Cova Ristorante & Caffe (港威商場)

營業中

休息中

之前已經食過好幾次不過今次試左個飯＄168但個飯少少失望好一般不過cova 服務同環境系坐系入面個幾鐘都係咁舒服服務冇得輸waiter系即叫即到服務又細心又體貼～今次試左三款吾同蛋糕🍰全部＄90（雜莓，朱古力🍫，栗子🌰）朱古力死甜其他ok個人建議手上有優惠券可以試吓冇的話性價比會偏低

老公生日一早卜了Cova semi lunch buffet...所以不用等位。建議一定要預早book, walk in 真的會無機會的。現因為疫情關係沒有buffet,但頭盤可不斷refill, 質數也很好。我們每人吃了兩轉頭盤前也給了麵包和牛油🧈十分鬆軟好吃到了主菜，一人份量剛剛好，我們叫了意大利飯和意粉，如果是十分大食的男士就未必夠，建議可以多吃一些麵包和頭盤。侍應們服務質素高，絕對樂意的。主菜味道濃郁，之後加了$58吃一件tiramisu, 和即磨咖啡。為這一餐畫上完美句號。

环境：燈光暗，比較有情調，聊天的好地方。服务：有些服務員不太清楚飲品的名字，會把飲料弄錯餐廳的自家製麵包很美味，有需要可以禹叫一些，熱辣辣的麵包配上牛油超棒，配上龍蝦湯非常夾👍🏻我們叫的吞拿魚沙律都不錯，肉蟹意粉和帶子意粉都很美味。餐廳出名的咖啡香，正。我自己就叫了Cova fruit punch 都滿意。

晚上嘅海港城，經過之前嘅強檢事件，靜得似死城。所以好容易都攞到海景枱。麵包籃既麵包唔算好突出，但係餅乾同酥條就好好食。作為一個偏好食熱氣野嘅人，炸魷魚圈無論係小炒店、意大利餐廳、酒吧我都好喜愛，呢度嘅炸魷魚圈炸粉唔算厚，沙律配菜都好新鮮，而我最喜歡嘅就係佢嘅炸zucchini，香口得來唔油膩。龍蝦湯嘅龍蝦肉唔算多，但味道好濃郁，在冷清嘅晚上暖一暖胃都係一件好事。平時食意大利飯我喜歡偏硬身，但今次因為同屋企人去，佢哋唔習慣al dante嘅口感。服務員都好細心問我哋習唔習慣比較硬身嘅口感，咁我叫佢煮軟身少少，出到嚟屋企人都覺得好好。當然，我自己就覺得太軟身，但餐廳了解到香港人口味同傳統口味有一定區別而特別問一問客人，都係一件貼心嘅事。和牛千層麵並唔難煮，平時喺屋企都有做，不過呢度嘅黃牛千層麵無論質料軟硬度，芝士嘅多少都做得好好。黑毛豬豬扒嘅調味就冇乜特別，但豬扒好多肉汁，味道夠香，主要都係肉嘅香味，調味就普普通通，冇乜特色之餘亦冇喧賓奪主。芒果拿破崙嘅芒果酸甜適中，酥皮就唔夠酥啦，最好食嘅反而係個開心果雪糕，好香開心果味。作為今餐嘅完結都算好滿足。

昨日上午到海港城 海洋中心 Cova 訂購生日蛋糕，因已 book 了枱當日下午茶，為家姐 Surprise 提前慶祝生日。原本心情很開心，選購一個半磅士多啤梨蛋糕，再另加$12一個生日名字牌，在選購過程中感覺是舒服，怎料到 Cashier 女收銀職員，態度很差將手持一疊單據大力劈喺我面前😡，當時我感覺很愕然，原來她發脾氣負責跟進我訂購蛋糕這位同事，說沒有口頭跟她講客人已訂一個名牌，但我手持購買蛋糕單金額有收名字牌 $12，亦即是沒有收少錢。即時我問女收銀員，為何在客面前發咁大脾氣，令我感覺非常差，我說 : 我來是買蛋糕不是來受妳氣😡， 顯然女收銀職員平時對同事態度非常差劣，舖面內也不尊重客人，希望貴公司嚴肅跟進此事！當日在 Cova下午茶 ，值得一讚女接待員👍， 當時很繁忙， 但她非常有禮貌帶領我們到座位，微笑容貌掛在臉上， 叫了三杯飲品及今早安排生日蛋糕進食，另一位男侍應生也很有禮貌 👍, 在過程中我很歡悦渡過這個時刻🤗。

