Dough Bros Pizza & Doughnuts (置富第一城)

營業中

休息中

叫咗個Pizza個餅底濕晒上邊擺罐凍嘅可樂，唔知關唔關事。你哋知唔知餅底濕好難頂呀。之前喺西貢分店買Pizza返嚟都冇濕晒，點解依家會濕晒？ 有咩改變咗？ 可唔可以改善到？濕咗嘅餅底好難食。

酸種pizza食完一試難忘。平時少食pizza嘅我，見到依間人氣酸種pizza 而且係外賣平台有特價優惠好抵食。我哋叫左The carbonara Pizza 即叫即焗，送到屋企仲熱辣辣。我最鍾意佢嘅餅底夠哂薄而且同P記係唔同的。可能係酸種pizza底關係所以咬落去煙韌適中，滿滿材料令人回味。香脆炸單骨雞翼有10件，炸到脆卜卜配埋佢哋個蒜蓉香草沾醬味道一流不過就熱氣少少🤏套餐跟埋兩罐San Pellegrino Lemon 🍋 or orange 🍊 Party 叫外賣有多一個選擇

真係好垃圾 第一次係網上外賣平台叫外賣自取 6:30落單 Apps顯示6:58等待取餐 7:02去到餐廳 問店員 店員話等一等 好啦 咁等左一陣 到咗7:20再問店員 佢先開始喺度搵單 結果搵唔到我張單 原因係佢根本冇印到出嚟 等咗差唔多一個鐘先至話冇印到張單出嚟 咁都算啦 最後拎咗個Pizza 點知個Pizza係凍嘅 火都嚟 成肚氣 等左一個鐘先拎得嘅pizza都可以係凍嘅 仲要打開先發現根本唔係我原本叫嘅Pizza 比左另一款我 食物質素超差

🤩一班人聚在一起就是擁有一種力量，好好珍惜當下，好好珍惜身邊的每一個人，很多東西不是必然的，包括每一個人互相的緣份。生活上太多事情會令人不自覺的抱怨，很想捉緊每一刻能夠享受美食及令自己開心感覺的時間和空氣。🤓能夠於同一個時間享受當下嘅美食，欣賞用心的製作，總能夠發現這裏的與別不同。呢間Pizza出名好食，並不是一般餐廳能夠做到。 重點推介甜品冬甩，有好多好味道可以選擇，味道不會過甜，幾好味。😋😋堂食成日都排長龍，咁就換一個思考方式，叫吓外賣，大家一起開心。😙

因為都買咗一陣，食之前就放咗入微波爐返叮。冬甩變返熱辣辣，外面包住砂糖🫣一咬開啲醬係流晒出嚟✨係100分嘅享受！係要小心唔好辣親個嘴🥲朱古力係可以接受嘅甜度，Nutella就好難唔好食🤣下次會再試吓其他味！Btw 個人認為一次過買3個抵食啲，可以預埋屋企人份做飯後甜品！

平時食嘅pizza餅底都係乾身邊位脆，今次試The Pepperoni Supreme $168，餅底腍身又濕，得邊位比較乾身好食！配料正常發揮，都俾得多，好食但唔會再嗌

晚晚都見到排晒長龍，但係原來係佢地做唔切的order. 今次初三由晚上7:15左右落單，7:35去到等，等到8:45倒才有，我唔算耐，更耐仲有。期間，有的5:xx落單，去到仲未有，有的排左兩個鐘仲未有。有幾個車手，前前後後等左三個鐘，因為佢地已經送咗好幾個order 返來幾次都仲未有。呢間野平均10分鐘才出到一兩個order, 但出面係有廿幾三十人等，而且不停有外賣自取客來到。佢7:00 已經截左街客既order都冇用，而且佢唔係跟落單時間出餐，所以5:xx落單果個/車手返來仍然無pizza. 前線員工被問到頭都甩。問題1: 無計過廚房有幾多capacity 可以接幾多order，無諗過第一城附近咁多人都想試佢地既pizza問題2: 唔跟落單時間出餐，拎到餐好似中咗獎咁問題3: 唔截埋所有外賣平台既單問題4: 平台預計出餐時間係20分鐘，但其實個半鐘以上問題5: 平台訂餐無得退錢一食落去真係咁同的，係好食過pizza but phd既，個價錢唔算太貴，而且仲要係即整新鮮熱辣辣，但平均要到現場企定定等一個半鐘以上，又無得取消，第一城難得有間好食又吸引既，但無下次。

