Davinci Cook (已結業)

真心好食，果日因小朋友生日去食dinner, 因唔知食咩，就係open rice度搵，3大3小，叫左2個沙律，白酒煮蜆，牛扒，pizza, 漢堡，帶子意大利飯，味道真係唔錯，上菜又唔會等好耐，重有得叫外賣，值得推介，唯一缺點係位置比較難搵，同冇得泊車重要找數都係千3蚊，每人都係2百幾，覺得都唔算太貴，幾底食.

將軍澳 坑口村多嘢食，昔日影視界，好多一二綫明星，都落嚟食，中式小菜西式扒餐有，泰式咖哩日式定食意大利都有，仲有平常嘅碟頭都有，又有好靚嘅意大利餐有，薄餅批薩重可以外買。呢次就嚟達文西，西式扒餐，其實食過好多次㗎啦，招牌龍骨無得輸，呢次都係食番兩個招牌餐，西冷牛扒，加埋個醬燒龍骨餐，兩個食嘅係好靚，跟洋蔥湯加兩杯咖啡，午餐定食，埋單兩舊水有找。唔食唔知咁好味，食過一定返尋味，我哋 週時都落嚟食呀！醬燒龍骨跟扁意粉西冷牛扒跟飯 洋蔥湯 跟蒜蓉包 招牌咖啡 冇得彈呀市餐價錢 兩佰有找。

肥腩腩最錫蜜桃小丸子，成日都帶我周圍食好野，今次就嚟到坑口村嘅一間小店來品嚐晚餐。如果唔係肥腩腩，相信自己一個都唔會識得嚟呢度覓食，畢竟提到坑口，大多數人都只會諗起東港城。六時多去到餐廳，可能因為是平日的關係，客人就只有我倆。聽肥腩腩講，餐廳的老闆就是廚師，假日的時候可是很多人呢！因為廚師只有一個，有些客人會等得不耐煩便走了，幸好今日是平日，所以實食到美食。因為知道我鍾意食芝士，所以腩腩頭盤叫了Maple and Brie Croustade。Brie係來自法國的軟芝士；Croustade係法文，大致上可解作脆嘅面包。今次菜式嘅Croustade就似係多士，少少甜，帶有香草味，脆脆的。啲Brie上有杏仁和開心果，淋上了楓糖漿，很柔軟的，味道不會太濃而令你感覺很濟。將一小塊芝士伴上多士上，一啖吃下去，口裏一方面吃到芝士的香軟，另一方面又吃到多士的香脆，再加上果仁，口感很是豐富。主菜是美國黑安格斯肉眼扒。手扒燒得很香，肉上有一格格的坑紋，可惜是用了一些日本醬料，令到味道偏重，有點兒遮蓋了肉香。不過整體來說，份量是足夠，味道還是不錯。另外還叫了冬蔭公意大利飯。飯粒很大，質量很好，可惜是煮得不

還是比較喜歡支持本地小店其實質素比起很多大型連鎖食店更好雜果圈圈果汁 有菠蘿提子檸檬等等各種生果，飲落唔會太甜，味道非常唔錯自家製蒜蓉包，麵包烤得好脆，蒜蓉味同牛油味吾夠，不過都算吾錯黑松露芝士薯條，非常濃厚嘅黑松露味道，可惜嘅係芝士只得一塊，唔係每一條薯條都點得到芝士。薯條係薯仔新鮮切出嚟，唔係急凍嗰種，所以食囉非常有薯仔味，而且焗得脆卜卜熱辣辣，非常好味海鮮pizza入面有，蝦，魚，八爪魚，芝士鋪滿整個Pizza，羊架嘅味道非常好，有肉汁唔會太乾亦都唔會太韌，配上芥辣同埋薄荷汁，帶出淡淡的羊肉味，唔會太蘇配菜有薯仔，翠玉瓜，筍蘑菇忌廉湯，一飲就知絕對唔係罐頭湯，飲落每一啖都係粒粒嘅蘑菇，再配上蒜蓉包，簡直係絕配。非常值得推介嘅德國鹹豬手，外皮烤得非常之脆，但係肉質唔會太乾，比起平時出面食開嘅鹹豬手都係好咸，但呢個唔會太咸，好容易入口，再加上芥末同埋茄汁，兩個字一流！豬手下面嘅配菜有焗薯角，同樣吹脆卜卜，熱辣辣非常好味唯一嘅缺點係為之唔太方便，雖然你地鐵站唔係太遠，但係比較偏僻。而且侍應嘅態度比較唔好，不過食物質素真係非常之好。建議大家去之前記得訂位，因為室內位置空間有限，如果冇訂位

