Délifrance (希爾頓中心)

營業中

休息中

想食西餐又嫌貴？食Délifrance就最好不過雖然係快餐店食物質素不過都算幾抵食二人套餐只不過係$175可以揀2款餐湯或者田園沙律或者小食之後可以揀兩款主菜最後仲竟然包埋嘢飲同埋甜品🍮你話呢個價錢係出面食西餐嘅話係咪絕對食唔到？餐湯係番茄湯有濃濃嘅蕃茄味飲落甜甜地酸酸地味道都算唔錯芝士焗薯批一片一片嘅薯仔再加上芝士同埋忌廉汁好味得來又邪惡拿玻里大蝦蜆肉炒天使麵其實係天使面加咗番茄醬然後再想大蝦🍤同埋蜆肉一齊煮味道唔算太過突出正正常常嘅質素醬燒豬肋骨（全份）配薯蓉套餐只要加多$50就有喇雖然醬燒豬肋骨賣相唔算吸引不過份量真係幾大份而且味道亦都相當唔錯肉質煮得都夠淋亦都唔會煮得好乾味道同平時出面食嘅豬肋骨唔會相差得太遠蝴蝶酥配雪糕球雪糕係雀巢嘅雪糕🍦蝴蝶酥質地比較硬不過都係脆嘅

Délifrance的早餐就食得多牛角包和百吉包都是愛吃的選擇~晚餐就好像是第一次啊～～因為有coupon的關係而來這裡晚餐丫！星期六的晚飯時間..全店滿座候座接近20分鐘才有座位二人套餐...原價$172coupon是惠顧滿$100就減$50啊！前菜是蕃茄湯及田園沙律配意大利香醋汁主食是烤雞野菌炒長通粉和拿坡里大蝦蜆肉炒天使麵飲品要了凍檸茶及芒果熱情果梳打甜品是vanilla雪糕伴法式蝴蝶酥湯及沙律的質素普通蕃茄湯帶有微酸的蕃茄味，保持水準，但不怎麼特別出色田園沙律配意大利香醋汁，黑醋的份量不太夠拿坡里大蝦蜆肉炒天使麵，大蝦和蜆肉的份量不多蝦仁算是爽脆，天使麵的麵質分明不會糊糊的但整體的味道淡而無味！！完全不突出！烤雞野菌炒長通粉，與天使麵好大分別！！蘑菇汁帶點肉汁的味道夠香濃惹味而不鹹雞肉份量夠多，長通粉質感爽彈好味！！vanilla雪糕伴法式蝴蝶酥，蝴蝶酥不是好酥脆的那種尚算脆的～微甜的蝴蝶酥伴vanilla香的雪糕...中和了甜味而不會膩芒果熱情果梳打，可是這杯飲品超甜！！！總的來看，今頓晚飯最出色的就只有烤雞野菌炒長通粉啊！有coupon就都算是吃得過吧！！

食物真的一般，但又不算便宜。沙拉的汁都幾好，但那一塊葉真的太大了，很不方便吃，如果可以上之前剪小塊點就好。蘑菇幾好味，幾彈口。但我試過朋友的肉醬千層麵，都幾好味。不過這兒的份量較小，男生未必夠飽。但好處是午餐不用等位，靜靜的，都舒服。

星期一下午1時半以後，沙田火車站附近幾個商場依舊人來人往，想找一個少人的地方吃午餐，行到去希爾頓中心。這一間delifrance地方很大，只有幾桌有客人，坐落食飯算是安靜舒適。不過這一間要自行到櫃檯點餐及捧餐，基本上算是快餐店。我們點了全日早餐，和夏威夷大蝦燴飯。全日早餐賣相精美，材料豐富，可惜除了滑蛋是微溫之外，其他食材都是冷的。夏威夷大蝦燴飯不是risotto，是菠蘿西汁燴飯，整碟飯只有中蝦四隻，不抵食。這一間的咖啡也不太好，微酸不夠滑，加了太多醣。

迷你法式三文治我自己去法國，就未食過當地嘅三文治啦唔知佢係咪真係法式定港式，但整體來講30幾蚊加杯咖啡算唔錯啦。佢片生菜同埋個番茄都算新鮮嘅但係個蕃茄始終唔夠甜。三件三文治裏邊我最鍾意係蛋沙律，我都同蛋嘅比例好平均，味道很好，至於第二呢就係三文魚醬；切吞拿魚嗰件就唔太特別，因為吞拿魚就好似係罐頭開出嚟嗰種。另外要讚一讚意大利醋，雖然份量少但你點埋佢呢就好好食。再加多杯熱辣辣嘅咖啡，正確來講係意式泡沫咖啡，咁就真係食到飽飽了。不過始終覺得如果delifrance可以出低咖啡因含量咖啡就好了

