Elephant Grounds (已結業)

係沙田睇完展覽行到攰攰地，見到呢間店有泰式奶茶雪糕食，就坐低試一試，雪糕唔太甜，帶點甘味，泰式奶茶味算是香濃，雪糕質地唔算好滑，帶點冰感，感覺冇好多忌廉，不過我偏好冰感雪糕，唔鍾意成口油嘅感覺，所以呢個雪糕好合我口味，topping有好多選擇，呢款topping只為左靚，唔好揀，非常難食，有啲唔鍾意嘅係支木匙羹，因為木匙羹本身自帶木嘅味道，食到咁上下，變左每一啖都係木嘅味道，唯有避免啜到個匙羹，以免好似食緊屋企個櫃桶咁。

話説同澳洲返黎嘅細妹響沙田新城市行街，血拼完一輪，就梗係要搵個地方坐坐，飲返杯咖啡啦～Tea time我地點左一杯green tea latte，一杯Hey Hazelnut，再加左件藍苺撻。真係有驚喜，特別件撻，水準之作

我一路都幾鍾意食elephant grounds嘅雪糕。唔行過望吓都唔知原來有學生優惠，20幾蚊就食到呢間嘅嘅雪糕，真係好抵。今次叫咗cookie and cream味！仲包埋一款topping㗎，我揀左brownies。雪糕好大球，兩個人食份量啱啱好。cookie and cream 果然好多曲奇碎，大滿足！Brownie粒粒朱古力味香濃，唔會太甜。唔使＄30就食到呢個質素嘅雪糕真係好開心。仲有得坐添，抵！

🍦🍦Elephant grounds icecreamStudent price $25 each scoop😊榛子朱古力好好食😋😍😍😍泰式奶茶就...其實幾濃，但係我唔係好鍾意陣味😣成日都覺得人地嗰個好食d☹

o係新城市食完晚飯，想食甜品，但唯一ge 糖水店太多人喇～決定周圍行下，行行下就見倒大大隻“Ice Cream is Chill" ge 螢光字嗯，應該係有甜品食ge！見倒座位裝修都幾舒服，又有空位，決定坐低一試！泰式奶茶雪糕朋友叫ge 泰式奶茶雪糕，估唔到都幾大球朋友好鍾意，話好好味，仲可以揀topping 添食食下留意倒隻木匙好靚呀！桂花烏龍茶食唔落雪糕所以決定飲茶！淡淡桂花味，30蚊杯算係咁啦都係志在傾下計～可以坐低抖下下次應該會試雪糕

出沙田修理耳塞，等待期間見對面開左新的雪糕店，清新自然木色為主，感覺舒服，位置並不多。佢哋似乎以咖啡為主，搭配雪糕，價格都偏高，走中高檔路線，今日唔飲咖啡，試下佢地的雪糕S-hazelnut cunch（$40）份量非常小的榛子味雪糕，雪糕味道不會偏甜尚算滑溜，榛子味道比較淡，自選了朱古力碎，味道變得更立體同口感。整體來說，感覺一般沒有任何驚喜，與某品牌雪糕杯質感味道沒什差別，不過價格與size差別甚大

終於記得要到新城市廣場新開的Elephant Grounds朝聖, 本來想飲咖啡, 但原來呢間分店係用紙杯裝咖啡, 咁就轉行食雪糕啦!-Thai Ice Tea Icecream w/ Brownie topping - $40-第一次在Elephant Grounds買雪糕食, 就食Thai Ice Tea啦 (特別嘛!)加上Brownies作Topping 睇住店員姐姐加了10粒Mini-Brownies在雪糕面, 勁開心!! -已經唔知幾耐無飲過Thai Ice Tea, 呢個雪糕幫我尋找久違了的泰式奶茶獨有的香味

I stumbled across this ice cream shop by accident and I’m so happy I did!If you love everything tea or matcha like me, you’ll love this place. The ice cream had the perfect amount of tea flavour, and what I ordered, the Thai milk tea, had all the right tea spices and a really good texture. I loved it, and the servers were really nice! You even get to choose your own waffle flavour (red velvet, charcoal or original) and they taste really good as well. You also get a choice of topping, which they’

