Da dolce X Domon (已結業)

Boxing Day放假,本應約咗女黑俠去朗豪坊.食完LUNCH先入場.但佢又要整好晒D衫先出到旺角.於是行一陣,等埋佢先入場.行吓見到呢間好似CAFE,睇埋錶,仲有成8.9個字,入去坐低飲杯野先.一坐低.waiter先奉上熱茶一杯.幾細心.睇一睇MENU.有個SET.一件CHEESE CAKE加一杯COFFEE&TEA.叫咗Cappuccino奶泡粗咗D,唔夠幼滑.仲要無落可可粉.件CHEESE CAKE.呢個就幾香芝士味.日式既綠茶FEEL都OK MATCH個咖啡.係個Cappuccino失準D.整體都合格.OH,遲到大王到啦!入場.

去到朗豪坊,唔係好肚餓但又為食, 唔知食咩好, 見到呢間又有拉麵又有雪糕食的店, 好特別, 又有創意.聽講札幌比蔡生讚不絶口,不過下次先試, 因為隔離da dolce既雪糕更吸引.除左雪糕,原來仲有甜品食, 款款都好吸引, 經店員介紹後,決定試試心太軟, 店員友善地講解心太軟是特別焗製的, 配上桑莓雪葩, 一酸一甜, 味道岩岩好, 朱古力很香濃, 桑莓味道清新, 剛好中和了朱古力的膩, Prefect match...除左甜品, 店內尚有多款雪糕, 好吸引呀, 花多眼亂, 下次一定再黎!

夜晚7點行完街落朗豪坊搵飯食, 行行下諗起蔡san話札幌拉麵係香港最好食既北海道拉麵店, 既然未幫襯過又唔駛等位, 於是就扯埋大少入去開飯。基本上d店員姐姐都係掛住傾偈, 傾傾下仲要同某男店員響度追打, 真係俾佢地嚇親! 烏蠅多到呢, 好恐怖, 趕極都趕唔完, 成餐飯對手都好唔得閒, 右手拎筷子, 左手就好似抽筋咁撥烏蠅!!! 至於野食其實都係一般, 我又唔覺得有蔡san講到咁好食。 牛油拉麵個麵加左塊牛油係香濃左好多, 不過麵身偏淋, 好似淥完放左好耐。 ANKAKE拉麵問店員姐姐即係咩拉麵, 佢話"個湯咸過其他拉麵囉......" 唔, 明白晒!!! 好濃既醬油味, 但係食多兩啖係會開始口渴, 食完簡直係渴死左。 炸雞軟骨去邊間日式餐廳都會叫炸雞軟骨, 同其他地方食到既冇咩分別。 鹽燒牛舌同個菜名一樣只係有鹽味, 至於牛舌本身既味道, 係冇既, 可能少人叫, 雪得太耐雪到冇晒味。 榛子雪糕咖啡咖啡很淡, 不過舊榛子雪糕好好食, 而且裡面仲有原粒榛子。

好失望......服務態度 - 零 店員唔認真, 係到玩。 Gelato 味道 - 我叫左 regular size 既榛子朱古力味, 好浠,味道好淡。個店員仲係咁 "yui"完, "putt" d 面頭部份既俾我。俾錢時, 仲話如果係度食要加一, 有冇搞錯。俾完錢, 杯野已經水溜溜, 要鬥快食先得。唔會再試。真係好失望!

7月9日, domon X da dolce! 又拉麵又雪糕呢個crossover真係好吸引!! 所以今日特登同呀比黎試~ 奇怪的是, 旺角星期五晚飯時間朗豪坊, 竟然都唔洗等位!!!::: 咖哩拉麵 ::: $58你睇個碗邊! 一黎就已經係咁 “浪” 到周圍都係! 仲有d泡泡浮面… 其實個咖哩湯底幾濃味~ 不過濃到鹹得滯… d叉燒紫菜配料都一般, 正正常常咁. 拉麵好索湯, 食落亦算爽口, 但就唔太彈牙… ok啦.::: 螃蟹拉麵 ::: $88麵豉湯底唔夠濃厚, 但係亦都係好鹹, 似味精湯底多d~ 如果喺日本通常都可以飲晒大半碗湯, 只因湯底清而香又冇味精~ 呢碗飲多2啖都嗆喉… 螃蟹嘅蟹柳有雪藏味, 只略略食到蟹味… 成碗麵都唔掂wor…::: 日式餃子 ::: (跟 螃蟹拉麵)就咁睇真係好唔吸引… 成隻餃白雪雪… 就算唯一煎過下嘅底都只係微燶… 最重要係唔熱!! 個餃子皮都幾薄, 不過係薄到爛~ 入面餡料都多, 雖說不上juicy但亦不失肉味, 只係唔夠熱將一切都肥佬了…::: bittersweet icecream ::: $15本對呢個dark chocolate ice

