East End Brewery (已結業)

BBQ 早走,為左場大賽,環顧港島東,最近石澳的酒吧,相信會係糖廠街一帶.上半場剛開波才起程,剛好在上半場尾段剛到,不過已經錯過三個入球,身為利迷的Glucose就非常失望,因為利物浦送左兩球比韋斯咸.半場2:1.全院滿座,幾經辛苦先搵到五個位,$100最低消費包兩杯.做戲都要做全套,飲啤酒都要飲倫敦貨,兩杯都要London Pride,貫切至終客串一日Cockney.五個食友,C小姐白酒送花生,靜靜地望住個大銀幕感受下氣氛,無去到BBQ的J先生,擺明牆頭草,係唔係都yeah.剩下另一個P先生,同我一樣客串西咸迷,夾住100% Scouser的Glucose,左右夾攻.好不過癮.當Konchesky似射非射笠死連拿,去到3:2,一切看來似乎會係完美的一夜.補時一刻,謝老四世界波追成平,我同P兄的奸計,不能得逞.加時最後階段Harewood撻Q一腳,睇怕已經氣數已盡.就係咁,十二碼四射三失,本來手到拿來的獎盃,最後又要嘔番出來.球迷奇遇記,今次去錯隔離.PS:Reo-Coker,韋斯咸隊長.

幾個外籍同事約左晏晝來睇波，唔係睇足球唔係睇籃球，係睇欖球，出乎意料之外原來都有幾多人來睇，呢度差不多坐滿咁滯。呢度佈置得唔錯，都幾好坐。每檯都擺左一兜花生，唔使講係用來送啤酒，花生只係普通野，但此舉就幾有心思。除了啤酒之外，亦叫了一些小吃如釀薯皮，炸洋蔥圈及炸豬手等，個人而言喜歡吃炸豬手，尤其飲黑啤都最適合。埋單由鬼佬請，好似係三百多，五個人玩左成個下晝，算幾抵。

呢度人稱花生吧，唔單止因為花生任食，仲因為花生殼任掉，做完一日o野之後去發洩就最o岩~~~<br />Happy hour 都幾抵飲，$4x。記住，記住，記住，要試下，試下，試下，果度D 自制啤酒，幾好味。呢度仲有得飲美國o既入口大麻啤，我自己就唔敢試喇...你呢?<br />美中不足係中間個大電視好多位都睇唔到，睇波就麻麻喇！