Chroma Cafe + Kitchen (已結業)

來過這𥚃lunch有兩次，是名符其實的藝術cafe，皆因cafe外另外一邊便是賣畫具、藝術用品的地方。裝修都是走無印風的簡約路線，連menu都是超簡約 — 選擇不多，而且採取self service，所以我覺得它的價錢定位算蠻貴的。不過lunch set是買三送一就正常價啦，所以這天有四個人便過來吃lunch。上次食過蒜片大蝦扁意粉，味道以及大蝦的質素很不錯，一個set連湯或沙律、飲品、以及甜品（上次吃是西瓜）。這天餐湯是南瓜湯，非常creamy及香甜，大家都對它有很高評價。主菜叫了明太子帶子意粉，點餐時店員說有闊條麵，所以我想説試試新配搭啦。怎料我便由12:50等到1:30，我的同事都吃完了，第一次詢問店員時他説闊條麵要煮久一點，但總不會煮過20分鐘吧。是到第三次追單，店員才説「咁呢碟比你先」...我不知道它是漏單還是甚麼原因，但有總覺點失望。至於我的闊條麵，我咬下去仍覺得很硬，早知跟我同事吃扁意粉...其實味道上它是很ok的，上次來吃也很喜歡它這𥚃的環境，不過這次用餐體驗真的很一般，叫人有點卻步。

Seared Scallops Spaghetti in Mentaiko SauceI can't believe that the set comes with a pumpkin soup, a hot green tea and a chocolate dessert.😚😚As most set lunch only either got a drink or a soup

這是一間位於觀塘工廈的cafe，屬自助形式除了食物，有一半的空間是賣美術用品，應該文青人士會很喜歡叫了一個set，份量大，有湯、意粉、餐飲&甜品，都只是$78，經濟實惠，味道也不錯.Chroma Cafe + Kitchen觀塘興業街19號明生工業大廈8樓

觀塘真係好多工廈餐廳,今次去左呢間商店同餐廳合併的地方,餐廳的一邊是買不同類型的畫畫用品,而另一邊是餐廳。好有文青FEEL~餐廳以淺木色的桌椅,感覺好舒服好悠和,因為時間尚早, 大約晚上6點幾到,人不多,係呢度食野真係幾舒服。而且一個set不貴,大約90-100元左右,有前菜,主菜, 甜品同飲品。性價比高~

地方夠大寬敞, 有空間感, 一個適合大夥兒飯敍的地方餐廳以自助形式經營, 店員態度ok, 但缺乏左親和感覺.餐廳另外一邊設有買賣水彩油畫工具,但又沒有介紹可能有工作坊可給客人參與

餐廳位於工廠大廈入面，好有尋寶感覺。最特別係其實餐廳同時係售賣畫具地方，大家食飽不妨行一行。講回食物，當日點了2個套餐。一個係番茄雞肉義大利飯，$78。另一個係牛扒餐，就係$128。跟餐都會有一杯飲品，如果要轉特飲就要加錢。仲由一個湯，同埋一個小甜品。番茄雞肉義大利飯軟硬度適中，米不會太淋似糊仔，調味都可以，平平實實的一個飯。說不上驚豔，但係一啖又一啖，好快就食晒。而且不會過份濃味，令人覺得口乾。牛扒就普普通通，調味同味道同茶餐廳扒餐相似，不過一d都唔會硬，唔會鞋口。最好味就係忌廉蘑菇湯，好香濃，又好滑。套餐雖然有齊餐飲、小甜品同主菜，但係份量係比較小，作為晚餐，女仔只係7成飽，男仔就真係一d都唔夠飽啦！所以我會推薦係黎呢度食lunch。環境坐得舒服，唔會好逼，又唔會好嘈。

公司樓上，知道仲貴過Howe, 都試吓咁啦。入門後感覺闊落舒適. 在坐都係斯文OL. 櫈無背關係, 好大空間感。行左去櫃面落單，拎住提示器等食物。叫咗個墨魚扁意粉。個d墨魚好新鮮喎，觀塘好少何食到d咁新鮮嘅墨魚！好味！個墨汁意粉堅黑, 入口好香！成一仲有個雜菜湯送, 雜菜湯裡面有通粉, 通粉爽口，有驚喜仲有個一口小甜品送。成件事好完整，感覺幾好，雖然價錢貴少少, 雖然d畫畫工具唔太關我事，想食好少少嘅都可以考慮黎呢間！

