Domon 札幌拉麵 (已結業)

個set D野食都OK架，果隻面系黑色既，好似叫做冷麵，咬落去都幾彈牙，成個set嘅主打天婦羅蝦食落去好爽脆啊！~唔知系咪個師傅系咪日本人黎既呢？，個價錢貴左D囖，但都值得我再去多次食，D服務員態度都OK~但系裝修方面就麻麻地，顯得有點兒殘舊。

因為要同上司出街, 就順便食埋飯...點知....我地叫左鹽味拉麵、味噌拉麵、牛油拉麵...鹽味拉麵都唔知咩味, 好腥, 因為太多昆布味噌牛油拉麵...佢地話特濃會偏鹹, 我地都照叫, 不過只係勁鹹, 一d麵豉味都食唔到......都唔知係咪真係夾, 加左牛油後係滑d個湯, 但好似同湯底唔多夾..醬油拉麵...完全無醬油味..只有怪味記憶中我在開業初幫襯過, 個陣一碗拉麵都成七,八十蚊, 但都幾好味...而家d裝修愈來愈似cheap版味千, 難聽d講仲衰過味千...仲要搵d講廣東話都唔正的姐姐做侍應, 雖則姐姐個服務態度好好, 見我地全部都好似無食過咁都問我地原因, 仲話會同師傅反應下...但真係成個image差哂....

不經不覺已經第3次黎食domon既拉面啦,由於天氣太凍,,,,所以獨自黎到沙田domon食拉面今次叫既係辛辣拉面,亦都係佢地既招牌拉面之一見到店入面既小提示,湯底可以選濃口.即刻同職員講要濃湯底唔夠幾分鐘,拉面到了,熱辣辣既拉面果然冇令到我失望,辛辣保持以往水準,而面質彈牙,十分合我心意,但唯一不足之次係牙菜小了一點,湯底夠濃郁~~值得下次再支持

今日氣溫急降，於是約埋女友去食拉麵，追求暖洋洋的感覺。因在附近返工，光顧這店已不下二、三十次，一向水準不過不失，最重要是通常在Lunch Time都不用等位。今日我叫了叉燒拉麵跟煎餃子，女友叫了辛辣拉麵跟沙律；煎餃子太多油，底有焦黑，煎得缺乏誠意，味道亦已走樣。蟹子沙律亦是一般菜色；辛辣拉麵保持水準，女友沒投訴。但我的叉燒拉麵好唔掂，湯的份量太少而且太杰(不是濃)，味道失真，失了吃拉麵的一份痛快感覺，叉燒太肥，尤幸配料尚可。平常午餐，不會過份要求，吃飽便算罷！然而，奇怪的事在兩小時後發生了---我的小使變得極深黃色，嚇了一跳，馬上通知女友，原來她和我一樣情況，於是馬上寫此食評給Openrice，睇下有無其他朋友同我一樣有小便變色。

我哋要二人餐($188) 加 $20 轉蟹柳拉麵，套餐有蟹柳拉麵兩碗、吉列蝦、日式餃子和串燒。蟹柳拉麵 - 有蟹柳、蛋、粟米、海帶、洋葱，蟹柳冇乜味，麵質不錯，少少爽口，啱我口味，但老公就覺得太硬。miso湯底太咸，味道一般，湯底唔得，點會好味呀。吉列蝦 - 都幾脆，但蝦冇乜味。日式餃子 - Waitress 話好味道，原來老點，腍pat pat ，味道又不好。串燒 - 有冬菇、雞軟骨、雞翼和雞肉，只有雞軟骨OK，雞翼和雞肉太乾又唔脆，冬菇又冇味。連主打嘅拉麵也不算好味，真喺令人失望。

周五既，同工友來吃個麵作晚餐﹗來到都差不多要打佯，快快order食物，工友要了個泡菜拉麵，而我就要左個沙薑炒牛肉飯套餐﹗泡菜拉麵湯底偏辣味濃，拉麵比以前在這兒吃到的彈牙，麵身有嚼勁，相信與負責淥麵的廚師有關吧。我就要左個牛肉套餐，第一樣覺得有問題的是個飯，睇得出是珍珠米可惜過腍，最憎就係飯煲得太耐，浪費了珍珠米。牛肉份量也不少，裡面有紅蘿蔔絲同埋洋蔥同炒，汁偏鹹必須送飯先可以食得哂，飯做得不好真可惜呢﹗最後我地見到佢個餐牌話沙田限定有得吃吉列海鮮卷，就叫來試下。成$40一碟，原來是一條海鮮卷一開四，份量少得可憐，個皮炸到爛爛的爆開哂，入面的餡料老實說我真係食唔出佢係咩野﹗蟹柳又唔係魚柳又唔係，沒有味道的，九唔答八，我想講呢條卷比起平時0係酒樓食套餐的所謂沙律卷更差，零分﹗來呢度都係食麵好了﹗貪得意會出事﹗喊是給個海鮮卷的，唔好食唔好話咩沙田限定啦，為沙田悲哀﹗

又係男友去做gym之日,每次佢去做gym,我都會跟埋去!差唔多做完gym既時候,我就出門口,去到岩岩好係食下午茶!!!叫左個鰻魚炒飯 跟 炸雞軟骨 +拉麵鰻魚炒飯入面既鰻魚細粒左好多牙,而且鰻魚既份量都少埋,但飯既份量就冇少到炸雞軟骨既份量冇喇喇亦都減半,既然份量都減左半,點解價錢又唔減半既拉麵冇咩變化,只係湯底淡左...麵又咩冇蛋味

