El Greco (已結業)

早前在鴨脷洲閒逛，在一間車房側邊的唐樓後巷居然看見一間四正餐廳，由洋人老闆打理。要知道鴨脷洲大街食肆極多，但係多數都極度街坊地踎，貴小小都冇人幫襯。裝一裝菜牌，午餐要170元左右，晚餐210至290(唔包飲品)!。走進餐廳，感覺完全唔似身在香港仔，似去到赤柱，氣氛環壞勝過赤柱LUCYS餐廳。兩個人各叫290元的晚餐，另叫飲品連加一，埋單780! 肉都痛埋。但係，我覺得呢餐絕對值呢個價錢，心甘命抵。餐廳打正招牌做希臘菜，頭盤希臘沙律，絕對正宗，蔬菜青爽，落大量FETA CHEESE同水橄欖，同希臘旅遊時吃到的完全一樣。雞豆醬配彼德包，配搭幾種地中海風味醬料，亦係好傳統希臘食法，醬味道調校得極好，好味。主菜香料烤雞同燒羊脾，烤雞juicy，羊脾有羶味，略嫌少許韌，但炸薯角配菜同醬汁加埋味道極佳。甜品大大份，好好味，有高級酒店水準。老闆非常細心，詢問食客對食物意見，又詳細介紹原材料，煮法細節。但係，呢間餐廳居然會開喺唐樓後巷，真係奇。