EaT燒肉

營業中

休息中

睇完媒體報導去朝聖，由於地點隔涉，平日下午等15分鐘就有位。等位期間已選定$118餐，因喜愛牛舌的我只有這個選擇。點餐後，飛船唔使好耐就到面前，肉類醃汁和點醬都夠味，但片肉略嫌太薄，五花夾起直頭一分為二，一放落去已縮埋，每面燒一秒已熟，唯有全程只開最細火。我唔食太多飯，只叫了細飯，但食完完全唔夠飽。離開後出去仲食得落一大碗甜品。飛船gimmick係吸引我去原因之一，但貪得意食過一次唔會再去，坊間一百元內燒肉還有好多選擇。

上網見到其他人分享這間餐廳，有外星人傳菜，所以今天襯星期一，應該會小人啲，所以就決定試試。我哋兩個人去，叫了一個A5和牛燒肉餐，一個較便宜的特色五花牛餐，另外加$15要了溫泉蛋紫菜飯。飯的大小也有三個選擇，我們選了中間那一個，因為擔心吃唔晒。餐廳沒有熱茶，只有熱水。吃完後會感覺有點油膩。火爐的火夠猛烈，燒烤的時候要看好火候，以免燒焦。整體而言， A4和牛的牛肉味不是太濃, 我會建議選擇中間水準的牛，性價比最高。

新年期間去完車公廟拜神，難得來到沙田，就試試新開張的外星人燒肉。星期六特地早點來取飛，沒想到原來6:15已經要等20多個位！也有很多4人以上的枱在等。然後過了40分鐘再回去看看，條隊完全沒動過😹職員都算均真的，他會看埋入座時間，意味我們沒等到1小時以上也不會有位置了。⭐️強烈建議大家要早點取票啊！⭐️幸運的事來了！有對情侶不等了，給我們送票😳😳😳超感謝！所以從14x變成12x，轉頭就入到去！然後我們入座時又把飛送給其他在等的人😆Menu最平的set$48，晚市會加一的，我們選了中價和偏貴的set試試～⭐️122牛五花、肩胛牛柳、薄牛舌套餐肉類重類：(250G)$168跟餐附送：(沙律)＋和風湯跟飯：紫菜溫泉蛋飯(300g)+$15⭐️107 Prime Grade 牛五花、肩胛牛柳套餐（肉類重量：100g）$88跟餐附送：(沙律)＋和風湯跟飯：紫菜溫泉蛋飯(300g)+$15轉紫菜溫泉蛋飯要加$15的，不論是200 g、250g、或300g都是一樣加$15喔！個味好似牛角飯，好好吃。兩個人食就其中一份肉量加大點！原來250g才是menu圖片樣子😹點100g應該就不夠飽了！不知道為什麼點了兩份都

今日開門去食，一點餐，想食1+1韓牛套餐嘅無咗，之後轉揀食宮崎和牛套餐，11：36落單，等咗差不多45分鐘先送到，見其他人點普通餐好快送到。確實好食嘅，我點嘅份量偏少，之後自己加多份牛五花落去填肚。

效率低下,排隊2小時仍未可以進入,感到十分失望.店員只按照座位去作編排不懂得進行變通,只聽見他不斷叫多人的座位,裏面的人吃完買單,但因為效率低所以叫飛的速度都非常慢.導致出面的人流非常多等待時間非常長,相比起其他的燒肉店這是非常差的選擇.至於食品方面,只可以說一般,因為價錢比較昂貴,肉類一般,cp值沒有比較高.在送餐方面可能比較創新但係會延遲送達的時間.總括來講選擇其他相同的店舖可能比較便宜舒適快捷.