難得假日同O先生去完西貢休閒放鬆下，雖然西貢好多野食但我地下晏食到飽飽地，見未係肚餓仲有時間就諗住轉下地方食野，於是我地就嚟到有好多美食既坑口村，今次即興book左Davinci Cook, 我地成9pm先到但呢度仍然非常熱鬧；位置有d隱秘但唔難搵。我地隨意點左碟Stuffed porobello 煙肉波菜釀燒烤菇, Porcino creamy fresh clams 牛肝菌忌廉煮蜆，Crispy pork knuckle 脆豬肘，同兩杯Best seller mocktails, Fruit loops 同 Pussy foot。首先上碟既係碟硯，O先生一食完就叫我快d試，確實幾好味又唔多沙，d汁好多好creamy，幾乎想當湯飲，蒜蓉包亦唔差；反而兩杯mocktails就一般，好似買果汁先生溝埋咁；希望唔好俾我講中）略嫌冇乜誠意。跟著上碟pork knuckle，好大份好香，薯角啱啱炸好，好脆好薯好好味個pork knuckle就咸左小小但皮非常香口鬆脆，我地兩個人都食唔晒，如果3-4個人食份量應該就啱啱好好彩之後職員唔記得左仲有碟菇，因為都店舖差唔多close所以我地都取消碟mi

同一班將軍澳之友相約，想食得特別啲，就揀係坑口村嘅餐廳食，呢度真係隱蔽到住咗十幾年坑口嘅將軍澳之友都未嚟過間餐廳四四方方，一眼望晒，因為係平日夜晚去，相對少人，可以靜靜地同朋友傾計，傾傾吓傾咗幾個鐘都冇俾人趕（雖然去到後期得返我哋同老闆佢哋有啲唔好意思 😳）食物都有返咁上下水準，我同朋友都滿意，價錢都合理，可以再encore 😋 我最愛的nachos 😋

今日係下雨天，但我仲山長水遠入到坑口村食呢間餐廳，果然無令我失望入到去餐廳真係凍到癲，仲「見到」啲冷氣湧出黎，好似入咗雪房咁...以往我一直一直都好中意食羊，但普遍既西餐廳就永遠都只會得一個item係屬羊肉、將佢放到最底，仲要唔平添！不過！我終於搵到一間好有驚喜、又有例外既好餐廳喇！唔好心急住，先要講講佢既餐湯同前菜，真係十分不得了！！相信佢會係我呢世人so far覺得最好飲既蘑菇湯佢既蘑菇粒有大有細，真係啖啖都有滿滿既蘑菇粒不突止，每一口都好香，忌廉又滑；佢亦有磨碎黑胡椒，每一啖都帶點微辣，飲落口熱辣辣 全身都暖晒，冬天飲應該好正，好足料美味！啊！唔怪得佢冷氣開到咁大啦而佢個蒜蓉烘多士就係一個好好既伴碟，因為蘑菇湯濃味既同時，食一啖蒜蓉包，顯得佢唔會熱氣之外，則加添一份簡單同口感既差異。主~~~菜~~~！我所order既就係烤羊架配飯佢無論係主菜、伴碟既味道、賣相都值100分！先講佢既伴碟，有既係一片蕃茄、一片青瓜同一堆火箭菜，都係比較fresh既配菜，而令我為之一振既係唔少得既醬料。佢並唔係普通咁將醬汁另上 / 將啲醬汁倒係碟邊，佢有既係藝術！放啲汁都型過人，將芥末醬同薄荷醬塗於碟

行過坑口搵野食, openrice 見到坑口村呢度有幾間餐廳聚集, 過左黎睇一睇呢間Davinci Cook 主打係食西餐,MENU D菜式款扮到好似好高級咁, 但LUNCH SET價錢只係約$70蚊, 於是入黎試下我叫左個西冷牛扒配薯角, 一黎到睇個賣相就知有D伏伏地,個牛只係普通最CHEAP果D牛扒, 仲要配左隻芝麻醬, 有D怪怪地雖然唔係難食, 但係同佢MENU比人個expectation 都有一段距離不過佢個SET仲有湯有包有野飲,當係填飽個肚都OK GEI

