Dee 哥私家廚房

香港已經越嚟越少大排檔，兒時最愛晚晚落大排檔食小炒，大人可以吹水，小朋友可以四周圍走走。早2日同事帶我去他舊居樓下一間新小炒飯店，說上次跟朋友吃過覺得很不錯。第一次到石硤尾邨平台，感覺非常懷舊舒服，大平台係舊有香港屋邨嘅特色，而家已經比較少有。店家所有檯椅都擺放在大平台上，感覺好有兒時大排檔感覺，全露天坐位，非常開掦。叫了一些比較香口的食物配上啤酒，人生一樂也。涼拌麻辣木耳麻辣味不算太勁，但香味十足，木耳爽口辛辣，不錯不錯！椒鹽脆鮮魷外層金黃酥脆，入口外脆內軟，鮮魷鮮味美味，鑊氣十足。脆皮德國原隻碎上鹹豬手豬手外皮超香脆，而且內層充滿膠質，豬手肉質咸香鮮甜，肉嫩可口，非常適合配搭啤酒一齊享用。蜜椒薯仔牛柳粒薯仔炸過加上蜜糖快炒，外層少少黏牙脆口，內裏軟綿香甜，牛柳粒牛味香濃，肉質鮮嫩。…查看更多

石硤尾平台一向都一係美食天堂，卧虎藏龍的地方。Dee哥私家廚房剛進駐石硤尾，今日收工同老豆前來一試，都比老豆黎我工作的小社區感受一下。座位全室外，但比想像中通風。可能因為晚上，加上位置都開揚，又遠離油鑊，所以唔算太熱。而且店員哥哥招呼都好週到，還奉上私伙茶葉，真係勁唔好意思因為我又唔飲酒。在座的都係附近番工或居住的街坊，佬味幾濃但另一角度睇都幾有風味。哈哈，同我今日的衣著有點格格不入，但美食才是重點吧！椒鹽白魚蛋潮州白魚蛋爽口又彈牙，魚味都好香，輕輕用炸粉包住，不太多的椒鹽，不會吃到一口都係味精，炸香送酒一流。老闆入的貨果然有保證。蜜椒薯仔牛柳粒這個是大廚Dee哥的推介菜。薯仔走油之後好脆口，吸收了很多汁，甜甜的也很有大排檔的鑊氣，加上牛柳無經太多的醃製！薯仔聽講都係order先切，所以口感仍然保持新鮮！這個超大碟，亦好好送飯！好搞野啫啫通菜煲同一般的啫啫通菜唔同！加了一種好特別又想像不到的材料！佢加左上海年糕，竟然是這樣！因為兩種截然不同的口感，一個爽脆一個軟糯，聽落好似牛頭不對馬嘴，但又好夾。很有心思！胡椒黃花魚這個真的是超級推介！湯底一呷胡椒味甚香，加上用上鮮魚生滾，份外清甜。有埋蕃茄、雲耳、白蘿蔔等蔬菜，令湯底更豐富。小店用上gas爐，一邊食不會變冷。都好貼心！而且還有其他火鍋的料可以加配，唔怕浪費左個湯。黃花魚勁大條，兩個人食都太多，三個人食都得！不過因為當日鯇魚已經賣哂所以老闆推介這個。我無放過任何一啖湯，胡椒湯飲落令個胃都好舒服。不會太辣，胡椒香又不會搶鏡。老闆還奉上辣椒豉油，不過如果想嘗魚的鮮甜可以唔使點。在場很多人都一支啤酒，吃點小菜這樣，自由自在無拘無束地談天說地。這些大排檔的確能比人有多一個抒發壓力的空間。下次也要約埋一班同事，預訂定大廚超推介的咸葱油新鮮雞，放工來鬆一鬆。…查看更多

麻甩佬聚會, 飲下汽水吹下水。 去到石硤尾平台係你首選。呢度好近地鐵站 嗰條馬路對面就係地鐵站， 有露天有室內方便吸煙人士。小菜鑊氣好足， 最啱同三五知己豬朋狗友啤一啤。先嚟個辣酒煮東風螺, 呢味絕對係送酒佳品。少少辣， 螺肉好 鮮甜味美。值得推介。雞蛋蒸魚腸， 魚腸好新鮮鮮味。 古老煮法風味 有特色。山根魚卜煲， 呢一煲絕對超值 $98.非常之足料 有好多條魚泡, 又有燒肉 又有山根。黃金炸魚皮， 用鹹蛋黃醬配上魚皮。 呢味又係 送酒佳品。呢度吹水好輕鬆方便露天座位。 值得一大班人嚟吹水…查看更多

