Délifrance (環球大廈)

營業中

休息中

上次食完個delifrance早餐覺得唔錯，一於走去公司隔離間delifrance度食個早飯，陴間趕住去Element睇免費戲，估唔到6點前仲有tea set，幾十蚊食個飯質素算係唔錯又夠晒飽，勝在方便、清靜、舒服，如果唔係趕時間的話應該可以慢慢繼續坐。個牛角包冇上次咁熱咁脆但都算合格火雞肉蘑菇湯長通粉，算係有D菇味，長通粉唔會太腍幾好，不過得2塊仔火雞肉就......唔多符合我預期囉煙三文魚炒蛋算足料，有少少紅椒粒帶返D口感，而且幾香幾有椒味仲有15蚊2隻好足味嘅雞槌，補償返我今日lunch俾筷子記漏左塊即炸豬扒杯熱檸蜜亦真係落蜜糖，好足蜜糖味，唔係喺茶記/快餐廳嗰種

中環食lunch 通常都外賣🥡今日突然好想食意粉🍝去左環球商場既Delifrance 叫左個外賣🥡卡邦尼煙三文魚煙肉芝士炒意粉 $85勁少煙三文魚，得個一塊😭😭😭煙肉都OK嘅，正正常常，冇乜特別個汁完全唔夠😑好乾呀😧意粉太過硬🫤不太好食😦價錢都係比較偏貴，完全唔覺得值$85😭😭😭有少少失望😩😩😩😩我既評分（5⭐️為滿分）環境：⭐️⭐️⭐️食物：⭐️⭐️⭐️服務態度：⭐️⭐️⭐️推薦：⭐️⭐️Delifrance 📍中環德輔道中19號環球大廈1樓

🥢 今日同同事一齊想食下意粉慰勞大家，決定order下delifrance嘅意粉，平時印象深刻比較偏向佢地嘅早餐，今次意粉真係第一次，儘管have a go！ ✨ 卡邦尼煙三文魚煙肉芝士炒意粉 $85成個意粉我覺得偏硬，佢個汁唔夠企身，芝士得好少，唔係太濃味，同埋汁嘅份量唔夠撈，有一半意粉都係乾食，同埋啲送真係幾少，三文魚得三塊細嘅，煙肉反而煎得唔錯，撈埋卡邦尼汁幾好味，唔會過鹹，整體性價比偏低，質素相對一般，或者堂食會好啲⋯⋯

舊同事相約商談未來動向，找了一個大家都方便的中間點，中環環球大廈在心目中一直都是地鐵站出口的標籤，原來在一樓有這個地方可以坐下來吃點東西、飲杯咖啡。下午3時左右不想吃太多，點選了Light Signature 中的沙律C20a：田園沙律配法式蜜糖芥末汁。飲品可選配： 熱鮮磨咖啡 /  錫蘭奶茶 / 有機茶 (雜莓 / 蘋果 / 綠茶)，點配了熱咖啡。鮮磨熱咖啡聞到咖啡獨有的香氣，入口味道也不錯。田園沙律顏色健康，材料新鮮，有牛油生菜、新鮮蕃茄、青瓜、提子乾、麵包粒、紫椰菜....混合蜜糖芥末醬汁一起吃，爽脆美味，好吃哦。又發掘了一個休息加油站，記在本子上了。

📍@delifrancehk in CentralCafe #Délifrance #Délifrancehk Food: 💛💛💛🤍🤍Décor: 💛💛💛🤍🤍Service:💛💛💛💛🤍Price Value: 💛💛💛💛🤍Price Range:💰 $50-$100Favourite: 💖 Mushroom Linguine ------------------------------- French-style boulangerie serving freshly made baguettes and pastries- Service is quick- Coffee is also solid and always a great place to grab a quick lunch or afternoon snack------------------------------𝙿𝚕𝚎𝚊𝚜𝚞𝚛𝚎 𝚘𝚗 𝚝𝚑𝚎 𝚕𝚒𝚙𝚜, 𝚕𝚒𝚏𝚎𝚝𝚒𝚖𝚎 𝚘𝚗 𝚝𝚑𝚎 𝚑𝚒𝚙𝚜 🐰𝙻𝚒𝚙𝚜 𝚏𝚘𝚕𝚕𝚘𝚠 : @eatwithbunny_ ✨

Blue Friday ~ 決定食啲貴野慰勞下自己😂今次系OpenRice 外賣自取 叫左佢既烤雞磨菇長通粉 去到餐廳 慶幸自己叫左外賣 條隊勁長😅 睇黎好多人選擇即叫即做 得我一個外賣長通粉煮得比較淋 用叉有啲難拮雞肉好味 又 嫩口 吾會好柴磨菇略嫌有啲生 但都可以食到落口不過原價$69 得一盒通粉 感覺cp值吾高

