影片
港鐵觀塘站 B2 出口, 步行約7分鐘
繼續閱讀
電話號碼
36893113
附加資料
最後落單時間21:00
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
餐廳嘅位置確實係難搵啲，記住唔使搭𨋢，正正喺𨋢口附近。以前幫襯開係食疏乎厘，都係第一次叫窩夫，冇諗過超出我預期，椰子雪糕比我想像中好食，食完就覺得終於又多一間canteen可以比我蒲。‣ 焦糖香蕉朱古力竹炭糯米窩夫 $108‼️超級推薦‼️真係做到外脆內軟，而且超煙靭好食，有種好似咬緊糯米糍嘅感覺，搭配椰子雪糕係出奇地夾，椰子雪糕嘅椰香加奶味超濃郁，絕對係必食之選。‣ 馬蘇里拉芝士焗薯蓉帶子 $78薯蓉相當綿滑，但係又唔至於好膩，有啲芝士拉絲先有口感。帶子份量還好，如果你鍾意食薯蓉嘅話都值得一試。‣ 蜜糖芥末雞翼 $68呢個一直都係我嘅最愛，蜜糖嘅甜同埋芥末嘅辣平衡得好好，雞翼本身都炸到好脆，肉嫩多汁，唔食絕對會後悔。‣ 海膽意粉 $168‼️超級推薦‼️海膽意粉比我想像中好食，本身好驚腥，結果一啲都唔腥，一邊食，一邊食到海膽嘅香味慢慢滲出嚟。味道嚟講都算係濃郁，但係調味好舒服，就算凍咗食都唔會覺得好鹹。‣ Affogato $42每次見到Affogato都忍唔住嗌，好鍾意嗰種苦甜交織嘅感覺。雲呢嗱雪糕奶味超重，某程度上都算係甜品，好邪惡但係好正。‣ Honeycomb Latte $52焦糖脆餅就咁食都超好食，等唔切佢融係咖啡入面我就已經偷食咗幾嚿，焦糖嘅香真係好上癮。
繼續閱讀
呢晚嚟咗觀塘嘅呢間人氣樓上Cafe，Cafe主打多款意粉、pizza同招牌嘅窩夫甜品，呢晚都食咗幾款😚Cobber 忌廉茄粒醬肉丸意粉呢個招牌意粉嘅茄汁可以揀辣度，我哋揀咗正常辣，又真係辣得幾過癮🌶️ 側邊有幾粒自家製嘅肉丸，咬開都幾Juicy☺️ 我哋仲加咗錢轉蒟蒻意粉，感覺更加健康🫶🏻 日式大阪燒配八爪魚 Pizza呢個係一份8吋嘅pizza，pizza嘅餅底係厚批，但係批邊都係好香脆🍕 呢度嘅八爪魚幾有驚喜，係原隻八爪魚仔嚟架，另外仲有我好鍾意嘅木魚碎。馬蘇里拉芝士焗薯蓉帶子呢個小食有啲邪惡，有非常拉絲嘅mozzarella cheese🧀 薯蓉好綿密，入面仲有帶子。芒果斑斕糯米窩夫呢個口味嘅窩夫幾特別，糯米窩夫質地煙煙韌韌🧇 我哋配咗椰子雪糕同埋椰汁，呢個口味同斑斕味都好夾🥥 側邊仲有啲好甜嘅芒果同埋百香果，整個配搭酸酸甜甜。抺茶鮮奶呢杯飲品好大杯，淨係奶都有五款選擇，我地揀咗脫脂奶同埋走甜🍵呢餐我最鍾意嘅就係窩夫，因為第二度好難搵到呢個口感嘅🧇 非常建議大家嚟呢度要book位，因為好大機會冇得walk in㗎 。
繼續閱讀
Cobber Noddle and Waffle 隱藏於觀塘一座工廠大廈內，環境簡約舒適，帶點日系文青風。餐廳主打創意糯米窩夫與特色意粉，午市更可以優惠價加配飲品，而且免收加一服務費，性價比極高。檸檬蜜糖醋配鮮果沙律：酸甜開胃，水果新鮮多汁，配上清新的醋汁，令人胃口大開。自家製千島醬慢煮雞肉香草Pizza（8寸）：餅底薄脆，雞肉嫩滑，千島醬香濃不膩，香草點綴提升整體層次感。蒜香雜菌意粉：蒜香撲鼻，意粉彈牙，雜菌份量十足，素食者也會喜歡。伯爵茶糯米窩夫：外脆內糯，伯爵茶香濃郁，帶點微甜，茶香與糯米完美融合。斑斕糯米窩夫：色澤吸引，椰香濃厚，糯米口感煙韌，甜度適中。期間限定 - 蜂蜜新鮮蜜瓜碎冰：夏日消暑之選，蜜瓜味清甜自然，碎冰細緻，仲有粒粒蜜瓜肉。橙汁：鮮榨口感，酸甜平衡，清新解膩。總結，餐廳無論是主食還是甜品都見心思，特別適合喜歡探索隱世美食的朋友。