朋友推介石硤尾有間新間嘅大排檔味道不錯，今日就一家去食下，紀錄下好味嘅小菜先。地點算近港鐵站。環境室外為主，正宗大排檔式，所以怕熱嘅朋友要諗諗，男士佔多，因為可以食煙🙈。涼瓜牛肉份量多，調味剛好，不會太鹹，牛肉嫩滑不帶韌。雖知涼瓜有益又健康平時很少吃涼瓜，但因為覺得佢幾苦下，但今日這涼瓜一點都不苦澀，還帶點甜，所以我食多左幾件，順道清一清熱氣。😅桶蠔一煲有五大隻，每隻蠔都沾上炸漿，經過輕炸，再在煲中煮熟，再以外層帶微脆，即叫即整，端上熱辣辣，每隻都非常肥美，火喉剛好，不會過熟，質感爽脆🥰。辣酒煮螺，螺肉有酒香，亦帶點微辣，開胃，肉質嫩滑彈牙，食不停。🤤天氣熱，一定要冰凍汽水🥤降降溫！…查看更多

今日約咗三個好兄弟去返我哋中學附近嘅大排檔食飯，嗰度已經變咗好多，但人情味不變，石硤尾19座平台嗰度就係大家街坊嘅飯堂，佢嗰度有好幾間大排檔，我哋行到最尾尾嗰間終於搵到第dee哥私房菜，我哋嗌左四個餸，炸蒜魷魚真係不得了，炸粉唔會好多加埋香蒜真係絕配脆卜卜，一個好好嘅開胃菜。另外牛肉炒薯仔更加係每一間大排檔必點嘅菜，但唔係間間好食，將個薯仔炸咗加埋蜜糖，呢個餸真係撈得10碗飯，牛肉又炒到嫩口恰到好處。而小菜就揀咗金銀蛋白菜仔，皮蛋加埋鹹蛋好正，配埋白菜仔一絕。另外另外，Dee哥介紹嘅酒煮東風螺真係不得了，佢唔會好辣但係又好惹味，螺肉好鮮甜，我哋三個連啲汁都攞嚟撈飯。…查看更多

估唔到大排檔有得食私房菜， 朋友帶路去咗石硤尾街市樓上平台大排檔， 那裏別有洞天， 非常街坊，就坐喺店外嘅空間，數把超強大風扇和風機吹著， 絕對有大排檔嘅風味。小食有咸脆花生，唔會好鹹又夠乾身！豉汁涼瓜牛肉$98依個餸都可以試到廚師嘅功力， 豉椒爆炒得好香， 入晒味，苦瓜一啲都唔苦。 牛肉唔係醃到腍曬果種。 超夠鑊氣～👍👍😋新鮮腩排新鮮菠蘿生炒骨$118用新鮮腩排相當高成本， 腩排唔係淨瘦肉， 咬落軟腍得來有肉香， 脆漿啱啱好， 唔會過厚，夠鬆化。 生炒骨個醬汁酸酸甜甜好開胃，充滿洋蔥青紅椒香氣。私家廚房大盤魚( 半邊, 半條) $268 可選原味， 胡椒或麻辣使用原條新鮮草鯇魚切片， 揀咗最愛嘅胡椒味。除咗佢嘅小炒， 試咗佢嘅招牌私房大盤魚！ 我哋都係好鍾意食魚， 海鮮，河鮮都唔會放過。個盤真係好大～ 大過我屋企個洗手盆😃😀， 感覺好震撼呀， 對比隔離碟小菜， 個盤大得過份。 胡椒湯底好夠辛辣， 有半保鯇魚腩，魚頭和魚骨， 湯底清甜， 一啲都唔腥。 其他配料 豆腐卜，芽菜，木耳， 紅蘿蔔，白蘿蔔～～ 極之豐富。魚片終於上枱， 又喺嘩嘩聲～果然係私房出品， 一啲都唔簡單，一大個長方形盤， 鋪滿切得大小厚薄均等嘅魚片， 放入盤內滾兩滾 一轉色就熟。刀工一流，魚片冇咩骨， 放入胡椒湯後， 魚片更鮮味，肉質嫩滑無比。兩個人吃魚吃飽呀～👍😋 各款小菜，小炒果然夠鑊氣，色·香·味俱全！ 招呼唔錯， 而且冇嗰種大排檔粗聲粗氣嘅感覺～…查看更多

