Espresso Alchemy (海港城港威商場)

營業中

休息中

今天天氣不錯 ，20幾度，陽光普照,微微涼風，約會友人一起午餐，談天說地⋯⋯開心，食飽飽，當然要運動吓😀去逛逛街，行吓商場，下午 2:00 多，有啲疲勞，揾個地方座座 休息途經海港城 Espresso Alchemy ☕️ 餐廳裝潢, 簡單 舒適, Menu: 咖啡、茶、輕食、意粉、三文治... 等等🤗Blueberry 🫐 Bread $32藍莓多多，香脆合桃 果仁，口感不錯French Toast $69 with fresh berries and ice cream Maple syrup 😋細細件 三角形多士，賣相好靚喎，藍莓、士多啤梨🍓，甜甜香滑vanilla雪糕、jam酸酸哋Cappuccino (Large) $43選擇了大杯，完美拉花，味道香濃，醒神杯子圖案獨特設計👍 玫瑰金色小🥄，夠搶眼🤗結束完美的一天，bye

之前同朋友嚟過呢間Cafe食晚飯，對佢哋嘅品質好有信心，今日尖沙咀呢頭做野，想嘆下lunch就即刻諗起呢度lunch set會包一杯咖啡，我哋就+$10轉伯爵茶鮮奶朱古力 ，和+15 轉凍宇治抹茶鮮奶～第一次飲有花嘅朱古力，店家心機之作😍，兩者都茶味香濃，好特別！虎蝦車厘茄意大利飯～ 三大大隻虎蝦喺上面，望落已經非常吸引，食落夠大隻爽口，而且蕃茄用上車厘茄，令個意大利飯特別香甜，外面普遍嘅意大利飯都係比較硬身，我就鍾意軟身啲，所以特別要求😄，今次煮出嚟個飯口感啱晒我👍👍烤雞菠蘿漢堡配檸檬乳酪醬～食落個烤雞比較乾身，好在有檸檬乳酪醬去配搭👍，個醬juicy得黎，酸酸地好清爽開胃。旁邊配搭嘅薯仔夠熱，都幾辣，食唔到辣嘅朋友，記得要特別同店家講走辣粉哦！原本想試呢款海港城全日早餐，今日太遲黎😅居然賣晒，下次早少少先得。

海港城呢頭，一直都係尖沙咀嘅覓食好去處，今日兩個寶寶陪媽咪行街街，咁乖乖😊Shopping前，同佢哋食返個豐富嘅lunch先💪🏻Lunch Set:✨厚切意大利煙肉配卡邦尼意粉～一直食開嘅煙肉都係薄片，第一次食厚切嘅，原來係咁juicy😍肥瘦適中，仲帶點爽口添，好特別。卡邦尼汁比較杰身，意粉係屬於幼身圓形嗰款，好上汁，食落特別香濃！✨煙三文魚沙律配檸檬醋醬～非常大碟，五大件煙三文魚配上新鮮嘅羅馬生菜＆火箭菜，靚媽我好鍾意，keep fit中嘅我，又可以放膽食🥰今日嘅Daily cake係 藍莓🫐蛋糕～係店家每日鮮制，質地夠濕潤，寶寶都鍾意❤️Set lunch仲會送埋Daily coffee添，性價比超高👍👍

星期六居然要OT,個人真係好灰，一放工即放去海港城間Espresso Alchemy 暵下咖啡輕鬆下真係好肚餓，左揀右揀burger 最大個最飽肚個黑松露醬超好味，好香黑松露味生菜超多，好似沙律咁多個牛肉好正，又厚吾會過熟，岩岩好，好軟熟個芝士溶溶地好正檸檬汁烤雞煙肉意大利三文治 個包熱辣辣好脆，芝士溶係雞肉同煙肉之間配一杯mocha ，好濃郁朱古力味，咖啡味勁香，不愧係出色咖啡店自助形式落單，所以免加一，抵星期六下午都好多人，好彩吾洗等位Open area ，坐得都幾舒服