呢間cova換咗啲waiter, 但服務態度好差，又漏單，埋單又慢手慢脚，成5，6分鐘張單仲未到，嗰場已唔多人，大家不要再去。 企問帶位嗰女人態度亦不好，而家越做越衰。我勸大家唔好再去，

很久之前跟朋友來吃午餐短聚， 但一直未有時間寫食評， 終於在假期中抽時間出來回憶一下當時的美味。COVA的lunch一向都有番咁上下水準， 特別喜愛他的自助appetizers,其實我光吃佢已經夠飽。因為疫情，所以由自助改了為自選，這樣更好， 因為衛生得嚟又唔使出出入入， 啱哂懶到一個點的我！食肉獸的我主菜選了豬鞍扒， 厚切但keep到juicy。朋友就分別點了大蝦意粉及carbonara, 味道濃郁。最後配上招牌咖啡， 滿足的一餐。

兩個人食咗$1500蚊，真係唔算平，不過係貨真價實！水牛芝士番茄： no complainGrill seafood platter: 兩個人真心夠！原隻龍蝦，每人一串海鮮串串，再加蝦，青口，同烤瓜瓜菜菜！好balance! 冇得輸的芒果拿破倫配 cream brûlée 雪糕 另外加多求朱古力雪糕！真係好濃，好香，好滑！仲有唔甜! 下次行街想食雪糕可以嚟呢度食，好食過Godiva Overall, 佢哋嘅嘢基本上冇得輸，諗唔到去邊食，呢個係好好嘅選擇❤

因為有海港城嘅dining coupon 所以就揀咗去cova 到食午餐 . 午餐加埋一之後$400左右一個人今次我哋點左兩個午餐同埋一個a la carte午餐包一個頭盤 ( 有沙律同凍火腿)一個餐湯 蘑菇湯或龍蝦湯(加$38) 一個主菜 一個甜品 雪糕 或蛋糕(加$38) .頭盤都幾好食 而且份量十足 好豐富. 餐湯我哋叫咗一個蘑菇湯一個龍蝦湯佢哋嘅湯好就好在夠熱 咁先好飲蘑菇湯入邊有好多細嘅蘑菇粒 味道都幾唔錯 龍蝦湯嘅蕃茄味偏重而且對我來講有少少咸 但佢唔係重口味嘅鹹 而且我嫌佢嘅龍蝦味唔夠濃郁但仲要加咗$38🥲. 到主菜叫咗一個燈籠椒嘅意粉呢個意粉同無味既意粉冇分別🤣反而令一個三文魚就整得幾唔錯唔會太熟所以啲魚肉都幾嫩滑. 而a la carte 就叫左千層麵 成個千層麵都勁乾冇乜汁而且又冇乜味而且賣相都好麻麻 一見到就唔想食....仲要二百幾蚊 聲稱啲肉醬用咗和牛做 但完全食唔出🥲. 到左甜品我哋要咗一個雪糕同埋加咗一個蛋糕以為雪糕一定唔會難食 但佢呢個雪糕超級甜 淨係食到甜味食唔到水果味而蛋糕我哋就叫咗一個tiramisu 個sponge 好乾 唔夠咖啡味Cream 好

紀念日晚餐！諗住訂window seat睇海景， 點知原來係窗落晒簾完全睇唔到外面😂我哋先叫咗個Parma ham melon作前菜，要左龍蝦湯$98同蘑菇湯$68！本人覺得蘑菇湯味道比較好！龍蝦湯一般！主菜卡邦尼意粉，松露意大利飯！同牛排味道似預期！最後驚喜主角芒果拿破崙加雪糕附上紀念日名牌滿意，滿意！總結這類食物味道正常，不差也不太大驚喜！反而服務水準高！每件食物上台都會介紹同向我們查詢食物味道是否滿意！而且餐廳人流不多比較寧靜！想二人世界也是不錯選擇