難得去石硤尾區， 上網 search 附近有什麼好介紹， 有間屋邨 Dee 哥私房菜口碑唔錯，反正又落大雨，所以都唔考慮去別處食，試新菜館。在屋邨平台，好易搵， 轉彎已經見到個招牌大排檔形式， 地方寬敞乾淨， 雖然沒有冷氣， 但四方八面通風， 涼得冷氣多， 嘆下天然風，又作另一番感受🤩🤩有多款選擇， 跟大酒樓不遑多讓冷盤選了日清蔥油海蜇size 夠份量，4個人都夠食 海蜇爽滑清甜，加了小許芹菜粒更覺惹味果皮蒸鮑魚舊陳皮香濃，配鮑魚簡直是一流，雖然鮑魚唔算大隻， 勝在新鮮肉厚蝦醬通菜鮮魷家常小炒， 蝦醬味濃， 水準之作 脆皮德國原隻碎豬手餐牌特別介紹， 必選菜色之一， 沒有令人失望， 皮脆肉厚， 瘦的嫩口，肥的食落骨膠感重， 全部切開一片片，方便進食， 慢慢咀嚼食淨了一大條豬骨， 打包回家煲湯物盡其用🤗🤗🤗…查看更多

喜歡行到邊食到邊嘅我，今日途經石硤尾邨當然要試佢地屋邨大排檔搵食，經過見到一間新開又係大排檔又可作私房菜餐廳就更係要試試。新鮮腩排鮮菠蘿生炒骨味道非常濃郁，而肉排炸得非常脆口不會過火變得好硬同沒有油膩感覺肉質彈牙再加上新鮮菠蘿肉甜甜酸酸份外好味。蒜椒洋蔥焗美國桶𧐢送到上枱時侍應細心地幫我們將桶𧐢炒均一下令到洋蔥同蒜椒香味更加撲鼻，大大隻桶𧐢脹卜卜入口肥美，特別一提洋蔥非常鮮甜味美蒜椒口感好有避風塘口味特色。面醬唐生菜入口味道感覺到濃濃麵豉醬味道但沒另到生菜油淋淋，反而炒得生菜脆口美味。一向喜歡食避風塘菜式，就當然要叫招牌菜避風塘豉蒜海中蝦，上枱時蒜香撲鼻，而大大隻海中蝦肉入口非常彈牙鮮甜絕對係新鮮貨式實在是必要之選。黃金脆魚皮賣相非常吸引見到薄薄嘅鹹蛋黃醬細緻地包着每片魚皮，不但另每塊魚皮充滿着鹹蛋香味，不油不膩口感非常脆口，特別作為左酒小食絕對是Encore 之作。…查看更多

一位好友介紹的私房菜，果然係大師級水準，這間私房菜在石硤尾村19座平台，七點鐘左右已經坐得滿滿，好彩有預先訂位！入夜後坐在露天的平台上，特別有風味，而且香港這類餐廳、大排檔，真係買少見少，真正嘅香港原味道！好開心見到老板（Dee 哥），他親自幫我們落單，細心了解我們對食物要求，更特意推介 Dee哥蔥油雞。Dee哥蔥油雞骨細雞肉滑，充滿香蔥油味，半隻幾個人，不到一陣間，即刻美人照鏡🤣🤣。避風塘豉蒜海中蝦無論色澤、香味、味道都難以阻擋，吸睛度極高，經過由泡的蝦，依然保持海蝦的鮮味，配合避風塘豉蒜，可以説是絕配。大排檔氣氛又點少得冰凍啤酒🍻，和老友日起暢飲。大盤胡椒鮮鯇魚鍋香濃的胡椒湯內放了魚頭和魚尾骨之類，香氣撲鼻， 我們先喝下一碗胡椒湯😋，其後再放入切片的鯇魚，輕輕在鍋中拖一下，感受係一個字（正）。😘😘蒜蓉鮮魷飲酒不少得的餸菜，惹味、入口爽彈。感覺要支持香港原味道！後日有朋友生日，一於再找Dee 哥落 booking先，再試吓其他菜式😋😋。…查看更多