星期六朝早心血來潮同朋友食個brunch, 之前都想試呢間Cafe，今日終於有機會，仲要好好彩可以坐到圓拱形雲石打卡位😆一間Cafe嘅質素好多時都可以係飲品反映到，我哋分別點左鮮奶朱古力同宇治抹茶鮮奶，兩杯飲品嘅拉花都好靚，飲落去唔會太甜，鮮奶味道同比例調校得恰到好處，唔會搶咗朱古力同抹茶嘅風頭，的確唔錯👍🏻主菜厚切意大利煙肉配卡邦尼意粉亦非常高質！餐廳用嘅意粉比一般嘅較粗條，但煮出嚟非常爽口，配合夠creamy嘅汁，同厚切嘅煙肉，又係值得一讚😇最後西多士伴鮮漿果雪糕配自家製焦糖醬都令人難忘👼🏻西多士炸得好好，唔會太乾身，又唔會好油⋯⋯個自家製焦糖醬非常出色，帶少少海鹽味唔會太甜，鮮漿果雪糕微微帶酸好清新，佢哋兩樣點西多士一流！一道甜品可以有咁多重複雜嘅配搭，仲要好食，真心要俾個like廚師👨🏻‍🍳呢間Cafe唔使加一，我同朋友每人都係百零蚊左右，可以坐喺度慢慢享受高質嘅食物，感覺物超所值♥️

咖啡是提神的飲品 亦是一種生活享受☕️在海港城新開的Espresso Alchemy環境舒服寧靜 店子選用了亞洲 中美洲 非洲等地的頂級咖啡豆 無論你是專家或是門外漢 相信都難以抵擋那醇厚的咖啡香💆🏻‍♀️店員亦會根據客人的需要耐心有禮地介紹不同的咖啡 服務質素很不錯.青醬雞扒沙律不失為醒神開胃的前菜🥗雖然雞肉未至於十分嫩滑 但肉質厚實中帶點爽口 配以大量沙律菜 是健康清新之選 另外自家製的牛肉漢堡份量很足 牛肉味道則不過不失 如果配以少許薯條點綴相信會更豐富🍔

🥃Baileys Chocolate $68一打開menu就見到呢杯嘢飲諗都唔使諗就order咗飲第一啖就知賴嘢(飲酒唔叻🙋🏻‍♀️好重手呀🤯好勁酒精!!一入口係酒味 然後係好濃baileys香味 撞朱古力嘅甜可能因為杯嘢熱 酒味真係特別重其實味道真係好唔錯 但飲酒唔叻嘅人要三思唔好日光日白成塊面紅哂咁行街🥲如果你鍾意baileys 呢杯好抵飲😆特別鍾意佢嘅裝修同環境 加上因為咁啱冇乜客 坐得好舒服😌

尖沙咀有兩間分店，今次去新開的分店位於港威商場地下，位置差不多到中港城那邊位置，環境都寧靜而且舒適。-煙三文魚意大利飯煙三文魚很足料，份量也很多，加上有點咸香，胃口大增，至於意大利飯口感適中，加入了忌廉令整個意大利飯口感倍增，更加濃滑。-虎蝦車厘茄意大利飯大虎蝦的肉質很爽口並且鮮甜，至於意大利飯用上車厘茄烹調，車厘茄的微酸之中帶微微的辣味，而且整個意大利飯口感煙韌，煮得很creamy，既開胃又惹味。-Homemade Loaf Bread - Banana Bread這款banana bread 標榜係自家製，真的與出面有點不同，厚切的香蕉蛋糕甜度適中，口感軟熟，帶點濕濶，很香的香蕉味，配上一杯咖啡，更加好吃。-Flat White這一杯Flat White 入口很順滑，咖啡味比較濃，而且質感重，拉花也很美其實澳式Flat White同意式Latte的分別，基本上成份一樣，只是牛奶份量有分別，Flat White 的奶比例比Latte少，所以espresso味會比較重。-整體來講，價錢合理，份量也很足夠，店員也很細心有禮，高CP值的餐廳。