由於餐廳位置關係，不近路口，沒有車來車往，也避開了人流的嘈雜聲，是談天的好地方。食物滿意，套餐份量足夠，可選沙律或餐湯。若在套餐加入精緻甜品，就更覺完美！我吃的是三文魚排餐，配菜有菇煩和茄子，份量是十分足夠，好努力都未必能全部吃完。

今日去坑口村探同學，傾下講下好快到就到了晚飯時間，同學一家準備出外晚膳，原來今日是同學妹妹生日，伯父母好客氣，佢請埋我去一齊慶祝，他們訂左村內一家西餐廳，名叫Davinci Cook，佢地話尼間D野好好食，老闆又好好人，同D客人打成一片，有傾有講，氣氛好好！首先來的是海鮮大會，有青口、大蝦、魚柳和墨魚，外層鬆脆，海鮮熟度剛剛好，不會炸過火，伯父最鍾意用來送酒。這款是我最喜歡的，是澳洲安格斯榖飼鮮西冷，有熟度選擇，同學本來要5成熟，但伯母話要熟D好，選了6成熟，外層煎封左，鎖住肉汁，西冷肉質鮮嫩，牛味香濃，正！尼款是同學全家人每次來都要食的，是一個特色海鮮薄餅，我食了也讚美味！餅底又薄又脆口，用料有青口、蝦、魚柳、墨魚、芝士等，加有義大利青醬，惹味又美味！餐湯是濃濃的牛肉湯，牛肉和香草味都好香，滑滑的口感，好飲！炸蝦餅好香脆又彈牙，味道鮮甜，比泰式越式的更有口感更美味！同學喜歡松露香味，所以她點了松露磨菇燉意大利飯，果然！松露散發的香味好吸引，我也忍不住食了一些，飯好creamy，加有磨菇增加口感，美味可口！飯後甜品心太軟，流心朱古力，鬆軟蛋糕，冰凍雪糕，再加上少許脆脆片增加口感，甜甜的

食物質素可以。不過以佢嘅價錢份量真係太少！$198豬扒，得手掌咁大一塊，配菜要另加$30！最重要係成間舖頭得三枱客，都要漏單。等咗成半個鐘，淨係黎咗兩罐可樂。追佢，有個waiter企係bar位唔肯出黎招呼！等左差不多45分鐘先上第一碟青口。份量少得出奇。$108一一疊得六隻青口。剛剛仲遇着一班小朋友環境相當噪雜。其實坑口要食扒有其他更好的選擇。食咗＄550好似冇野落肚咁。以咁嘅價錢可以食更好嘅食物。

上次同細佬試過坑口村日本美食，見隔離有間西餐廳，細佬當時已經話要試，難得今晚我地都早收工一於就入坑口村試試Davinci Cook。餐廳面積不大，裝修雅致，酒巴置於一傍，店內配以暗暗的燈飾好有情調，可惜係同細佬嚟😂Menu有好多選擇，前菜/沙律/主菜/甜品樣樣都有~款式多岩晒饞嘴嘅細佬。除左主餐牌外還有晚市套餐供應，由於細佬想試小食所以我地就決定散叫喇。檸檬沙冰好清新嘅檸檬味，味道天然，而且酸味突出，有助生津解渴，非常醒胃。Red berries tea滿滿一壺可以飲足一晚，果茶味道酸酸地，散發陣陣果香，同樣好開胃解膩。凱撒沙律沙律菜好新鮮爽甜，面飽烘到有焦香味，醬汁味道不會好濃，更能突出沙律菜的鮮味👍車打芝士焗松露薯條松露和芝士配搭好夾，松露的香味加上芝士綿軟的口感包圍住脆香薯條同吃，感覺吃多都不會膩。香茅雞翼雞翼炸得好好，皮脆肉嫩，一咬會聽到嗦嗦聲，而雞肉仍然能保持嫩滑多汁，香茅味出，配辣蕃茄醬吃就有另一番感覺，好惹味😍加拿大頂級穀飼豬扒好靚嘅擺碟，豬鞍放係烤雜菜上，豬鞍好軟淋，有肉味而不會有肉臊味，有芥末及果醬兩款醬汁，我喜歡點果醬，甜甜的果味和豬肉好夾。烤雜菜烤得好香而不乾身👍