一行四人相約於石硤尾晚飯聚舊，有朋友推介十九座平台嘅"Dee哥私房厨房"話抵食，好味道。 今晚 慕名而來，到達平台時間約六點半氣氛已經好有熱鬧，人氣旺盛，原來係跑馬日。 "Dee哥私廚房"的枱幾乎已訂滿，幸好仲有少量枱，祗見老板Dee哥親力親爲咁熱情招呼每枱食客。 坐低後 環顧四周，地方寬敞通爽整潔，感覺風涼水冷，還有幾部電視提供，真係一個食住睇波睇跑馬嘅好場地！ 朋友之前來食過，介紹左咗個;私房大盆魚 $ 268用料有~生猛草鯇魚/半邊頭，骨腩作湯底，原條鮮鯇魚身切片。一大盤連爐上枱好有氣勢！啲湯呈奶白色，還有其他配料，先飲一碗湯！鮮味到不得了！魚頭，骨腩都好滑！愛食魚嘅我真係食得好痛快！份量十足一大碟刀功精美嘅鯇魚片，輕輕一灼，鮮甜嫩滑！真係 無械可擊!若加多碟牛肉更和味嘅，但太飽喇，唯有留番下一次試！葱油鳼葱油香噴噴！鷄肉煮得好嫩滑！椒鹽鮮魷好柔軟，炸粉少，有鮮味，熱辣辣 鑊氣好夠！佐酒一流！！朋友真冇介紹錯！有氣氛，小菜小食款式多，又好味夠 鑊氣！ Dee哥招呼好，價錢夠合理！我哋都認爲好抵食！真係高興要乾一杯！成晚邊食邊睇住跑馬 喝下采！ 無拘無束咁，真係食得好開心！…查看更多

休假前夕，心情份外輕鬆，哥哥帶我到石硤尾食好西。許久沒像今夜那般大辣辣的如粗豪男人的食一頓。此環境實在有兒時感覺，不拘小節的務實嚐美。避風塘茄子粒第一次叫，上枱似一口炸豆腐，還以為來錯了。沿用經典避風塘做法，和少少辣蒜粒翻炒，酥炸茄子極香口，外脆內軟，好得意的口感，好嶄新的嘗試。辣酒煮東風螺雖然量不會好多，可幸汁醬無過稀或過油的違和感，螺肉又彈又有嚼勁，少少辣調味，是bb級的辣！蒜椒洋蔥焗廣島蠔煲size大過美國桶蠔，上台一刻有些驚訝🙀5大隻已佔據一大個煲仔(⁎⁍̴̛ᴗ⁍̴̛⁎)不會干身，爆香的蔥蒜完全屈到蠔肉上味，收干了的廣島蠔，再一步突出其鮮味濃，讚。咸魚蓉馬蹄煎肉餅肉餅不算油，煎得乾爽，脆脆地表層，中間有馬蹄中和一下，至於我至愛的咸魚呢？！亦有不少，咸香四溢，再沾酸汁，辟走了豬肉的膻味😍相當可口。食後感：好有邨屋大檔特色，食物幾大份，小炒不錯。…查看更多