有時唔一定要去星級酒店食afternoon tea 先叫享受，其實百幾蚊，平民版tea set 都唔錯呀。一樣有三層，甜品有，小吃都有，仲有兩杯tea or coffee 添。第一層小吃中， 雞鎚幾香口，咬落都juicy ；蛋沙律撻個人認為好正，因為平時去呢間餐廳都會食佢啲蛋沙律食品！第二層生果撻細細件，易入口，扮下淑女咁，哈哈，味道同一般出面差不多。朱古力冬甩幾甜，啱我口味。第三層蝴蝶酥睇落都是現成野，但一樣好脆口，甜甜地。整體上都幾靚，價錢都適中，不妨一試。

想當年Délifrance都算係貴價餐廳😂但係一直以來都好似冇加到價咁，而家二人晚餐都唔使$200，喺沙田區來講又搵到位，都係呢個價錢真係好抵食。二人餐可以揀兩個湯或者前菜，粟米湯就普通，不過焗薯好好食。主菜就揀咗一個煙三文魚碎蛋法包，另外就要左千層麵。本身個法包嚟到我覺得好凍，所以叫店員再翻熱，佢哋都好樂意👍🏿個千層麵睇落份量唔係好多，但係其實都夠食。套餐仲有兩杯嘢飲同埋甜品，最後唔知點解仲送咗$50現金卷，咁鬼平喺邊度搵。

今日帶同外國朋友去文化博物館參觀，經過附近商場看見 delifrance 。 未知會在博物館留幾耐，所以先吃個lunch 再行過去。 真的太耐冇來delifrance 吃，要先花點時間看看menu 。 combo for 2 也幾好，又有湯或沙律，又有雪糕。芒果熱情果梳打，不太甜梳打夠氣，好飲。牛肉漢堡雖然外表看來一般，麵包夠鬆軟，肉夠厚又夠juicy。 薯條一般，芝士沾醬冇芝士味。餐湯味道又淡又冇味。烤雞野菌炒長通粉，看似平凡，但磨菇汁味十分香濃，好好味。2人餐包雪糕，可以等到吃完後，才取那號碼牌出去取雪糕。卡邦尼煙肉芝士扁意粉，味道一般。肉醬千層麵，等了很耐大家也差不多吃完才到。所以也沒有影相就趕著吃掉，朋友話味道幾好。 分單即時把那送coupon 用掉，扣減後差不多$300。

又再因為有coupon試多間Delifrance 分店，沙田店場面壯觀座無虛設，排隊買食物條龍超長，我排左半小時因為好多人同我一樣用coupon所以點餐比較慢，好彩收銀員經驗豐富EQ高對住好似我咁唔知點夾2百蚊用2張現金劵嘅客人都好快搞掂，真係辛苦晒你地蕃茄湯間間都保持到水準夠濃夠杰身酸酸地法式芝士焗薯批-此店薯仔切細粒唔夠切片咁吸忌兼，好彩都夠林身但芝士就唔太夠全日早餐-睇賣相已經非常失望，差不多所有野都凍，蛋太老又鞋，磨菇小小香味都出唔到，煙三文好彩唔腥，煙肉雖然乾身但唔脆，牛角包冇諗過都唔掂好硬唔脆肉醬千層麵配薯蓉-薯蓉夠滑芝士好夠，麵夠滑夠簿好索汁，肉醬夠多夠酸唔錯此分店都唔差但可能細所以等得會比較

二人餐係抵食之選，依家仲送$50券下次用哈…迫你下次再食但其實我又ok wor芝士西蘭花... 個芝士太多又唔入味反而個薯仔蓉最好，薯蓉入面有細細舊薯仔，有得咬意粉香濃，係最愛既卡邦尼三文魚都好大舊啊個意大利飯就麻麻地，似蕃茄炒飯…繼續係米奇雪糕

