Day One Cafe (駱駝漆大廈第三座)

營業中

休息中

食肉獸注意！ 呢間隱藏喺觀塘工廈嘅咖啡店，招牌「安格斯肉眼扒配黑松露薯蓉」絕對係驚喜之作！300g厚切肉眼扒 ，性價比高到爆燈～牛扒點解咁正？肉質超班：用美國SRF極黑安格斯牛，油脂花紋靚到好似大理石紋，煎到外層微焦脆口，切開粉嫩五成熟，肉汁多到瀉出嚟！獨門醬汁：自家熬嘅紅酒燒汁，帶微微果香，唔會搶咗牛味，點薯蓉仲正！薯蓉C位登場：重點嚟啦！佢哋嘅薯蓉 加咗勁多黑松露醬，每一啖都係濃郁松露香，口感綿密到好似食緊薯泥雪糕，仲有粒粒薯仔增加咬口，真心係全港數一數二嘅神級薯蓉！推薦跟晚餐套餐：包是日餐湯/沙律 + 飲品。必飲蘑菇湯，真材實料打碎蘑菇粒，濃郁creamy！升級邪惡食法：追加薯蓉，雙倍松露暴擊，食到舔匙羹！

星期日同朋友食午餐，吾想去商場同人逼。所以行左去附近工廈，之前去過哩棟大廈其他餐廳，都覺得好一般。所以都冇乜期望，求其開OpenRice 搵左間未試過嘅cafe. 去到見到成間餐廳都坐滿人，我哋帶咗個小朋友，職員主動搵左張大枱俾我哋。叫左招牌翠玉瓜麵，好清新，好岩夏天食。開心果蛋糕香濃得黎吾太甜。已經覺得好驚喜。叫左兩杯咖啡，仲問我地要咩味嘅豆，估唔到咁專業，味道亦都好過好多連鎖咖啡店。絕對值得再次去

觀塘嘅工廈一向都有好多隱世小店，今次嚟到呢一間食西餐嘅day one coffee。蜜汁燒春雞配薯蓉 $138燒春雞即叫即燒，所以需時🔥。燒雞燒出嚟嘅色澤好靚，雞肉肉質非常滑嫩，肉汁鎖住喺肉入面，非常Juicy。表皮燒到好香微脆，食落唔會覺得好油，用刀叉輕輕切就已經好容易切開，啖啖肉好滿足🍗。另外配嘅薯蓉好綿密嘅口感，加上啱啱好嘅調味，食完唔會有負擔嘅感覺🥔。+$38可以跟餐有配是日餐湯同沙冰以外飲品。今次餐湯係蘑菇湯，個碗好精緻，望到碗蘑菇湯就覺得好Creamy🍄，質感都好濃厚，仲有少少蘑菇粒增添口感。士多啤梨梳打用新鮮士多啤梨果肉製成，飲到有啲士多啤梨果肉粒粒🍓，酸酸甜甜嘅味道，再加上梳打水，感覺好清新💧。黑松露忌廉雜菌扁意粉 $98係西餐經典配搭，面頭舖咗滿滿嘅芝士碎🧀，賣相非常吸引，每條意粉都沾滿咗黑松露嘅醬汁，意粉食落非常彈牙，好creamy，加埋雜菌作為配料令口感更豐富😋。

甚小少寫食評的我，也忍不住想推薦一下無意中找到此店，在網上看到主打多款健康菜，一直想去試試店內裝修簡約舒適，服務員殷勤有禮，還逐一介紹哪款適合、哪款可選走糖，還溫馨提示沙律汁可改為蘋果醋 👍🏻👍🏻 今天客人不多我們坐了很久，一直感到賓至如歸 ，還有多款想試，一定會再來😋😋 🌟 推薦大家值得一試 🥦健康生銅餐價格親民~ 招牌蒜香欖油煙鴨胸翠玉瓜麵 ~ 松葉蟹炒蛋酸種多士配沙律~ 熱桂花烏龍茶~ 凍茉莉花茶