黎到domon拉面店....叫左兩個拉面朋友叫左朱軟骨拉面..我就叫左牛油拉面我個湯底可以選湯底..咁我選了清湯~仲有3件3文魚食~~3文魚入口即溶~唔錯..有口感我既清湯湯底睇落去乳白色....好濃郁~相信師傅煲左好長時間既成果~飲落去幾濃下...唔錯..再加上牛油味....e之棒~~拉面唔淋...亦屬彈牙...好過味x多多聲...而朋友既湯底係面豉湯底..佢話有點兒咸 ,問返侍應點解咁咸,原來北海道面豉係咁咸,因為日本人食慣咸野.唔怪得蔡生話面豉要咸先夠正宗....原來如此~同埋侍應話如果覺得咸既話可以同師傅講淡口d~總括黎講唔錯!下次會再幫親~

N年前幫襯過一次, 覺得又貴又難食. 今天與朋友在沙田搵食, 見到HK Magazine廣告讚, 蔡澖讚, 連Open Rice都讚? 明知他們的拉面有點貴, 都冒險幫襯一次。「店中名物」: 北海道牛油拉面, 好, 要了一客「這裏的餃子與別不同」, 於是點了餃子朋友點又燒拉面。餃子先來, 吃了一口... OK, 沒有甚麼特別, 王將比它好吃, 四小塊近$30不便宜呀!北海道牛油拉面: 坦白說, 除了多了一塊牛油, 便沒有甚麼特別。湯底我選了面鼓, 很咸。朋友的是清湯, OK, 沒有甚麼特別。一般過一般, 但埋單近$100一位, 非常不值, 而且吃完口很乾, 相信是大量使用味精所致。味千拉面比這店更好吃和便宜!我只能說這店很花錢做marketing, 見報率甚高, 但食物質素麻麻過麻麻, 客人去完一次不回頭, 只是浪費金錢, 何苦??

門外打正招牌寫住 "全香港最正宗北海道拉麵" + 蔡生推介....諗住呢間既拉麵水準應該有番咁上下啦....order了一個$88套餐....一個拉麵....豬骨湯底....配叉燒....小食係餃子....個麵都ok....但湯底就...好唔掂.....我唔係同味x拉麵比較....但真係好淡又好油.....一d都唔濃唔香.....咁都叫做正宗北海道拉麵?? 淨係拉麵叫正宗囉....因為日本入口嘛叉燒好細塊....好多肥膏....都唔知自己食緊肉定係食脂肪.....單叫仲要賣到咁貴.....我真係寧願俾多少少車錢去中環間北海道拉麵食算....全晚比較好既....只有餃子....但偏貴...味道價錢唔arm比例...總括而言....唔會再幫襯....唔想再俾門口個招牌呃左..

係招積堡做完運動，費事行咁遠，就同媽媽去下面試拉面。。。我要左個螃蟹拉面，Ｄ拉面冇咩特別，但個湯底就重到呀媽都吾認得。。。條脷係冇感覺架。。。雞肉串燒清淡，冇咩特別，真係健康到。。。個豬肉特食仲奇怪，前菜點解係泡菜黎既？我明明食緊日本野架喎洋蔥炒得一Ｄ都吾香，Ｄ豬肉連雪味都有？咩事？仲收我八廿幾蚊～好吾抵呀～吾會再幫襯～

牛油拉麵 + 三文魚刺身, 但幾貴下, $88???? 去搶吧????不過朋友仔生日, 豪返之啦~~~~ 朋友仔叫左三文魚飯定食( $70-$90), 我既牛油拉麵牛油味不多, 湯是清湯, 略為咸左D, 海帶屬於多, 幾好味, 大量粟米, 仲有一塊叉燒, 多多既芽菜, 其實材料不貴, 賣點唔知係邊, 因為幾舊牛油?一塊叉燒????賣得貴, 食得不貴。三文魚刺身則感覺到係上盛品質喎~因為D三文魚入口即溶, 唔~~~~~~正呀~~~~~~~~食了朋友仔定食跟餐既" 蒸蛋", 好滑, 有冬姑絲, 好味~~~~~

之前睇呢間野既食評,見到有D人話難食...前幾日咁岩去左ST,於是就入左去試下。我ORDER左一個牛油拉麵跟餃子。 我好驚喜,因為我覺得好好食喔!!又食得飽!!如果我個胃仲有位"失"個話...我諗我一定不停咁order!!暑假一定去多幾次!!

呢間野都OK呀!不過唔知點解會有咁多人話唔好食既@@ 今日同成班同事過去食。雖然要排隊等位,不過好快就有位啦^^我order左個鯖魚定食,A同事叫左個炒野菜定食,B同事同C同事都叫左個拉麵餐,一個牛油拉麵,一個叉燒拉麵,兩個都跟餃子,佢地超誇張牙,連個湯底都唔放過,全部飲哂,佢地話超正喔,下次一家會再去。^^

原來呢間野d食物都幾好食喔,我果日同我屋企人去試左啦,真系好食牙。我中意d拉麵食落去果d質地好彈牙,好過味千好多,仲有就系個日本煎餃子,真系好正牙,師傅煎到個皮好脆,皮仲好薄tim。埋單時,waitress仲俾左幾張coupon我地tim,其實講真,就算冇coupon,我都會繼續去幫襯!!!