Dada (已結業)

屋企人帶我嚟呢間喺工廠區嘅餐廳食酸菜魚。佢哋嚟過幾次，都係食晏晝，晏晝啲套餐好抵食，只係幾十蚊。今次我就跟埋佢哋過嚟食晚飯。都食咗好多樣嘢，酸菜魚，水煮牛肉，松子魚等等。每樣都好有質素，味道唔錯。餐廳嘅裝修比較大眾化，得光猛的白色燈，圓枱多。都幾闊落。松子魚好大條酸菜魚，雖然唔係好夠辣，不過份量都幾多，亦都有好多薯粉。水煮牛肉就好惹味。竟然仲有醬茶鴨，呢啲係我心目中係比較花心機嘅手工菜，估唔到工廠區餐廳都有，不過呢碟就細啲啲。餐牌嘅選擇真係好多，晚市人均都唔洗$100，值得推介。

黎過好多次，終於係OpenRice page 見到呢間店了。一向喜歡辣野的我，覺得佢d辣野非常之正。第一讚首先係有芫荽！要求佢哋加多荽又肯加🫶🏻🫶🏻♥️♥️「上圖一」係酸菜牛米線。係普通餐牌上，價錢很相宜，五十元已經大大碗了！可以米線轉薯粉，兩款都係好味嘅！d牛亦都多，又滑！「上圖二」係我另一次去食嘅水煮魚。也是可選擇麵種，飯也可以。水煮七十幾蚊，雖然貴啲，但點都推薦要試一試。d辣正！非常入味！d魚十分之滑。

天氣咁熱返到屋企真係唔想煮.所以就叫咗外賣.今晚同女朋友2個人食！-川味水煮魚例牌配飯-沙嗲牛肉粉絲煲-檸檬茶送到上嚟個湯係冇分開.好彩冇倒瀉.打開見到好多辣油.辣椒🌶️花椒浮喺面.魚肉好少.就連芽菜金菇都好少.但係薯粉就好足夠都吸到味嘅.味道正常都夠辣夠惹味.但係冇得揀辣度.個牛肉粉絲煲都香唔會好油.略嫌牛肉太少連料頭都好少😣總結：講真呢個例牌水煮魚$161性價比真係唔高.呢間餐廳喺工業大廈要專登行過去如果堂食都幾麻煩.而且價錢唔係特別平.又唔係特別好食.而且個沙嗲牛肉粉絲煲都幾過分.要$92入邊應該得6舊牛肉全部都係粉絲.無芽菜.料頭果d真係少之有少.洋蔥都係得幾粒.但係要賣差唔多$100係過分既.我今次嗌外賣.未計速遞費張單已經$253絕對有其他更加好食嘅選擇.份量真係唔多送都好少.絕對唔使專登去食😩我一定唔會再食

阿老表羊肉米線搬左，變左這間食店，朋友話好抵食。就過來試下啦！睇餐牌應該是主打上海小菜，但在工廠區，都是套餐來得實際。午晚市連熱飲50元，2点至6点下午茶時段40元。魚餐貴些少，跟湯飯或米線，都是68或58蚊碗。叫左個酸菜魚米線，夠曬料，辣度亦夠，魚肉不過不失。我就嫌咸了些。肉絲煎脆面，面夠曬脆，肉絲汁稍嫌杰些。見人家叫星州洲炒米，賣相都幾好。廚房傳來炒鑊聲，應是即炒。樓面小哥服務唔錯架。食物質素同價錢，比不少連鎖食肆好。

有次我放假，lunch time去觀塘搵個朋友食飯，他帶我去了工業大廈樓下的一間唔起眼的新開既茶餐廳，本來以為普普通通食下，叫了lunch set叉燒滑蛋蝦仁飯，都幾大碟，又好足料，叉燒都唔少，蝦大大隻，有三隻，雖然係雪藏蝦，味道都唔錯，配上甜豉油。朋友食肉絲脆炸麵，賣相靚靚仔仔，又夠脆。朋友話再試吓個太二酸菜魚+薯粉，微酸，小小辣，魚身好滑，薯粉吸晒啲湯，入味👏🏻👏🏻。價錢平，又抵食，真係無得輸😂。見到對面枱order宮保雞丁，好似幾正，下次再黎試試🥰。