個牌子咁出名，又話好食，喺店門口企咗1.5小時，追單多次，原來仲未排單做，訂單並唔係跟先後次序排列去做，非常混亂，最後，等咗差唔多兩個鐘，先由預先整好嘅pizza抽一盒出嚟，真係貼錢買難受😡，成個pizza啲皮又凍又韌，未食過咁難食嘅pizza，以後應該唔會再買

沙田第一城開咗呢一間出名嘅連鎖pizza店！我亦都率先去咗食！雖然佢個pizza同一個價錢係畀出面比較細少少, 不過佢就真係好味嘅, 啱啱焗出嚟熱辣辣, 鬆脆有咬口！我見佢啲冬甩都出名嘅有機會可以試下食！

完全唔識manage叫完野食話要等45分鐘，ok無問題，咁行個圈返黎拎啦點知，45分鐘返黎，要再排另一條隊拎個外賣全程職員無叫單號，無安排我行左45分鐘，仲要排多一個鐘去拎返我個外賣前後搞左2個鐘全程d職員係無指揮或者安排過大家，明白職員都忙，不過係咪要諗下夠唔夠人手，定係根本做唔切要停接單場面係一片混亂排到我個陣，我同返職員講，收銀個女職員仲講大話，話一早叫左我地排拎餐條隊安排混亂都算，仲要講大話，完全不能接受平心而論，D野食幾好食，但排隊排到一肚氣，幾好食都唔會再買開左咁多分店，都搞到咁，非常失望，無下次

第一城少有的店舖,第一次買來食,Doughnuts🍩脹卜卜好大個,有唔同味道可以揀,見到有近期最hit的開心果味,試過用焗爐再翻熱都保持到脆身的感覺,絕對值得一試

Dough bros 分店越開越多，最近沙田第一城都開咗分店 🥳 應該對於新界區沙田嘅市民係一大福音留意番呢間餐廳只做外賣，不設堂食～ 但佢長期都吸引到回頭客，證明質素有保證👍🏼 適逢聖誕，就梗係一班朋友嗌Pizza食最方便啦🍕 自選合併pizza $168心大心細嘅朋友唔使再煩啦～ 可以自選兩款Pizza合併為一！ 小熊貓同朋友就揀咗 The pepperoni supreme 同 The festive feast 👍🏼佢嘅餅底真係與別不同，sourdough 餅底邊食落一啲都唔乾，鬆軟有咬口～ 配上邪惡嘅garlic, 真係啖啖滋味。因為新店開張，加上節日，佢哋都製作需時，今次小熊貓就等咗20分鐘，如果你哋有興趣的話都要預留時間啊。

Dough bros 越開越多分店啊！而家仲進軍埋第一城添😍可以撰寫第一篇食評🤣今日行過真係見到仲有花籃，而且人山人海！不論落單定係攞嘢食都係排晒長龍嘅我同朋友就決定叫一個🤩自選合併薄餅～可以任揀～冇任何款式嘅規範～1️⃣THE FESTIVE FEAST番茄、水牛芝士、布里芝士、火雞腿片、煙肉香腸、蔓越莓醬、烤迷迭香😍呢一款真係好有節日氣氛！不過略嫌火雞腿肉味道唔係好濃 冇咁惹味➕2️⃣THE PEPPERONT SUPREME ⭐️番茄、水牛芝士、辣肉腸、意大利香腸、牛至草😋兩者之間比較～呢個就惹味得多啦～始終辣肉腸同意大利香腸都係吸引啲～P.S. 始終頭頭開始營運～吸引好多顧客～所以要有心理準備預咗等嘅時間要比較長我哋6:37落單，店員話要20分鐘就可以取餐最後我哋等足30分鐘先有得攞🙂不過見到啲店員都好落力冇停過手嘅～如果唔想等太耐可以等熱潮過咗先再嚟～