EaT燒肉

營業中

休息中

喺沙田新開一間以外星人作主題嘅燒肉店，佢哋主打以一人份嘅燒肉套餐，入面嘅款式包括咗日本宮崎A5和牛、牛五花、1++韓牛(腹協兩側、韓牛三角、牛頸脊）、牛小排、富士蘋果地雞肉、西班牙豬五花、雞爽肉等。佢哋嘅套餐仲可以加錢轉紫菜飯，飯身用上日本嘅越光米，配埋紫菜上嘅鹽花，令越光米嘅香甜更加突出。而呢度燒肉醬汁都好講究，有四款風味不同的醬汁，分別係燒肉汁、鹽味汁、玫瑰岩鹽和原粒黑椒等。我哋呢次就叫咗一客牛五花&肩胛牛柳&薄牛舌套餐，同埋西班牙豬五花&黑毛豬肋條&富士蘋果地雞肉。豬五花油香四溢，豬肋條嘅肉味香濃，雞肉嫩滑配埋鹽醬汁更加突出用嚟醃製嘅富士蘋果嘅清甜味。而牛五花嘅脂肪比例均勻，牛舌夠薄身，口感仍然彈牙，而牛柳嘅牛味超濃，肉質軟嫩，加埋玫瑰岩鹽可以令風味層次得以提升。除咗肉類套餐之外，仲可以額外點選其他食材，好似我哋呢次就點選咗一份魷魚下足，佢哋嘅魷魚都好新鮮，口感彈牙爽口。

同閨密去完沙田行街街，突然間好想食燒肉！每次經過，都有好多人排隊，今晚一於試下！有好多個套餐揀，性價比好高，好適合我呢d想試幾款牛嘅貪心仔😶🥰<宮崎A5和牛臀薄燒套餐> ($168)睇d雪花紋，就已經知道係高質喇，和牛臀夠薄，輕輕一燒就食得，入口即溶😍好幸福！另外加$15就有溫泉蛋紫菜飯，和牛配充滿蛋汁嘅紫菜飯係perfect match!<宮崎A5和牛套餐> ($268)共有3款和牛: A5和牛肉眼蓋、A4和牛肩肉、A4和牛三角腩3款和牛都入口即化，當中我最中意和牛三角腩，牛味超級濃郁！！沙律酸酸甜甜，減低油膩感🙌🏻另外要讚一讚餐廳提供嘅醬料，有自家製BBQ汁、鹽味汁、燒肉汁、岩鹽、黑椒etc🥰

見到網上介紹呢間燒肉，梗係要去試吓啦！雖然等位有啲耐，但係入座後發覺非常適合一個人嚟食，因為都係面對着回轉帶！🤭🤭一個人食，一啲都唔尷尬今次揀咗個和牛套餐，唔好睇佢份量咁少，佢啲肉質非常新鮮，對於細食嘅我嚟講非常足夠，仲有一碗飯！但係由於我鍾情牛舌，另外都叫咗牛舌！20幾蚊真係好抵今次真係飽飽了！呢個價錢食到呢個質素嘅和牛，真係要推薦下俾大家

最近新年探朋友，然後我們說想吃燒肉❤️， 友人提議我們去吃新開的EaT燒肉，他介紹 這裏有很多款高質燒肉選擇。我們點選了3個中價位套餐去試下啦，😍牛的油花分佈均勻，真係好淋嫩呀， 配埋他們的特製醬汁真係超好吃🥰。每個套餐也包括白飯、 前菜沙律及和風湯，白飯配燒肉真係絕配呀，我食咗成碗飯呀☺️。✨宮崎A5和牛臀薄燒套餐 $168 100g✨特級牛五花&牛小排套餐 $158 200g✨宮崎A5和牛臂溥燒套餐 $258 200g

早排碌IG見到呢間沙田日式燒肉好吸引，今晚約埋住附近既朋友仔一齊試下先~🌟宮崎A5和牛西冷套餐 ($298/150g)食和牛一定要食最頂級既A5和牛，今次就揀左個宮崎A5和牛西冷套餐，見到咁大塊咁靚既和牛已經流哂口水😍預先切好一件件就咁放上燒烤爐燒就得，入口即溶超正💯🤟🏻🌟宮崎A5和牛套餐 ($268)▫️A5和牛肉眼蓋▫️A4和牛肩肉▫️A4和牛三角腩+$15升級溫泉蛋紫菜飯朋友就揀左呢款有齊三個部位既和牛套餐，和牛肉眼蓋係肉眼扒之中最精華的部位，數量稀少，大理石油脂花紋分佈均勻，肉質滑嫩，另外兩款和牛都好高質，一定要加15蚊升級至溫泉蛋紫菜飯，同和牛燒肉簡直係絕配😍😍😍

朋友話屋企附近新開咗間正野原來係我最愛嘅燒肉呀😍餐廳裝潢好正，有太空人+飛船皇嘅主題再用埋自助方式落單，感覺穿越了時空揀咗兩個Set, 一次過食齊 豬．牛．雞✨ 宮崎A5和牛套餐(A5和牛肉眼蓋．A4和牛肩肉．A4和牛三角腩）A4 A5級嘅和牛真係無可挑剔三個唔同部位都各有特式，油脂分佈平均軟腍．牛味濃郁．入口即溶嘅口感✨ 西班牙豬五花 + 富士蘋果地雞肉套餐 五花肉好多片，油份充足，用嚟燒烤真係好正，肉質Juicy配埋雞肉又有唔同嘅享受 ✨黑毛豬肋條 豬肋條口感豐富加埋岩鹽/醬汁，味道更豐富+$15 可以升級 <溫泉蛋紫菜飯> 可以中和一下，梗係加啦每個套餐都有唔同份量選擇，無論大胃王定係小朋友，都一試愛上

