Domo Cafe (已結業)

今日同4個同事一齊去食晏，呢間平時都食得多的，不過冇幾耐之前就轉左餐牌，少野食左呀，但係野食質素都KEEP得到的，好重要的就係其中一款我覺得超級好味的小食冇左呀～就係燒牛利～不過冇計啦，咁就食第樣啦！介紹下食左的野先～我就食左香煎咸豬手飯(燒汁) + 瑞士雞翼(3隻)由於我太鐘意食芝士，我揀左落埋芝士粉去食，又幾襯bo，有5片豬手，都幾厚架，肥瘦適宜。瑞士雞翼就普通一般的，冇咩特別～特飲 - 好立克麥味珍珠～勁多胚芽超開心～

晏就係中環附近想搵餐廳食lunch , 行過見到一間叫domo cafe，見環境幾舒適就入左去坐，入邊見到好多打工仔去食，應該都幾受歡迎。叫左一個名為大千辣雞炒飯既餐，配珍珠奶餐。炒飯值得一試，味道唔辣但食落個口會麻，好過癮，連野飲都只係大概$50，係中環呢啲地區黎講都算係抵食，而且味道又唔差，下次經過一定會黎再試！

其實尼左呢間餐廳幫親左佢次,試左10次之後忍唔住要評一評佢.我每次忍都係ORDER意粉,基本上任何一種都比我試過.我覺得燒汁最好,親飯親粉都一流.豬牛雞魚全部都大大件.餐前有紅白湯,多士.值得一提係個多士.好食到每次都要食曬.多士脆,薄,香.但甘好既前菜反而顯得主菜既不足.D野唔難食,但都好普通晏就提早賣單有85拆,簡值一去再去.

本身諗住食另一間 見到要排隊咁就上黎睇下啦，見到lunch set都合理又唔洗等咁就入左去食。一坐低已經好唔舒服，啲位又逼又窄。叫左一個西冷扒，一個意粉本身無諗住影想，因為賣相一般，但食落真係好難食，所以專登影低寫食評!個牛扒好老，又乾又un，靠點啲汁先呑得落薯條係炸好哂擺左好耐咁款，又淋又油仲有啲所謂既黑椒係就咁上碟嗰時灑上去擺明煎嗰時係無調味，茶餐廳d扒都好過佢!仲要收我百幾蚊，好唔知醜囉! Carbonara 咁基本都煮唔好，意粉係煮俾bb食? 同al dente爭好遠喎，淋到好似食茶記意粉咁，係咪連計時撈起個麵都唔識，仲好意思收我一舊水？ 啲菇都係罐頭貨色，咁不如我翻屋企開罐金寶湯煮意粉啦-.- 野飲更加係得啖笑，白色嗰杯係益力多沙冰。完全係偷工減料，將益力多開成1:99? 總之，倒貼我都唔會再去😒

Book左枱，都要等到差不多1:30有人走先有位。不過可能因為等緊果陣已經落order，上菜又唔算慢。今次叫了茄汁德國餐肉燴長通($78) set 有餐湯, 餐飲 + 多士很難得，餐飲可選檸茶以外飲品，(有珍珠奶茶, 金桔檸檬, etc)，我點了我的最愛: 青蘋果綠茶。主菜茄汁午餐肉長通粉，不過不失。不過以同區食品來計，總算抵食。同事點的卡邦尼，但沒試味，賣相似乎不錯！汁夠

平日間中到此大廈的另一餐館食早餐，見這店新開，就約老爸一起來試一下，網上見它標示意大利菜和日本菜，心中感到有點奇怪，去到見到個格局都幾骨子， 應該是以賣酒為主，再看餐牌就感覺到原來是做'豉汁'西餐加日本拉麵的雜格食店，抱著一場來到一試無防的心態坐下，當晚現場環境除我們外一個客都沒有，都幾嚇人，但好彩食物質素都算勉強可接受。叫了兩個套餐(同茶餐廳配搭差不多，有湯加一份串燒小食及主菜跟一杯飲品)，另加一份沙律和一個小食拼盆，兩杯飲品由老爸和太太飲，我自已要了一杯西班牙紅酒。西班牙紅酒， 以杯計出售的紅酒有西班牙和智利兩款，我選擇了西班牙的，因為平時在其他地方都比較小遇到，這酒入口偏重果味，酒身略薄，但有果香而較甜，易入口，比較適合女仕。小食拼盆，有鹵豬肉，幾入味，望落好似好肥，但入口不油；冬菰，夠淋但偏淡小小，一般可以；德國肉腸，切件，內含磨菇，口感不錯，味道偏濃；炸雞翼，夠香口，但偏咸了一點，內裏雞肉嫩滑，不錯；西蘭花，不知是不是實際上只是伴碟菜，絕對普通；牛柳粒，做得不錯，起碼不韌，但有咬口，有牛味但不咸，送酒屬佳餚。三文魚凱薩沙律，蔬菜尚算一般，煙三文魚也一般，入口味道一般，整個菜就