可以用$48嘅價錢，食到燒肉，非常親民！位於沙田河畔花園地下19-20號 <Eat燒肉>提供親民價嘅燒肉比大家！只要$48就食到100g嘅牛五花燒肉套餐，唔食牛嘅朋友唔洗失望，EaT燒肉都有$48嘅豚肉燒肉套餐！想食好少少都有其他選擇，例如韓牛套餐、日本A4宮崎和牛套餐，價錢係由重量釐定，有100g/200g比大家揀！當然仲有唔少單點食物，好似有蔬菜、雞、牛舌、魷魚🦑⋯⋯EaT燒肉係採取全自助落單，落完order之後就會有太空飛船將準備好嘅食物送到你面前㗎喇！

🥩宮崎和牛套餐有A5 和牛當然要試下，當送餐列車打開車門見到 靚靚雪花 和牛時, 感覺好開心, 套餐好豐富,除左主角A5和牛肉眼/A4 牛肩肉牛三角外,仲有沙津面豉湯泡菜同日本米飯!經理好好人特別教我地用慢火燒,咁就唔怕燒焦啦! 加少少玫瑰鹽同胡椒, 和牛入口鮮嫩，油感滿滿再配上日本越光米, 勁滿足!! 特級牛五花/肩胛牛柳/牛小排 套餐十分推薦男士鍾意啖啖牛肉味重既人, 牛小排燒香至微微外脆,再加燒汁!!非常好食! 🥩宮崎A5和牛西冷因A5和牛太美味,忍唔住再追加多一份!!A5 和牛西冷靚靚雪花紋,都係只加少少玫瑰鹽,入口嫩滑而充滿油感,過晒口癮! 🐔富士蘋果地雞肉雞肉非常鮮嫩!燒香勁好食! 🐙魷魚下足勁鐘意食魷魚鬚🦑燒香再加少少燒汁就好惹味！🍠日本番薯好有驚喜，非常香甜！凍冰冰食香濃既燒番薯最岩！ 🌰日本南瓜燒香甘甜 !唔錯 🍑韓國粒粒桃汁第一次見，好好飲，食到粒粒桃肉！十分推薦！

劣評。等左超過2小時以上，之後見到有個女人比封利士，唔駛等就入場，我問個接待員佢一開始話係老闆娘啲朋友，之後再問又話自己同事，最後話係老闆娘。我問佢有冇拎飛，佢話有，我叫佢比我睇，女職員話佢自己一早幫果個女人拎飛。原來可以一早叫職員代拎飛。。。。。。我出面食風食飽。冇下次，大家下次去記得去之前打電話叫職員代拎飛，去到塞封利士比佢就可以免排隊。服務差。食物質素一般

火車頭送餐既壽司就食得多🍣外星人太空船送燒肉套餐就真係第一次試👻牛五花、肩胛牛柳 & 薄牛舌 套餐 (250g) $168 牛五花🐮對於唔食肥膏既人黎講偏肥🙈燒完好薄無肉既口感😅肩胛牛柳🥩有肉感👌🏻但牛味欠奉薄牛舌👅口感帶少許彈牙🤏🏻如果火喉控制唔好會偏韌正正常常🫣木魚紫菜温泉蛋飯 +$15白飯選用日本越光米有咬口👏🏻撈埋紫菜、温泉蛋同牛肉一齊食好滿足😻食食下就清左成碗飯👻整體而言，牛肉質素普通👀反而木魚紫菜温泉蛋飯好食👍🏻主要係食新鮮感🤣玩味較重🚄可以嚐鮮但要大啖、滿足咁食燒肉就唔洗黎啦🤭