喺觀塘駱駝漆行街其實成幢大廈都好多嘢食不過我哋經過見到呢間就俾佢吸引咗😆所以行到攰地又有啲肚餓，所以又入去食咗Menu見到呢間店主要都係健康類嘅食物岩晒我地呀😍1. 慢煮澳洲肉眼配薯蓉（set: 蕃茄湯）蕃茄湯就基本嘢啦我哋揀咗七成熟嚟到嘅熟到啱啱好店員都好好，我哋問有冇芥末醬都會即刻俾我哋肉眼好香，薯蓉超滑！！2. Mixed Berries Smoothies 雜莓沙冰，好清新，唔會太甜3. 煙三文魚黑松露醬炒蛋牛油果醬酸多士配沙律估唔到份量咁大咁多，呢個令到我哋好驚喜，最底嗰層係多士之後係牛油果醬上邊啲三文魚最面嗰層係滑蛋，黑松露醬好香一上枱嘅時候就已經聞到，沙律個醬汁係柚子汁，酸酸甜甜咁好開胃🤓

又到左happy Friday, 今次去左駱駝漆搵食。朋友帶左我去第三座6樓嘅一間cafe，叫做Day one cafe，令我諗起一套叫one day 嘅浪漫電影。餐廳環境行簡約工業風，坐得好舒服，啱晒情侶或者朋友聚會。餐牌見到有好多健康之選，岩晒做gym想keep fit嘅人士，而且只需加$38就可以轉套餐。咁抵，我地當然加左啦。是日餐湯係濃郁嘅蕃茄湯，每一啖都有蕃茄嘅鮮甜，仲有淡淡嘅奶油味，層次非常豐富。另外加個煙三文魚，三文魚嘅油香唔膩，仲有少少煙熏味，正呀！主菜叫咗高蛋白質營養餐同明太子松葉蟹肉扁意粉。高蛋白質營養餐有雞胸肉同螺絲粉，配生菜同埋蕃茄仔，再加上沙律醋，味道一啲唔寡。雞胸肉食落算滑，醋汁唔會太酸，配埋沙律菜，非常清新，仲足足有成30 gram嘅蛋白質！至於明太子松葉蟹肉扁意粉，蟹肉都非常多，濃郁嘅明太子加上松葉蟹嘅鹹香，層次豐富。醬汁唔會太鹹，令人一啖接一啖。飲品方面，揀咗凍朱古力同埋抹茶鮮奶。朱古力味道濃郁，入口細滑。抹茶鮮奶入口唔苦，茶味同奶味配搭均勻，淡淡的茶香同細滑嘅奶味好match!

Day One Cafe觀塘開源道60號駱駝漆大廈第三座6樓U01室 駱駝漆大廈入面多野行 ，有冷氣，已經同我哋想像中既工廈好唔同樓下又有outlet，小吃、 形形色色嘅地舖＋$38可跟餐湯/沙律，仲有一杯野飲建議加$38 因為一杯飲品都多過$38慢煮澳洲肉眼配薯蓉以其嫩滑的肉質和豐富的風味而著稱肉眼在低溫下慢煮，保持了肉的多汁與鮮味，搭配細膩的薯蓉我叫左5成熟 好嫩 見到紅通通 嘅血紅蛋白juciy ！！Salad 係小蕃茄 生菜 羽衣甘藍加啲酸汁- Lime Kiwi Mint Soda照燒雞肉串燒（5串）好大份 每串都啖啖肉串燒外皮微焦，醬汁濃郁

📌位於觀塘駱駝漆工業大廈，裝修比較簡約 以黑白為主🖤🤍好有文青feel 主打健康菜式👉🏻高蛋白＆低碳＆生酮健康餐 特別適合注重健康和健身人士🙌🏻🍴菜單有heavy嘅意粉 亦有生酮飲食menu，仲有提供野菜花飯&翠玉瓜麵等，真係好難得💖設有甜品櫃 有多款蛋糕選擇🍰·`♡·All day breakfast 健康輕食之選💚材料豐富 份量同種類都好多鴨胸肉｜秋葵｜三文魚｜牛油炒菇｜溏心蛋有肉有蔬菜感覺唔會太漏 食完真心飽·`♡·高蛋白質營養餐呢個餐含約30g蛋白質 足足有200g雞胸肉👍🏻三色螺絲粉色彩繽紛 一眼睇到就感到食欲大增 雞胸肉畀想像中滑 唔嚡 調味啱啱好 好味又營養豐富 螺絲粉底下仲有一份黑醋沙律🥗酸甜適中 清新可口🥰·`♡·小山園抹茶鮮奶拉花好靚 抹茶&牛奶&冰塊比例啱啱好 可以感受到抹茶嘅香氣和少少苦澀感 ·`♡·小山園焙茶鮮奶茶夠香 味道濃郁 加入鮮奶口感更順滑✔️主食可加$38升價套餐 包括餐湯/沙律及任何一款飲品（沙冰需另加$10）✔️加一服務費