星期一下午3:30去到，個counter落單既妹妹仔企係度食雪糕，原來呢度職員係可以企住counter食嘢，不過妹妹仔算醒目，見到有客來，嘴都未抹得切就飛奔過來落單。我點左一杯espresso，叫到我號碼走埋去拎，點解檯面見唔到有espresso杯既，只見到一隻大紙杯，裡面個底有小小咖啡。大佬，呢杯就係我的espresso？似係人地飲完既垃圾多d喎，當堂無晒胃口，下次不會再幫襯囉，同樣價位仲有好多更好選擇。

行過新城市廣場6/F, 發現到一間新開的雪糕咖啡店，見天氣咁熱又行到累累的，決定坐下來吃杯雪糕hea一下。這間新開的叫Elephant Grounds。店內的座位都是簡單鮮明的配搭，感覺很寫意舒適。店面很整潔明亮。看看餐牌，今天選擇了北海道牛奶日本香芋雙拼扭紋雪糕，店員推介說這個軟雪糕形態特別美，所以決定試一試。真的是很美的一杯軟雪糕，一次試晒兩隻口味，牛奶味十分香濃，很讚。香芋味就比較遜色一點，香味沒牛奶味的香濃，而雪糕都算軟滑，$32杯還是可以一試的，下次還想試試他們的雪糕球，店內還有賣其他的小吃、蛋糕和咖啡，這是一個可以和朋友聚聚或下午茶的好地方。

啱升中學嘅寶貝，每星期放假都話要出街食野放鬆下。嚟到新城市，我哋直上六樓去揾間新開嘅雪糕。店雖小，但人手充足😜榛子朱古力，比預期中嘅好味，唔會甜到漏😋classical單球雪糕選擇唔多店鋪新開已有不少人來朝聖😅8點左右，店內已幾乎坐滿單球雪糕竟然有學生優惠🙊

經過沙田新城市廣場就上去6樓試下新開既Elephant Ground 雪糕.本身諗住食mix既牛乳同紫薯，不過sold out左.所以就揀左佢既泰式奶茶雪糕.食笫一啖已經覺得好正.好有奶茶味，加上雪糕又唔係好甜，啱哂我口味.買一球雪糕仲可以揀一款topping,幾好.今次揀左玄米,越食越覺得玄米同奶茶雪糕好夾，好開心自己無揀錯topping.下次可以再encore.

Openrice寫開到10:00pm, 上到去9:35pm, 同朋友（外藉人仕）喺counter睇食乜。當時有兩個女仔買緊。揀咗五分鐘已經揀好之際，有人suddenly喺則邊用英文講：hi guys, （唔知up乜） last order. 我望住佢，問：即係我而家order? 佢話：last order咗。同時：熄咗counter個燈。不遠處兩個女仔啱啱買完仲喺counter一邊拎住柸雪糕自拍緊。時間係around 9:40pm，其間五分鐘佢地行行企企做自己野冇講過任何野。我同朋友令轉頭就走，之後佢同我講，呢一世佢唔會再黎買，呢個世界有其他更好option.完。

一個禮拜要食2次， 第一次食左泰式奶茶味雪糕，好有奶茶味， 第2次食Icecream sandwich, 個chocolate chips cookie 好有牛油味， 照夠食泰式奶茶， 個茶味真係好出，食到上左引😋

新城市廣場六樓對於本人, 只不過是一個高科技零件的迷你電器廣場、 是一個等車等人又未到時間的八卦好地方，而ELEPHANT GROUNDS正正便是pacific coffee的舊址、 木架框框的設計感覺給人舒適自然， 沒想到他的香港總店沒有去、反之而開設在沙田的分店我卻第一時間到步， (就腳)這個形容詞絕對用得適合自己。。當日所見場內更有輕食, 如果你不喜歡雪糕的話可以揀上包點類或咖啡、 不過自己就衝著雪糕而來當然要試試雪糕~雖然是中午剛開業時份,亦看見有奶茶名字的雪糕在旁 、但店員卻跟我說已經售沽清、 真有點莫名其妙。。。唯有轉戰另一款焦糖雪糕HK$40.(小) 用雪糕球來形容差不多有兩球之份量都不算輕手 ，而且topping上在十多款中選取一款、選來焦糖味道很出亦比想像中甜 , 質感細滑creamy、愛甜之人的樂地。☆作為一個食客在飯後評述,我只能稱自己為一個食客評述員、 好味與否實屬個人取向!☆