好友最近發掘到一個新食店，於是相約幾位朋友一齊去食，原來係位於石硤尾邨平台新開的大排檔，食大排檔梗係一大班人開開心心可以叫多啲嘢食先來一支啤酒解下渴，店員就推介黃金魚皮佐酒，這黃金魚皮冇得輸，唔食真係走寶，入口充滿蛋黃香味魚皮酥脆無比，每一片魚皮也平均地黏滿金黃色的蛋黃，一送入口，大家也不禁動起手指大讚，就算多吃也沒有油膩感，原來這個炸魚皮很久以前已經是這家的自家創作招牌菜, 真心推介好值得食日本海蜇，另一必食之作，爽口彈牙醬汁惹味#避風塘洋蔥筒蠔，店員幫忙用二只匙羹將食材兜兩兜令炸蒜黏上洋蔥上，洋蔥鮮甜，大大隻蠔加上炸蒜，非常惹味再來一個避風塘䜴蒜海中蝦，海蝦新鮮彈牙夠大隻，連蝦殼也有醬汁味，好友話好味到要連蝦殻都食埋脆皮德國鹹豬手，外皮酥脆，食落脆卜卜，豬手烤得又軟又淋，佐酒一流，估不到大排檔也能做得咁出色麵豉醬炒生菜都好出色，生菜碧綠新鮮，麵豉醬調得剛剛好不濃不淡，十分惹味雖然坐的是室外，但晚上比較清涼，老實說就是要坐室外這才是吃大排檔的風味，整體感覺非常好，食物有驚喜，環境衛生，店員親切，下次再相約好友一起再來吃…查看更多

深水埗大排檔就食得多，今日跟了个識途老馬去石硤尾Dee哥私家厨房食晚飯，吾好誤會，系正宗大排檔。我朋友十晚起碼有八晚浦大排檔，佢喜歡無拘無束，可以飲下啤酒，大聲d講野都吾怕，而且氣氛熱閙，餸菜夠鑊氣又夠份量，不用加一。Dee哥私家厨房在石硤尾A出口轉右行大約4分鐘有條天橋上平台，圍繞著的是舊型的公屋，好有六十年代感覺。他一坐下先叫了兩支啤酒，侍應哥哥很識做用冰筒裝著看看餐牌，價錢不太貴，於是點了~薑蔥麻香撈爽滑魚皮是我超喜歡的涼菜之一，比起我平時在粥舖吃的還要便宜，吃下，超有驚喜，薄薄的，很爽脆，不腥，還有濃濃的麻油香味。椒鹽脆魷魚炸得剛剛好，不過火，魷魚件件很厚身，咬落外脆內軟熟，不乾身,我終於忍唔住，同侍應哥哥講真係要讚下廚房，因為比起某些名牌大排檔還要好味，侍應哥哥講原本厨師是做開私房菜的，噢！怪不得這麽好吃。避風塘豉椒海中蝦估不到是用大海蝦，不欺場，海蝦超大隻又爽甜，蒜香入味，佐酒一流。椒絲腐乳通菜鑊氣很夠，香噴噴，伴著習習夜風，喝著啤酒，吃著超水準食物，又不會怕限時限刻還枱，真好！值得一提的，我這个外來人如果朋友不帶著不會知平台上有食肆，店主可考慮加塊路牌指引…查看更多

疫情未減,老友聚會也不忘, 當然聚會之餘也不要忘記保持衛生,我今次就走咗去搵火喉十足的懷舊大排檔, 講到大排檔點少得去石硤尾街市樓上的熟食檔, 因有一間叫（Dee哥私家廚房）講到屋邨大排檔,梗係要懷舊坐冷行先至有風味, 但環境也打理得很乾淨, 位置也相當通風大排檔的菜排梗係簡潔為主啦先來一個頭盤「冰鎮涼瓜」 經過冰鎮後,涼瓜更能帶出他的甘苦味, 食落時也很爽嫩口, 只需小許芥辣便更能帶出味道來一個香口的「脆皮德國咸豬手」 單看賣相已經很吸引, 食落口面皮脆卜卜, 而鹹豬手的肉汁亦在不會太鹹, 易然很保持鬆軟呢個「好搞嘢啫啫通菜煲」 味道很惹味, 通菜咬落很嫩口,不會煮得太燶及干身點解叫「一口炸鮮蝦雲吞」,因為真係一啖一隻, 食落口感覺是新鮮肉製的產品, 吞皮炸得香脆及薄, 所以雲吞的肉汁仍保存得很好講得「新鮮腩排新鮮菠蘿生炒骨」,原來真的用上新鮮肉骨煮, 因咬落很有口感,不會是雪藏豬肉再用大量梳打那, 酸甜味也剛好,和不會很黏口…查看更多