影片
開飯介紹
美式餐廳，除了有隨口也懂叫的牛扒、燒排骨、洋蔥圈之類的食物外，這裡的凱撒沙律及藍莓批也不俗。精選的甜品如各款芝士蛋糕、雪糕新地也可以一試。
繼續閱讀
特色
適合大夥人
營業時間
今日營業
11:30 - 22:00
星期一至四
11:30 - 22:00
星期五至六
11:30 - 23:00
星期日
11:30 - 22:00
公眾假期
11:30 - 23:00
公眾假期前夕
11:30 - 23:00
*星期日至四：11:30 - 22:00 (最後食物下單 21:00 | 最後飲品下單 21:15)
星期五至六及公眾假期：11:00 - 23:00 (最後食物及飲品下單 21:45)
以上資料只供參考, 請與餐廳確認詳情
有關獎賞計劃
Dan Ryan’s 係我其中一間好鍾意嘅西餐餐廳，環境氣氛好好，又非常好服務，如果有小朋友真係好啱帶佢地嚟食，成日見佢哋揸住啲氣球，真係好得意，仲有兒童套餐，非常有心思！今日同朋友食晚飯，就叫咗佢哋Chicago set, 一個套餐有齊主菜，沙律，同甜品，覺得都幾抵食！一坐低，已經會送上餐包，餐包配上自家製士多啤梨奶油，士多啤梨味道非常香濃，配上熱烘烘的餐包，好味！招牌凱撒沙律本人超級鍾意食凱撒沙律，這裏出品出色，生菜非常爽脆清甜，凱撒醬汁清新不膩，灑上簡單芝士粉和麵包糠，已經夠晒好食！周打蜆肉湯非常濃稠，每一啖都有蜆肉海鮮甜味！手撕慢烤BB豬肉漢堡賣相超級吸引，漢堡包份量好大個，兩個女仔分享剛好。融合了慢烤豬肉的酥嫩多汁和BBQ醬的濃郁煙薰味，除咗手撕豬肉，仲有牛肉漢堡扒，紅洋蔥，生菜等等，搭配鬆軟漢堡，口感層次豐富！旁邊仲配搭酸黃瓜，一啖漢堡一啖酸瓜，酸酸甜甜的！炭烤封門牛柳炭火烤到外皮焦香，裡面保持粉嫩多汁。牛肉質地超軟，簡單加啲海鹽同黑椒已經好夠味，食落滿口肉香，係牛魔王至愛！ 炸薯條金黃酥脆，內里鬆軟綿密！士多啤梨Panna cotta嫩滑奶凍淋上自家製鮮甜士多啤梨醬，奶香同果香完美融合，入口即化，酸甜可口， 甜而不膩！紐約芝士蛋糕濃郁奶油芝士口感綿密厚實，餅底鹹香紮實，必點經典美式甜品！Dan Ryan’s 作為節日慶祝餐廳，的確係不錯的選擇！
繼續閱讀
和友人來太古城購物，之後一起吃晚飯。朋友想食西餐，選了商場入面嗰間「Dan Ryan's Chicago Grill」。餐廳主打傳統美國菜，店內裝潢極具美式派對氣氛，加上空間寬廣，非常適合一大班朋友聚餐！我哋每人點左個 Chicago Set，套餐包前菜、主食及甜品。先上麵包籃，有 2 款鬆軟嘅麵包和甜美可口嘅 muffin，誠意十足。周打蜆湯好幼滑，內有粒粒蜆肉、洋蔥、薯仔和甘筍等。凱撒沙律爽口又夠凍，配上醬汁，清新又健康。紐約煙燻牛肉三文治，用黑麥麵包夾住大量鹹香醃牛肉，牛肉質感軟腍，入口帶濃郁煙燻香，配高達芝士、白酸菜同千島醬，口感同味道都無得頂。慢烤美國進口BB豬排骨，火候控制得啱啱好，口感超嫩滑，幾乎一咬就骨肉分離，肉質鬆軟又多汁，配菜有薯條和椰菜沙律，非常豐富。甜品有草莓自家製奶酪同布朗尼蛋糕，奶酪滑嘟嘟，面層嘅士多啤梨醬酸甜清新，同奶香好夾。布朗尼蛋糕外脆內濕潤，甜而不膩，好有層次！
繼續閱讀