繼續閱讀
喺觀塘返工嘅朋友帶我去食好嘢，聽講呢間係人氣之店，夜晚大排長龍，仲係觀塘名物，不過抽時間晏晝過去就冇乜人。食物: ⭐️⭐️⭐️⭐️⭐️檸檬蜜糖醋配鮮果沙律 $88 +椒鹽大蝦 （+ $20）在炎熱嘅午後，來一道鮮果沙律真係瞬間得到超清新的感受！紅色嘅草莓、橙黃嘅芒果、紫藍色嘅藍莓，青色嘅青瓜，再加上唔同顏色嘅蔬菜，顏色已經十分吸引，少少檸檬蜜糖醋唔會搶走水果和菜的本身味道，非常開胃。加六隻彈牙爽口大蝦，提升CP值鹹蛋黃雞翼 $78超巨型鹹蛋黃雞翼，鹹蛋黃嘅香味撲鼻而來，有六隻咁多，就算多人食都夠share，邪惡就梗係要一齊分擔吓！雖然鹹蛋黃味道未滲到入雞翼，但係脆皮脆卜卜，感覺都不錯。士多啤梨乳酪碎冰 $28 （半價）當日有半價可以享用是日精選飲品一入口酸酸甜甜的沙冰可以喚醒味蕾，增加食慾，配搭乳酪的沙冰，比忌廉更健康及清新，不是單純的甜膩，酸酸甜甜，飲到士多啤梨籽，真材實料芒果乳酪碎冰 $24 （半價）配搭乳酪的芒果沙冰，感覺沒有額外添加糖，飲落健康清新，特別醒胃又非常耐飲，芒果加上乳酪非常搭配🌟海膽意粉真係不得不讚譽一下佢哋嘅海膽意粉，上枱一刻已經聞到香噴噴，食落去嗰一下真係「叮」一聲，每一啖意粉都包裹住金黃海膽醬汁，入口嗰一下係海膽嘅鮮甜，中間會feel到奶油嘅Creamy奶香，最後食到魚子醬嘅鹹香，真係觀塘最強海膽意粉！食完覺得超幸福🌟芒果班蘭糯米窩夫用班蘭汁製作的糯米窩夫，外層金黃酥脆，內裏煙韌軟糯但不粘牙，好似某牌冬甩咁，越嚼越好味。班蘭汁的獨特香氣，加上椰子味雪糕，搭配酸酸甜甜嘅芒果粒真係非常適合，窩夫和芒果的味道相互交融，慢慢係口裏面溶化，鍾意甜啲嘅，加埋蜜糖更加正！環境: ⭐️⭐️⭐️⭐️雖然地點真係比較難搵，但係捐窿捐罅俾你搵到又特別有驚喜，裏面真係別有洞天，餐廳有兩邊位置，今次係坐餐廳最入邊，每一個角落都經過悉心佈置，擺設、書本、掛畫、木製枱凳，氛圍好舒服，空間好大，影相出嚟仲好靚。總結: 除了最強海膽意粉，甜品都係中上級好味，食物份量多，價錢唔算貴，真係好適合一班朋友過嚟享受一餐豐盛晚餐，一定唔會令你失望，算係近期高水準西餐廳！溫馨提示呢間係排隊熱店～中午時分過嚟，冇咁多人之餘，又有充分時間慢慢享受美食、慢慢傾偈。
繼續閱讀
今日星期三夜晚黎到觀塘工廈，一入黎呢間餐廳，估唔到勁多人😳 超旺場！裝修都好靚好打卡able👍🏻 完全係後生仔女會鍾意嘅風格😝用QR Code落單，但都會比實體餐牌你睇👍🏻我地叫左吉列廣島蠔，可點黑醋汁一齊食，幾好食，黑醋汁減低油膩感😝雞肉黑松露意粉，侍應哥哥攞住過黎已經聞到勁大浸黑松露味，超香！！😍 而且好多料，蘑菇雞肉完全唔小氣，最後我地食晒d意粉，但仲剩一堆料🤣茄粒醬雜錦海鮮Pizza，好豐富！上面有d魚子醬點綴，成件事即刻好靚仔🤣😛 而且好大份量，食一件已經飽🙈 好味😋雖然超飽，但都要試佢地嘅窩夫🧇！ 我地叫左個藍莓提子伯爵茶糯米窩夫，唔會太甜，雪糕又正，配埋生果好Fresh🥰蜜桃乳酪碎冰，欣賞呢度嘅飲品選擇好多，有得揀乳酪🤩 幫助消化👍🏻👍🏻
繼續閱讀