諗住呢度個環境幾好，叫左一杯$36既野飲坐下先，之後諗住再叫多個餐食意粉，問佢我可唔可以減番杯野飲錢再加叫個餐食，佢話唔可以，咁我就話"咁就叫個意粉啦咁""88蚊"我望一望個餐牌，同叫個餐一Q樣!佢仲問我"飲d咩呀?""其實你明唔明我想問無咩?""一個餐係包埋野飲""咁唔要個野飲幾多錢?""88蚊""咁我唔食喇!"講野1999 仲話咩文青餐廳! 條友同廢青一樣唔知做乜!比錢請我都唔會黎呢間廢青餐廳! 再問同行朋友d野好唔好食，問佢食左d咩?" 香煎雞肉配忌廉汁蘑菇飯 78蚊!"我頂你個廢! 擺到明係KFC 蘑菇雞皇飯!!"仲要Kfc好似好食d!"你好唔好意思賣個 蘑菇雞皇飯 仲要用78蚊!??!係~~~ 你可以話，百貨應百客，冇人揸住支槍叫我去食， 但你好唔好意思賣一個蘑菇雞皇飯要78蚊呀 DLLMok 我再講下我飲嗰杯咖啡， 淡而無味 ,飲落好似一杯水 ! 完全將咖啡本末倒置! 如果呢間嘢叫做冰室個感覺會好啲 ,但而家具標榜話佢一間cafe… 呢間嘢我蛇咬都唔會再來!

其實今次既食評係寫緊上兩個月既餐單。之前都黎過一次，今次係翻兜，當日下午茶時間上到去有好多位，就入左去坐。上菜速度都幾快，等野食時，去左隔離個art corner睇下d美術用品。之後上菜了，個擺放好精緻。最鐘意係佢既帶子明太子意粉，因為佢真係好有層次。賣相同味道都係一流，只不過餐牌張相影得麻麻地。個湯都幾滑又濃，檸茶夠晒大杯。最驚喜係個魚柳，勁大塊，超抵食。感覺係二人份量的魚柳，味道好、加上即炸既香脆感，價錢都仲係好平，真係不得不讚。至於個甜品，就差左d。總結：味道好，可以再戰。

本身係個鐘意畫畫嘅人，黎到呢度見到有咁大個空間賣畫具本身已經好開心，估唔到食物都好有驚喜行定一圈之後，就去叫嘢食了，呢度係去櫃面點餐，然後由廚房煮好再送過黎嘅。首先係意粉～份量唔算大，下午茶比較適合。佢落左明太子、蟹子、帶子、菇，味道出奇地夾，唔會鹹，又脆卜卜，真係好鐘意食呢個，推介呢個價仲包一個湯/沙律、一杯嘢飲同一款甜品。 是日餐湯有落煙肉，好香口啊飲品就叫咗凍檸茶，幾好不過個甜品就麻麻地，如果可以轉就perfect啦另外仲叫咗個炸魚柳，$78超抵，好大塊 啲薯仔嘅皮脆卜卜，入面啲汁又鎖住咗 一啲都唔乾 呢個都係好好食，個檸檬source都好夾值得一提係佢地個餐牌有圖提供，不過影得麻麻，所以一開始個expectation唔算太高，不過出到黎嘅食物好有驚喜，所以希望個餐牌可以整靚啲！人均80$就有前菜、主食、飲品、甜品，唔錯

I have been coming to this place regularly for lunch with my colleagues in the past year or so until they temporarily closed for renovation in July. The cafe reopened in August. Instead of a full service restaurant as it used to be, it's now more of a self service cafe. This reflects in its pricing which is much more reasonable and in line with other eateries in the Kwun Tong area than before. The new lunch menu is a selection of pasta/risotto/salad/sandwich. They all come in sets which include