之前因為有優惠券，所以同屋企人嚟咗呢一間餐廳，打算食返一餐好。餐廳環境唔錯，不過因為我哋坐喺大廳嘅中心位置，比通道圍繞着，所以感覺有啲多人人流，坐得唔算舒服。坦白講，食物嘅質素就真係好一般，唔係特別好味，只係普通西餐廳嘅級數。比較好嘅就係甜品，芒果蛋糕係值得再食嘅。如果唔係因為有半價優惠，我諗我都未必會再嚟食啦，因為佢嘅價錢絕對唔平，但食品嘅味道就未可以值回票價😅😅😅如果真係想試，索性買外賣甜品返屋企食就最抵啦😂

聽講Cova mango signature cake 好好味，今日終於有機會入去品嚐一下先。雖然是平日，但人也很多，建議想去的話，最好訂左枱先。下午茶套餐，價錢為$148加10%(自選蛋糕+飲品)，必食招牌芒果蛋糕(蛋糕味不太甜，芒果味濃郁，真係值得一試) 🍰☕️，休休閑閑又一個下午。

I wanted to drop you guys a note and thank you for the wonderful, outstanding service you guys provided during the dinner. Huge thanks to Michelle and her colleagues for a fantastic experience for my friend birthday. It was a delighted night for my friend and myself. I will definitely recommend to my friends and family. And I will come back again for sure .memorable birthday! highly recommend visiting Here!

餐廳環境舒適, 服務員有禮, 食物質素一般, 不過用商場優惠券食晚餐就ok喇🤭意式精選頭盤:過往不是疫情的情況下, 是顧客以自助形式出外取食物. 現在情況是服務員送上一碟什錦冷盤到你面前, 分別有風乾火腿, 哈密瓜, 沙美腸, 煙三文魚, 沙律菜, 芝士, 蕃茄, 酸瓜等等...... 味道普普通通, 沒有驚喜. 此頭盤是可以無限量供應(我自己都食咗兩碟🤫) 芝士條麵包籃: 麵包熱哄哄加埋牛油食就very good😋是日餐湯:甘筍湯, 味道不錯. 亦可另加$38轉為🦞龍蝦濃湯 主菜選擇蟹肉牛油果意粉:賣相不似我預期😅 將蟹肉與牛油果混合, 另有兩片牛油果作點綴, 味道淡淡的. 意粉偏粗一點點, 加上烹煮有一點點過火(偏淋) 最後㗎啡或茶: 我選擇一杯熱泡沫咖啡☕作總結, 味道香濃, 好飲👍

今朝早係尖沙咀做完野，打算同母上大人去HARBOUR CITY食個早餐，剛好經過就入咗去呢間”Cova Pasticceria & Confetteria”結果剛好過好過左早餐時間,等多幾分鐘到11:00有LUNCH SET MENU.（原諒我太肚餓，中途先記得影相）👩🏻‍🦰母上大人未肚餓住（佢已在家打咗底🤷🏻‍♀️）、單點一個鬆餅set （Scone pair $68)+一杯朱古力咖啡(Iced Moka $70)▪️鬆餅兩件：用布包住、啱啱出爐熱嘅、有提子粒。第一啖錫落去不錯，第二啖口感似光酥餅...▪️朱古力咖啡：非常濃郁朱古力（可可）味，咖啡味之後慢慢滲出嚟，母上大人大贊🙋🏻‍♀️我order左一個肉醬意粉set lunch加錢轉龍蝦湯▪️前菜：火腿哈蜜瓜▪️餐湯（蘑菇湯）/沙律/龍蝦湯（+$38）附上餐包（午油）反餸湯食的餅。本人對餐包非常滿意▪️主食：肉醬意粉🍝正正常常▪️飲品：LUNCH SET包埋免費一杯tea/coffees (我揀咗伯爵茶～個人喜好）最後2人，盛惠$400.40（已加一）後來聽朋友講，呢間蛋糕出名。下午茶全部預約滿晒下次有機會試吓啦～～～～～