CK Legend (已結業)

我係朋友帶我去，佢試過好味。果日係閒曰，walk in，點知八點都full晒。由於我又想試，咁未等下囉，結果差唔多九點先有位！叫左一個餐-蕃茄雲吞，另外散叫羊架。羊架八成熟，好味，唔騷。雲吞一般，d蕃茄汁好濃。個沙律我幾鍾意，有片薄薄的肉片。佢地有個豬仔骨，好大件，果晚見到唔少人叫，睇黎都幾好味。

看了不錯的食評，決定試一試。地方比較淺窄，但食物質素可以。我們叫了牛扒、鱈魚和豬手。豬手很大隻但比較韌，切得好辛苦用了多力才能食完全隻。肉質不夠軟。服務態度相當麻麻。晚餐價錢與其他在元朗的中高價西餐廳相比，質素和服務有改善的需要，暫時未必再去了。

跟J同事還有B同事去吃個早一點的晚餐，原本是去旁邊的homey cafe，晚市仍未開門，就過來試試這間。環境不錯，裝修尚可，像廉價cafe的那種裝修，不過細節做得不錯，枱上還擺了一盤小花時間尚早，只有我們這一枱，要過多一個小時也爆棚。在肉慾攻心的情況下，我們都叫了不同的肉：蝦是即炸的，有些天婦羅的影子。葉菜新鮮爽脆CK Ribs：算是這裡的招牌菜，肋骨烤得鮮嫩入味，是今餐最美味的菜式。烤豬仔脾：肉質有口感，但GRAVY有些淡，配不起豬肉的味道，可以不試。肉眼扒：本來有西冷扒，但缺貨所以有肉眼扒。真有鬆肉粉之嫌，肉味頗輕，一塊薄薄的，雖然看得來很大，但筋多肉腍，完全沒有牛扒的口感和濕潤度，很失望。豆腐慕斯蛋糕：B同事頗為欣賞，輕盈綿密的口感，不過不失的甜品。服務尚算滿意，但食物和環境的質素，真的不值得如此價錢，即使是招牌RIBS，到露比星期二也是差不多的級數，所以應該不會有下次了。

三個月後再黎食，水準進步左好多，麵包大件左脆左，啲湯又好飲左，份量好足，三個人叫唔同餐，一齊分，$150唔使就埋單，咁既質素，咁既價錢，算係實惠，侍應好禮貌，好親切，環境舒適。

媽媽生日，爸爸上OPEN RICE看看有什麼推介，終於選擇了CK Legend媽媽一向好難服侍，但她非常滿意餐廳食身水準。點解？因為1.沒有學生哥，環境較靜、2.食物沒有味精(因為食完不會口喝、3.食物份量及質素高。例如︰三文魚沙津，沒有多餘水、BBQ豬仔骨好味、雞扒脆。最後吃芒果蛋糕，good！真是一個有質素午餐

jan 27, 11,友人話會遲放工............所以我改去元朗食,2人來dinner,叫咗 : 1) 薯仔什果沙律 x 2-用的喺罐頭什果-薯仔又無嘜點調味過,食其原味-可以想像到味道只會好普通2) 是日餐湯 x 2 - 青瓜忌廉湯-質地小"杰"身,但又唔特別食到青瓜嘅清新香味-味道以cream味為主,都ok的-伴來的牛油麵包脆脆地,ok3) 主菜i) ck baby pork ribs (hk$168)-見到喺此店嘅名物,又喺set dinner見到有,不用另外散叫-肉質不夠鬆化,仲有點豬燥味,不過不嚴重,否則就要叫成豬臭味了-也沒有烤到外皮帶微脆-個醬都惹味-整體可以啦-不過同上星期日喺soho食到的,質素差了1大級ii) 香煎菠菜釀鴨胸卷配香橙燒汁 (hk$148)-提示了店員意粉要煮硬點-都叫辦到,不腍,不過同下嘅橄欖油多了,所以有點油膩-個釀鴨胸都ok-最喜歡個橙燒汁,有濃縮橙味嘅香甜4) 甜品 x 2 - 朱古力mousse cake-都幾實在嘅朱古力味-質感黏挺,有點chocolate truffle feel5) 餐飲-友人放棄餐飲-我又叫來1貫的熱檸水-正

