Cobber Noodle and Waffle

營業中

休息中

一個普通工作日，放工後同老朋友👫揀咗間坐得舒服、氣氛chill嘅餐廳 🛋️，唔使太高調，但最緊要係可以好好咁食一餐，輕鬆傾幾句 🧑‍🤝‍🧑☕。  🍟 松露薯條 呢碟松露薯條一上枱就聞到好香 🤤，真係未食已經加分。 薯條炸得夠脆唔油 🥔🔥，配埋松露醬汁 🍄，鹹香得嚟又唔會太膩，成件事好平衡。 旁邊仲有碟醬可以自己點，幾貼心 👍。 🍝 海膽意粉 呢碟海膽意粉真係好滑 🧡，醬汁金金橙橙咁掛晒喺意粉上面，唔會流晒落碟底，成功！💯  味道好creamy，帶啲淡淡海膽香 🐚，但又唔會腥。 意粉煮得啱啱好 🍝，唔會過腍。面頭仲有魚子醬同蔥花 🌿，加咗啲層次。 鐘意海膽嘅朋友應該會覺得啱晒口味 😍。  🍤 帶子海鮮喇沙意粉 如果要揀一碟最有驚喜嘅，我會揀呢碟 🌶️🧄。 喇沙醬汁夠香但唔會太辣，仲有少少椰香 🥥，食落又香又滑。 意粉吸咗晒啲汁，每啖都好入味 😋。 帶子好大粒 🐚，煎得啱啱好，滑溜又彈牙。 啲蝦都唔係行貨 🦐，外焦內嫩，唔止打卡靚 📸，食落仲好實在。  🧇 焦糖香蕉朱古力竹炭糯米窩夫配朱古力雪糕🍫🍌 黑色竹炭窩夫已經夠特別 🖤，重點係佢唔止外脆，內裡仲係煙煙韌韌 🍡，原來係糯米做！成件事好有層

斑斕糯米窩夫 ($58)窩夫熱辣辣上枱，焗得外表香脆，內裡煙韌軟糯，窩夫切開係斑斕獨特嘅綠色，味道清香，唔會太甜，倒上楓糖漿之後味道更有層次檸檬蜜糖醋配鮮果沙律 ($68)沙律清新開胃，沙律用咗新鮮生菜、車厘茄、芒果同士多啤梨，鮮果鮮甜，檸檬蜜糖醋調味酸甜平衡，帶淡淡檸檬清香，淋喺沙律上好醒胃蒜香蟹肉意粉 ($148)蒜香蟹肉意粉份量十足，煮得煙韌彈牙，蒜香濃郁，配上大量蟹肉絲，蟹肉鮮甜嫩滑，食落啖啖肉好滿足又惹味Cobber 茄粒醬雜錦海鮮pizza ($128)pizza餅底烘得香脆可口，茄粒醬鋪滿pizza面，唔會太乾，海鮮有蝦同魷魚，蝦肉彈牙，魷魚爽口，表面仲有芝士，烘到微溶拉絲，同朋友share啱晒Lemonade (轉梳打水+$5) ($45)Lemonade轉梳打水後冰涼清爽，入口好醒神

之前去過呢間朋友推介嘅餐廳，記得當時要排好耐隊，主打係無限時不過原來已經搬咗去第二個工廈，新店大左好多，整體氛圍幾舒服。🍝 海膽意粉醬汁比較稠，有淡淡忌廉味，海膽味幾突出，入口有少少甘香，冇腥味。意粉煮得啱啱好，掛汁能力唔錯，味道整體幾平衡，啱啱好唔膩。🦐 香煎阿根廷赤蝦冬陰功墨魚意粉賣相吸引，味道有少少驚喜。冬陰功嘅酸辣剛好，帶少少香料湯底嘅感覺。墨魚鮮味爽口彈牙，加埋赤蝦煎到微焦嘅香氣，味道層次唔錯。🍌 焦糖香蕉朱古力竹炭糯米窩夫口感煙韌，外層少少微脆。焦糖香蕉嘅甜香幾突出，朱古力唔會太搶味，整體唔會過甜。竹炭味淡淡哋，主要係加咗一種輕微煙香感，幾特別。🍵 伯爵茶糯米窩夫茶味清香，唔會太濃，煙韌口感配得幾好，有種中西混合嘅風格。適合想試啲唔同甜品，又唔想太甜膩嘅人。可以揀楓糖/伯爵茶醬☕ 鮮奶咖啡整體嚟講，呢間餐廳味道上有心思，用料唔花巧有誠意。 不過位置有少少難搵，去到工廈附近行上一層樓梯比較方便，如果唔係就要行入停車場再搭𨋢就兜咗一個圈喇。