經過朗豪坊地庫的這間 Da dolce X Domon就被吸引住了！Domon的拉麵，和da dolce的雪糕甜品crossover？不是奇怪的食物組合，只是兩間食店開在一起。拉麵還是拉麵，雪糕還是雪糕。重點是可以在同一間食店，坐在同一個座位，就食到兩種截然不同的食物。同枱的朋友可以按喜好order拉麵或雪糕甜品，或者食完拉麵再叫甜品，變相是增加了消費，兩間食店互惠互利，同時也方便了貪心的食客~辛辣拉麵$68 - 有叉燒和粟米等配料，辣味主要來自肉醬，個人認為辣味適中，不會辣到跳舞，但也能嘗到一點辣的刺激。ANKAKE拉麵$68 - 除了叉燒、粟米等配料，還有半隻雞蛋，蛋黃不老但不算溏心，頭兩口覺得湯很惹味，不過食多兩啖就覺得實在很鹹。情竇初開Puppy Love$48 - 很臉紅的名字，其實是綠茶味雪糕配紅豆和豆腐花。整體賣相有點溶化，沒有menu的照片漂亮。配搭是很不錯，紅豆提供甜味，綠茶味雪糕也幾好味，特別喜歡那個豆腐花，非常清香。

今日點咗個豬軟骨拉麵$68（餐牌話可以選湯底，但店員説這麵只可配麵豉湯底）+即磨咖啡$15，麵好快就到咗，我向店員要求多葱但店員說：「多葱要加錢。」$68一碗麵居然多葱要加錢？？？好多拉麵店都唔需要啦！望住碗麵在想：「啲麵睇落個樣好硬。」食落口（嚡）真係好硬，硬得嚟感覺好粉，因為啲麵豉湯好淡所以啲麵一點味都無維有落啲七味粉啦！到啲豬軟骨又唔夠味又太腍無啲囗感，杯即磨咖啡一啲咖啡味都無最重要這店在朗豪坊居然一路食一路有兩三隻蒼蠅在你頭頂飛來飛去隨時降落你頭頂休息啲蒼蠅又在你的食物附近飛來飛去我第一次食都係最後一次在這間拉麵店光顧，Domon真係比我想像中差好多！

SATURDAY LUNCH想試好耐，剛好又要拿VIP CARD，就試了。LUNCH SET 兩個：1) 牛油拉麵 + 咖哩飯$68：牛油拉麵有一大塊叉燒及一大舊牛油，味道可以啦，不像888的"味精"，拉麵口感沒有別人說的好。咖哩牛肉飯很一般，飯OVERCOOKED了少少。2) 吉列豬定食$5X：吉列豬幾薄及幾硬，一點JUICY感覺也沒有。水煮蛋要用作撈飯，否則”乾爭爭”也不知怎樣吃…個人認為”山頭火”做得更出色！P.S. 好多烏蠅，太ANNOYING!!!! 隔離檯個男人話『都有六、七隻』謝謝朋友請客

以前在朗豪坊地庫的DA DOLCE, 原本係無咩人食, 因為三十幾元一杯細細杯的雪糕又點會好多人食, 於是就同DOMON夾份賣埋麵, DOMON -- 之前在TST 食過, 味道都OK的不過今次入去朗豪坊呢間食, 就真係好唔掂! 我入到去叫了一碗螃蟹拉麵, 同行的朋友就叫了最貴的至尊海鮮麵, 佢碗麵賣成一百五十幾, 加埋一要百七... 貴係因為貴在有北海道長腳蟹腳掛講番我自己碗麵, 都要八十幾蚊, 加埋一都差唔多一百了, 雖然加十蚊有埋蟹子沙律, 都覺得好貴, 本來都無所謂, 因為TST都係一樣, 但質素就好好多呢間碗麵份量比TST少, 而且個湯仲咸過鹽水 唉, 都唔知點食, 食完極口乾, 蟹柳有陣雪味, 仲好重總之就係, 又貴又難食, 下次想嚟都好難了

一個人來到朗豪坊, 走進這家拉麵試試看. 點了個雜菇拉麵, 一罐汔水, 加錢還可以要多杯雪糕. 拉麵份量十足, 其實也頗大碗的, 女生的話可能吃不完. 雖然說是雜菇, 但菇類的份量卻很少, 反而要讚的是上面的洋蔥, 增添了清新爽口的感覺. 而拉麵及湯底卻很一般. 加一合共九十幾塊不划算啊! 這個價錢可以吃的更好!