話說星期六有啲事同屋企人要去中環律師樓處理，之後當然就係附近搵地方醫肚，經過環球大廈見到呢間Delifrance，lunch 時間都唔多人，就坐低睇睇有咩食選擇都多，最終點了一份蜆肉天使麵，一份三文治同一份熱狗，飲品就要了錫蘭奶茶▶️蜆肉天使麵 - 份量足夠，醬汁惹味，配料都豐富，算有誠意▶️三文治/熱狗 - 熱狗有驚喜，賣相同味道都好好總結：食物質素還好，算有誠意，值得一提係杯錫蘭奶茶，用錫蘭茶做茶底幾夠茶味。

Delifrance我由細食到大，但計下都有差不多成5年無食啦，所以最近經過、想快快手食一個午餐就食下。平時lunch同dinner menu嘅C2系列全部都可以轉焗薯、個人又特別鍾意焗薯，所以就叫左！焗薯新鮮出爐、所以都要等一陣，我叫左白汁雙拼、白汁碎蛋同三文魚都保持水準、但覺得唔係好夠cover曬全個薯仔！不過價錢就真係越來越貴、Delifrance其實都算係快餐、$66食一個焗薯都有D貴另外會再配一杯熱飲！我就叫左熱奶茶、有少少苦澀、但都算ok！有機會可以試下佢哋嘅特飲、好似都幾特別！

記得我讀書嘅年代🙄（遠古時代）物資頗貧乏，邊有依家嘅人咁幸福，cafe 仲多過七仔以前有得去 #delifrance #delifrancehk 嘆個百吉包已經系一件超正嘅事，今日經開中環環球大廈 @delifrancehk 吃個 #simplelunch 回味一下，老老實實今時今日以依個質素而言，真係有啲吾到位 但回憶是無價的 Panini with Tuna Mayo n cheese 當佢普通有餡嘅烘包食就ok Latte 咖啡味道偏淡，亦都唔香。=======================​Delifrance 環球大廈。中環$70

以前細個成日食 Delifrance, 因為食牛角包🥐, 食焗薯🥔 呢類既西式包點既地方唔多😅 但而家真係要幾精緻要幾有特色既都有, 千千萬萬既種類都😅 所以 Delifrance 既分店都愈嚟少.. ..呢日行過中環環球大廈仲有一間, 懷念下以前就食個 tea 喇.. Tea 既價錢都 okay, $3x - $4x, 比起一個正餐意粉, 三文治平好多🤭叫左個腸仔拿破侖意粉 + 🌽粟米雞湯意粉配三文魚炒蛋多士🍞味道唔係話好食, 但都唔算差, 但感覺比以前既感覺差了😅

網上睇到宣傳，肉醬千層麵配薯蓉，買一送一$68，於是同同事黎買，去到餐廳唔見有宣傳牌，於是問職員，係有買一送一既，只係冇寫出黎，但只限外賣自取。買完等左5分鐘都冇，已經攞得，個錫紙盒仲要勁熱，打開香噴噴，中間係肉醬千層麵，好多番茄，仲有濃郁芝士，好好食，兩邊都係薯蓉，好creamy，食完好飽。買一送一，平均一個$34，真係好平，性價比非常高，下次再幫襯。

招牌至尊公司三文治🥪麵包烘底脆脆的，有牛油香。餡料好豐富，有雞扒件、雞蛋、兩款火腿、青瓜、蕃茄、生菜，一口咬下，口感豐富，味道很好。煙三文魚碎蛋沙律百吉包百吉包外脆內鬆軟煙韌，配上爽口生菜青瓜，綿密碎蛋沙律和大塊煙三文魚，好味而且感覺輕盈健康。餐湯是蕃茄忌廉湯，微酸的蕃茄香味很醒胃，用來點麵包食都正。有優惠券的關係，滿$100減$50，我們兩份餐總共$91。

疫情問題, 都習慣左買外賣了!今日OT 買LUNCH 回公司食, 行經Délifrance 見有黑松露雜菌帶子意粉好似幾好味喎, 又試下先但一打開賣相已經唔OK 啦雜菌唔見, 帶子只有2粒, 仲要好細要成$98, 一D都唔值, 無下次 

今天要開早會，7點多已到中環，初夏的中環早上，人流很小，很舒服，溫暖的陽光下帶點清風，就在這一刻，想起你，久違了的法式早餐。好耐冇嚟，早餐好像比以前多咗選擇喎，價錢由$ 35至$ 79，睇咗一陣，哈哈，我選咗廚師精選：「$42 煙三文魚炒蛋配自選面包，飲咖啡」外賣返公司食。煙三文魚炒蛋加咗紅色燈籠椒，食落多咗點爽甜，唔錯喎，但係啲煙三文魚咸咗啲。每天早上一杯提神咖啡，已經係大部份上班族嘅習慣，咖啡有點失望，沒有回憶中那麼好飲，不夠香濃。自選麵包有很多選擇，我揀咗芝麻包，應該係自家製，口感有點像硬”豬仔包”，好食，芝麻亦香。哎喲，我點麵包嘅時候，忘記了這裡的牛角包很好食的呢～

🥐French Heritage Croissant☀️-自己平時就係牛角包忠實Fans😍焗番佢之後，咬落鬆脆，牛油味好濃郁！❤-🥐$25牛油好香🥐入口鬆化🥐早餐摯愛🥐