食物：⭐️⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️性價比：⭐️⭐️⭐️⭐️⭐️位於觀塘工廈也有非常出色的餐廳，食物美味，窩夫一定要order👍🏻👍🏻 份量十足（餐廳有些難搵，乘坐客𨋢出𨋢後向左轉，餐廳是在lift的後方）🌸 新鮮蜜瓜配焙茶糯米窩夫蜜瓜鮮甜，配上椰子雪糕，一絕！🌸 焦糖香蕉朱古力竹炭糯米窩夫朱古力雪糕美味，糯米窩夫口感非常特別，香脆！🌸 凱撤沙律加椒鹽大蝦羅馬生菜沙律新鮮、大蝦蝦肉鮮甜彈牙！🌸 雜菌黑松露意大利粉平日中午時段都幾多食客光顧，餐廳接受訂位，所以最好預先訂位🥳

星期日朋友生日，我哋去左觀塘一間cafe食飯。店內環境寛敝，入到去已經坐滿人，如果假日黎最好預先訂位。我哋揀左四款菜式，蜜糖芥末雞翼炸得好香脆，配合濃郁既蜜糖芥末醬，十分惹味。自家製千島醬雞肉pizza，佢既餅底焗得鬆脆，雞胸肉嫩滑，加上酸甜既千島醬，味道唔錯。帶子喇沙海鮮意粉，帶子鮮甜彈牙，喇沙味道濃郁, 意粉微辣但好掛汁。最後叫左芒果斑斕糯米窩夫，窩夫外層香脆，斑斕味香濃，口感煙韌，配上椰子雪糕，味道更佳。呢度好適合同朋友聚會, 下次黎可以試下其他窩夫。

Cobber Noodle and Waffle觀塘興業街16-18號美興工業大廈A座1樓A4室呢間一定係靠口碑先做到坦白講 真係唔易搵甘又冇令人失望既馬蘇里拉芝士焗薯蓉帶子薯蓉滑順，搭配濃郁的馬蘇里拉芝士，帶子則鮮嫩可口帶子感覺似熟又唔熟甘 好滑身 炸魷魚配芥末籽蛋黃醬炸魷魚外脆內嫩，搭配的芥末籽蛋黃醬增加了風味，微辣口感蜜糖芥末雞翼（6隻）雞翼外皮香脆，蜜糖和芥末的結合帶來甜中帶辣的絕妙平衡大大隻 唔野少蒜香蟹肉意粉意粉煮得恰到好處，蒜香四溢，蟹肉新鮮，整體味道豐富，是海鮮愛好者的必試之選可轉蒟蒻蔥粉 ＋$8輕盈且健康的選擇，蒟蒻的口感特別，搭配蔥粉非常開焙茶糯米窩夫配糖漿焙茶的香氣與糯米的Q彈口感相得益彰，淋上糖漿後更加美味

🍈 新鮮蜜瓜配焙茶糯米窩夫（焙茶糯米窩夫外脆內糯，茶香濃郁而不苦，搭配超甜蜜瓜同椰子雪糕，冇諗過會咁夾！ 楓糖漿另上，窩夫打完卡仲係脆😍😍😍🧀 馬蘇里拉芝士焗薯蓉芝士薯仔係最佳組合，仲要搭埋帶子，性價比極高。🍯 蜜糖芥末雞翼（6隻）蜜糖芥末醬酸甜平衡，雞翼炸得酥脆且肉汁鎖住，開胃不油膩，仲要隻隻都好大隻。🍝 海膽意粉海膽份量均勻，覺上啖啖都有海膽。佢真係海膽汁嘅味道保留到鮮味，冇掩蓋海膽風味，意粉煮得啱啱好。 ☕ 伯爵茶朱古力茶香突出，但又有朱古力味，出邊好似未見過呢種配搭，味道出色。

今晚收工同fd去觀塘搵食，誤打誤撞殺入觀塘工業區Cobber noddle and waffle。好彩今日早入，轉頭即刻爆場！裝修走工業風mix木系，打卡一流。開波先嗌檸蜜醋鮮果沙律加配椒鹽大蝦，啲蝦到卜卜脆。蜜醋酸甜balance得啱啱好。凱撒沙律玩煙肉碎+麵包脆粒；撈勻啲羅馬生菜正斗過癮！重頭戲蒜香蟹肉意粉有驚喜，每條意粉掛滿金黃蒜油，仲搵到重手蟹肉。有樣有內涵。最正係個原味竹炭糯米窩夫，外脆內煙韌仲帶啲椰香，配埋糖醬真係冇得輸！飲品都唔輸蝕，Lychee tonic清甜解膩，杯特濃咖啡加fruity, 口感寕舍不同。埋單人均兩百幾，呢個服務加食物質素，簡直超值。難怪瞬間座無虛席；下次再嚟挑戰佢其他窩夫同pizz先！