觀塘駱駝漆大廈三期一向都有不少特色餐廳小店，今天趁著有半天假期，我跟好友隨機來到了Day One Café吃午餐。餐廳雖然不大，但環境舒適，裝潢風格簡約，同時型格十足。這裡的食物有不少選擇，當中有健康低碳的主食，例如有翠玉瓜麵、蒟蒻麵和椰菜花飯，一般在Café比較少見，挺特別的。不過這次我們並沒有點這些減肥恩物，反而點了一份泰式冬陰功海鮮扁意粉及香煎澳洲草飼肉眼牛扒配薯蓉。先來主食跟餐附送的南瓜湯，南瓜湯奶油味適中，不會過膩；口感綿密順滑，小小的一碗令人想多喝兩口，我挺喜歡的😄泰式冬陰功海鮮扁意粉，濃郁的冬陰功醬汁帶點微辣，但味道略嫌偏鹹；材料份量頗多，有新鮮彈牙的大蝦和魷魚、蘑菇及蕃茄；意粉軟腍程度恰好，也很掛汁。七成熟的草飼肉眼牛扒，肉味香濃，肉質既鮮嫰又軟腍；牛扒灑上少許鹽，蘸配醬汁，很美味🤤 奶香味的薯蓉香滑軟綿，配有微酸的蕃茄仔，整體不錯！雖然這次我們點的食物不多，但我覺得食物質素是挺好的，價錢也不貴，希望下次再來試試其他菜式呢🤩

難得去開觀塘有野做，做完野約左朋友去駱駝漆大廈食個tea，叫左少少野食share，當搵個地方坐下傾計，可能平日既關係，晏就大廈好少人行，cafe都系得1-2枱客，所以坐得幾舒服。明太子松葉蟹肉扁意粉 $128估吾到有好多蟹肉，啲蟹肉仲要大大粒，明太子醬幾creamy，個人推介！氣炸雞翼 $52原本以為系有炸粉既炸雞翼，原來系燒烤辣醬汁既氣炸雞翼，都有少少辣。奶蓋棉花糖牛角窩夫配雪糕 $92熱溶棉花糖加奶蓋，味道吾會好甜，配埋牛角窩夫食好味道。

如果想食得健康一點不妨可以來試下呢間隱藏在觀塘駱駝漆大廈6樓Day One Cafe. 食物質素誠意十足，環境亦十分舒服。餐廳雖然不算大，但勝在柔和 有格調。餐牌好多都係健康之選，主打低碳及生酮啱晒我呢種注重健康人仕。實在有選擇困難好多都想食，全日早餐有秋葵、牛油果、牛油炒菇都係我好鍾意嘅食材。但又想食慢煮雞胸牛油果沙律 ，最後揀左鮮蝦蕃茄忌廉椰菜花飯$108，加38蚊升級做套餐仲有沙津或餐湯及飲品再加多28蚊有煙三文魚2片😋要左南瓜湯，用來盛湯嘅陶瓷碗裝滿金黃色湯好吸引，湯夠熱味道又濃甜質感幼滑。一向都好想自己試下煮椰菜花飯，但又怕花時間，所以見到餐廳有，一定要點。蕃茄酸酸甜甜好開胃，鮮蝦爽口大隻，椰菜花切碎口感嘅似飯但比食飯更為健康甜品tiramisu入口軟滑，不會太甜，好好食。已經急不及待約定朋友再來😂