大家都知道我是個超級食肉獸架啦尤其是係牛肉真的正到無倫！老婆大人雖然唔食得牛肉不過佢都好就我成日搵啲正嘢過我喫，不過今次便帶咗我去咗個異度空間食燒肉真係好鬼馬嘅啫！喱個異度空間其實係開喺沙田河畔花園入面嘅EaT燒肉，餐廳用咗外星人同埋飛船做主題好過癮㗎！嘢飲都係膠樽裝嘅我要咗紅茶花伝蜜桃茶幾香甜，老婆大人就飲唔甜嘅伝說焙茶。個爐就好特别用咗日本嘅現代燒烤爐，熱力集中喺磷片聽聞會比火燒更加能夠鎖緊肉汁，至於抽風系統真係要讚讚食完後個身一啲味道都冇勁啊。喱道點餐用QR Code篤篤吓好方便㗎！送餐嚟嘅唔係人而係由外星飛船做嘅！鍾意食牛肉嘅我嚟一睇餐牌心中暗爽因為真係有好多牛肉揀，先嚟一碟牛小排50克我一個人KO佢冇難度啦。靚仔嘅大理石紋牛小排燒到半熟口感啱啱好，油脂分布均勻食落肉質特別香嫩。跟住仲叫咗碟薄牛舌30皮都唔使抵食到呢！餓鬼必點因為熟嘅時間超快，口感好非常爽脆感覺好似牙齒在玩跳跳床咁，邊趙邊食到絲絲牛味啱晒冇牙力嘅我。 嚟到我嘅正餐宮崎和牛套餐，入面有三種唔同嘅宮崎和牛，仲有個迷你沙律同埋昆布湯再加多碗白飯好多嘢食㗎。首先食咗喱件宮崎A4和牛肩肉，肩胛係經常運動嘅部位所以肌肉發達

人人都話見過外星人，唔通人人都真係見過外星人咩~我就唔同喇，我真係見過，而且仲發現左佢哋係沙田河畔花園既飲食基地，試過佢哋既日式燒肉添！外星人科技梗係唔低，有智能送餐，轉眼間就有飛船將嘢食送到眼前。食燒肉，和牛套餐當然是必吃的，另外都仲散點左其他嘢食，包括呢個魷魚一夜干。魷魚沒有想像中咁難燒，用細火耐心地慢慢燒香就可以，感覺好有兒時戲院門口烤魷魚的味道，魷魚鬚亦爽口不韌，呢班外星人有啲料到。再一款牛肉以外的東西，富士蘋果地雞肉又係好正，軟嫩有肉香，很值得試。好了，睇睇主角既宮崎和牛套餐，三款牛肉，一小碟泡菜，海帶湯，仲有一碗紫菜飯。三款牛分別係A5既和牛肉眼蓋、A4和牛三角腩，以及A4和牛肩肉。看雪花紋理就知三款都是好東西。當中肉味最濃郁的，就是和牛三角腩。和牛肉眼蓋去到A5級數，唔使問都是入口即溶，令人欲仙欲死的好東西。一口牛肉，一口撈勻蛋汁既紫菜飯，估唔到外星人都咁識享受。食左咁多肉，都燒番啲蔬菜吧，南瓜及蕃薯都係日本貨，味道濃郁可口。原來外星人既嘢食都幾高質，大家不妨去見識下吧！

劣評唔敢俾，好評俾唔落…7點未到黎拎飛，要等到8點半先入到…(只係差2張枱)一直等嘅時候去問，佢嘅答覆係:你等得唔夠人哋耐…人哋等咗120分鐘都未入，你都係等咗70分鐘姐(期間都有好多人等咗個半鐘都走咗，另外有人等咗2個鐘先入)呢到絕對唔建議人多黎食！我哋決定轉身走嘅時候，有街坊追我哋，話我哋有位啦🥺原來…5個人，坐4人卡位+櫈仔6個人，坐4人卡位+櫈仔*2其實地方相當迫，因為好多人都係坐卡位加櫈。好彩唔使啲職員行來行去送餐，不過5、6個人坐卡位，一人嗌一個餐，其實都冇位擺啲食物都ok嘅，新鮮嘅，好唔好食係睇自己燒成點架啫，不過等咗咁耐，加上職員嘅態度回覆，其實當下食乜味都唔可以作準