真係忍唔住...未試過食餐飯食到咁火..人生第一篇食評真係要俾呢間野~嗌咗個魚餅, 3個定食, 魚餅唔提都算, 3個定食其中兩個都有問題, 本人叫咗個燒鯖魚定食, 個鯖魚燒到魚干咁...好硬, 又有怪味, d飯係爛飯, 仲要有頭髮(算數有頭髮好常見)最過份係個fd叫嗰個雞扒定食, 你唔擺伴碟冇人會知, 竟然擺d爛青瓜上碟!! 知道係爛嘅都識得反轉佢擺掛? 爛嗰面向上?? 真係唔知出菜嘅人點過自己嗰關同埋就係, 定食有跟個蒸蛋, 可能我技術唔掂啦, 但我真係唔識用雪糕羹食蒸蛋...點食?咁啱有蒼蠅飛來飛去, 更加影響食慾, 成餐飯食到一肚氣, 埋單$80@, 呢個價食到大把好食嘅野..真係不知所謂..唔會再去

昨天與男朋友去了這間去朗豪坊的domon分店感覺很不錯未點食物前, 先試食了隔離雪糕店的幾款雪糕,很方便之後叫了招牌菜牛油拉麵, 男朋友點了豬骨湯底的拉麵 (忘了全名)牛油拉麵很不錯, 拉麵中多了一塊牛油感覺很特別賞了幾口男朋友的拉麵, 覺得湯底很濃 很有味道 男朋友亦覺滿意環境方及服務方面也合格有餘,如果台和台的距離可以大些更好可以一試

明天打muaythai比賽,今天過磅後到了朗豪找B小姐,可惜她來不了本想去main st.飲hot chocolate和吃cheesecake可惜它竟也結業了,於是最後選擇了da dolce要了99 dark chocolate和berrymix yoghurt$39好小的一杯!但99% dark chocolate令我在因落磅後的糖份所需而引起的燥底冷靜下來明天,要努力

一直都係去尖咀間老舖(現已改名), 見旺角開咗間用Domon呢個名既"分店"(好懷疑係唔係), 上次去銅鑼灣果間見都OK, 就去試吓!叫咗兩個午餐Set, 牛油拉麵+餃子(3隻) & 蔥拉麵+蟹籽沙侓, 加$15可以有一球雪糕, 不過我地無要.先嚟蟹籽沙侓: 落單後都無攞筷子俾我地, 個侍應放低後就走咗去, 點呀用手食呀? 份量OK, 但係得兩絲蟹柳, 又勁多沙侓醬, 似食醬多D, D青瓜有渣, 應該唔係用日本青瓜仔, 唔掂! 再嚟餃子: 首先個侍應拎錯去左面隔離枱, 知道拎錯後, 行咗一個圈問應該邊枱, 返嚟後, 又拎錯去右面隔離枱, 我望住佢話係我地架, 佢先放低, 碟餃子遊咗幾個圈, 凍晒啦! 味道一般, D皮一夾就爛!再到兩碗拉麵, 個賣相一D都唔吸引, 牛油拉麵D湯係和暖, 老公話可能係舊牛油攪到凍咗! 如果係咁, 就更加要煮得熱D啦!! 碗蔥拉麵雖然夠熱, 但係D蔥一D都無蔥味! 兩碗麵都有一塊鞋過車軚既"义燒", 似煲完湯既豬肉多D! D湯又勁味精, 食完勁飲水! 總括嚟講, 服務同食物都係兩個字: 唔掂!! 呀菜生仲推介喎, 簡直做衰晒DOMON個名!! 一定唔會再

2 個人食左 1 個 $188 既 SET ..有1 個飯~1個拉面..1碟餃子,串燒,仲有一碟..雞軟骨..雞軟骨可以炸到成抽上黎GE-____________-"D串燒OK! 但D姑干到 唔知咩事-__-!真係完全食唔落-____________-食剩勁多野-.-!!!!!!真係好難食~可能我唔識揀啦見上面0個D COMMENT 都唔太差但唔會再黎了~