXP拼盤-有蔗蝦,豆腐,墨魚餅...全都食晒落肚,好正,但軟殼蟹就...麻麻!整個MEAL值得回味!!!最後提一提服務水準,都幾滿意,WAITER定時ADD水,但想ORDER時等成幾分鍾先有人埋,不過我都會體諒,因為佢旺到跟本做唔切!

今日與一個很久沒見的朋友食飯，以前讀書上莊時都會與莊員到這兒食飯，都可算是我們的食堂，之前喜歡它的PIZZA、果汁，及記得當時簽咭是有85折，不過很久都沒有到過這兒，只覺多了人。現在餐牌亦與以往有些不同，有些新的菜式，都好，有些新鮮感，今次我們叫了一個紅咖喱大蝦意大利飯和一個蕃茄雞肉長通粉，都好味，喜歡除了咖喱意大利飯除了咖喱外有我喜歡的茄子，咖喱味奶油味較重，感覺幼滑；長通粉較為開胃，不過味道稍淡，YUMMY YUMMY。位於溜冰場旁可以看到溜冰，不過不好處是冷氣較凍，當日不知是否太多人，見隔離枱所叫的東西有一半是來錯了，不過欣賞他們很有禮貌地致歉並安排正確的食物，服務不錯。

上次食過tea set都算唔錯,環境都幾好,服務周到,食物都唔錯,上次哎左pizza&雞翼沙律,好好味!而且送埋杯野飲,係荔枝綠茶?大概係咁,杯野就唔係好岩我口味,不過總括黎講都不盡不失okay!!

尋日行開太古城,發現位於又一城EXP開分店度,不過見到仲裝修緊,望落去見到間店好細,我諗只係又一城3分1,但講開EXP,上個WEEK同屋企人食晚飯,我一行6個人嗌好多食,有蟶子(好好味,好重辣椒膏&椰汁味,值得推介)西柚XX麵(超正,呢個係凍食,好新鮮,好開胃,個汁好濃)牛肉PIZZA(有8件,辣辣地,口感好過PIZZA HUT)豬扒飯(個汁好正,豬扒好脆,但飯略少)菠菜意粉(青綠色,好椰汁,好CREAM)......整頓晚飯真係食得舒服又開心!!!!太古城開業話,一定要再去

3點後有吳小款下午茶推出(lunch，dinner太貴無錢食)都係20至35蚊到，包野飲。個咖哩魚飯都ok好味o既，不過d飯太小喇(話明tea set)。有個係吉列豬扒拼沙律。d豬扒好好味，不過得幾塊，吳夠做lunch的。杯荔枝xx 一般啦，同出面買個d維他xx差吳多。(食吳飽可以去吉野家食tea.... 超平)

前兩日~~朋友帶我黎lu度食飯!!叫左個三文魚pizza and 肉醬意粉!!味道不錯呀~~~第二天~~我就帶男朋友來了~~~order左個蟹子個個pizza,鴨胸炒飯and 牛舌(我上黎睇過大家既食評,都話唔錯喎!!)樣樣都好好味....good~~~

放工搭緊車無啦啦有人致電..問我係邊..一唔一齊食飯~~ 平時好少咁即興..不過反正都係係九龍塘轉車,所以一口應承左~~其實唔係好肚餓,不過友人話佢勁肚餓喎,佢話黎呢間;我自己成日黎又一城,不過好似咁耐都無試過呢間,其他都試過了,就黎試下~~ 眼闊肚窄咁叫左成食物..一路上菜我自己都嚇一跳..哈哈..可能d waiter/ess以為我地生虫..哈哈, 一男一女叫左5樣野-西柚芒果蝦蕎麥面-本來想叫湯粉果d,不過又唔想食熱野;呢個賣相唔錯,有好多蝦,芒果,仲有西柚呀,好好味,感覺清新;d面都唔錯,佢個汁酸酸地,醒胃,不過好似油左d ah !菠菜海鮮面(差唔多好似咁既名) - 友人想食,不過看上去好溜呀,無食到..肉碎茄子- 樣似魚香茄子咁,但係佢加左d唔知咩葉..好大陣味的,又唔係難食..但係怪怪地咁,可以唔試三文魚沙律- 四大片三文魚,伴碟係撈左唔知咩既wasabi,都ok 煙三文魚pizza - pizza幾香,不過好似有少少欺騙,就咁一小塊三文魚放係包面焗,不過味道ok ge (最後呢個食唔晒,打包) 友人要左杯iced chocolate, 我要左杯金荀蘋果汁,好飲!

