Délifrance (希爾頓中心)

營業中

休息中

今日諗住去香港文化博物館睇敦煌嗰個展覽，去之前食少少嘢。響希爾頓中心想搵地方開餐，但本身希爾頓中心唔係好多食肆，唔係好想食茶餐廳，所以就去咗delifrance 食下午茶。餐廳有tea set，我揀咗個廚師精選嘅4號餐－－烤雞鮮磨菇湯扁意粉。等咗唔使好耐，廚房已經出到餐。老老實實睇見個樣其實已經唔係好開胃，同茶餐廳嗰啲意粉餐冇分別，除咗佢係供應扁意粉之外。咬落口就更加出事，嗰幾件雞好鹹，亦由於太鹹，我連「雞有雞味」呢四個字都唔敢講。扁意粉一咬即刻散開，口感亦都好硬。湯完全感覺唔到同蘑菇有關係，所謂「鮮磨菇」係唔係鮮？無從稽考。完全理解唔到廚師精選點解都搞成咁。唯一可取係熱檸茶，用原包茶包沖畀你。檸檬就有兩大片啦，薄薄哋咁，尚算可以接受。咁就盛惠HKD41。早知行返過去茶餐廳，食個出前一丁冇咁嬲。餐牌張圖只係一個幻想。

某日同太太去沙田行街，經過希爾頓中心間Delifrance，唔多人等，就入左去食雜菜湯酸咗少少沙律新鮮生菜好爽飯就一般，飯太淋天使麵ok杯梳打好飲又甜又有汽蝴蝶餅鬆脆。

同老公睇完戲，就去Délifrance食個dinner. 簡單叫咗個2 courses set: 主菜+Green Salad 🥗 肉醬千層麵配薯蓉 Beef Lasagna with mashed potato $77用鐵鍋上，就啱曬啦！熱辣辣先可以將芝士保持喺最美味嘅半溶狀態。肉醬充滿蕃茄味🍅之餘，甜酸度平衡得宜。雖然醬多，但千層麵唔會浸到腍晒。薯蓉加牛油是常識吧（忘記卡路里啦！）千層麵表面的芝士、薯蓉有點焦先夠滋味, 呢個才剛剛變焦，焗多3分鐘就perfect。另外，鐵鍋呎吋太大，令啲肉醬周圍走。切一刀成個麵就散開曬，食的時候要自組千層麵。🥗田園沙律配意大利香醋汁沙律菜新鮮的。脆脆的。

想食tea, 呢度又多位，就在這裡吃吧。其實最初無諗過食乜，但餐牌上有很多套裝揀，多到花多眼亂。有少少想食cake，於是便叫了個J餐，即一件cake加一杯飲品。呢度其實有很多cake揀的，有German cheese cake, blueberry cheesecake , Tiramisu, 綠茶蛋糕等。。。我今次就揀左Blueberry cheesecake同熱檸水。雖然件蛋糕細左D，但細D就無甘肥啦！芝士蛋糕很幼滑。不算太甜，幾好食。下次我反而想試下士多啤梨撻，因為今日個套餐唔可以揀啊！

交完貨時間尚早, 就搵個地方落腳, 一早的一田未開, 就去對面的 Delifrance 食個西人早餐先, 晨早人少少, 地方多, 可以靜靜嘆下早餐咁多年個餐牌都冇咩大改動, 幾時會有新選擇呢?叫左個烤雞粟米及煎蛋磨菇湯長通粉, 再加多杯mocha, 四十幾蚊, 可以接受通粉份量好多, 基本上食唔哂, 雞湯還可以, 雞扒都叫嫩滑, 不過通粉有點硬Delifrance d 咖啡一向幾啱胃口, 尤其是Mocha, 基本上一定會叫佢的

自己一個食飯，行行下行去左希爾頓中心，見到好耐無食過既Delifrance，見幾多選擇就試試。菜湯偏酸，小法包片唔好食，質素同以前差萬丈遠！焗椰香雞野菌飯，熱辣辣的，但一點椰香也沒有，雞既份量算多，個汁其實似磨菇汁⋯⋯質素大不如前！$72唔好食所以覺得唔抵食。小插曲，原本諗住靜靜地食餐飯，點知遇著阿媽教女做功課，不斷鬧，不斷鬧⋯⋯ 阿細仔就不停喊⋯⋯ 阿媽愈大聲鬧，阿細仔就喊得愈大聲⋯⋯唉！何必呢⋯⋯

一個人悶悶地，想食個下午茶，但係又唔知食乜好，居然畀我見到有間 Delifrance， 就入去試下啦！下午茶時間，餐廳竟然冇乜人，仲有好多空位， 感覺好舒服悠閒。睇下餐牌，都有好多選擇，終於揀咗個迷你法式三文治+咖啡。個餐好快就準備好， 雖然係快餐，但都好有心思擺設，不愧係法國咖啡店。三文治係法式麵包上面放三種唔同口味嘅配料，包括有白汁碎蛋、白汁吞拿魚同白汁三文魚，但加埋蕃茄、生菜， 感覺比較健康，再加上一杯香濃咖啡，以一個$35下午茶餐嚟計，坐得舒舒服服， 非常值得。

Deli France早餐越來越受歡迎，由以前一定有位坐到現在，一定要搵到位先敢排隊買食物不過，都無減我對delifrance的喜好！Keep住去delifrance 早餐是因爲覺得這裡的食物味精少！就好像今日吃的set A，雞扒蛋通，味道清清地得來，不會太淡或太咸，雞似亦算大件無雪味（當然不能同靚雞肉比），感覺健康👍🏽另跟餐有熱飲一杯，價錢約四十元，比茶記貴少少，不過健康點，乾淨點，不會有被人催的感覺。一大清早在這裡吃得飽肚又健康，值得推介！