難得同同事都無帶飯，決定去搵啲新餐廳試下～呢間喺工廈樓上嘅cafe就係今日嘅挑戰對象啦哈哈～ 上到去其實幾surprise因為好文青feel，而且特別在個餐廳係同畫室係一齊的，所以食完或者等食中途中都可以有野行下～感覺同一般樓上cafe好唔同～（不過畫具就相對貴，所以都係專心食野啦） ------------------------ 講下個餐先，其實呢個價錢（$128再加一）lunch黎講係有啲貴嘅⋯有湯/沙律/芝士脆條揀，不過去到果時可能晏啦，湯同沙律都賣晒，得番芝士脆條…雖然有啲sad但係脆條都ok嘅，幾夠芝士味，但唔係太脆，當無咁熱氣啦，唔大影響嘅～ 叫左個雜菌海鮮意大利飯同埋latte，個意大利飯有兩隻大蝦🦐再加埋廚師特別裝飾過隻碟，所以賣相係幾靚嘅～味道黎講菇味唔係特別明顯，但飯硬度就剛好唔會太爛，汁都幾杰身可以包得到啲飯，感覺都係唔錯嘅，只係恕小女子直言，性價比相對真係唔太高… 至於杯latte，拉花好靚，啡味亦夠係幾好飲的🏻～不過如果要再黎，應該要比少少時間考慮…又或者淨係黎飲杯野傾下計啦⋯⋯ ----------------------- 好味指數：7/10

細佬正日生日，一家人去Chroma Cafe+Kitchen同佢慶祝一下。Chroma Cafe+Kitchen一部分除咗係餐廳外，另一部分係售賣畫畫嘅物品，整體裝修比較簡約，感覺幾舒服。原先想叫炸魚薯條同水牛雞翼食住等齊人，點知雞翼賣哂、炸魚又賣哂，轉過頭諗住淨叫薯條食，又賣哂。。。小食款類唔多，好多都賣哂，最後唯有叫蒜蓉包。之後叫咗兩個2人餐，再加凱薩沙律、特式漢堡、羊架同心太軟。落order都無講清楚是日餐湯係咩，係上菜時聞到一大陣薑味再自己估。傳統肉醬意粉賣相欠奉，放低已經係咁樣。一般會將意粉放底，肉醬放面，依度上菜前已經簡約地撈一撈，以為已經撈好，食到底先發現原來仲有大量肉醬喺底。羊架本身不錯，無羶味，肉質幾嫩滑，可惜墊底嘅沙律菜有小部分係爛嘅。特式漢堡嘅漢堡扒不錯。整體食物水準ok，唔算差，但無乜邊款可以令我有深刻印象，店員應該要留意下食客嘅進食情況再安排之後嘅上菜進度，而且有部分時間店面係無店員在場。。。。。

繁忙中的一點色彩眾所周知觀塘中業區是何其繁忙任何時間都是人和塞車..令人透不過氣今天, 一位知道我喜歡畫畫既朋友介紹我到Chroma Cafe + Kitchen 試試Chroma是一家以顏色為題的餐廳一邊是賣顏料以及素料而另一邊是餐廳  而餐廳的一角有一個將客人畫畫的地方非常特別 而張桌上都擺放著彩色餐巾及餐牌令餐廳的色彩更濃厚 而食品款式也令我花多眼亂LATTE看到徵美的拉花冒令我心廣神怡咖啡及奶味平衡 相當不錯龍蝦湯味道濃郁濃味於口裡久久不散  而主菜我選擇左龍蝦汁帶子偏意粉帶子煎得8成熟, 鮮甜彈牙偏意粉硬度適中 而每一條也沾滿龍蝦汁口感非常creamy 在繁忙的人生中, 找到一個舒適空間休閒一下真是可大大減低工作壓力

今日去咗觀塘做乜😆😆梗係嚟食好西😜😜喺百忙之中都要食番餐好嘅😢😢 今次有好姊妹介紹特別推介一間新餐廳🍝 食物有酒店級水準而且仲好有藝術感添🎨 ，不單只食物質素高🔝🔝，而且環境仲好高雅💞💞前菜炸芝士波真係超級好食田園沙律十分新鮮佢哋嘅咖啡質素真係大師級😉😉😉 呢杯玫瑰拿鐵喺用優質咖啡豆烘焙的 ☕ 未飲個樣同香味都已經冇得輸呀👍👍💖💖💖 呢碟魚真係無敵呀~💞💞你睇下成件藝術品咁樣， 唔只睇得而且仲好好食添 😍😍 魚肉好滑仲冇一陣腥味🐟 味道不得了，成碟菜式好似藝術品咁真係好有特色😊😊牛扒美味肉嫩好嚼口， 漢堡包係我至愛，真係好好食。下次會再同朋友試下午茶，一定會再來