D30 (已結業)

$17買杯野飲都唔止既時候，竟然買到盒雙餸飯，真心抵，係好抵。款式唔算好多，幾個餸比你揀，不過都有肉有菜。味道方面我覺得好正常，無話好難食。不過唔好要求d餸有好多，d飯好滿。但至少肯定夠飽。$17盒飯，還有何要求？

全港最平兩餸飯應該係呢度，兩餸飯只係賣$17蚊，去邊度揾？小菜款式每日唔同，每天提供指定10款家庭式小菜供顧客選擇，本店不設堂食，只供外賣，店主更會定時派飯比老人家，温暖萬心。$17蚊兩餸飯，除咗可以任選兩款小菜之外，更加可以要求多飯，非常抵食！至於食物質量方面，整體嚟講算OK，白飯軟硬適中，我揀咗椒鹽豬扒同滷水雞中翼飯盒，椒鹽豬扒味道非常香濃惹味，滷水雞中翼都ok，顏色就淡咗少少，但唔會過鹹，我一次過買咗兩盒，而兩盒都係一式一樣，都係椒鹽豬扒拼滷水雞中翼配白飯，當日去到，仲睇到有其他小菜，例如鮮茄牛肉、魚香茄子、粟米蒸肉餅及幾款炒菜，值得一嚟再嚟。備註：各式兩餸飯$17蚊，淨兩餸小菜$25蚊。

長沙灣全港最平$17兩餸飯 呢間良心飯店係長沙灣站a出口行過去 大概4分鐘 應該係新開 OpenRice評價唔多 見到咁平點都要去試下.呢日放工8點去到 仲有開 但淨低餸菜唔多（如果中午 平時大概有10款餸左右）我點左 蕃茄炒蛋 涼瓜斑腩 兩餸飯老實講 賣$17雙餸飯 真係唔會有咩期望😱點知 👍🏻都幾足料 👌🏻味道都ok（可睇圖）⭐️蕃茄炒蛋 全部都係蛋塊 小量蕃茄 甜甜地 好食⭐️涼瓜斑腩 落左豆豉 苦瓜唔苦 炸斑腩有4-5舊餸菜算係好多 滿滿一盒男仔食完 大概7-8成飽 差包飲品就完美👌🏻飯粒都正常 唔會過硬過軟 ok啦.睇番新聞 佢地有自己 廠房煮飯 好似每月都蝕緊錢$17黎講 絕對抵食 全港最平無誤聽到店員話 平時會去派飯 有人捐錢派多d或者賺到錢都會派下飯我聽到心諗 😇佢身上好似發緊光咁😇大家路過都要多多支持下佢啦.#D30 (長沙灣)地址：長沙灣東沙島街167號地下B1號舖.⭐️評分：味道：3.5/5環境：-/5 外賣服務：-/5抵食：5/5

深水埗街坊的福音，$17兩餸飯日日供應，每日唔同款，新鮮炮製，只係平時兩餸飯嘅一半價錢😱成日聽人講話平嘢冇好嘢，但呢間絕對唔差！屋企人食過2-3次覺得正常。佢個欖菜肉碎四季豆炒得幾香，肉比例同份量好夠食，另外一餸係豆卜梅子排骨，仲有薯仔炆雞，都唔錯，而且舖頭一啲都唔慳皮，感覺同$35兩餸沒兩樣，有十款提供，只係款唔會太多有得揀，稍為奄尖嘅朋友建議唔好要求太高，當一般家常便飯就得。值得讚吓嘅係衛生幾好。

兩餸飯😎$17的確係全港最平🥸問過店員，只有八款菜式選擇😉款式唔算多，亦無堂食🤓店舖裝修簡陋😁不過呢個價錢確實幫到唔少人😇結果揀咗炸豬扒同土魷蒸肉餅😌味道都唔錯，另外仲可以多飯同加汁👌D30 (長沙灣)長沙灣東沙島街167號B1鋪 (位於龍寶酒家對面)