星期日，多人到乜，知道間野不嬲都麻麻地，但係出面咁多野都爆曬，還有繼續啦，一入到去，見到一條老年咁長嘅龍，因為俾錢剩係得一條龍。想搵個位都難，我唔理啦，去咗買嘢食先，一排就排咗四個字。跟住到買嘢食啦，見到賣嘢嗰個，係一個中年大叔，唔戴帽着黑色衫嘅，一直都用一啲好惡劣嘅態度去同之前嘅客講嘢，因為好多客都唔係好明佢個餐係點樣可以加其他嘢，佢一見到啲客慢少少，佢就即刻會用一個好唔耐煩嘅tone同你講嘢。見到前面啲客買完野，都好似已經黑哂面咁。食物質素麻麻，唔值咁嘅價錢，講真俾啲咁嘅錢簡直係侮辱左自己如果鍾意俾人鬧同睇面色的，不妨去試吓

今天帶小米到文化博物館，參觀＜數碼敦煌　天上人間的故事＞。在沙田火車站出閘後，先在附近商場早餐。看到這家熟悉的餐廳，就是自己學生時期常常光顧的麵包店，在日上三竿時段，仍然供應早餐，所以我倆先在此用膳。付款後，要自行取餐，即是自己動手，豐衣足食。　　CHEESE PUFF芝士卷　　　　名字很邪惡，但因為想食芝士，所以點這個。　個人覺得這件應該叫做＜芝士酥＞，就連餐牌英文都叫做CHEESE PUFF，層層酥皮包著一堆芝士。　酥皮＝油份和麵糰變成的多層結構雖不知道酥皮使用什麼油，總之好油膩，又不夠脆，酥皮不易切斷，餐刀要來回努力地鋸。　而芝士有陣攻鼻的味道，似藍芝士般的腐乳味，整體不太鹹。　　　熱奶茶　　芝士酥的味道較濃，所以奶茶相對味道較淡。　　烤雞鮮蘑菇香甜粟米及煎蛋蘑菇湯長通粉　　　小米點的早餐，份量大，但小米一人也能消滅這個通粉，還特地把雞扒留在最後享用。餐飲茶啡不適合兒童飲用，於是加錢換成橙汁。　　　等候付款期間，看到Membership展示牌。　想當年，會員惠顧餐飲皆有九折。　現今是先付六百元做會員，但是以會員咭內金額在店內消費，卻没有九折餐飲優惠。唔化算！唔抵！做會員無咩著數！

早前在Délifrance用兩個月餅鐵盒換了兩張$50優惠券，已經使用一張優惠券試過午餐，今日使用最後一張優惠券試埋下午茶，我們楝好膠樽裝飲品：$26奇異果汁和$26橙&芒果汁各一枝。$32杏仁酥、$23朱古力鬆餅。今日是重陽假期人客特別多，幸運又剛剛好有兩個座位，否則我們會改天再臨。杏仁酥和朱古力鬆餅要稍等，因為侍應翻暖，微熱的杏仁酥十分可口，杏仁片片香脆，吃到內裏中心位置有軟心香蕉味道，我也試過一口朱古力鬆餅，暖暖、鬆鬆的口感，甜度適合。我初嘗第一口奇異果汁有些不習慣，慢慢喝下去，可以接受到了！責任收拾餐具的侍應姐姐，看見我們兩人共用一個餐碟，詢問我們是否需要多一隻餐碟較方便，值得一讚。

早前用兩個月餅鐵盒換了兩張$50優惠券，今日使用一張優惠券，換購買$95拿玻里蜆肉大蝦炒天使麵套餐，加$12購買焗薯蓉。拿玻里蜆肉大蝦炒天使麵套餐包括：沙律或湯，我楝味道正正常常的黑醋沙律，餐飲要熱奶茶，估唔到Délifrance的熱奶茶都好滑和有茶香。拿玻里蜆肉大蝦炒天使麵味道比較清淡，茄汁混合蕃茄蓉、洋蔥絲、蘑菇碎，我加點香草和胡椒粉提升不足的味道，有三隻爽脆大蝦仁和少量蜆肉，天使麵質感不錯，份量適中！由於套餐不足$100，我加$12要多一份焗薯，湊足$107，方可使用$50優惠券，焗薯份量雖少，香香脆脆口感很不錯！

工作關係經過沙田， 因早餐吃得多未覺肚餓，所以跟同事共食一個午餐，點了拿玻里蜆肉大蝦炒意粉， 跟羅宋湯蒜蓉包， 各自再點了凍奶茶及凍檸茶。我吃了羅宋湯及蒜蓉包及2口意粉。 蒜蓉包好香脆，羅宋湯未算濃味，意粉味道可以喇！ 總算食飽繼續工作。