近排呢類型嘅燒肉店開到周圍都係，好就好在一人都可以享受燒肉😚😚 兩人食可以散嗌多啲選擇☺️ 叫set有飯、有湯、有沙律🥗 我哋兩個人叫咗兩個set😚宮崎A5和牛西冷套餐$298 - 入口即溶🤤 牛五花＆ 肩胛牛柳 ＆ 薄牛舌套餐 $168 - 重牛味，脂肪分佈都算平均‼️我覺得佢嗰牛舌最好食，夠簿又唔韌😚不過我建議加$15轉埋紫菜玉子飯，更加滿足🤤 如果唔係好食飯嘅，可以叫一個餐再散叫，叫自己想食嘅好滿足😚 呢度想食高質又有，性價比高嘅又有，滿足晒所有人嘅要求‼️

情人節嚟 6點攞飛，9點先入到去🤯重點係依度食飯冇限時，啲人食完野係到吹水玩手機唔走好無恥🤬嚴重拖慢門口排隊情況。2人枱3人枱都要起碼等2個半鐘～3個鐘先入到去。成50幾人係門口等，未計網上攞飛嘅人，嚟個陣叫緊108 我地163 ，真係等到炆😡中間已經有好多排隊嘅人等唔到走左。餐廳收11點我哋10點食完重有一堆人係出面排緊隊等食😅食物好食🤤👍🏻叫左104 151但係排隊時間太嚴重 冇咩事都係幫襯其他有限時嘅燒肉店

EaT燒肉以外星人飛船同星球嘅店舖設計好吸引我仲有智能送餐服務！用日本特製嘅燒烤爐設備，熱力集中喺磷片上將燒肉烘熟每個燒烤爐均設有抽風系統，無油煙感。EaT燒肉的菜單以燒肉套餐為主叫了取得官方證書認證嘅宮崎A5和牛餐肉質嫩滑、入口即融白飯選用飯味香濃嘅日本產越光米到港後先進行打穀，無添加任何防腐劑我更升級了紫菜蛋飯還有沙律同湯好豐富同飽！但也點了雞試一下肉質都是鮮嫩juicy好味！而且在正餐上多點的份量剛剛好～

一家3口，6點半都未到就攞飛，已經係189號，當時佢叫到137，估你唔到，個員工叫number, 叫到152，再過多半個鐘左右，又叫番141🙄來來回回成個鐘，佢叫左142最少3次，點解過左嗰個號碼都仲叫，喺度等緊既就等成個鐘都未到，之前試過d野係好食，但今次覺得安排上好有問題，真心想食既就等都等唔到位

有史以黎等位等得最火同最莫名其妙既一次，一開始叫到B54，然後話叫只限三人座位既叫到B75，然後再叫飛話叫四人座位係B55開始，我都覺得ok啦，感等陣叫3人座位應該就會繼續叫落去B76，我都有同佢話過點解頭先叫到75又彈返落去55感樣，佢自己都話頭先係三人座位，ok，之後又叫話3人座位，莫名其妙又叫返B54？？？？重新叫過？入左B75之後唔係叫B76去返B54？？好似當出門d人傻既，然後最好入左3人既B58，我真係莫名其妙，真係唔知點叫飛既，淨係等飛同叫飛係已經無野好講。

入位不懂靈活變通,叫號只懂叫A和C，完全不懂叫B，就算叫了，也只是派給四人枱，有合理懷疑店內只有一張三人枱,叫位者不懂用腦,應該是過度疲勞,顯得大腦周轉不靈，建議適當休息，以免造成過多决策上的失誤，令餐廳過早關門大吉，散水餅不宜早派。此外過度依賴機器,明明已經叫號到75,轉頭又跳回到50號，簡直豈有此理，十分甩漏!體驗十分差,不建議來光顧!

很有創意的燒肉店, 位於沙田圍新開的Eat燒肉店真的令, 小朋友都滿有好奇及驚喜, 成間餐廳係用外星來做主題, 送餐用外星人飛船嚟送餐, 大小朋友嚟到實開心,燒肉都有好多選擇, 價錢適中, 肉類質樸好, 分量又足........只是飲品有點貴......佢哋抽風系統做得好好👍🏻 食完個身都唔會好大陣味

迴轉壽司就食得多，以外星人為主題的燒肉店我就第一次食。位於沙田圍新開的Eat燒肉店真的令人感到有驚喜。除了日本燒肉高質之後，有外星飛船送餐實在相當有gimmick!弟弟當日也表現得相當興奮😆食物價錢有平價之選，牛舌、牛小排也不錯，另外更可以加大紫菜飯，適合比較大食的食客。至於高級宮岐A5和牛，食物質素不錯，店長、店員的服務態度更值得一讚呢🥰如果不想等位的話，可以在VGather apps先取票，預早取票有預算，餐廳更有儲分計劃。

容許一班不守規矩唔取飛嘅人自由衝入店霸佔座位。美其名話班人好早係門口排隊等開門，實則真係有排隊的只佔少數，－大班人混水摸魚sip 位入店霸佔座位。事緣竟然有staff 同人講： 邊個最快去到counter 搵staff , 邊個就可以有位。😡😡😡😡😡😡引起守規矩客人不滿，仍無意欲解決問題，更容許班不守規矩客任坐，食完繼續傾計，坐超過兩小時都唔交枱。執枱慢，人手不足，老闆明明話返嚟處理，最後無影。不負責。不知所謂。