記得上次去坑口村食日本料理，侍應說隔鄰有西餐店，名叫Davinci Cook，也是他們老闆經營的，有空來試試！我見日本食物的質素好好，今天就約埋妹妹前往西餐廳晚餐，之前去過坑口村，所以今次吾難揾，地方也是村屋地下，但裝修一點也不馬虎，和鬧市的餐廳沒有分別，一樣雅緻整潔，座位舒適！海鮮大會：有墨魚圈、蝦、魚、青口，炸得外面好酥脆，材料剛好熟，點些醬汁提升食物的味道，惹味又香口，還有脆脆的薯條，這款用來配酒類飲品一起食真是一流！特色海鮮薄餅(大)：海鮮有青口、蝦、魚、墨魚、芝士，還用了義大利青醬增加香味，餅底薄脆，十分美味，還有大、中、小份量可選擇，適合客人選擇！松露蘑菇燉意大利飯：松露份量也不少，上枱時香味四溢，蘑菇清香飯creamy，十分美味！是日餐湯：牛肉湯，味道十分濃郁，味甜帶香草味，蒜蓉包也很香脆！晚餐沙律：沙律菜好新鮮，配沙律醋好醒胃！重量級鐵板燒什扒：好大碟！真的是重量級！熱騰騰的鐵板盛載了排骨、煙肉、雞肉、薯角等。雞肉中間還有青瓜和紅蘿白，增加口感外，還很健康，雞肉嫩滑。排骨烤至微微蕉濃，入味香口，薯角也很香脆！好味道！澳洲安格斯穀飼鮮西冷：我們選擇5成熟，外面煎香，內面肉

入到將軍澳做嘢， 放咗工同同事搵嘢食 ，本身諗住去上次間日本嘢， 不過發現好多人， 決定轉戰喺側邊嘅意大利菜， 一行四人， 時間啱啱好，好快就可以入座 。先黎芝士辣醬焗玉米片， 估佢唔到焗玉米片咁出色， 配埋上面嘅芝士同埋辣醬， 味道更加出眾， 最重要大食夾抵， 四個人食，大家都食得好開心，作為伴酒菜， 啱啱好。下一樣四色芝士春卷， 四種唔同嘅味道，1.Lasagna 2.Pasto Chicken 3.Pancetta & Leek 4. Blue Cheese。 最可惜原來係唔夠春卷， 不過店主好好人問我哋不如試下幾舊蝦餅， 梗係冇問題啦，同一個價錢又可以試多啲唔同口味， 四式春捲四種芝士都有， 不過最好食嘅我自己都係鍾意 blue cheese， 貪佢夠曬臭芝味一流。 炸蝦餅同樣出色， 炸到香香脆脆，最重要真係用蝦打成嘅蝦餅，真材實料。純牛肉漢堡配美國瘋薯條， 又係只愛之一， 每間舖頭都一定要試， 最得人鍾意就係個漢堡包，拗落質感好，有麥味。 配埋炸薯角夠曬香口。香烤雞肉薄餅卷， 本身以為會好似土耳其式咁，卷好晒， 估佢唔到仲可以自己卷， 可以因應返自己食幾多黎卷，都真係一個唔錯

早兩日，朋友約左我到她家村屋的餐廳食日本菜，這餐飯，我地食得好開心，材料新鮮又份量大，難怪朋友都好喜歡到這村屋的餐廳食飯。朋友講開，隔離的西餐，都是唔錯的，有興趣，不如又相約大家來個晚餐吧！咦，倒不如我先來為個仔慶祝生日，食返餐晚飯。雖然地方不是很大，門前還放下了數張餐檯，還算舒適。不久，都坐滿了客人。這還有是設有星期一至四的特別推介、全天候優惠精選、及外賣，都是非常低食，隨時隨候都可以享受到美味的意菜。食物水準不錯，材料十足！車打芝士焗松露薯條，非常吸引，怕肥都會放埋一邊，食左先算。即炸薯條，好香脆，一點都唔會因炸得太乾身，無左質感，反之，仲保留左外脆內粉的口感，比當勞叔叔好食多倍，再加上芝士、黑松露醬點起來食，香上加香，美味，好快就全送入口裏。香烤蜜味豬手：香氣撲鼻，脆卜卜的外皮，內包著嫩滑的豬肉，啖啖肉，滿口鮮甜、又多肉汁、肉味甘香、不油膩，質感一流。燒排骨：老闆極力推薦我地要半份，因我地都叫左好多食物，怕食唔曬，但最後我都叫左半份。當送上燒排骨時，我地各人都*嘩*左一聲，只是半份，都咁大份，有五條骨，我地都擔心食唔曬，當時都已飽了大半。個胃已比它的外貌及燒烤香味所吸引著，每人都