今晚是Boss邀請的聖誕聚餐，起初覺得去元朗食飯對我而言，是很遙遠的地方，因為我係住在將軍澳區。但當食完呢頓晚餐後，我就覺得「遠」並不是一個問題，只要是好食，幾遠都值得去拜訪。一行九人，個個都食到好滿足 ! 頭盤是天婦羅軟殼蟹沙律，超好味 ! 脆漿炸得好鬆脆，唔肥膩，軟殼蟹又大隻又多肉 ! 蒜茸包焙得很香佷脆，我哋再encore多兩碟。 南瓜味好濃，好creamy ，味道啱啱好。 好大粒帶子呀 ! 不過就少D，天使麵麵質恰到好處，一個人食都食得晒 !主菜第一味 ：呢種魚嘅煮法好特別，都幾好食，不過忘記了魚名。主菜第二味 ： 羊膝，雖然我唔食羊，不過我D同事食得好開心，仲話一D都唔騷。主菜第三味 ：黑椒豬手，我最鍾意食，因為D皮有好重嘅骨膠原，而且煮得恰到好處，原汁原味。甜品是自家製豆腐慕絲蛋糕，好重豆腐味，味道好清新，唯一小缺點是餅底比較甜。其實我哋仲有食其他菜式，好似燒豬仔骨同埋雜菌蕃茄意大利粉，都好好食。因為D嘢食太好味，所以唔記得影相。因為係 Boss 請食飯，唔知每人幾多$$$，總之就係多謝老細喇 !! 同埋多謝佢介紹一間咁好嘅餐廳，我一定會再次光臨。

(六)約個女食午餐, 11:45 未見有客, 有D擔心(第一次光顧), 所以無期望, 好彩無失望.藓蝦菠菜忌廉意粉 ($56)午餐有蒜蓉包及莧菜忌廉湯, 初時見到缘色湯就當正係菠菜湯, 發覺比菠菜湯好飲, 湯重菜味亦幾滑, 但再熱D更理想. 見到個意粉賣相好普通, 可能係隻碟size剛剛好, 旁邊無配菜, 但食落又幾正, 有5隻蝦, 幾爽口, 個汁忌廉味濃, 令D意粉好滑, 但個湯又係忌廉啊!煙三文魚沙拉 ($50)個女擇沙拉幾好味, 三大片煙三文魚,好香囗, 配菜份量夠多, 混合我喜愛食沙拉時橄欖油, 香而爽口. 最後餐茶我擇即磨咖啡, OK lar, 因我對咖啡要求較高, 可惜無加12蚊試下個甜品, 留待下次光顧時先.值得讚係全日片免收加一, 價錢合理, 服務好, 我二人坐張4人枱, 當日12：30 時已滿坐, 門口有客等位.

入南生圍之前，係元朗搵下有咩好食想試Sweet cafe, 但點知要等位.. 起碼4, 5 個字.. 既然兩間有無試過, 無謂等啦... 有好幾個lunch sets, 我同朋友仔要左1/ 芝士火腿牛角酥配沙律: 感覺好fresh, 牛角酥都夠脆2/ 香橙芝士忌廉汁龍利柳配白飯: 個汁好得意, 橙味得黎又有芝士既creamy.. 還不錯兩個餐仲有忌廉湯配蒜蓉包tim不過可惜個湯唔夠熱, 蒜蓉包又無咩味.. 有待改進餐飲要左熱奶茶, 茶太濃, 有d苦... 可能係lunch time 關係, 環境唔係之前d comment 咁好..

見咁多人話好食於是去試下pumpkin soup完全唔得!!!!!! 太水, 又冇cream味又冇pumpkin味!!食物擺得好似茶餐廳咁, 冇味道可言!!!請我都唔會再去食!

平日下午跟女朋友來吃飯,原本想再食法國雪山咖啡的美味set lunch ga..但月尾冇$..果度價錢又價左dd...行下行下就見到CK...價錢都仲接受到!今次就試下你la~~我叫左龍利柳配香橙汁,女朋友就叫左Carbonara!是日餐湯南瓜忌廉湯,香滑!但我覺得南瓜味可再濃D~龍利柳煎得香,不乾身,配香橙汁食唔錯~Carbonara仲正,夠creamy,意粉仲係al denta~~I like it~餐飲熱啡, 水準頗高, 起碼飲後冇酸味~~下次糧頭糧尾都有啖好食了~~

來到富達廣場西餐三部曲, 來到這一家沒有哭臉的西餐廳試食.一個SET DINNER由128-258也有, 要試一個西餐廳的好與壞在乎它的牛扒弄得如何. 結果我選擇肉眼扒, 說真的, 以二百多食這塊薄牛扒是不值的, 雖然它沒有血水且中間是鮮紅色, 但有一部分的肉是比較"鞋", 以這級數的牛扒, Al Dente的set lunch中的Sirloine Steak比它還要好很多, 而且只要98元便能吃到. 而整個套餐我只欣賞它的南瓜湯, 其他東西只是一般. 最後這個餐館的set dinner沒有加一, 算是為它加了點分吧.