今次係第二次嚟食，上一次食完之後覺得佢幾好食就一直想返嚟再試其他嘢食🤤咁啱今日行過海港城，而且仲未有人等位嘅時候就決定食佢啦！今次我哋兩個人分別叫咗一個意粉同埋一個漢堡包再加兩杯咖啡☕️叫咗一個香煎虎蝦配蘆筍辣蕃茄汁意粉$123成個意粉係非常之香同埋顏色係幾吸引同埋開胃！退虎蝦係剝咗殼嘅，非常方便我呢啲懶人食🥰雖然話係辣汁番茄但係我唔係覺得好辣，主要都係蕃茄味比較重！我覺得佢嗰個意粉汁唔會太氣又唔會太夾，啱啱好令到個意粉都幾入味👍🏻👍🏻牛肉漢堡 $118 係配黑松露沙律醬，我覺得像嘅份量剛剛好不會太多，切開個漢堡包嘅時候唔會啲醬彈到周圍都係！至於個主角牛肉扒我覺得還好😳唔係好Juice但係配埋麵包同埋其他生菜蕃茄嘅時候都唔錯

今次來到海港城的Espresso Alchemy連環境都係igable 走復古風💯有圓拱形頂的窗口位可以打卡😍Salmon and Avocado Salsa with Salad and Toast $85卷成花形的煙三文魚盛載著牛油果他他，旁邊有兩大片多士。再有沙律菜作伴。牛油果他他質感軟滑，味道酸甜。將他他塗上穀物多士，口感層次更豐富。Spaghetti Carbonara with Pancetta Affumicata Bacon $95濃郁的醬汁掛在意粉上，入口充滿蛋黃和忌廉香。配上有口感的麵條覺得剛好。吃完也不會膩。Honey Earl Grey Latte $42打卡必備💯 上盤設計精緻，親自將Latte倒出來，散發淡淡Earl Grey香氣，暖暖的溫度，入口順滑。Banana Bread $31見到收銀處有一盆盆焗好的蛋糕，我點了一件香蕉蛋糕。店家會切一片，然後烘熱才端上。蛋糕內保持濕潤，香氣濃郁。

已經第五六次嚟呢一間舖頭食🥳黎咁多次食物水準都好穩定💁🏻‍♀️今次食都仲有驚喜，真心覺得呢間Cafe唔錯唔錯🥳而且環境都keep住一樣好乾淨，非常之推介♥️▫️ 【自家製香草牛肉漢堡配黑松露沙律醬】⭐️強烈推薦⭐️上一次都食過呢一間嘅漢堡，今次試吓另一隻口味～估唔到呢一款香草牛肉漢堡同烤雞菠蘿漢堡一樣都咁好食😍香草牛肉漢堡好厚身，食落散發淡淡的香草味，咸度適中，肉質肥瘦均勻，再配上外脆內軟嘅漢堡包，真係好好食，而且仲加咗好多爽甜洋蔥絲，再加配搭埋黑松露沙律醬，真係幾好食！推介～～ ▫️ 【美國牛肉洋蔥青椒磨菇三文治】份量勁多又大大碟既Panini ，除左沙律，佢連入邊d肥牛都係爆多，而且仲有洋蔥、青椒絲等等配菜，口感都幾豐富，呢個真係要襯熱食，如果唔係個皮就唔脆嫁啦！以$79黎講，係唔錯～▫️【香煎虎蝦配蘆筍辣蕃茄汁意粉】😍賣相好靚，虎蝦大大隻，爽口啖啖肉，蕃茄醬汁口味屬於偏甜少酸個種，再配埋露荀成個感覺好似好健康好低卡，好彩露荀無渣，如果唔係我一定反白眼～整體都okay既！【Cappuccino / 桂花龍井熱茶】Cappuccino味道好香，奶味濃郁，唔錯！另外，桂花龍井熱茶都幾好飲，飲落好舒服