喺九龍灣區返工收工都會同同事去附近搵吓啲靚靚Cafe放鬆吓今日特登嚟到美興工業大廈發掘吓啲靚Cafe其實見人哋介紹呢度主打甜品見到人呢度Waffle世一，好有水準咁梗係要食藍莓鮮橙伯爵茶糯米窩夫窩夫外層微脆內裡軟糯伯爵茶香隱約透出椰子雪糕細滑不膩，香味比甜味更深，喜歡冷熱交替的層次感恰到好處香煎阿根廷赤蝦冬蔭功墨魚意粉🍝非常之有驚喜嘅一味菜赤蝦煎得焦香肉質彈牙冬蔭功湯底微辣帶椰香，冇諗過冬陰功味嘅意粉係咁好味墨魚麵反而食唔出份量超乎想像，好抵食自家製千島醬慢煮雞肉Pizza 餅底承托濃郁千島醬慢煮雞肉嫩而不柴，估唔到係大大片的雞胸，放在Pizza上兩人分食剛好鹹蛋黃雞翼（6隻）外皮裹滿沙沙鹹蛋黃碎脆口不油膩雞肉保留肉汁，鹹香入味六隻分量適合二至三人淺嚐整體嚟講都好滿意食物質素好環境安靜，適合一個人hea或者同朋友傾偈價錢合理

百香果梳打第一次見百香果梳打真係俾個百香果你，因為平時啲百香果籽都沉晒落杯嘢度，好難食，但幾欣賞咁樣做，可以刮啲果肉食😍 成單嘢感覺真實啲嚟到好難唔食佢窩夫🧇 我哋嗌咗個新鮮蜜瓜配焙茶糯米窩夫。幾大份，埋新鮮，我自己就唔鍾意食太甜嘅，所以我覺得佢啱啱甜度好另外我想講佢食意粉有得加$8轉蒟蒻意粉，如果你平時鍾意食爽口彈牙啲嘅口感，我覺得都幾值得轉～ 不過蒟蒻卡路里就冇咁高，女士可能鍾意到男士大㾗可能會唔夠飽；不過就肉丸就搭救返～所以我另外就叫咗個炸魷魚鬚，魷魚鬚比嘅炸粉唔厚、算係好薄身，咬落去肉一定多過粉👍🏻

觀塘工業🏭區一向美食多羅羅, 今次黎左呢間食窩夫🧇出名嘅cafe馬蘇里拉芝士焗薯蓉帶子一上菜熱辣辣，薯蓉幾creamy 幼滑，而帶子亦好肥美，表面有一絲絲的芝士🧀口感更加豐富香煎阿根廷赤蝦冬陰功墨魚🦑意粉（辣）赤蝦超大隻，蝦🦐肉新鮮爽甜，蝦頭亦帶有微微的蝦膏甘甜味，墨魚🦑亦很彈牙冬陰功湯味甚濃，可自選小辣/辣/大辣每條意粉🍝都掛上冬陰功的精華，非常滿足！鮑魚海鮮龍蝦汁燉飯2隻鮑魚切成一片片，口感彈牙新鮮，整個飯都用左龍蝦🦞汁烹調，質感不會太濃稠仲有好多粒粒元貝作陪襯，份量非常充足而米飯🍚都粒粒分明，挺飽滿的芒果🥭斑蘭窩夫🧇（椰子🥥雪糕🍦）窩夫新鮮香脆，呈綠色狀態，有微微的斑蘭香味，有新鮮芒果🥭肉增添口感雪糕🍦仲有粒粒椰子肉，有𡁻口幾過癮～記得要淋上椰子🥥醬，味道更加豐富！

