Eat2 (已結業)

老實說自已係一個無咩耐性嘅人，係觀塘食Lunch點都離唔開排隊。如果要我排隊排半個鐘頭先可安排入座用膳，我會直接放棄另投其他美食。初到觀塘返工嘅我梗係問下地膽有咩好食啦！地膽就介紹左Eat2，有地膽介紹所以我諗都無諗就走左去食啦！Lunch如想像之中一樣，好多人！！！但因為呢間餐廳位於愛琴坊入面，係Food Court黎，所以入面有好多餐廳選擇，都有好多位。所以我無耐就搵到位啦！我等左大約10分鐘左右就有啦。由於我係一個愛雞之人，所以就叫左個雞扒豬骨烏冬加杯熱朱古力，都係$52落左單無幾耐就有得食時，上餐時間完勝！好期待，呢個餐都不負我所望，雞扒好入味，同埋都好滑，佢應該係有煎一煎香左，但又唔會煎到乾晒，所以食起上黎都好有肉汁！同埋呢個一定要講，雖然唔知佢用咩牌子嘅烏冬，但一定唔係cheap cheap 果隻。好味，烏冬加分！另外呢個真係出色，呢期天氣轉涼，飲番杯熱野就最好嫁啦！呢杯可以話係特級超勁濃朱古力，真係好濃嫁！*溫馨提示，如果keep緊fit嘅sis ，記得叫佢少甜呀！

有係觀塘返工嘅你都知，一到LunchTime度度都好多人等位。近期同D同事行遠少少見到有個地方叫愛琴坊。見佢新新地，就入去睇下有咩食。一入到去就見到呢間叫 Eat2 嘅小型西餐廳。見佢外觀唔錯，所以我地就決定試試佢！餐款有好多選擇，仲個個星期都唔同添！我D 同事就揀左雞扒烏冬（$52）同埋牛肉飯（$48）包一杯熟飲睇落都已經好好味咁我就揀左照燒汁雞扒飯配溫泉蛋個溫泉蛋岩岩好，唔會太熟，都係（$54咋）我同事都話佢地果2 個好味（當然我都有偷食佢地少少）下次我黎再試埋其他餐先。係觀塘我又發現到一個食好西嘅地方，正！P.S. 如果你地趕時間佢地都有外賣服務。真係快！靚！正！

最近係觀塘返工，每逢中午放飯時段間間餐廳都好多人，經過鴻圖中心發現入邊有一個裝潢充滿異國風情的Food Court 叫愛琴坊～ 場內有數間不同食肆，分別有東南亞和西班牙菜的餐廳，因為見Eat2 都幾多人排隊，所以最後選擇食呢間！叫了一個焗鮮茄雞扒飯$52 和加了一杯香芋奶茶特飲$10，盛惠$62 大約等左8-9分鐘就拎得！中午時段場內的座位全滿座冇位，然後看見牌説3樓有雅坐就上了鴻圖中心的三樓，三樓原來在走廊擺放了一些枱椅供人們用餐～食物方面～個焗飯有好多芝士係面，對我這個芝士控來說真係心心眼！茄醬略酸可接受～看個人喜好吧？？雞扒夠大也夠嫩，味道不錯！追加的香芋奶茶特飲，飲落都有香芋味但不濃～如果和珍珠奶茶一樣有珍珠就更好了，因為珍珠奶茶也是加$10丫! 價錢方面雖然比中心外的茶餐廳略貴，不過食物質素同環境就值回票價!

因為方便所以去過呢間買幾次，但係今次之後唔想再去間就嚟新年好多鋪無開 我見呢間好似有啲新Menu 咪試吓 尼日好多人買lunch講嘢食先 $58黑松露帶子蜆肉燴飯一打開同我幻想嘅完全唔同 點解唔係燴飯？係撈晒嘅？而且就係眼見咁小料！又唔係平$55喇沙墨丸米粉 佢個喇沙湯其實好足料好夠味亦都好辣 但係佢冇飯餸分開 食個時已經浸林晒！！！！墨丸只有三粒。同埋我驚辣得滯 鍾意自己溝湯 豆卜辣到完全食唔到仲有嗰啲服務勁差 啲侍應逆境處理好差 一多人嗰時就亂晒 包啲外賣包到想瀉咁 都要諗住比客拎走！！ 老老實實我已經倒瀉過嘅兩次！落單個個態度都麻麻 太急燥 Overall very bad