Domon 札幌拉麵 (已結業)

8月17日同老公去沙田睇傢俬，去了連城廣場的扎幌拉麵食dinner，間舖好鬼細，我倆要搭人家檯，不過幸好是梳化軟座，都幾舒服。拿著餐牌看了很久，成七、八十蚊一碗麵，好貴…不過見人家的很大碗，算吧，我們要了ANKAKE及豚軟骨帶子叉燒拉麵，怎料竟沒有豬軟骨，只可給我多一片叉燒代替。真的唔抵，但看在帶子份上，加上其他拉麵更唔抵食，還是不轉款了。拉麵來了，真的很大碗，但麵的份量與餸十分不合比例，每款餸得一粒，不過我鍾意食的粟米就勁，真係食味千好過！怎料吃下去更差，鹹到如果有杯水我會倒落碗麵度溝淡佢！老公說他的ANKAKE得個鹹字同太多蔥，我叫他試一口我的，他立即「嘩」一聲，真的無話可說，簡直要用「難食」來形容！麵未上檯之前本想來客豆腐雪糕做甜品，但吃過這兩碗「極品」之後，真係拿拿臨起身走人！下次有人請我免費食我都不會來呀！永不回頭的沙田扎幌拉麵！

午餐來到連城, 雖其他的餐廳要排大隊, 但北海道拉麵卻不用, 時間關係, 照食啦. 但心驚驚, 為何少人幫襯呢?雖然有咖哩, 又有定食, 本人始終都是喜歡拉麵多一點. 反正這是拉麵店, 又冇排大隊所以想試真點, 冇乜理由去食第二些東西.朋友和我都是選了 $53 lunch set, 有個麵 + 個小食.我要 葱絲拉麵 + 炸豆腐, 朋友要 泡菜拉麵 + 煎餃子, 另一朋友叫也了泡菜拉麵, 但選了 加州卷.我的炸豆腐ok, 勁熱. 煎餃子看落也像樣, 朋友話冇問題. 加州卷切成三件, 味道不錯, 但魚子係淺鮮橙色, 而非平常的深色點的; 大家都覺不同; 但味道是一樣的... 反映出我們平時食太多色素了...三個拉麵一齍上, 泡菜其實不多, 我果碗就多葱. 叉燒味道一般正常. 幾厚, 湯底也好味, 夠濃, 好香.服務一般.回家看其他評, 感覺上又冇咁差既.但之前同一價錢食八八八, 好像比了下去...

收工已9點半, 肚餓到傻去食理應呢個時候食乜都覺得好味但沙田呢間分店真係好唔得lor!炸野好多油, 又燶哂... 叫左個雞軟骨同餃子, 加埋估有三湯匙油XD一個極盛拉麵一個叉燒拉麵朋友order要豬骨湯底, 來了個好咸的清湯, 北海道時食既鹽拉麵都冇佢咁咸...咸也不是問題點解個麵咁似我自己煮會食死人果種拉麵既??XDD真係好難食的一次..我唔會再去...早知去隔離食freshness burger 啦!!!!

今日同左個FD去DMON食LUNCH...可能係因為LUNCH時間比較趕...我見到D服務員D動作都好快...好忙...雖然等位既人有好多...但係都OK快入到位...跟住講返D食物啦...我地叫左2個拉面SET...配餃子同海鮮飯...拉面既湯底5錯...不過D湯就小左D...但餃子同海鮮飯就OK好味總體黎講都算5錯...我下次仲會同屋企人一齊去...=]

上黎search先知原來都有幾多分店...因為我望佢地本menu見到只有尖沙咀同沙田兩間。唔知係咪呢間店0既問題，我睇雜誌好多都介紹過呢間店，可惜琴日一試有D失望。我點左個辛辣拉麵，小食要餃子bf點左個叉燒拉麵配多春魚湯底：無味，我果個一D都唔spicy，男友果個又係無咩味，只係多油，但無豬骨味。拉麵：過得去，唔會太冧，但唔算煙un，口感一般。餃子：我以為係煎餃，點知一邊好明顯係有煎過，但另一邊又好明顯係蒸or煲熟。好明顯就係先蒸熟，有order先煎，可惜只會煎一邊........ 味邊係尚可，點0既醬油都起唔到大幫助。多春魚：最好...夠脆。服務員態度好好，有禮貎。周邊有咁多食肆，唔keep住水準肯定會捱唔住，加把勁！有機會我會去其他分店試。

拉麵好膠!雞軟骨overfried味精好重!好少柑難食的日本菜隔離擡(bar擡)食食下比師傅"dang"左只叉落黎。。。呆左仲比人貴never again .....