隱藏在觀塘的工廠大廈裡，Day One Cafe以簡約的裝潢與寬敞的座位空間，營造出寧靜而舒適的用餐環境，成為都市人放慢步伐的好去處。店內提供多款主菜、小食及甜品，凡點選任何一款主食，即可用優惠價 $38 升級做套餐，包括餐湯或沙律及任何飲品一杯，另外加$10仲可享用沙冰。蘑菇湯濃郁順滑，蘑菇的天然香氣充分滲透其中，入口帶有淡淡的奶香，十分暖胃。沙律清新爽口，蔬菜鮮嫩，搭配輕盈的柚子醬汁，展現出健康又開胃的風味。招牌蒜香橄欖油煙鴨胸翠玉瓜麵是店內的亮點之一，煙燻鴨胸肉質鮮嫩，餐廳將翠玉瓜絲化身成麵條，健康之餘，更增添一絲清新口感，味道令人驚喜。黑松露忌廉扁意粉將黑松露的香氣，與creamy的忌廉汁，融合得相得益彰，每一口都滿載著奢華風味。小山園抹茶鮮奶茶香濃郁，抹茶微苦的韻味與奶香交織，形成和諧的層次感。草莓乳酸梳打清爽得來，亦帶有微微氣泡感，冰涼感沖擊味蕾，適合炎熱天氣飲用。整體而言，餐廳在食物質素、環境氛圍及服務上都頗具水準，值得再回訪。

今晚喺觀塘醫肚，喺駱駝漆大廈搵食，入咗 <Day One Cafe>，一間新開、走工業風嘅 cafe ~仔細睇餐牌，<Day One Cafe>主要提供西式健康菜式，不乏生酮、低卡菜式，咖啡選擇都好多好 pro 🧐加咗$48升級咗其中一個主食做套餐，配沙律同沙冰🧑🏻‍🍳👨🏻‍🍳套餐沙律🥗竟然有 superfood 羽衣甘藍，誠意滿滿🤗 沙律菜夠新鮮所以好食☺️ 簡單清新檸檬味沙律汁，激發食慾😎招牌蒜香橄欖油煙鴨胸翠玉瓜麵 ($92)翠玉瓜麵口感爽脆，好易入口，不經意就一口又一口食好多翠玉瓜入口😝 鴨胸多汁、香、惹味，令人耳目一新、眼前一亮，招牌菜肉食，有名又有實🤩👍🏻🙌🏻明太子松葉蟹肉扁意粉 ($128)好一味足料而且處理得好好嘅海鮮忌廉意粉😇 海鮮食材配襯每一啖意粉，唔會落空😙 意粉要彈牙有彈牙🤓 醬汁要掛汁有掛汁😎 明太子聯乘忌廉，味道誇啦啦🥳 一大堆松葉蟹肉，超開心😆鮮牛油果沙冰絕對係夢想中嘅一杯牛油果 smoothies 😍😍🥹 質感 smooth 得嚟又同時又飲得出牛油果纖維同獨有鮮香，好正好天然🫶🏻 今餐 dinner，肚仔同味蕾都好滿足😚

去觀塘做完gym，搵到附近呢間以健康飲食做主打嘅cafe，裝修行型格同簡潔風格，坐得都舒服🙆🏻‍♀️煙三文魚黑松露炒蛋牛油果醬酸種多士配沙律 $98黑松露炒蛋仲大過我塊面🤣黑松露香味好出👍🏻煙三文魚又足料，配埋牛油果醬酸種多士好食又健康又高protein~ 個人覺得配沙律嘅檸檬柚子醬幾特別，酸酸甜甜好fresh幾開胃，食菜食得好開心🤪高蛋白質營養餐 $98 幫你計好晒protein同碳水比例，健康/gym必選🏋️！200g 慢煮雞胸🐓份量一啲都唔少，以為慢煮好dry點知又juicy👍🏻120g三色螺絲粉補充碳水，配埋黑醋沙律🥗原來健康嘅嘢都可以整得好食🤤其中一個餐+$38轉左set, 跟是日蕃茄忌廉湯同一杯飲品，仲試左杯dirty。作為咖啡外行人嘅我都飲得出啲咖啡豆好有質素👍🏻fruity口感帶有果香，配埋牛奶，飲每一啖都有層次感😎見到餐廳唔少甜品都好吸引🍮做完gym唔咁邪惡，留返下次配埋咖啡一齊食☕️

長假期前一晚想食西餐, 係openrice搵到呢間未試過嘅cafe~ 本身以為長假期前好多舖頭都要排隊, 所以一收工就趕過去, 但七點前間舖完全冇人, 所以都係門口諗左一陣入唔入去食🤣入座之後叫左明太子松葉蟹肉扁意粉, 意粉都幾彈牙,都幾好食! 朋友叫左sourdough同泰式冬陰功海鮮扁意粉, 朋友話sourdough加左olive oil都好食但意粉太辣了🤣🤣 可能佢平時都唔係成日食辣🤣 整體黎講我覺得份量同味道都ok, 可以再黎食過~