最好食係鹽酥牛舌($26 有3串), 好腍, 淡淡的咸味帶出牛舌的原汁原味~白酒煮蜆天使麵: mama地~ 清淡左少少, 冇乜酒味, 蜆同麵d味融入唔到m.a.x. "正"pizza: 除左塊火腿太乾外, 整體几好味~ $66@係個合理價錢, 4個人都食唔哂la!忌廉汁西蘭花闊條麵: "齋"麵, 以為好淡la~ 意外地好好味喎~ 忌廉汁又唔太漏喎~ 仲有蘑菇~仲有個炒飯, 唔記得叫咩名添^^" 几惹味ar~ 環境几好ge~ 唔太嘈, 講到野~ 如果多d有得"埃"ge sofa就好了~ 上菜速度ok, 10分鐘內o黎哂~

兄弟M大喜日子在本周六, 婚宴中唱出一首你是我老婆, 為了這歌的DVD奔波一輪後, 在此吃個三個人的晚餐.番茄忌廉汁鮮蝦意粉: 8分, 番茄忌廉汁好似龍蝦汁, 撈意粉相當美味, 蝦亦算新鮮. 而碟三個人唔多夠分.m.a.x. concepts薄餅: 7分, 薄餅焗得乾了一點, 但份量十足, 填肚的選擇.軟殼蟹卷: 4分, 軟殼蟹炸得好淋, 又唔夠熱, 好似炸完一排都未上碟. 相當失敗.三色焦糖布丁: 7分, 三種布丁是雲呢拿, 朱古力, 黑芝麻, 用三個小杯盛載, 黑芝麻那杯味道很香芝麻味, 但雲呢拿那杯就麻麻地.口感唔太似食焦糖布丁, 沒有焦糖的香味. 反而似食慕斯.嘟嘟小軟糕配椰子雪糕: 7分, 共有六舊軟糕, 咖啡, 柚子, 芋頭西米各兩舊. 柚子軟糕較好, 清清甜甜. 但軟糕雪得太凍.係又一城行完街, 而度都係一個可接受的選擇.在此祝兄弟M新婚快樂, 年生貴子.

九月二十六號晚上，同同學聚舊，約o左o黎呢間餐廳時間係晚上七點半呢個食飯時間，本來諗住要等位點知一去到，等o左幾分鐘D 侍應執好檯就可以埋位~我地都唔少人o架，都有8 個人冇預先book 檯o既情況下，o係呢個時段可以咁快有一張容納到咁多人o既檯o既餐廳實在少見我地8 個人點o左9 樣o野，包括2 個小食上菜o既速度都算幾快，但係又唔會話一次過上哂D 菜，張檯冇位擺之餘又攤到凍哂o岩o岩好就係我地清o左一碟，第二碟就o黎咁啦~「有條理地」上菜，值得一讚!!小食同主菜味道都唔錯~而且配搭對我o黎講都幾新鮮，唔會話交行貨最記得係碟好似干炒牛河o既...(唔知係唔係粉皮??)如果唔係坐埋邊o既話，仲可以一邊食一邊睇人溜冰，幾happy o既~~食完繼續吹水...結果吹到10 點幾先走...此時檯面只剩8 杯水...埋單...總共5 百幾蚊...除番開每人都係六十幾七十蚊食到一餐有水準o既晚餐，又可以坐咁耐...咩都抵番哂~~(因為係平日咋...星期五晚、六日應該唔坐得咁耐o架喇)

我必定點的:鹽燒牛舌$28 三串呀超林呀..... 入口即溶o既感覺芒果鮮蝦蕎麥麵