80
33
6
電話號碼
23522933
開飯介紹
在舊區中少見的日系咖啡店,裝潢清新舒適,有各式意粉、小食和咖啡提供。
繼續閱讀
營業時間
今日營業
09:00 - 21:00
星期一至日
09:00 - 21:00
以上資料只供參考, 請與餐廳確認詳情
食家推介
一直都唔知屋企附近有間咖啡店平時都要搭車出荃灣或者葵芳飲不過今日心血來潮搵吓附近有咩飲,呢間近近地,原來環境好清靜,入邊位置都好多仲要係動物友善餐廳天氣好熱,我叫咗杯Dirty嚟飲雖然冇咩漸層,但味道唔錯,飲到咖啡嘅果酸👍🏻環境一流,又有免費Wi-Fi,覺得可以再嚟,下次坐耐啲😘
繼續閱讀
自從無o係附近返工, 少咗好多機會去Cozy Cafe, 一知到佢有返晚市 (18:00-21:00), 即刻約埋班老友記一齊去捧場!大家二話不說︰齊齊叫世上最完美o既焗豬扒飯!兩隻手掌咁大塊o既有骨豬扒, 配炒飯底, 醬汁同芝士, 仲即叫即焗!平時低碳o既我, 都會動用quota 食晒!我同班朋友幫襯咗Cozy Cafe 超過5年嘞!老闆一直都係咁用心, 咁有Heart!態度 + 味道 = 一直回頭幫襯既原因!適逄朋友生日, order 咗蛋糕, 老闆新推出心太軟年輪蛋糕, 年輪蛋糕由日本直送, 中間心太軟即叫即焗, 仲好有心思咁寫上朋友名同Happy Birthday! 美味 + 人情味滿滿!最後仲奉上朱古力脆皮雪糕添!好滿足既一餐!晚市無叫咖啡嘞, 我哋分別叫咗凍朱古力, 洛神花花茶 (壼上), 青檸梳打, 太享受焗豬扒飯, 飲品唔記得影相Cozy Cafe 開返晚市, 成為咗附近狗主o既飯堂, 寵物友善環境, 食品美味, 滿滿人情味! 讚呀!
繼續閱讀
成日都去中環尖沙咀,突發想過嚟葵涌逛逛,其中一個原因係想過嚟呢度食brunch,同埋葵涌有鬆弛感嘅感覺,可以令到你放鬆啲,每一條街都會有驚喜慢慢逛,一杯嘢,雙重煙三文魚班尼迪蛋,水波蛋係留心嘅,煙三文魚都有幾塊,夾埋荷蘭醬都幾夾,下邊嘅鬆餅就同麥當勞嘅鬆餅有啲似,都算唔錯,就咁樣坐成個下晝,好舒服
繼續閱讀
周末早上懶洋洋的,當我同朋友行到這間藏身於街角的店,真心有種「遇見寶藏」的感覺。🤩一入去,就被那份溫暖的裝潢吸引,彷彿進入了個小小的世外桃源。我哋決定坐喺室內,因為外面陰陰地,怕佢一會兒落雨。朋友推介必試佢哋嘅紫薯latte。杯咖啡送上嗰刻,真係被美到——頂上的拉花同現灑嘅紫薯粉,係社交媒體滿分無疑啦!咖啡口味得嚟唔係太重,紫薯的香甜恰到好處,一啖飲落去真係紓壓到。😍而我哋另一個驚喜,就係這份看似普通嘅芝士鮮茄焗意粉。大塊豬扒賣相吸引,芝士就不用多講,經典組合嘛!但意粉...哇,夠彈夠爽,好似係特別為我哋而煮咁,香草(或者係薄荷?)嘅加入,令到呢碟平常嘅意粉都變成了一道驚喜滿滿嘅菜式。雙手推薦啊!😋整體來講,這趟「味蕾上的異國旅行」真係值得,不單只是食物,連店內氛圍同服務都係頂級,絕對係個好地方放鬆心情,享受悠閒時光。朋友下次再約,我肯定即刻話YES!🫶🏻
繼續閱讀
繼續相約昔日戰友見面~ 這次來到葵涌石籬,一個陪隨我超過三分一人生的地方,雖然這個老舊社區以傳統的港式食物為主,不過這邊還是有性價比高的cafe和葵食,這天就來回味一下昔日的時光飛驛牛漢堡扒&太陽蛋配蜜糖芥末/ 黑椒汁 意/飯 $88店家自開業以來午餐定必會有一款是和牛漢堡配煎蛋的,差別在於產地來源而已~ 這天到訪的是供應飛驛牛啊~ 完全是高級的感覺!意粉看似份量很少但夠飽肚,入口軟硬度適中,略有調味;煎蛋是我最愛的燶邊及半熟蛋黃,飛驛牛漢堡煎得甘香沒過火,肉汁鮮嫩可口,牛味亦重,蜜糖芥末醬汁有減走油膩感起了點睛的作用,整個味道就剛剛好了!西班牙豬扒 & 蛋飯配洋蔥汁 意/飯 $65這款對我來說應該是店家的招牌或皇牌吧!當年初嚐這個時真的有被它的賣相嚇一跳~ 大如面盤的豬扒,口感仍保持肉嫩多汁豬味濃郁,醃得剛好不會過份;再放上外脆內流心的煎蛋及醬汁,是下飯一流的一款!蒜香雜菌炒意粉 $65想來點簡單的,可以跟朋友一樣點來蒜香雜菌炒意粉,濃烈的蒜香跟冬菇、雞脾菇、秀珍菇等菇菌的香氣,配上爽口彈牙的意粉,口感豐富不會覺得單調不好吃!提醒大家店家的所有午餐都已奉送有一杯伯爵茶,想喝點特別的但可以多付大約廿塊錢就有一杯signature drinks,相對其他餐廳便宜的!午餐款式蠻多且性價比偏高,所以每到中午時份店家就會人頭湧湧啊~ 往時在附近工作想與一班好同事結伴到此吃午飯也要靠緣份!店家處於葵涌石籬區,位置可以說是不好找只有附近居住或在這邊上班的朋友知道,景色幾近欠奉,只有工廠跟住宅;但走進店內就如進入另一個空間似的,裝潢以木系為主,屬於簡約舒適的概念,以畫作、乾花和擺設等裝飾店面,開放式的煮食區再到連接鋪外的吧檯,鋪面不大,座位也稍為逼狹一點但又難得地充斥著悠閑自在的氛圍,正好讓到訪的客人在繁忙中能夠在此放鬆心情
繼續閱讀