一踏入Dan Ryan's已經可以感受到美式餐廳的輕鬆氣氛，有不少賓客帶同年幼子女或老人家，吃一餐家用便飯或慶祝生日，令人感覺舒適放鬆。 餐牌選擇不少，有套餐或散叫，個人自選套餐主菜選擇也不少。 自家製麵包及鬆餅 麵包及鬆餅均做到外脆內軟，配上士多啤梨牛油，特別好味又有心思，未上餐湯前已全部吃光。 周打蜆肉湯 別少看小小一杯的周打蜆湯，湯料十分豐富，味道濃郁鮮甜。 招牌凱撒沙律 凱撒沙律賣相傳統經典，沙律菜新鮮爽脆，沙律醬份量剛好，麵包粒脆卜卜增添口感。 番茄肉眼牛柳寬麵 寬麵番茄香蒜忌廉醬汁調味不俗，酸酸甜甜十分開胃，火箭菜亦新鮮爽脆。 慢烤美國進口BB豬排骨 美國豬肋骨大塊肉厚，上面放上燒烤醬。豬肋骨用刀一切即開，肉質腍滑肉味濃，燒烤醬提升豬肋骨的香氣，令人食不停口。薯條熱辣脆身，椰菜沙律清爽鮮甜。 紐約芝士蛋糕 甜品賣相很有驚喜，蛋糕芝士味較一般的輕盈，餅底的不少合桃粒，芒果汁圍住蛋糕，爆珠增添口感。 芒果自家製奶酪 自家製奶酪同樣食味輕盈，加上芒果汁及爆珠，不似一般美式甜品的多忌廉奶油，很合心意。
繼續閱讀
今天約了客戶在太古城交收文件，順道逛逛太古城，一個很久沒有到訪的大型商場。逛着逛着，逛到Dan Ryan’s ，一於內進開餐吧！在眾多餐牌中，以Chicago Set 的個人自選套餐，性價比最有競爭力。點了兩份晚餐，先來周打蜆肉湯🫕（一杯）及餐前麵包🥯🥖，麵包鬆軟，餐湯暖胃 🥰🥰再來招牌凱撒沙律🥗，沙律🥗菜新鮮爽脆，加點脆麵包、芝士粉，味道已經很好。主菜是炭燒封門牛柳配薯條🍟 $358五成熟的封門柳，外層微焦，內裏紅潤，肉質軟熟，加點點鹽提升味道已十分足夠！伴碟的薯條香脆可口，跟蕃茄醬是絕配另一客主菜，是啤酒🍺黃金炸魚 $268，還配有薯條🍟及櫻桃🍒辣椒🌶️他他醬珍寶量的炸魚柳，炸醬脆卜卜的，魚肉雪白嫩滑，配合特制微嫩的他他醬，夠惹味甜品點了美式雪糕新地🍧，雪糕是最愛的甜品，不論怎樣配搭，都是100分 💯🥰🥰，這就是偏愛的威力吧！😂😂😂另一份甜品，點選了自家製布朗尼蛋糕🍪朱古力士多啤梨🍓及朱古力味道濃郁，口感順滑，好味道！
繼續閱讀
Happy Friday 放工想食大吃大喝一餐，約埋朋友去食餐豐富嘅美國菜餐廳保持一貫懷舊美式風格，柔和燈光，牆壁掛滿美國風油畫，帶有藝術感店內設有大量梳化卡位，座位寬敞舒適，約會小聚、一家大細聚餐都非常適合餐廳提供多款美式小食、意粉、牛扒、燒排骨等主食仲有多款美式甜品、雪糕新地及必試嘅鮮焗美國蘋果批食物方面:選擇了個人自選套餐，有餐湯、主菜及甜品，相當超值餐前麵包 : 有節瓜鬆餅，黑芝麻包同牛油麵包，再配埋士多啤梨牛油，相當好味又有心思，麵包仲可以添加周打蜆肉湯 : 蜆肉湯材料十足，香滑濃郁，搭配馬鈴薯、洋蔥及蜆肉，夠曬 creamy啤酒黃金炸魚 : 炸槳薄脆，魚質鮮嫩，做到外脆內滑，加上香脆薯條，非常可口蒜蓉牛油焗龍蝦尾 : 賣相非常吸睛，廚師將龍蝦尾肉原條從龍蝦殼拔出，方便進食，龍蝦新鮮，口感彈牙，再配埋有辣椒粉嘅栗米及火箭菜，相當惹味自家製布朗尼蛋糕朱古力士多啤梨 : 布朗尼蛋糕厚實綿密，甜度適中不太甜膩，再配上朱古力士多啤梨，美味嘅飯後甜品鮮焗美國蘋果批 : 用新鮮蘋果做餡料，入便係滿滿嘅蘋果肉，酥皮金黃鬆脆，牛油香氣十足，再配埋焦糖醬及雲尼拿雪糕，真係超好味
繼續閱讀