喺OpenRice發現呢間餐廳，跟住就去咗呢度食lunch 呢度環境都唔錯，好有文清feel🤪好舒服～呢度飲食選擇多，我分別叫咗pesto chicken salad,All day Breakfast 同carbonara pasta，嘢飲方面就叫咗一杯iced milk chocolate 同埋earl grey chocolate.📌pesto chicken salad 一睇就知好吸引啦🙈份量好足🤤雞胸肉質非常嫩滑，菜都好新鮮。因為雞胸係用慢煮嘅方式，所以食落去嘅口感係啱啱好📌All day breakfast 入邊有薯仔，腸仔，蘑菇，哈密瓜，牛角包，scrambled egg，煙肉同蕃茄仔😍聽都知好吸引啦！個人特別鍾意牛角包🥐十分之鬆軟同有口感LIKE!📌carbonara呢個應該算係我最最最推薦嘅菜式！係我食過最好食😋賣相已經好吸引，味道就更加不得了喇！食落嘅味道都好香濃，唔會話好淡，食得飽肚之餘又好高質！📌凍鮮奶朱古力& earl grey chocolate 朱古力味好香，絕對係招牌！Earl grey chocolate 上面嘅拉花都好靚❤️搞到唔捨得飲😭呢間餐廳唔止環

今日去海港城行街，搵lunch既時候見到呢間之前係美麗華幫襯過既Cafe 原來呢度都有開分店，記得野食野飲都幾高質，就同細妹入去食下細妹話好肚餓，所以就要左All day breakfast, carbonara 同青醬雞肉沙律細妹讚雞肉好好味，十分有八分，肉質完全唔鞋口，反而好鮮嫩😍沙律菜都勁新鮮，加左Oliver oil同vinegar 調味酸酸甜甜，真心唔錯👍🏻我同細妹都覺得呢個carbonara 好有水準，意粉掛汁，而厚切既煙肉帶有鹹香味，有咬口，推薦！食過好多令人失望既all day breakfast 但呢個唔會，特別係薯仔有驚喜，黑椒調味辣辣地😍牛角包好有牛油香味，加上mushroom, scrambled egg等都令人回味，唯一可以改善係滑蛋可以更有蛋味更香嫩伯爵茶朱古力拉花好靚，仲要勁香朱古力可可味，難怪係招牌

海港城店開咗一排依家先去 環境更靚更chill💛禮拜六晏晝唔算好多人喎 5分鐘入得🥰佢哋嘅咖啡都幾出名 攞過唔少獎(๑•̀ㅁ•́๑)✧假期飲到一杯靚咖啡真係開心😽 黎呢度唔會失望‼️❣️手沖咖啡 Pour Over ☕️ $65終於飲到佢哋手沖🙆🏻‍♀️ 有四款豆可以揀☕️我想飲fruity 推介左Columbia ( ˘͈ ᵕ ˘͈ ) Citrus 味好香 飲到曬形容嘅味好fun😙而且鍾意佢俾埋張介紹嘅卡同咖啡碎俾你聞😛❣️鮮奶朱古力 Ice Milk Chocolate 🥛🍫$47朋友飲嘅呢杯都唔錯 朱古力溶得好好🤤應該真係用一塊塊嘅朱古力唔係用粉♡︎(°´ ˘ `°)/❣️檸檬汁烤雞煙肉意大利三文治 Lemon Juice Marinade Chicken, Bacon and Mozzarella Cheese🥪 $69好耐冇食panini👅 同人share食冇咁悶🤤有芝士同煙肉一定好食😂 雞肉唔會好鞋🐓分量比想像中大 一定夠飽😆👍🏻❣️虎蝦車厘茄意大利飯 Tiger Prawn and Cherry Tomato Risotto 🦐🥘$128最多人推薦 真

突然間諗起大肚婆朋友仔差唔多要生所以約佢食個飯送下啲小禮物佢揀咗呢間餐廳原來係唔可以打電話book嘅一定要Walk in好彩我哋約得早所以就唔使等位不過冇諗過疫情底下我哋食緊嘅尾聲都真係有條龍我哋兩個分別都嗌咗全日早餐唔想諗咁多而且見到呢間餐廳嘅評價都好多笑笑口另外就嗌咗個抹茶鮮奶個全日早餐都非一般首先佢冇茄汁焗豆，我本身就唔係話非常鍾意食茄汁焗豆所以我覺得太好了😌而且有我好喜歡嘅牛油果同埋牛角包😚另外佢嗰個三文治好得意入邊個餡唔知係咩嚟嘅呢我完全冇留意個餐牌但我覺得好好食係一個唔錯嘅All day breakfast 😛不過啲嘢食如果熱少少會好啲