叫左兩個午餐set，一個叉燒拉麵跟餃子，一個牛油拉麵跟咖哩飯。o的野食上得好快，快到好似唔洗煮咁~餃子個心真係好似唔多熟透咁~湯底既味唔好夠溫和，飲完好頸渴。咖哩飯冇咩味道，反而o的飯仲幾有咬頭~荃灣分店唔知係咪多日本人食，味道好似好o的~連店家落單都講日文~

早放工同老婆趕得切 5:45 前既下午茶時間，我地叫左三個餐！ 雞軟骨 - 跟炒飯餐的，即叫即炸，油油地但勝在夠香口，配沙律醬和檸檬汁滿意。 海鮮炒飯 - 原隻蝦變成蝦粒，跟相片有出入，好在飯粒乾身軟熟，配上蛋絲炒得香。 牛油拉麵 - 一片肥瘦適中薄薄既叉燒。將半片牛油調入湯底，拉麵無乜特別。配有香筍，海帶，粟米，芽菜和蔥花。 泡菜拉麵 - 一片肥瘦適中薄薄既叉燒。泡菜酸比辣多，湯底濃而唔鹹，拉麵同上。配有香筍，海帶，芽菜和蔥花。 炒飯反而比拉麵出色。餐飲我要左可樂，老婆要左奶茶和咖啡。港式奶茶香濃，咖啡酸味飲唔晒。下午茶黎較抵啦

我之前食過尖咀果邊,我係俾"笑" 的今次星期日(晚市)食沙田分店,我唔知係因為分店GE問題定係成個DOMON札幌拉面整體差左?味道:我食螃蟹拉面,有得揀個湯底濃D定淡D,我揀左濃D,可能就係因為咁,D螃蟹味俾個湯過晒...........其實個拉面同個湯底都好唔錯,但我食唔出個螃蟹有咩特別出色,唔好講因為俾個湯蓋過,佢本身肉質俾我GE感覺亦都麻麻.另外叫左牛油拉面同魷魚.前者穩穩陣陣,唔怕肥應該要一試,都真係幾香口的.後者,普通不過.小食要左豆腐,淡不在話下,內凍外熱,加上size小,食完好似冇食一樣.....環境:E間分店普遍比較舒適.服務:幾好,解釋清楚,有禮貌.抵食:嗯,講真,雖然我覺得野食還可以,但每人要接近$90真係唔抵,就算真係好好味,都可以分抵唔抵+ma,今次真係唔多抵.感想:之前試過牛油拉面,今次食另一種,睇過menu,其他如雞蛋,蔥,草'古'等拉面實在冇咩特色可言.食完今次(第2次),相信有排先會再去.同埋,大家一定要留意,如果你係平價拉面+平價小食,叫圖2提到ge餐反而仲貴左!!!

叫左set拉麵~~$68，仲要加一~~好食就話無所謂jeee，最弊真係好難食，下次真係唔駛旨意我再去食，個燒雞又唔熟，d麵又硬~~兮~~~~一個字"差"

平時都有上開網,依排o係沙田番工,咪上黎睇下沙田有咩好介紹囉~聽d同事遘依間野都唔多丫,琴日終於試個,食左個53蚊set 配餃子 餃子都幾香口 跟餐黎講都算唔錯 拉麵就好食個博多味千果d多多聲......價錢合理丫仲有個菜單都幾新...睇落就知換左唔係好耐....評分我會比85分都幾好食 但係唔知點解咁多人話依間野唔得~??我就話得喇~

I went there with my friends tonight.I ordered 叉燒拉麵 for my dinner and some snack to share It was quite yummy~~at least it was much better than what those previous posts have said . I will go there again!

30/4/2008又同女朋友o係沙田搵食。今次係食lunch，諗諗下好耐無食過domon，就去左食拉麵啦。我同女朋友都叫左叉燒拉麵，我配餃子，女朋友配炸豆腐。餃子煎得幾香，唔錯。而個叉燒拉麵感覺普普通通，唔係好夠食。炸豆腐係最好味的。外皮薄，香脆，唔太膩。內裏滑，有豆味。$48 + 加一一個set lunch，唔錯啊~ ^^

五月八日(星期四)同老公飲完野之後,特登過黎試下呢度既拉麵,因為雜誌又介紹過,同事又提過!下午茶時段可以係冇人!-.-!!!生意難做呀!叫左tea set,老公食雞蛋拉麵,佢個湯底唔錯,又有雞蛋絲!!!...而我叫左佢地成日sell既牛油拉麵,湯底唔好飲!唔似豬骨湯,而且比較咸!拉麵就非常既普通!遠不及八千代同橫綱!而且都唔彈牙!野飲,又話有奶茶,點知冇得叫,得汽水!唔係咁okay wor!比幾年前仲退步既

當晚7點幾經過沙田要醫肚, 見呢度唔駛等又未食過, 咪諗住試下..7點幾都係得2枱客都心知不妙..不過趕時間冇辦法啦3個人share了2人餐:拉麵(有一塊大叉燒) -- 個湯好一般, 拉麵係粗條, 好似公仔麵咁, 麵偏腍, 塊叉燒我就冇試過.咖哩飯-- 沒餸的,只有幾粒薯仔..個飯唔係唔好食..不過同出面買的叮叮日式咖哩飯冇分別, 只係慳左自己煮既功夫.炸蝦-- 粉太厚, 入面的蝦其實得好細隻, 味都ok不過炸得太硬煎餃子-- 不過不失鰻魚-- 最好味呢樣, 個汁好味鰻魚又夠肥個waitress 服務冇咩問題..不過每食完一様佢就好趕住收碟...又唔係有人等位, 咁急做咩呢呢間拉麵店除左佢d粗麵條都唔知邊様似札幌, 我覺得換任何一間招牌上去都得...應該都冇下次喇