河畔花園，人生中從未有朋友喺嗰度住過，踩單車可能經過過，但係好似冇乜嘢會特地去，朋友話約喺嗰度食飯都覺得好特別，到底呢個住宅區有啲乜嘢特別嘢呢？有智能送餐又有得食靚肉嘅新派日式燒肉店，呢啲餐廳是喺尖沙咀或者中環出現會比較多，但係喺沙田都真係幾特別，唔怪得朋友會約，平日夜晚去到已經高朋滿座，就知道應該唔錯，原因是多款CP值極高的燒牛套餐，沙田沿線嘅朋友，值得要前往，有小朋友嘅更加之要去，有個爸爸見我post完IG我後問我地址，之後佢去咗兩次。EaT燒肉以燒肉套餐為主，最正嘅係頂級牛套餐，有好多日本牛五花、宮崎A5和牛同韓牛等任你選擇，每個套餐都有白飯、沙律或自家製泡菜，昆布清湯，提提你一定要轉木魚溫泉蛋紫菜飯，真係送肉一流。醬汁方面都講究，自家製BBQ汁燒肉汁、鹽味汁、玫瑰岩鹽及原粒黑椒等，大家隨便鍾意選擇自己嘅味道。當晚用QR code點完餐之後，啲嘢食就坐火車嚟，就算我哋大人都會係咁影相都幾有新鮮感。我點嘅和牛西冷套餐，同樣嘅質素，如果喺尖沙咀中環可能要$400-500一件，宮崎A5呀，但係而家$300就已經有成個餐，夫復何求，入口即溶嘅感覺，基本上唔需要諗一定要叫，形容幾好食都係廢

香港人好鍾意食日式燒肉 ，早前我去呢間 EaT燒肉 ，有CP值極高的頂級牛套餐，仲有智能送餐服務 ，另每個燒烤爐均設有抽風系統，保持餐廳室內環境空氣清新，絕無油煙感!配備6款醬汁及2款調味，可以吃出不同的燒肉風味。套餐配上日本產越光米白飯 、沙律或自家製泡菜，及昆布清湯以減輕油膩感，另加$15可升級木魚溫泉蛋紫菜飯。特別要推介宮崎A5和牛套餐，可以一次過試勻A5和牛肉眼蓋 、A4和牛肩肉、A4和牛三角腩，滿滿油花香。宮崎A5和牛肉眼蓋霜降均勻散佈，每次燒一兩塊，每大火快手輕燒兩邊，鎖住肉汁，肉質細緻軟綿，朋友見到咁正，都去左晚餐，仲讚性價比高。想吃較肉感的，這個牛五花 、肩胛牛柳、薄牛舌套餐也是推介的，薄牛舌比較有嚼勁，牛五花細嫩軟滑又多汁。單點部份，我推介魷魚一夜干 ，日本魷魚口感爽彈，燒得香口惹味，還可細嚐到那鹽漬與海鮮的味道。還有富士蘋果地雞肉，肉質嫩滑又多汁。蔬菜類嘛，我推介日本南瓜及日本蕃薯，老闆教我們要慢火燒，燒完不會乾硬，好像燴蕃薯一樣好美。還有多款單點美食及套餐，燒肉愛好者必會喜歡﹗

【沙田】EaT燒肉 沙田圍新開張EaT燒肉，裝修充滿未來感，全自助式點餐，再用飛船為你送餐，大鄉里嘅我覺得好新奇有趣🤣。餐廳佈局圍繞着送餐嘅軌道，食客一人一爐，就算一個人嚟食都唔會尷尬。👍🏻✨特級牛五花、肩胛牛柳、牛小排套餐 $128 （150g）Prime Grade 三款牛都好靚仔，加咗$15升級紫菜溫泉蛋飯，好滿足！套餐包括白飯、麵豉湯、沙律菜或泡菜，沙律菜好新鮮，感到驚嘆🤣✨特級牛五花套餐 $68 （100g）平平地食下的話，推薦特級牛五花，油份較多，油香重但入口不膩。 價格從$48至$298，無睇錯😳？係$48食到一個燒肉餐，而且午市仲免收加一。視乎不同套餐，可選100g/150g/200g/250g，小鳥胃食150g啱啱好8成飽☺️。除咗經濟套餐另外仲有A5和牛，留返下次再試過！😍✨EaT燒肉 📍沙田大涌橋路20-30號河畔花園地下19-20號舖