今早因為有外面活動，故此一早便先到了沙田吃早餐。一早我就覺得有點肚餓，故此叫了一客夠分量的三併早餐（珍寶腸、煙肉加火腿）連一杯餐飲咖啡。 一次過可以食到三種不同製法嘅豬肉連一杯醒神咖啡，真係低食！這個豐富早餐只是$40多元罷了！👍

我朋友咁岩有20蚊優惠卷 就決定黎個陣已經明明14:32個服務員話係 14:27 未到兩點半就叫我地等多陣 不過個語氣有啲唔耐煩其他服務員都態度麻麻-叫左兩個下午茶set一個雞肉磨菇湯意粉（湯好希 冇乜味 啲雞肉好少少 不過感覺唔夠新鮮）另一個唔係好記得叫咩名有牛角包 蝦奄列 磨菇湯通粉（一樣湯好希 奄列蛋唔夠滑 牛角包唔多脆同鬆軟）飲品叫左熱檸茶同熱咖啡 正正常常-環境幾大有好多位 都幾舒服不過整體有啲失望應該唔會再幫襯

經過沙田希爾頓見到delifrance下午茶幾抵，平均三十幾四十幾都有個Tea，所以就去試下啦我就叫左個皇牌推介，有迷你火雞片鮮蘑菇湯長通粉加煙三文魚炒蛋同牛角包，$44就有禁多野食，好抵！炒蛋好滑，煙三文魚係半熟狀態，仲有少量紅椒，好好味！牛角包會配多個牛油，但我覺得牛角包本身已經好肥，所以無加牛油，哈哈！個蘑菇湯好香，好快已經飲曬全部湯，而個迷你火雞片真係好迷你，得一塊超簿片既，有少少失望加$4既凍檸茶，夠大杯

星期日，家庭日，難得爸媽也想到沙田文化博物館看看那個有關羅浮宫的展覽，我便帶他們來感受一下文化氣息。參觀完畢後，嚷著肚餓的爸爸說要去吃下午茶，我們本來想去Cafeholic，但由於要等位，我們只好去它的鄰居Delifrance。未吃過Delifrance的我，沒想到它是如此的令我失望。爸爸點了烤雞鮮磨菇扁意粉$41，看到那意粉勁多汁，像是湯浸意粉一樣，抱歉我真的沒多大興趣去嚐。然後到我和媽媽的迷你法式拼盤$44。我吃的三文魚法式三文治和媽媽吃的碎蛋沙律文治應該一樣平平無奇，而且包不是熱辣辣，所以感覺更不好吃。法式小蛋糕和蜜桃撻亦一樣，味道普通，對我而言只是一些用來填充肚子的澱粉質而已。最值得讚揚的是那杯有機茶，茶味濃香。

星期一晚餐廳唔多人，我地嗌左個星級二人套餐$228，包頭盤 餐湯都係普通既羅宋湯，內裡菜都算多。飲品芒果熱情果梳打，個人不太喜甜，但呢杯飲品岩飲。主菜 肉醬千層麵👉🏻原來份量好少，但都有d沙律同麵包伴碟，而且個麵唔夠熱。醬燒豬肋骨全份👉🏻落單時已講明要等20至25分鐘，但實際等左35分鐘，醬汁都夠多，肉質唔會太un，薯條份量多，無預料過呢度既薯條竟然會脆，但有少部分痴左醬汁既係淋左，旁邊一樣都有沙律伴碟。甜品雲呢那雪糕伴法式蝴蝶酥👉🏻蛋糕大大舊，值得欣賞係店員真係等到我地食得7788先上甜品。

係睇羅浮宮前，先食個tea，因為星期日周圍都係人。結果，就揀左有位既delifrance。見佢有下午茶餐，就揀左迷你牛角酥三重奏配熱錫蘭奶茶，同一份烤雞鮮蘑菇雜菜湯扁意粉配檸水。個湯意粉不太好，湯既味道好稀，似罐頭湯，雞肉又係雪藏雞，比較「鞋」。稍為好食既，就係牛角包餐。煙火腿既量都幾多，味道還可以。但如果個包再鬆軟啲就好啦。滿心期待既錫蘭奶茶，但卻令人失望，味道好淡，冇乜錫蘭味。

有一段時間沒有來光顧了，這次路經，客人不多，也好，可以2小口子靜靜地享用晚餐～2人餐分了$165及$228兩個價錢，我們當然吃平的，$165可以選經典精選或意粉，而經典精選其實指法包組合我們點了烤雞野菌抄扁意粉，配凍檸蜜，檸蜜需要花很多時間攪拌來完全溶掉，真係攪到手軟㗎XD跟餐我們要了2款不同的餐湯，包括(上)雜菜湯和(下)野菌湯，但是湯不夠熱，只得微溫，味道再濃也要扣分啊﹗我喜歡意粉硬身一點有口感和彈性，白汁跟面頭的配菜很夾，不會太"漏"，但賣法包起家的DELIFRANCE為甚麼跟餐的一片包會這麼差，完全是隔夜麵包的感覺啊﹗另外點的肉醬千層麵，配有沙律，可以中和一下"漏"的感覺吧﹗這個很適合重口味的人，不適合口味清淡的朋友值得一讚是甜品蝴蝶酥，記得上一次來吃，是我一生中吃過最難吃的蝴蝶酥，沒有味道又硬又不新鮮的感覺，今次的蝴蝶酥卻不一樣了，雖不是極品，但吃得出是蝴蝶酥了，成個餐即時有個美好的完結～