因為西菁街個邊比較遠，好少去個頭食野，原來個度都開左好多餐廳，其中一間就係CK Legend。12點半左右去到，有張窗口位既枱，nice! set lunch大約都係$45-60，還可以吧。order左兩set同媽媽一齊食。首先上既係南瓜忌廉湯，個度每次都係得一款湯供應，我唔係太好忌廉湯，不過佢既款湯南瓜味ok濃，不錯。媽媽order既係白菌汁雞脾仔配薯菜，佢個度好多汁都係忌廉汁黎既，見到有頗多既菌，雞脾仔都幾入味，薯角就好好味。我既係香橙忌廉汁龍脷柳配意粉，個汁幾重香橙味，少少甜唔會酸，龍脷柳都唔錯，媽媽話白菌汁配意粉好食d。個度d食物唔會好大份，熱飲細細杯，不過見到隔離枱既凍飲就幾大杯下，加多$12可以有豆腐mousse cake，不過冇試到。埋單走人個陣差唔多1點半，見到都有唔少人等位，睇黎都有班捧場客。

這一年富達廣場的新食店真是充滿驚喜，如年頭的雪山咖啡、近期新開的Homey Cafe，還有這間頂了前身甜甜咖啡的CK Legend。　其實餐廳已開業數月，一早應該來試了，之前只是被Homey搶了風頭。抵達店內，發覺環境較前身改善了，較為優美又沒以前那麼逼。看一看午餐menu，取價與前身相約，都是走的親民路線；選擇則沒以前的豐富，然而質素卻是精進了不少，介紹如下：　是日餐湯-要了三份午餐，配的都是指定的木瓜忌廉湯，拌以蒜茸包上檯。首次試飲木瓜湯，其實就似南瓜湯的變奏，滋味甜美可喜，大家都很喜歡；蒜包又夠香脆可口，整個組合幾美味的!　紅酒雞扒($50)-向來對雞扒興趣不大，但見鄰桌的出品香噴噴的怪吸引，又要了一份。除了雞扒煎得外脆內嫩，香口美味，也要讚佐吃的紅酒汁十分濃郁吸引，似是加了肉類汁液慢熬而成，其豐富美味絕對為雞扒加分不少!　煙三文魚莧菜忌廉意粉($56)-大廚很有心思，將煙三文魚擺放如花，賣相精緻吸引；此外底下的意粉口感不錯，拌以香濃忌廉醬汁，還有足料的莧菜、雜菌、車厘茄等，口味豐富又和諧，又一款色香味俱全菜式! 　香煎豬頸肉配白菌汁($52)-首次吃如此厚切的豬頸肉，外層微脆香

朋友生日, 佢話想試下呢間, 膽粗粗入左去試下。是日叫左個蟹肉長通粉, 一個豬肋骨, 一個凱撒沙律, 兩杯沙冰, 一個炸的小食。個通粉味道唔錯, 肋骨就可能因為試過太多間, 呢間比起黎唔算特別好食, 個cesar 都幾好。不過, 我今次主要唔係想講d食物, 而係服務。餐廳之中有一個女待應明顯係新手, 客人問佢野唔多識答, 幫我上杯飲品時唔出聲放左係我手肘旁邊, 差d打反了.......男的那個也不好得多少, 旁邊的一班人點了牛排, 切開黎差不多是全熟..........有一位女仕問位待應: 我地叫左5成熟, 而家好似太熟了, 唔止7成......"點知個男仔都有d禮貌答佢: 係5成, 我地呢度5成係咁樣, 下次可以再叫生d"我心想.....嘩, 下次我黎要叫生牛排先得.........真係0晒.......不過, 故事還未完......我的飲料之中有好多膠碎片.........應該係佢打碎d冰時有d雜物混左入去.......不過我見飲左大半, 都沒有要換了, 只係埋單時題一下他們。最後, 佢地有個老闆主動減左我兩杯飲品錢, 都算係唔錯。 總括黎講, 早計味道還合格既......