影片
睇食評見環境同食物都好似幾好，於是去試下。大約7：30pm去到大把枱，侍應亦好殷勤招呼入到見到all day breakfast諗住叫啦,點知一睇只供應到5：30pm⋯何來all day?!唯有叫左個set dinner香辣蕃茄海鮮湯飯 $108餐湯係羅宋湯配蒜蓉包，都係茶記水準，算ok湯飯黎到賣相一流，味道就完全唔掂!!只係蕃茄汁加水，所謂嘅海鮮係4，5粒充滿雪藏味嘅蜆仔肉+蝦毛仔😤😤，仲有一隻藍青口⋯難食到爆！！買罐罐頭湯自己整都一定好味過哩間野十倍⋯😡唯一係杯咖啡較茶記好。一句講晒「完全唔掂」
繼續閱讀
Book左20:00團購2人餐，约早了5分鐘到，但上一輪食客未走，只能在門外等候。先談餐廳外觀，小店格局，裝修雅緻，捱得"麥記"多，轉轉格局，嚟呢度都唔失禮吖! (係就係位置偏離港鐵站，無論由佐敦或油麻地站行去，估計都要至少6至7分鐘)終於埋位有得食，羅宋湯夠酸微辣，啱我口味，餐湯規定在上主菜前可無限添飲。喝完一碗後，侍應(估計其實是店主)己主動問要否添加，盛情難卻，無奈添飲一碗。之後，沙律及西班牙火腿伴哈蜜瓜同碟上，質素ok，但份量不多。主菜選美國安格斯牛排配黑椒紅酒汁 + 芝士忌廉煙肉意粉，侍應早己分好一人一碟，每碟都有一半份量牛排及意粉，方便客人進食。牛排juicy夠味，意粉亦creamy好食。甜品選了Mousse蛋糕及鮮果脆脆乳酪杯各一，個人偏好蛋糕多些，乳酪杯d脆脆可能太淡口味，如用一些帶多些甜味的脆脆，可能會同d乳酪更夾，有酸中帶甜的效果。餐飲選即磨咖啡，質素是餐廳级，非快餐店一般即磨咖啡级數可比。這一餐，以此價錢而有此質素計，頗為喜出望外。看看餐牌，此二人餐的正價，亦只比團購價貴30多元(節日除外)，小情侣間中嚟消費亦绝對消費得起!不過，小店格局空間有限，地方不寬敞，座位不多，繁忙日子都係早些訂位吧。
繼續閱讀
見到有團購，覺得好抵，所以就上open rice睇下，d食評都唔錯，所以就買左團購同朋友慶祝生日，本身book左上星期三，不過full booking，所以就改左尋日去，以為好多人啦，但去到都係見到小貓三、四隻咁，可能呢間野都叫做比較隔攝掛，環境方面感覺幾田園風格feel，不過d位就唔係咁好坐，我諗如果全場坐滿人都應該會幾迫下。講返d食物先，團購個餐牌內o既食物個羅宋湯都幾好味，香濃得o黎又唔覺辣因為見open rice d人推介呢個煙三文魚迷你酥盒，所以我o地都揀左，估唔到佢拼埋落去個田園沙律度，不過都係o既，個迷你酥盒又確實係好迷你下，味道好一般，唔似d人講得咁好主菜就揀左美國安格斯牛扒配黑椒紅酒汁同埋蘿勒茄醬意大利雲吞，亦都估唔到係拼埋一齊上，個牛扒唔錯，唔太生亦唔太熟，剛剛好，配埋個汁味道唔錯!不過個意大利雲吞我就覺得麻麻地!最後甜品，我同朋友每樣揀左一款，香濃咖啡mousse cake同鮮果脆脆乳酪杯，同樣地係迷你版，咖啡mousse cake我幾鍾意，不過略嫌個海綿cake小左d
繼續閱讀
男朋友在團購見到呢間餐廳格調唔錯, D野又好似好啱食, 於是就決定同我一齊食dinner 餐廳以田園風格做主題, 入到去覺得幾舒服、幾relax因為團購訂1枱, 明明得兩個人都有4人枱團購指定左menu, 有salad 、餐湯, 前菜、主菜、餐飲、甜品, 仲可以任食salad 同餐湯, 幾抵餐湯其實幾開胃, 不過辣左D唔記得影前菜, 係煙三文魚酥餅, 超好吃, 酥餅仲係熱添!!可惜得兩件, 一人一件蹅!!熱飲可以免費加水, 很貼心呢餐悠閒dinner 食左兩個鐘, 呢度上菜節奏慢, 所以如果急住去第二度就唔好來喇~服務員態度友善、helpful下次姐妹gathering , 任坐吹水會來呢度美中不足:-之前食評話D花茶嘅料有3分1杯, 唔知係咪我地係團購, 得少少料少料唔緊要, 但可以考慮附上蜜糖、糖漿會好飲D, 冇咁淡-沙律嘅醬太少, 有D dry-本來室內溫度OK的, 但服務員見客多而開大冷氣, 好凍~如果可以環保少少就好
繼續閱讀
在佐敦站一帶，想與女友研究旅行行程，立即便想起這裏。星期日下午三點，與上次一樣，人也是不太多。拿起餐牌，女友較肚餓，所以點了All Day Breakfast；我吃了一點東西才過來，只想試他們的蛋糕，但餐牌沒有。問問老闆，是日蛋糕沒有跟餐，煩請到蛋糕櫃前看看。上次的蛋糕櫃有朱古力慕絲切餅，這次沒有了，不過這次款式又較上一次多，例如有木糠布甸切餅，和下面見到的New York Cheese Cake。New York Cheese Cake外觀很吸引，就點這個，再加一杯洋甘菊（原來這杯茶是洋甘菊！）。接着便拿出平板電腦、旅遊書等，悠閒地研究行程。不知何時便把All Day Breakfast端在我們面前。先說多士，香、脆，少許的牛油味，脆扑扑的麵包，沒有失望。香腸也是，煎得香香的香腸在口腔，吃了一口便想再多吃一口。煙肉我便沒有吃，不評論。但蛋就有點淡，可能不是每位客人都愛吃濃味，所以我們自行灑胡椒，提昇蛋味。芝士餅和茶也來到。茶上次說了，味道一樣。芝士餅第一次吃，本身是香口的芝士餅，但有點黏口，味道分略減。我們研究行程一小時多點，其間看到門外有些客人欲進又止，不知是甚麼原因；後來又有另一班客人進來，老闆卻走出來說休息時間……咦？只是四時多，只剩下我們二人。再看看門口，翻了Closed的牌子……原來我們阻了店主打烊，但她們卻沒有意欲驅走我們，結果我們弄到五點才結帳。臨走時再走到門外看看營業時間，這時段應該營業至六點，到七點才開始晚飯時段，實在摸不着頭腦。但沒所謂，沒有被趕，感覺良好，環境依舊清幽，下次可以再來。
繼續閱讀