有時唔知想食乜，但只要細心搵吓樓上鋪就會可以發掘好多美食，今日嚟到觀塘搵到間好近地鐵站嘅樓上西餐試吓。今日好想食意粉，所以叫咗兩個比較特色嘅意粉，呢兩款意粉都唔係經常咁容易食到。帶子海鮮喇沙意粉、日式明太子大蝦意粉、吉列廣島蠔配黑醋汁、風味鮮奶咖啡、Honeycomb Latte。喇沙味嘅意粉真係第一次食，個喇沙汁好香濃，原來配合意粉係咁好味，帶子鮮甜彈牙。之前食過嘅明太子意粉都唔會好似呢間餐廳咁，個汁係咁掛意粉，而且係勁多汁，配合得相當之好。吉列廣島蠔比我想像中大隻，而且配埋個黑醋汁更加鮮味，風味鮮奶咖啡帶有少少甜味好啱我飲。而個Honeycomb Latte係好特別同香濃，最後食咗個斑斕糯米窩夫，呢種配搭嘅窩夫真係第一次食，入面煙煙韌韌帶着斑斕味嘅糯米，同個新鮮整嘅窩夫非常之夾，今次真係冇揀錯呢間餐廳。

自問係一個窩夫控，知道喺觀塘嘅呢一間Cafe出名的甜品係窩夫，所以今晚同朋友嚟咗呢到食飯。馬蘇里拉芝士焗薯蓉帶子用奶油馬鈴薯蓉，中間係大大粒的帶子，面頭係焗到熔化左的芝士，薯溶入口好濕潤幼滑，而帶子又夠爽口。Cobber 忌廉茄粒醬肉丸意粉肉丸有八粒，幾夠juicy，俾忌廉番茄醬好好味，揀左少辣，剛剛好，意粉口感有驚喜，好彈牙。日式大阪燒配八爪魚 係日式披薩，上面鋪有八爪魚、木魚，八爪魚大大粒，加埋大阪燒醬汁，好惹味。新鮮蜜瓜配焙茶糯米窩夫 我最期待的窩夫，我揀左椰子雪糕，果然無令我失望，外脆內軟的窩夫好香回甘的茶味，加上好甜的蜜瓜，呢個配搭真係好好食。😍😍芒果乳酪碎冰勁大杯，呢個咁熱的天氣飲返杯酸酸甜甜的沙冰真係無得輸👍👍

好朋友生日, 我們在網找到此間多好評餐廳, 便去看是否咁好吃找了少少時間才找到呢間隱蔽的餐廳內面環境原來很舒服, 位子闊落, 我們可盡情傾計大家點了有推薦的茄粒醬肉丸意粉, 黑松露忌廉蘑菇雞肉飯, 仲有蜜糖芥末雞翼先來是小食, 雞翼大大件, 先炸了之後加了芥末汁, 少少辣, 加埋蜜糖真是很惹味另外兩個主菜也是很大的驚喜, 飯淋淋的, 黑松露加上雞肉是很夾, 奶油忌廉很香很滑, 很少這款像意大利飯的菜式可以不太硬至於肉丸意粉大大碟, 真超值, 有成八粒肉丸咁多, 茄粒也是加分不少重頭戲我們點了焦糖香蕉朱古力竹炭糯米窩夫, 店員真是沒介紹錯, 生日壽星很滿意這個窩夫和平日吃的真很不同, 我們第一次吃黑色的甜點, 特別在呢個甜點是用麻糬造的, 所以很有咬口, 朋友最喜歡用焦糖煮的香蕉, 和窩夫一起吃就不會太甜, 雪糕和窩夫一起吃是一絕, 這甜點有很多新創意留意到店內大部分是女性, 證明女生超喜歡甜點, 也估不到樓上舖咁好生意

今日去咗位於觀塘嘅一間高質Cafe。先講個鮑魚海鮮龍蝦汁燉飯真係好有驚喜，龍蝦汁好濃郁，將飯浸到好入味，配搭埋其他海鮮，每啖飯都充滿海鮮嘅鮮甜同龍蝦汁嘅精華，值得一讚嘅就係佢仲會將鮑魚切片，真係好貼心。另外個馬蘇里拉芝士焗薯蓉帶子，佢嘅芝士拉絲配搭埋薯蓉軟綿，帶子鮮甜又彈牙，啖啖滿足。仲有炸魷魚配芥末籽蛋黃醬，魷魚炸得金黃酥脆，咬落去好爽口，芥末籽蛋黃醬好惹味。而佢個新鮮蜜瓜配焙茶糯米窩夫就更讚，蜜瓜嘅清甜同焙茶嘅甘香交織，糯米窩夫煙煙韌韌，好特別，唔會太甜而且又好味。飲品方面，薄荷朱古力咖啡碎冰，薄荷葉同朱古力咖啡融合得好好，冰涼消暑；另外蜂巢拿鐵有淡淡嘅蜂蜜香，奶味同咖啡味平衡得啱啱好。整體嚟講，呢間餐廳環境唔錯，食物款式新穎又好食，性價比都算唔錯，下次經過觀塘一定會再嚟試吓其他美食。